أيمها أفضل أشري طير فرخ ولا قرناس هوا

[فهد ابو ماجد]

السلام عليكم يا اخوان ابي والله نصيحتكم ان كانا من الحيين انشاء الله اي احسن الواحد يشري طير فرخ والا قرناس هوا:s

[أبو خاااالد]

وعليكم السلام والرحمة

الي يريحك

بس انا انصحك بالفرخ

[دعاس]

نصيحه لوجه الله خذ فرخ يكون وافي وشف اللي وجهه حي ولايهمك الريشه والوحش ابعد عنه يبغى له صقاره مضبوطه واكثرهن فشلن من كل سنه اما(الوغيد) تطبعه على كيفك وان شاء الله اني فدتك
ابونواف

[فهد ابو ماجد]

بيض الله وجيهكم يا ابو خالد ويا ابو نواف

[راعى شاهين]

كم فلوسك اذا فلوسك واجد خذ من طيور مجيرمه الطيبه ام اذا هى وسط خذ للك طير بيتى طلع وركاده وجناح طيب من الربع الى تعرفهم وتقبل مرورى

[راع طلاع]

خذ فرخ وافي

[راعي غضبان]

ان كان جديد في الصقاره البيتي الراكد الصايد ابرك لك من الوحوش وان كان عندك معرفه بسيطه الفرخ لانه اسهل من القرناس الوحش صعب ويبطي ماطاح الفرخ يطيح بسرعه والله يرزققك الطير الطيب

[مولع بالطير]

افادوك الاخوان والله يرزقك بالطير الي يسرك

[عاشق التوام]

أخوي أبو ماجد الفرخ في هالأيام ماينفعك بشي على ماقالو جني عش لكن إنتظر فروخ شهر 8 تكون طارت من العش وتعلمت هذا الكلام بالنسبة للوحوش أما فروخ المزارع كلها مثل بعضها فرخ اليوم وإلا فرخ بكره ويفيدونك أهل الخبره بالمزارع والتفاريخ فيها إن شاء الله وأما القرانيس لاتفكر فيها إذا الفروخ حاضره لانها راعية كيف بالذات الوحوش ويبيلها طولة بال.

[صاحب نوماس]

اخوي اذا ماعندك خبرة كفاية عليك بالفرخ


اما اذا عندك خبرة كافية القرناس

[حمد العذبي]

كم فلوسك اذا فلوسك واجد خذ من طيور مجيرمه الطيبه ام اذا هى وسط خذ للك طير بيتى طلع وركاده وجناح طيب من الربع الى تعرفهم وتقبل مرورى

:good2: :good2: :good2:

[أبو رداد]

ان كان جديد في الصقاره البيتي الراكد الصايد ابرك لك من الوحوش وان كان عندك معرفه بسيطه الفرخ لانه اسهل من القرناس الوحش صعب ويبطي ماطاح الفرخ يطيح بسرعه والله يرزققك الطير الطيب
أتفق مع أخوي راعي غضبان

[ريش النعام]

احرص على الفرخ اللي ريشته حلوه وسره حلو ولا تأخذ الا القليل ال16 ونص وحوله
لانه لو عيا عن الحبارى تشفعلك ريشته وسر الطير بالبيع
والقرناس الوحش حلوووووووووو بالحيل بس يتعبك ..
هذي وجه نظر يمكن ماعندي سالفه وعسى الله يوفقك.
تقبل تحياتي:ابـــو عمــر.

[طير الهقاوي]

ان كان جديد في الصقاره البيتي الراكد الصايد ابرك لك من الوحوش وان كان عندك معرفه بسيطه الفرخ لانه اسهل من القرناس الوحش صعب ويبطي ماطاح الفرخ يطيح بسرعه والله يرزققك الطير الطيب
احسنت يا راعي غضبان هذي خلاصت الاجابه
وتقبل مروري

[أبو أمين]

قرناس وحش دهل وهد

[عتيج الصوف]

الفرخ عجينه .. والخلوي صعب يبله طولة بال ...

[نايف العويمرى]

السلام عليكم ورحمة الله وبركاتة
الصلاة والسلام على رسول الله






نصيحة ,,, منى لك اسأل مجرب اخذ قرنااس صيد وعلومه طيب بس لا يكون كبير بالعمر اخذ بكر او ثنو ..
الاول الوقت اخذه واذا فيه الحين تلاقه فى المرابط ,,,,,,ودهل اول الوقت وهد ,,,ونشألله تصيد وتفيد ,,,,,وذا فرخ يتعبك اول والوقت .......مايمديك تدهله ولى فيه شى ماتدرى يصيد معك ولى مايصيد ,,,,,, ولى تشوفه


مجرد وجهة نظر.....,بالتوفيق الله يرزقاك ,,,,,,,,,,


تـــقــبــلـوا : تـــحــيــااتــى نـــــا يــــــف الــــعــو يـــمــرى

[zais]

الفرخ لايغرك بصفت الريش وطير الحباري ياريش العين قرناس

[وشــــام]

السلام عليكم

ماقصروا الاخوان لكن وجهت نضري :( الفرخ زين تعلمه على كيفك لكن المشكله اذا جا وقت الهداد لك فرصة وحدة يهد او مايهد وبعده تبدا الاعذار للطير مايعرفه ما شافه او الخوف من الحبارا الا اذا معك بيتي ذابح يصير شي ثاني .)
اما الخلوي مثل ما قالوا الاخوان دهل وهد وبأذن الله يبي ينومسك بس يبيله طولت بال وتدهيل وتركيد ومايخلو من بعض العذاريب مثل الحومة والنقل بس يطربك بالهداد لا تكلم الربع وتقول اعزلولي باذن الله هاد فصيل .

وعسى الله يقسملك اللي به الخيرة لك ولا تنسى صلاة الاستخارة

تحياتي

[ناصر الحمد]

مساك الله بالخير يابوماجد

انت يابوماجد مالك تعلوم بالطيور

لاكن مشاركه مني اقولك خذ الفرخ وتشبب وستانس يجيك على المزاج

[الطبشي]

قرناس والا فرخ كلها مافيها كلام لاكن اذاعندك او عند واحدمن ربعك قرناس صايد خذ لك فرخ وعلمه والله الله با الوافي الي وجهه حي الله يوفقك 000

[عوق الخريش]

بسم الله الرحمن الرحيم ,,
السلام عليكم ورحمة الله وبركاتة :
حيااك الله أخوي الغاالي : فهد ابوماااجد ,,
يعطيك العاافيه والله يبيض وجهك ياكحيلان على هذة السؤاال المفيد للجميع لآهنتــ ,,,
باالنسبه لي أنااا جربت هذا وجربت هذا عليك والله باالفرخ وسبني وذمني فيه ,,
بشرط يكون فرخ مطروح باالسعوديه أومن الطيور التي تجلب من روسيا واباكستان وأسال مجرب ,,


تحياتي لكـ ....وشكراّ,,

أخوكـ

( عوق الخريش )

[ابو نايف 3993]

رايي من راي اخوي راعي غضبان

[فهد ابو ماجد]

السلام عليكم ورحمة الله جمعيا واشكركم على ردودكم الطيبه0 بالنسبه لسوالى بخصوص اخذفرخ ولاقرناس
لأن كل طيورى الى قنيتها بيتيه وابشركم عندى طيرسبوق وصايد ولله الحمد امابالنسبه للفرخ او الخلوي ماعمري صقرت الاشياهين للكراوين0 سؤالى بخصوص اى احسن فرخ ولا قرناس ودي اخذ حرولاادري وش اخذ فرخ ولاخلوى وابي اخذنصيحتكم بأنسبه للحراربحكم تجاربكم وخبرتكم

[عزوتي وايل]

أن كانك مب جديد ع الصقاره خذلك قرناس هوا أيراني أفحج قصير كراع على ماقالو تو ماشالوا قطابه من عيونه وهده حتى على أبو حصين ماعندك مشكله يطربك.

[فهد ابو ماجد]

بيض الله وجهك ياابو محمدحفر الباطن