ماهي الاسباب اللي تمنع السمك يضرب بالميدار ؟؟

[asdali]

السلام عليكم ورحمة الله وبركاته


الحمدلله لي شهر وانا احاول كل خميس واحيانا خميس جمعة انا اتعلم الصيد بالخيط والى الان ما الله اراد والحمدلله

لا بد هناك اسباب بعد مشيئة المولى واتمنى العارفين بها الامور المشاركة ,

الخيط اللي معي مقاس 40 والميدار 15
الطعم حبار

الصراحة ارمي ولله الحمد اقل من دقيقة واحس بالخيط ينسحب والطعم ينتش بقوة مرة ياكل الطعم ومرة مايقدر عليه لكن مايضرب ابد وعلى هالحالة وابغى اعرف الاسباب مع العلم اني استمتع جدا انا والعائلة بالرمي والسحب . .

وشكرا

[كنعد]

اتوقع انك تستعجل

يعني اول ماتحس بظرب سمك تسحب اشوي وهذا يخلي الاسمكة تخاف وتتردد في الاكل

حاول تخليها تاكل على راحتها وانشالله ربي يوفقك

حاول تكبر ميدارك اشوي لان 15 صغير واجد

اخذ 13

[accentkool]

لمن تجي تاكل الطعم انتشها بنفسك وبالتوفيق

[ساموراي]

لا تسحب بسرعه خليها على راحتها
وأهم شئ كبر اللعفه وفالك الناجل

[ابوميدار]

هلابك يالغالي
اتوقع المكان اللي انت فيه سمك صغير
ف الميدار اللي تستخدمه مناسب لهم والطعم خليه على قد الميدار... فــ انت تحسس بالنقده من تنقد انتش معاه بنفس الوقت بس مو تشد بقوه يعني بقوة نقدتهاا .. و اتوقع مع النقده يعني لو جاتك نقدتين ورا بعض وماشديت معاها ف اتوقع انها بتنقد ثالثه ف شد قبل تنقد وان شاء الله تضرب معاك بنفس الوقت وتفررح العيال فيهاا ^_* لانها راح تكون سمييكه صغيروونه "" ملاحضه تركيبة الطعم خللي راس الحربه باين صغير مره
وبقولك شغله راح تفيد معاك والنقد ابد مايوقف تسوي خلطه انا اسويها واحصل خير من وراها
الخلطه
طبعا الطعم اللي عندك سواء كان روبيان او خثااق
بس انا الاغلب استخدم روبيان
الخلطه
(الروبيان حطه بكيس او صحن و حط عليه انواع البهارات الاكل و شطه وخلطه بإيدك و لو في شبزي حطه بس ما اعرف اذا تعرف الشبزي لان رييحته قوووي مرره وماتفك من ايدك الله يعينك ههههههه يعني اي شي فيه ريحه قويه حطه وشوف كيف النقد
مووفق ...
واذا تبي شي كبير كببر الميدار بــ رقمين وكبر الطعم شوي وارمي بعييد ومايحتاج انك تششد لان السمكه الكبيره تنصاد روحها بروحهاا ملاحظه 2 "" مايحتاج يبان راس الحربه للشيء الكبير
بالتوفييق
و اي اسأله حاضرين

[نبض الحياه]

بتوفيق اخوي بس لا تستعجل

[asdali]

اتوقع انك تستعجل

يعني اول ماتحس بظرب سمك تسحب اشوي وهذا يخلي الاسمكة تخاف وتتردد في الاكل

حاول تخليها تاكل على راحتها وانشالله ربي يوفقك

حاول تكبر ميدارك اشوي لان 15 صغير واجد

اخذ 13

والله مرات استعجل ومرات انتظر . كان الميدار السابق اكبر بس شفت بعض المواضيع والردود في المنتدى تنصح يكون الميدار اصغر

وتسلم

[asdali]

لمن تجي تاكل الطعم انتشها بنفسك وبالتوفيق

حاولت كثير اخوي بس ما الله كتب والحمد لله

تسلم

[asdali]

لا تسحب بسرعه خليها على راحتها
وأهم شئ كبر اللعفه وفالك الناجل

جربت اكثر من طريقة مرة اغطي الميدار بالطعم ومرة اخلي راس الميدار مكشوف شوي ومرة والله يرزقنا الناجل ومشكور اخوي

[asdali]

هلابك يالغالي
اتوقع المكان اللي انت فيه سمك صغير
ف الميدار اللي تستخدمه مناسب لهم والطعم خليه على قد الميدار... فــ انت تحسس بالنقده من تنقد انتش معاه بنفس الوقت بس مو تشد بقوه يعني بقوة نقدتهاا .. و اتوقع مع النقده يعني لو جاتك نقدتين ورا بعض وماشديت معاها ف اتوقع انها بتنقد ثالثه ف شد قبل تنقد وان شاء الله تضرب معاك بنفس الوقت وتفررح العيال فيهاا ^_* لانها راح تكون سمييكه صغيروونه "" ملاحضه تركيبة الطعم خللي راس الحربه باين صغير مره
وبقولك شغله راح تفيد معاك والنقد ابد مايوقف تسوي خلطه انا اسويها واحصل خير من وراها
الخلطه
طبعا الطعم اللي عندك سواء كان روبيان او خثااق
بس انا الاغلب استخدم روبيان
الخلطه
(الروبيان حطه بكيس او صحن و حط عليه انواع البهارات الاكل و شطه وخلطه بإيدك و لو في شبزي حطه بس ما اعرف اذا تعرف الشبزي لان رييحته قوووي مرره وماتفك من ايدك الله يعينك ههههههه يعني اي شي فيه ريحه قويه حطه وشوف كيف النقد
مووفق ...
واذا تبي شي كبير كببر الميدار بــ رقمين وكبر الطعم شوي وارمي بعييد ومايحتاج انك تششد لان السمكه الكبيره تنصاد روحها بروحهاا ملاحظه 2 "" مايحتاج يبان راس الحربه للشيء الكبير
بالتوفييق
و اي اسأله حاضرين

الله يجزاك خير اخوي بحاول اطبق بعض التعليمات اللي ذكرتها

لكن عندي سؤال لسمك الشاطيء ما يضرب لوحده ابد يعني لازم يشد وانا واشد لين يضرب ولا لو تركته ممكن يبلع الطعم ويشبك لوحده ؟

مشكور

[asdali]

بتوفيق اخوي بس لا تستعجل

ابشر وتسلم على المرور

[ليه يا زٍمن]

يا سبحان الله نفس الي صار معي يوم بديت الصيد


كان أحس بالدق بس السمك ما يعلق .. والمشكله فيه صيادين على يميني ويساري والوضع ماشي معهم والصيد وفيير


مافيه الا انا متوهق خخخخخخ



لاكن بالأخير أكشفت الأخطاء الي كنت فيهـآ



1- الميدار كان كبير "مقاسه 8" صغرته الى 14


2- طريقة وضع الطعم خاظئه "صغرت الطعم وضبطته على الميدار"



وم بعدها جا الصيد وأول سمكه تطلع معي أبو شنب خخخخخخ والثانيه جمجام



المهم يالغالي مثل ما قالو الشباب الميدار 15 أشوفه مناسب


بس حاول تصغر الطعم وتقربه أكثر من رااس الميدار



الطعم خله مقاس الأظفر الصغير "اظفر الأصبع"


وان شاء الله تصيد يالغالي


وأعتذر اذاا كان فيه خطأ ولا شئ في كلامي لأني مبتدئ في الصيد



بس ما قلت لنا وين تصيد

[قرقفان]

نفس المشاكل الي تواجه اي صياد في بدايته

اولاً اخوي انت تصيد ع الشاطي

واسماك الشاطي غالباً تكون صغيرة

شعم _ قرقفان _ زمارير _ شعور _ فسكر

مثل ماقالوا الشباب الله يعطيهم العافية

الميدار لازم يكون مناسب من مقاس 13 الى 15 اشوفه مناسب جداً

ولمن تثبت الطعم خليه صغير على قد الميدار

والحربه تكون باين طرفها بس

لمن ترمي سمي بالله واصبر شوي

اول ماتحس النقد جر بشويش واذا حسيتها اعلقت بالميدار شكها بسرعه وطلعها

ولا خليها على راحتها وراح تشك معاك لوحدها

الموضوع يبيله شوية صبر

بس تأكد ان السالفه تستاهل الصبر والتروي

وفالك السبيطي

وموفق خير

[صياد مبتداء]

هلابك أخــوي صــراحة أنا اشكرك على طرح هذا الموضوع لأن مشكلتك مرت علي وعلى كل صياد ..

والدعوة تجربة , يعني تجرب الميدار هذا وشوي ما يعجبك .. لا لا .. أجرب أصغير منه .. يعني شوي يناسب . وهلما جراء . وحسب تجربتي البسيطة وخبرتي . أقولك . فيه طرق كثير ولاكن شف الي يعجبك وترتاح له . أنا جربت طرق كثيرة . وأقول كل طريقة على حسب المكان الي تحدق فية. أذا كان شاطي ولا هو بغزير وأجد يعني من متر الى مترين ولا فيه شير . أستخدم القصبه . وأذا كانت الماية غزيرة أو قص أستخدم الخيط أو الجلب ..

أما الخيط فا طعمك ممتاز : خثاق . حبار . ربيان . قواقع . الخ .

و الـــصـــبـــر مـــفــــتــــاح الـــفـــرج .. و أمــر الله بــســعــة ..

وفـــالــك الــســـبــــيــطـــي و الــهـــامـــور..

[حياتي البحر]

ان شاء الله الشباب فادوك

[ابوميدار]

هلا اخوي asdali
بسألك انت تحط ميدار واحد ؟؟
اذا واحد.. يمكن نقده نقدتين وينوكل الطعم
رككب ميدارين 14 15 او 15 15
ومثل ماقالو لك الشباب خللي الطعم على قد الميدار وطرف الحربه باينه .. وانت ماسك الخيط خللك منتبه متحسس باي نقده مفاجأه ... وسو اللي قلته لك حط بهار بهارات كبسه جيده ^_* عشان تكبس ان شاء الله السمك اللي بتصيده.. وفي طريقه اذا النقد مستمر على طول يعني ورا بعض شد بيدك وارخي شد وارخي بس وتعللق معاك واحيانا تشكها في بطنها او خدهاا هههههه المهم تطللع ... واتمنى اتمنى اذا صدت توريننا اللي صدته ولو وحده تصدق انا متحمس لك والله ولو انا قريب منك كان جيت معك بس وش يجيبني من الاردن لعندك بس ان شاء الله نازل هالاسبوع واذا كنت قريب منك والله لاجي معك
موووفق ننتظر الصييد

[صياد عماني]

اخوى انا اقول لك استعمل ميدار رقم 12 مناسب ولا تسحب الا بعد ما تسحبك السمكة بقوة ويشد الخيط معك وان شان الله راح تصيد واجد موفق اخوى

[asdali]

يا سبحان الله نفس الي صار معي يوم بديت الصيد



لاكن بالأخير أكشفت الأخطاء الي كنت فيهـآ



1- الميدار كان كبير "مقاسه 8" صغرته الى 14


2- طريقة وضع الطعم خاظئه "صغرت الطعم وضبطته على الميدار"



وم بعدها جا الصيد وأول سمكه تطلع معي أبو شنب خخخخخخ والثانيه جمجام



المهم يالغالي مثل ما قالو الشباب الميدار 15 أشوفه مناسب


بس حاول تصغر الطعم وتقربه أكثر من رااس الميدار



الطعم خله مقاس الأظفر الصغير "اظفر الأصبع"


وان شاء الله تصيد يالغالي


بس ما قلت لنا وين تصيد

الله يجزاك خير اخوي ونصايحك في الحسبان انت والاخوان وبكون في المرة الجاية احرص من ناحية الطعم واصيد في جزيرة المرجان بالدمام وكورنيش راس تنورة

[asdali]

قرقفان
صياد مبتداء
حياتي البحر

الله يجزاكم جميع خير

[صياد مبتداء]

هلابك اخوي


ونــتــحراك في كــورنيش رأس تنورة .. مرحبابك ..

وبتحديد عند القصر أول دوار ..

[asdali]

هلا اخوي asdali
بسألك انت تحط ميدار واحد ؟؟
اذا واحد.. يمكن نقده نقدتين وينوكل الطعم
رككب ميدارين 14 15 او 15 15
ومثل ماقالو لك الشباب خللي الطعم على قد الميدار وطرف الحربه باينه .. وانت ماسك الخيط خللك منتبه متحسس باي نقده مفاجأه ... وسو اللي قلته لك حط بهار بهارات كبسه جيده ^_* عشان تكبس ان شاء الله السمك اللي بتصيده.. وفي طريقه اذا النقد مستمر على طول يعني ورا بعض شد بيدك وارخي شد وارخي بس وتعللق معاك واحيانا تشكها في بطنها او خدهاا هههههه المهم تطللع ... واتمنى اتمنى اذا صدت توريننا اللي صدته ولو وحده تصدق انا متحمس لك والله ولو انا قريب منك كان جيت معك بس وش يجيبني من الاردن لعندك بس ان شاء الله نازل هالاسبوع واذا كنت قريب منك والله لاجي معك
موووفق ننتظر الصييد

اخوي ابوميدار الله يجزاك خير وما قصرت وان شاء الله نشوفك قريب

انا اركب ميدار واحد مع قناعتي كل ما زاد افضل لكن ابغى اجرب اصيد اول شي بميدار ثم بعد كذا لو عشر ماعندي مشكلة :)

بالنسبة للتبيلة حقتك خلاص بعتمدها ان شاء الله وباذن الله اصور اول صيد لي .

تحياتي لك ولجميع الاخوان على قدمتوه من خدمة اخوكم

[asdali]

الله يجزاك خير اخوي صياد عماني بس ماكانه مقاس 12 كبير شوي على الشاطي

[asdali]

باذن الله اخوي صياد نلتقي قريب

والله يعطيك العافية

[amam977]

ركب ميدارين 14 13 وأهم شيء ركب الطعم بحيث يغطي الميدار وخلي طرف السن خارج..والحبار طعم جيد..تحياتي

[مشاغب السقالة]

اعتقد انك بتسوى كل شىء تمام بس مشكلتك فى التوقيت
اقصد بالتوقيت هو انك تتخيل السمكة بدماغك وشايفها كيف تاكل تحت وانت تحسها باصبعك ولما تحس ان النتشه هلا انتش وسمى بالله
وانشالله فالك الخير
تقبل مرورى

[ليه يا زٍمن]

اذا أنت تصيد في المرجان فالميدار يكون 15 14 مناسب جدا جدا


بالنسبه للمرجان انا مجرب الصيد فيه .. هو صحيح الصيد فيه وفير بس لاحظت ان الأسماك الي تطلع صغيره ... والأسماك الي صدتها ... قرقفان ... زمارير ... حاسون


وهذي صورت الحاسون "السمكه الي تحت"



http://imgur.com/XwSocl.jpg




المهم ااذا طلعت تصيد مره ثانيه جرب تصيد على طريق المرجان وأنت رايح للمرجان جرب تصيد في الجهه الى على يسارك لأن هناك في قرقفان أحجامه طيبه


لاكن مشكلة هالجهه كثرة سمكة الجم "أبو شنب" متوفر هناك بكثره ودايم يخرب عليك جو الصيد


وبالتوفيق لك يالغلا

[asdali]

الله يجزاكم خير جميع

توني راجع من كورنيش راس تنورة يا اخوان وكان البحر مد لكن السمك الظاهر قليل بالمرة والميدار 14

رميت الطعم مثل العادة وكان حبار وطعمته بالبهارات والكمون وجلست فترة ولا نقد شي ثم نقد بقوة لكن ماشبك بالميدار وحاولت كذا مرة وصدت لي قوقعتين بالميدار وكسرت وحدة وحطيتها طعم ولا قرب لها السمك ثم شبكت معها من الطعم ابوبهارات اللي جايبه معي وبلعها بقوة بس ما لي نصيب والحمدلله .. يا اخي كان السمك يضحك علي :D

http://www.mekshat.com/pix/upload04/images168/mk132664_20100606375.jpg
احيانا احس اني لازم آخذ ميدار 15 او 16 اذا كان فيه 16


مشكورين جميع