طيرحوران
14/05/2005, 07:57 AM
السلام عليكم ورحمة الله وبركاته
يالله صبحهم بالخير جميعا . وبعدين مافيه أحد يسولف إلا أنا عطونا من سواليفكم !!!!!!!!!!!!!!!؟
هذه سالفة قصيرة وطريفة ومفيدة
في بداية الموسم المنصرم قنصوا العيال الصمان وفي أول يوم بعد صلاة الفجر بعد ماتقهو وعينوا خير صوت المنادي أركبو وفرعو وقصو وهدو على ابرق الريش.
وبينما هم يضفون عفشهم وطيورهم ولا من ضمن الطيور هاك الوكرية طيبة وتطلع وذابحة لعل واحد من العيال شالة وكفخت معه وقال لها يمال العقاب .
المهم حركوا وهم يتمشون ويمسحون الأرض والوكرية على التكية يوم والله أنها طلعة وصوت بالجهاز الطير طلع أقضبو تراي با أهد المهم عطاها سبوقها وسوقو وراها ولا يوم كفخت هاك الحبارى والله وتصمل الحبارى وتخق الوكرية تخق يعني تحل . المهم العيال فرعو عن الطير الثاني حر وطلبها وهم مشغولين بشوف الهدد راعي الوكرية جذب وكرية بحمامة ولحقهم وخلاها تعلف ويبي يرجع لها على طول بعد الهدد المكان قريب جدا المهم الطير طرح الحبارى .وستانسو يوم رجع راعي الوكرية للوكرية.
ولاها غاديه كوم ريش ومفهوق راسه عن مناكبها والعقاب يعلف من الحمامة !!!!
المهم صوت للربع وجوك يمشون مليون ولا والله وش يشوفون هاك الطير إللي طلع على الحبارى وهد عليها الحين من أعداد الموتى . لاحول ولا قوة إلا بالله.
المهم يناضرون ويبرقون قال راعي الوكرية للرجال إللي شالها أول مابغو يمشون يافلان الطير يوم شلته وكفخ وش قلت قال هاه ماقلت شيء قالو كلهم إلا بلا قلت يمال العقاب .
والله يوم توهق الرجال وقاله أبشر بالعوض وعطوه طير حر احمر مجاهيم وستانس راعي الوكرية .
بس عقبها قالوا للي دعا على الوكرية فكنا الله يخليك.وصادو بطلعتهم ثلاث حباري في أسبوع واحد ماشاءالله .
ملاحظة على الوكارى ؟ الوكري إذا صاد صيدته وقام يعلف منها ماعاد يناظر إلا العلف يحسب مافيه أحد غيره عكس الحرار والشواهين إذا جت تعلف عين فوق وعين تحت .
وسمحولي على الإطالة. والسلام عليكم ورحمة الله وبركاته
يالله صبحهم بالخير جميعا . وبعدين مافيه أحد يسولف إلا أنا عطونا من سواليفكم !!!!!!!!!!!!!!!؟
هذه سالفة قصيرة وطريفة ومفيدة
في بداية الموسم المنصرم قنصوا العيال الصمان وفي أول يوم بعد صلاة الفجر بعد ماتقهو وعينوا خير صوت المنادي أركبو وفرعو وقصو وهدو على ابرق الريش.
وبينما هم يضفون عفشهم وطيورهم ولا من ضمن الطيور هاك الوكرية طيبة وتطلع وذابحة لعل واحد من العيال شالة وكفخت معه وقال لها يمال العقاب .
المهم حركوا وهم يتمشون ويمسحون الأرض والوكرية على التكية يوم والله أنها طلعة وصوت بالجهاز الطير طلع أقضبو تراي با أهد المهم عطاها سبوقها وسوقو وراها ولا يوم كفخت هاك الحبارى والله وتصمل الحبارى وتخق الوكرية تخق يعني تحل . المهم العيال فرعو عن الطير الثاني حر وطلبها وهم مشغولين بشوف الهدد راعي الوكرية جذب وكرية بحمامة ولحقهم وخلاها تعلف ويبي يرجع لها على طول بعد الهدد المكان قريب جدا المهم الطير طرح الحبارى .وستانسو يوم رجع راعي الوكرية للوكرية.
ولاها غاديه كوم ريش ومفهوق راسه عن مناكبها والعقاب يعلف من الحمامة !!!!
المهم صوت للربع وجوك يمشون مليون ولا والله وش يشوفون هاك الطير إللي طلع على الحبارى وهد عليها الحين من أعداد الموتى . لاحول ولا قوة إلا بالله.
المهم يناضرون ويبرقون قال راعي الوكرية للرجال إللي شالها أول مابغو يمشون يافلان الطير يوم شلته وكفخ وش قلت قال هاه ماقلت شيء قالو كلهم إلا بلا قلت يمال العقاب .
والله يوم توهق الرجال وقاله أبشر بالعوض وعطوه طير حر احمر مجاهيم وستانس راعي الوكرية .
بس عقبها قالوا للي دعا على الوكرية فكنا الله يخليك.وصادو بطلعتهم ثلاث حباري في أسبوع واحد ماشاءالله .
ملاحظة على الوكارى ؟ الوكري إذا صاد صيدته وقام يعلف منها ماعاد يناظر إلا العلف يحسب مافيه أحد غيره عكس الحرار والشواهين إذا جت تعلف عين فوق وعين تحت .
وسمحولي على الإطالة. والسلام عليكم ورحمة الله وبركاته