موضوع للنقاش طرح الطرادات في هذا الوقت

[المهاجر 1]

السلام عليكم ورحمة الله وبركاته

مساكم وصبحكم الله بالخير

حبيت أني أشارك في موضوع جديد ولعله طرح من قبل الا وهو :

طرح الطرادات الآن في هذه الأيام .

أولاً : طرح الشياهين القرانيس

ثانياً : طرح الفروخ .


ألا ترون أنه الآن طرحها في مشكلة وخطأ . من حيث أن طرح القرانيس ( طبعاً الكلام

عن الشواهين الجبلية ) يتسبب في قطع النسل وقلة التفريخ وبالتالي القضاء عليها تماماً .

وكذلك طرح الفروخ في هذا الوقت وهي لم تتعلم بعد توها طايره من عشها .

جاني واحد من خوياي طارحله قرناسة قبل أسبوعين وباقي فيها من الريش خمس

ورجع الأسبوع هذا وطرح فرخ من فروخها . ويقول لسه الفروخ توها ما لها أسبوعين

طايرة من العش يعني لسى بتاكل من صيد أمها ما تعلمت تصيد لا وأمها ما كملت قرنستها

فهل هذا الفعل صحيح وتأيدوه وإلا يكون طرح الطرادات متأخر إلى شهر أغسطس

علشان تتعلم الفروخ الصيد ، وأما القرانيس تترك ولا تطرح لكي لا ينقطع النسل .


شكراً لكم هذا موضوعي حبيت أشارككم فيه وتشاركوني فيه بالرآي


أخوكم المهاجر 1

[دعاس]

مبروكه ومتبوعه ماهي مجبوعه ان شاء الله

[ذراع الذيب]

السلام عليكم ورحمة الله وبركاته,,
صبحك الله بالخير يالمهاجر ,,

يالله ان تحيي خوينا وشلونك عساك طيب عيالك ربعك طيبين ان شالله,,
اتمنى ذلك...
والله ياموضوعك حساس ومهم جدا وان تبي الصحيح ان حصلتها انا ماني بتاركها,,
لكن اتخوف اذا طرحت قرناسه ان تكون عندها فروخ وماطارت طرحها يسبب في موت,
الفروخ ومانصح بمقناصها هالايام يازين الفرخ لاطرحته في شهر 8 والله يرزقك هالسنه,,
بالنادر ونجتمع على فرحته ان شالله تعالى تحياتي لك,,

[طير الهقاوي]

كلامك صحيح وتقبل مروري

[الشاطر ماطر]

مشكور على الموضوع ووجهة نظر قيمة وتقبل مروري

[ينبع حياتي]

السلام عليكم ورحمة الله وبركاته

بيض الله وجهك يامهاجر على هالموضوع المهم والي جاء بوقته

حقيقه طرح القرنيس الجبليات سواء الان او بعد شهر .......انا اعتقد انه من الخطاء الكبير ...لانه راح يسبب انقطاع العش بالكامل .....والمملكه بصفه عامه ....تقل فيها مواكر الطيور ....فالمفروض من جميع الشباكين ان يساهموا في ابقاء الطيور طيور الجزيره العربيه ...وعدم انقراضها

اما بخصوص الفروخ....اعتقد انه من بعد تقريبا اسبوعين من الان ....ما فيه مشكله يقدر يطرح الطاروح الفروخ والله يرزق الجميع...........وصدقني يا شباك ((ان من ترك شي لله عوضه الله خير منه))...............لازم نتكاتف وننصح بعضا البعض ...ونوقف ضد طرح القرانايس الجبليات وعدم مساس الاعشاش...والصبر على الفروخ حتى تتعلم ويكون عندها خبره كافيه وبعدها اطرح وربك كريم.....


اشكرك اخوي المهاجر على هذا الطرح الراااائع ...واتمنى من كل قلبي تثبيت هذا الموضوع ولو لفتره بسيطه حتى ياخذ حقه وينتشر الوعي للدينا جميعا..

محبتي وكل احترامي..

[طير الهقاوي]

السلام عليكم ورحمة الله وبركاته
اتنا بضيفلك امر
ان المعيشه غاليه والطواريح ماعاد ترفعهاا من شيء
يعني زاد الماء على الطحين فلا عاد تبرق وبن جدلان الشاعر يقول
كل ماوجهتلك في الزمن وجه غريب --- مثل ماقال المثل دام تمشي مشهاا
ونا بقولك شي اطيب من كذا الحين اذا وقفت حاول انك تمشيهاا
الله يعين
تقبل مروري

[نمر الصحراء]

عليكم السلام ورحمة الله وبركاته
موضوعك مهم واتمنى من الاخوه الصبرحتى تتعلم الفرخ الصيد
اشكرك اخي المهاجرعلى طرح الموضوع

[بو غازي]

السلام عليكم ورحمة الله وبركاته

بيض الله وجهك يامهاجر على هالموضوع المهم والي جاء بوقته

حقيقه طرح القرنيس الجبليات سواء الان او بعد شهر .......انا اعتقد انه من الخطاء الكبير ...لانه راح يسبب انقطاع العش بالكامل .....والمملكه بصفه عامه ....تقل فيها مواكر الطيور ....فالمفروض من جميع الشباكين ان يساهموا في ابقاء الطيور طيور الجزيره العربيه ...وعدم انقراضها

اما بخصوص الفروخ....اعتقد انه من بعد تقريبا اسبوعين من الان ....ما فيه مشكله يقدر يطرح الطاروح الفروخ والله يرزق الجميع...........وصدقني يا شباك ((ان من ترك شي لله عوضه الله خير منه))...............لازم نتكاتف وننصح بعضا البعض ...ونوقف ضد طرح القرانايس الجبليات وعدم مساس الاعشاش...والصبر على الفروخ حتى تتعلم ويكون عندها خبره كافيه وبعدها اطرح وربك كريم.....


اشكرك اخوي المهاجر على هذا الطرح الراااائع ...واتمنى من كل قلبي تثبيت هذا الموضوع ولو لفتره بسيطه حتى ياخذ حقه وينتشر الوعي للدينا جميعا..

محبتي وكل احترامي..

وعليكم السلام ورحمه الله وبركاته
اشكر اخوي صاحب الموضوع المهاجر1 لانه فعلا موضوع بغاية الاهمية وخطر مقبل على الجبليات.
وكلام اخوي ينبع حياتي كلام سليم :good: :good: وجدير بالتأييد
شكرا لكم ياأخواني
:)

[رأعي الخرشه]

السلام عليكم ورحمة الله وبركاته
بصراحه موضوع مميز يستاهل المشاركه
الله يعطيك العافيه اخوي المهاجر على الموضوع
وان شاء الله الاخوان الشباكين يتفهمون الموضوع واهمية الموضوع
ومايصير الوضع تجاري فقط
تقبل مروري