تنبيه سريع : للي توه مطلع موتره من الوكاله

[هويدي]

السلام عليكم ورحمه الله وبركاته


عاير كفراتك ( قس ضغط الهواء بالايطار )


عام 99 طلعت هلي ( هايلكس ) وكاله يوم عايرت الكفرات
طلع فيهن 45 !!


وهالايام طلع واحد من الربع سكويا 2010 سألته عايرت كفراتك ؟
قال : لا بس مطبه قوي .. قلتله معي عيارين امش نتأكد
لقينا ضغط الهوا 55 :eek:


والثاني توه مطلع باترول2010 وطلع فيهن 50 :mad:


مدري وش الحكمه من هالحركه !؟
وبالختام اعتذر على الاطاله
ولا تنسوني ووالدي من صالح دعائكم


ودمتم بحفظ الله ورعايته

[السنع كله]

صح وجدته في جمس موديل 82طلعته من بالبيد يناقز والركاب يطيحون من المراتب بعد مسافه طويلة عايرت الهواء لقيت 60

[قرم العيال]

اكيد فيه زياده

عشان مايدرون عن الموتر و كم المده الي يبي يجلسه بالباخره اوالوكاله او حتى المعرض

[ذيب وراط]

حتى للي موترهـ معه له فترهـ ..

تأكد كل فترهـ أو كل بدآية خط من كفرآتك ومن عيآرهآ ..

هالأيام معي موتر إجآر .. وأحس أن الكفر الأمامي الايمن منسم ..
لأنه يحذف من جهته ومطبه أخف من اليسار ..

وقفت في أول المحطآت فالخط .. لقيت الكفر سليم ..

لكن الكفر الأمامي الأيسر محجر بزيآدهـ .. ( 80 أو 85 ) ..!!!

والحمد لله تدآركته ونسمت

[ابوعقل]

وعليكم السلام


مدري وش الحكمه من هالحركه !؟


لانهم ما يدرون السياره كم بتقعد عندهم

وانت جرب على موترك حط الهواء المناسب

وخل السياره واقفه مدة اسبوع

وبعدين شغل وامش بتدري ليش الوكلات يملون الكفرات هواء

السياره تبدا ترج إلين الكفر ما يلين ويصير دائره كامله

بس اللي يغثك

ليش قسم التسليم ما ينسمون الكفرات اذا جيت تستلم سيارتك!!

[هويدي]

يعطيكم العافيه يا اخوان على المرور والمشاركه

والله يحمانا وياكم والمسلمين اجمعين

[بن جعيثن]

السلام عليكم بنسبه لي ماطلع هلي لقيت الكفرات بهن 50 تقريبا ولا عيرتهن الى يوم غرزت في بحصى لكن مدري ليش يحجرونهن بهذا الشكل
تقبل مروري محبك بن جعيثن

[ابو رفيعي]

نفس الحاله لقيت فيهن 40

[ن م ر]

تعبية الكفربالشكل هذا افضل للكفر اذا كان واقف


ودائما ينصح بتعبئة الكفر زيادة عن اللزوم عند تخزين السيارة لفتره طويلة

عشان السلك اللي في الكفر ما يخرب ويحبل الكفر


بالنسبة لي طلعت لي كم لاند كروزر وربع كلها كانت 45 واعتقد انها مناسبة للتخزين

[majeds]

<?xml version="1.0" encoding="windows-1256"?>
<message><![CDATA[<?xml version="1.0" encoding="windows-1256"?>
<message><=!=[=C=D=A=T=A=[
وعليكم السلام



لانهم ما يدرون السياره كم بتقعد عندهم

وانت جرب على موترك حط الهواء المناسب

وخل السياره واقفه مدة اسبوع

وبعدين شغل وامش بتدري ليش الوكلات يملون الكفرات هواء

السياره تبدا ترج إلين الكفر ما يلين ويصير دائره كامله

بس اللي يغثك

ليش قسم التسليم ما ينسمون الكفرات اذا جيت تستلم سيارتك!!

لانهم منسمين خلقه هههههههههههه

[هويدي]

يعطيكم العافيه يا اخوان لأثرائكم الموضوع بردودكم


ودائما ينصح بتعبئة الكفر زيادة عن اللزوم عند تخزين السيارة لفتره طويلة

عشان السلك اللي في الكفر ما يخرب ويحبل الكفر

واشكرلك المعلومه الجديده بالنسبه لي اخي نمر

بس وش يضرهم لو بلغوا العميل بهذا الموضوع ..!

لانه معروف مع المشي يزيد الهواء خصوصاً بالخطوط والحر