نظفت الاديتر وزادت الحرارة وش السبب ؟

[الأجودي]

بسم الله الرحمن الرحيم
السلام عليكم ورحمة الله

اخواني سيارتي شيروكي 2001 كلاسيك سعودي كانت حرارته دائما تحت النص بشرطه قلت خلني قبل الحر انظف الاديتر ورحت لفني الاديترات وفكيناه وسيخناه وفكيت البلف اللي كان 170 وبدلته ببلف 160 اي سي ديلكو وعبيته ماء تويوتا الاحمر فقط دون اضافة ماء مقطر وقبل التسييخ كان ماء اديتر اخضر مع ماء مقطر
بعد هالشكل صارت الحرارة على النص او تزيد شويه رغم اني شيكت على الاديتر مافيه نقص مويه ولا تهريب والمراوح شغاله تمام يعني ليتني ماسويت شي
الحراره قبل التسييخ كانت ترتفع لامشى الموتر بزحمه مثل طريق خريص او طلعت به للنفود لكن طالما اني ماشي في خط فتنزل للثلث
وش السبب يا اخواني ؟
فني الاديترات نصحني اركب مروحة جمس 97 اماميه وقالي تركبه قدام الاديتر ورا الشبك وبتنخفض الحرارة بس انا ما اقتنعت لانها بتسحب هواء حار تدفه على الاديتر وش رايكم ؟
جزاكم الله خيرا

[مهداوي]

حبيبي صب مويه مقطره مع الحمرا
انا رحت لباكستاني وصب لي مويه خضرا بدون خلط وصارت ترتفع الحراره يوم نقصت المويه وزدتها مقطره نزلت بشكل ملحوظ

[جيبي جايزلي]

طيب يوم صيخت الاديتر ما صار فيه شقوق قبل ولحمتها مع التصييخ

[قناص خلاوي]

المويه الاصلية ثقيلة وتسبب حرارة
لا تحط الا جيك واحد ماء اصلي والباقي مويه مقطرة وبتنزل الحرارة ان شاء الله ، المشكلة هذي صارت لنا في شاص 94 ومركب مروحة مرسيدس ومع إن المروحة قوية إلا ان الحرارة ترتفع ، فنقصنا الماء وزدناه ماء مقطر ورجعت الحرارة طبيعية
بالتوفيق اخوي

[moto4arabs]

عزيزي
مثل ما تفضلوا الاخوه الكرام
1- ارجع ركب البلف 170
2- غير ماء الريديتر الى اللون الاخضر + اضافة ماء مقطر
3- لا تخلي العامل ينظف الريدتر بالاسيد او اي مواد تنظيف اخرى
4- حاول تشييك على المراوح
وخبرنا بالنتيجه

[عميد سامودة]

لا تحطه كله مويه حمراء حط جيك واحد

[سوبر VTC]

اخوي الاجودي
ماتدري وش الخيره
و بالعكس احد الربع معه مثل موترك العام م2001
غسل السلندر و الاديتر ب70ريال
و يقول ليتني غسلته قبل سنين يقول طلع طين عجيب من الاديتر و الثلاجه و السلندر
و لو ماغسله راح يسكر الاديتر و يحتمي الموتر
بلف البلد 190 و ليس 170
و هو يفتح على حرارة 89 مئوي تقريبا
بينما بلد الكابرس 160 يفتح على حرارة 72 ممتاز جدا
لازم تحل المحلول بماء مقطر لانه به نسبة زيت ثقيل
بمعنى تحط جالون محلول خصوصا و الافضل محلول تويوتا الاحمر و تضيف الباقي مقطر
نقطة اخرى
من واقع خبره
اذا ركبت بلف البلد راح تنسم عليك رصات الاديتر
+ تنسم وجيه طبلات الاديتر
و هذي سبق صارت لكذا موتر شيروكي اضف لذلك
ان الرفاف و الكبوت نار جهنم بسبب بلف البلد
مثال
الباترول مثل م91 تحصله ماشي 600الف و تحتي الموتر اشهب نظيف و خالي من تهريبات الزيت
و السبب بلف الماء بارد يفتح على حرارة 75 تقريبا و هذي ميزة للباترول

وش نوع الاديتر عندك ؟ رصة ؟ رصتين ؟
اصلي تجاري ؟
عندك مروحة مكينة ؟ او مرواح سوبارو ؟
مروحة المكيف هل هي سعودية ام امريكية ؟ اذا كانت دورته ضعيفة فهي امريكية
بدليل قلب الدينمو صغير جدا مقارنة بالسعودية

[صافي الماس]

- الحبيب انا اشوف ان الحرارة اذا كانت ثابتة عند النص ولا تستمر بالاتفاع، فهذا طبيعي
بل يساعد على صفاوة المكينة، يكون احتراق كامل .
- اذا الحرارة ما تثبت غير البلف الاصلي .
تحياتي

[الأجودي]

الله يجزاكم خيرا جميعا
تقريبا عرفت الخلل من ردودكم وهي اني ما اضفت ماء مقطر وصار الماء ثقيل ابرجع انقص من الماء واحط بداله ماء مقطر واوافيكم بالنتايج ان شاء الله

اخوي الكريم سوبر
رديتر موتري هو رصه وحده
المروحة عاديه مهيب كهرب غير المكيف اللي تشتغل وتطفى حسب حرارة الموتر ولا ادري والله هي امريكية او سعودية بس موتري سعودي مهوب امريكي
الفني ماحط اي مادة للتنظيف مجرد تصييخ فقط
الله يجزاكم خير جميعا

[سوبر VTC]

طيب خذ المعلومة
شيروكي ارتفعت حرارته فجاة
و كان الخلل من بلف الكابرس انكسرت القاعدة و صار البلف فاتح باستمرار
و هذا سبب ان الماء حار و يدور باستمرار
فتاكد من البلف
تبي تنسى الحرارة
ركب اديتر المنيوم فاليوم رصتين جديد ب700ريال
او مستعمل عند محلات الياباني السكراب الشيروكي المستعمل تقريبا ب350ريال
+ تركب حساس الماني 85 و تركب بدل مروحة السير مروحة سوبارو
و تشبكه مع مروحة المكيف
بحيث اذا وصلت الحرارة 85 يشتغلن
ايضا تشبك المراوح مع المكيف عن طريق كتاوت اخر
بحيث اذا اشتغل المكيف تشبك المرواح و اذا فصل المكيف يطفن
و راح تحصل
على مكيف ثلوج :good2: + حرارة طبيعية :good:
كل هالكلام عن تجربة

مروحة المكيف السعودية واضحة جدا
1 صوته مزعج و لذلك لقوتها :good:
2 مكتوب عليه بوش المكسيك
ميزته سرعته تعادل و تساوي مروحتين من السوبارو

هذي صورته



http://www.mekshat.com/pix/upload04/images168/mk53291_gmgmhfmf[].jpg


ادخل هذه الروابط

وش حل حراره هالشروكي؟ يوجد صورة (http://www.mekshat.com/vb/showthread.php?t=255374)

سؤالي عن دبل الشروكي + حراره الماكينة مع الطعوس؟ (http://www.mekshat.com/vb/showthread.php?t=258096)

[الأجودي]

جزاك الله خيرا

[أبو عابد2000]

يالربع ماء تويوتا الأصلي ( جالونه أسود صناعه امريكيه ) مايحتاج تضيف له ماء مقطر لأنه هو محلول جاهز 50 % ماء رديتر 50% ماء مقطر ... الوكاد انه محلول !!

وهذي صوره له :

http://classic.artsautomotive.com/FluidsToyotaSLLCoolant.jpg

في هذا الموضوع نقاش عن ماء رديتر تويوتا .. والعلم الوكاد تلقاه بأخر رد عند الأخ بدوي جنوبي ولا يهونون البقيه :)

http://www.mekshat.com/vb/showthread.php?p=3910897

[شيخ العزوبية]

بينما بلد الكابرس 160 يفتح على حرارة 72 ممتاز جدا


سوبر فتك ..

احتاج خبرتك بالموضوع ... انا عندي قراند شيروكي 99 والحراره على النص ماتزود ولا تنقص ابغى انزل الحراره للثلث تقريباً ..

ولو ركبت بلف الكابريس بيناسب ؟؟!! ولو رحت اطلب البلف من محلات قطع الغيار وش اقولهم مديل كم ؟
وشكرا ..

[أبو عابد2000]

^^^

أطلب من قطع الغيار بلف كابرس موديل 94 مقاس 160ْ فهرانهايت للشروكي ( البلف الأصلي يجي من شركة اي سي ديلكو الأمريكية وقيمته 30 ريال ) ارجوا اني افدتك :)

[سوبر VTC]

ادخل الروابط اللي فوق لكي تتضح الصورة لك
بلف الكابرس مثل اللي تحت ب20ريال
كرتون ازرق مكتوب عليه ايسي ديلكو
اذا كان الكوع اللي عندك مثل الشيروكي 6سلندر فهو يركب
و الاهم من هذا
غسل الاديتر و السلندر و الثلاجه
اذا كانت وسخه
و اذا كان الاديتر تعبان لازم تسيخه او تغيره بواحد اصلي رصتين جديد او مستعمل
و تتاكد من عمل طرمبة الماء
و الافضل للقراند مرواح كهرب عشان تستقر الحرارة على درجة85
عند تركيب الحساس الالماني
و التاكد من عدم وجود تهريبات او نقص بالماء



http://eng.ysg.googlepages.com/-.jpg

[الأجودي]

مشكورين الله يجزاكم خير ويوفقكم دنيا واخره
اول شي بسويه ان شاء الله تعالى بخفف موية الاديتر بماء مقطر وان شاء الله يفرق الموتر

[شيخ العزوبية]

شكراً فتك ..

شكراً ابوعابد ..

يعطيك العافيه يالاجودي وعذراً على المداخله في موضوعك

[الأجودي]

حياك الله اخوي شيخ
خففت الماء الاحمر بماء مقطر والحق انخفضت الحرارة قليلا بس قبل التسييخ كانت الحرارة اقل