المساعد الشخصي الرقمي

مشاهدة النسخة كاملة : عاجل......عطونا رايكم بالجيب هذا..


الوشاح
14/05/2005, 11:43 PM
السلام عليكم

مصائب ناساً عند ناسً فوائدُ

الشاعريقول كذا

ابستشيركم يالربع وماخاب من استخار ولاندم من استشار

لقيت جيب gxr رقم3 مديل2000 مصدوم طاير وجهه كامل بس المكينه ما تحركت

حتا الارباقات ماطلعت

يعني يبي وجه كامل وراعيه حاده ب30 الصراحه ان السعر مغري

وودي اشريه قلت ياولد وراه ماشاور الربع بمكشات يمكن لهم وجهة نضر

واتوقع يبي يكلف من عشره إلى خمسطعش

يالله عجلو الي عنده راي لايبخل .

ونا ودي بجيب منذ مبطي لاكن ........... اكمل الفراغ :p
الشوق
15/05/2005, 01:26 AM
والله ياأخوي دامك طلبت الشور

اننننننننننننننننننننننننننحش عن ذا الموتر

يبي ياكل دراهم واجد
ثم في المستقبل يبي يبلشك خرابات


ثم لو وراه مربح كان تلقى ذا الشريطيه طايرين به من زمان
اسيزو 4x4
15/05/2005, 01:33 AM
أخوي الغالي عريفجان ساحوق حيا الله ها الطلة

أولا الجيب يبي يكلف واجد ويبهذلك ويقول المثل ( لو به خير مارماه الطير )

ما أنصحك بة لانة مثل ماقال أخوي الغالي الشوق >>> يبي يبلشك بالخرابات !!!!!!

وبالتوفيق ....


.
أبو رداد
15/05/2005, 01:47 AM
عليك فيها ... السعر بلاش ... ولو كنت مكانك كان ماترددت ابدا ...
الوشاح
15/05/2005, 07:19 AM
حي الله الاخوان

الشوق

السوزو

ابو رداد

الموتر ماشافوه الشريطيه

الله يعافيكم وانتضر آراء باقي الاعضاء
محب الشمال
15/05/2005, 07:34 AM
الكلام اخوي ماهو على انه رخيص او غالي وممكن تصلح بـ 15000 ريال ريال ويصير مكلفك المجموع 45000 ريال
بس بعدين بتحط عليه فلوس لين ما تقول بس لانك زي ما انت عارف انه السياره المصدومة وخصوصاً من الامام كل يوم والثاني و انت بالورش وتصير زبون دايم عندهم كل صوت في الكفرات صوت بالماكينه صوت بالعكوس حراره ترتفع .... الخ
يعني صار عليك كانه تقسيط ويصير بالاخير مكلفك اكثر من قيمته
هذا رايي الشخصي والله يحفظك ويوفقك
الوشاح
15/05/2005, 06:30 PM
محب الشمال

كلامك صحيح لكن اشوف ان هذي فرصه ان ضاعة ماريح اشري جيب لين اتوضف والوضيفه متى الله اعلم(ياليل ماطولك)

كان معي ددسن واقلبتبه وصلحته وزانت نوعا ما
المستوي 1
15/05/2005, 08:53 PM
هلا فيك يا ولد ساحوق

اقول اذا الصدمه في الوجه و ما طلعة الارباقات!!!!!!!!! هذا دليل كبير على انه........ هذه ليست الصدمه الاولى

الشيء الثاني اذا تبي تستعمل لا لا لا والف لا ما يصلح لانك راح تخاف تطلع من الازفلت راح تكون خايف يخرب عليك و انت في الصمان 40 كيلوا داخل !!!!!!! وهذا وارد ورح دور احد يطلعك ويطلعه

واذا تبي تبيع راح يطلع عليك 45 الى 50 وهذا قيمة قريبه للسليم في السوق تقريبا

و انت لك الخيار

خذ شيء نظيف ولو انه صغير بس انه دفرنسين

انا مجرب المصدوم مثل العجوز ................... ولا عندك صناعيات عليها الكلام
عاشق البسمه
15/05/2005, 10:52 PM
السلام عليكم....
عندي واحد من الاقارب صار عليه حادث نفس هالجيب2001 والحمد الله سلم رحت انا شفت الموتر ....رايح شوي من الوجهيه مع الرفرف الأيمن توقعت بالكثير مايكلف اكثر من15000 تدري بكم قدروا تصليحه؟؟؟؟بــــــ45000ريال

بعد هذا اتخذ القرار
الطعس الذهبي
15/05/2005, 11:29 PM
هج مادامة مصدوم
الوشاح
15/05/2005, 11:46 PM
المستوي 1

صدقت قربنا لنضيف........شكرا على مرورك

عاشق البسمه

45000 لولله الي هجيت .......حياك ربي

الطعس الذهبي

اضنه قربت الهجه..لاكن ماوصلت ...شكرالك
رفيع الشان
16/05/2005, 12:25 AM
اذا كنت مكانك ...


والصدمه تكلف عشره الاف فقط على اكثر تقدير بآخذه ... لكن اذا المكينه او القير بوكس تأثر ماانصحك فيه ..


واذا كانت الدعوى رفارف وانوار وصداك ولديتر خذه وتوكل على الله ...


فمان الله
محب الشمال
16/05/2005, 11:40 AM
يا اخوي الراي بعد توفيق الله انك تاخذ الجيب وتوديه بسطحه للورش وتقول لهم ابي اصلح هذا الجيب وشوف كم يكلف بالظبط وشوف ايش الي خربان فيه وبعدين قرر
والله يوفقك الى الخير
عاشق حسناء
16/05/2005, 12:36 PM
هج هج هج !!!
اكلتها قبلك اغراني السعر وهجيت براسمالي
تبي تبلش بعدين بتنسيم البيبان ومشاكل الاذرعه والصرصره ووووو .....
عجوز ومستعمله وفقيره !!
عاشق الحماد
16/05/2005, 12:36 PM
اقول لو ان فية مطمع\كان صلحة راعيةوثم باعة

انحش بيديك ورجليك
د.الكاشت
16/05/2005, 01:36 PM
أقول هج



نصيحة
2bo kaledh
16/05/2005, 07:22 PM
السلام عليكم رحمة الله وبركاته


نصيييييييييييييحة من اخ لاخوه لاتاخذة



ون اصريت استخر ربك والله يسيرها




والله يعطيك العافية ابو خالد الفارس
الوشاح
17/05/2005, 03:01 PM
رفيع الشان

محب الشمال

عاشق الحسناء

عاشق الحماد

د/الكاشت

ابو خالد

الله يعافيكم وشكرا على النصيحه وابشركم اني هونت مع اني ودي بالموتر لاكن كل من شاورته قالي

انحااااش

شكرا لكم جميعاً.....
داب الرمث
18/05/2005, 02:20 PM
اخي عريفجان السلام عليكم ذكرتني بسالفة ولد عمي صدم ددسن واقف ومن قوة الصدمة صار طعج خفيف بالشاصي ولاكن ماطلع الاير باق مع انها بالوجة وخذناة لابن مرضاح اخذ رفارف وكبوت وصدام واسطبات ورديترين ماء ومكيف وشبك وسحب شاصي مع العلم ان كل القطع من الوكالة وشغل يد كلف 10000 وقطع 6000 ولاكن ماشاء الله ماكنة صدم ابدا00000 ولعلمك تراه يقنص في الجنوب ولاواجة اي مشكلة والحمد لله00000000000000 وانصحك لاتفوتة 00
الوشاح
19/05/2005, 12:32 AM
داب الرمث

الصراحه تقطر كبدي مثل مايقولون على الجيب

لاكن كل من شاورته قالي انحاش والصراحه محتار........

شكرا لك
اسيزو 4x4
19/05/2005, 01:28 AM
أخوي عريفجان ساحوق

والله الموتر المصدوم يخوف مهما كان ( لو هايلوكس ) عاد كيف لاند كروزر !!!!!!!

أنحش و الله يعوضك خير منه إنشاء الله

.
شاص
19/05/2005, 11:02 PM
الصراحة أن به نسبة مغامرة كبيرة فيمكن يضبط ويمشي معك - وهذا نادر - أو أنه يبهذلك ويحوس مرير عدوك - وهذا الغالب -
استخر والله يدبرلك الصالح
الوشاح
20/05/2005, 02:33 PM
اسيزو 4x4

تسلم يالسنافي

وردك علي مرتين دليل على غلاي عندك :heart:

شاص

صدقت مغامره ..........الله يكتب الي فيه الخير

شكرالك