الحل مع كمبرسر سوبر بان 2001

[فديت قلبك]

اخواني المكشاتية

السلام عليكم ورحمة الله وبركاته
عندي سوبربان 2001 من يوم شريته ولا احلى ماشاء الله تبارك الله
وفي صيفيه العام الماضي سافرت فيه إلى صلاله وعطل علي الكمبرسر حقه
المهم بعد ما رجعت من السفر رحت للوكاله الجميح وسالت عن الكمبرسر قال ما نبيعه ولا نستورده لأن اله تجينا مضروبه وسالت ناس اصحاب ورش قالو نفس الكلام فما كان قدامي الا التشليح واختلي واحد من التشليح.
المهم لما ركبته صار ما يبرد الا لما امشي بالسيارة ولما اكون واقف تروح البروده منه حتى لما امشي خط واتعدى 120 ولا اطول في سفري يعني بثلاث ساعات خلاص تكون برودتة مشي حالك .

السؤال
1- وش الحل مع الكمبرسر
2- هل احصل كمبرسر جديد ولا كلامهم صحيح
3 - هل اقدراولف كمبرسر حق فورد ولا تويوتا يعني احد مجرب
تعرفون مشكلة تغيير اكثر من واحد تاخذ وقت وتاخذ فلوس لان لازم يفكونه كامل وبالخلف وتنظيف وانتم ادرى بالشي ذاا
تكفون يا مكشاتية ابي الحل الحر ذبحنا
للمعلوميه انا من مدينة الطائف ونزولي لجده ومكه كثير وخبركم عارف حر مكه وجده
ولكم كل الشكر والتقدير

[سوبر VTC]

انا موتري جمس م2001
غيرته 3 مرات
مرتين مستعمل و و خربن اشتغلن فترة و جيمن
اخرة مرة و انا طالع من مكة الى المدينة بعز الحر و معي الاهل
الثالث شريته مجدد من المحلات بكرتونه ب750ريال
و الان الحمدلله له اكثر من 3 او 4 سنوات
و خلال هذه ال4 سنوات عبيت الفريون مرة واحدة
طبعا نسم و لا حصلنا مصدر التهريب !!!
اهم نقطة
غسل الاديتر حق المكيف و المواصير و مواصير المكيف بغسيل خاص
لازم يتنظف تمام من الترسبات و رايش الكلتشات
ثم تحط فلتر جديد بطول الاصبع + زيت اصلي + فريون امريكي او فرنسي اصلي
و راح يطلع الوضع تمام باذن الله
و لا تنسى تنظف الفلتر اللي تحت المسجل عشان يكون دفع الهواء قوي
افضل حل للجموس تركيب مرواح كهرب مثل اليوكون م2007 المكيف ثلاجه
لانهم الغوا مروحة المكينة شد البلد

موفق

[سوبر VTC]

ادخل الرابط


اهل الخبرة بحرارة الجمس يوكن 2005 - منتديات مكشات (http://www.mekshat.com/vb/showthread.php?t=280688)

[فديت قلبك]

اخوي سوبر مشكور وما قصرت

لاكن انا لما غيرتة سويت كل اله قلته
بس ابي اعرف المشكله لما اوقف الموتر ولما اتعدى 120 ولما اطول عليه بالسفر يكون بدون بروده تذكر هل من الكمبرسر ولا من شنوو

تسلم يالغالي

[سوبر VTC]

انا بمكة لما اوقف 5 دقائق المكيف تعبان جدا و هواء عادي
و الحرارة توصل النص
لكن لما ادوس على الابنص على 1.5 يثلج المكيف
مشكلتك احد امرين عندك نقص فريون و بالتالي مايبرد
او من بلف الثلاجة خربان
و تاكد من شداد المكيف لا يكون خربان و بالتالي يكون السير راخي
لاني كدت غيرت السير و الشداد

[فديت قلبك]

والله وانا اخوك شريت الشداد والسيور جديده من مدينة العين لأن لما خرب الكمبرسر قالولي في عمان انه من الشداد والسيور

لاكن يالغالي انت قلت في موضوع ثاني

على سبيل المثال الجمس و اليوكن مثل م2003 و تحت
اذا كان واقف الظهر 10دقائق بعز الحر و المكيف شغال
توصل الحرارة النص بسبب بطئ دوران مروحة السير
و المكيف مايبرد
لازم تدوس عشان يثلج
لكن اللي ركبوا مرواح كهرب للجمس
ثبتت الحرارة على الثلث تحت النص
و صار المكيف ثلاجه :good:
حتى لو وقف ساعتين الظهر
لان المرواح تبرد اديتر المكيف و اديتر الماء مع اشتغال الكمبرسور
و اذا برد اديتر المكيف يبرد المكيف و يثلج
و تثبت الحرارة على الثلث


كيف اركب مراوح كهرب وهل هي لرديتر المكيف ولا الرديتر الحرارة

اسف على ايطالتي

[قناص*07]

لرديتر الماء وتركب بين الشبك والرديتر ويجي منها مقاسات 8و10و12 بوصه

الصيني بـ60 ريال والمكسيكي بـ 250 ريال

[سوبر VTC]

ادخل هذا الرابط بخصوص مروحة قدام الشبك

بالصور تركيب مروحة كهربائية لليوكن Yukon Denali 2004 - منتديات مكشات (http://www.mekshat.com/vb/showthread.php?t=224958)


هذي مرواح يوكون شد بلد سواء سعودي او امريكي او دينالي
طقم تقريبا ب1450
يجن بدل مروحة المكينة او السير
و يبردن اديتر الماء و اديترالمكيف و اديتر مبرد القير
و اديتر مبرد الدركسون

http://www.mekshat.com/pix/upload04/images168/mk53291_kkkkkkkkkkk.jpg



اعانك الله

[مغلي]

اخي سوبر

لما نغير مروحة الصدر لليوكن 2002 .... الى ... مروحتين كهرب شد بلد 2005
هل فيه تأثير على البطاريه
هل بيكون 100% كما لو كان 2005 بدون تلفيق اطلاقا
واين افضل ورشه ممكن نثق فيها بالرياض لعمل التغيير
وهل سعر الطقم كامل 1450 ريال لجديده من الوكاله او من التشليح او صناعه امريكيه وبس

[سوبر VTC]

باذن الله مافيه تاثير
اهم شي ان البطارية كبيرة 80 انبير و طالع
طبعا على كلام الكهربائي العثيم عندنا ببريدة
الطقم من الوكالة ب1540 تقريبا
و شغل اليد للاسف ناسي كم
الافضل تحط موضوع جديد بخيمة السيارات
لان سبق اني قريت لاحد الاعضاء انه مركب مرواح بديلة عن البلد و ارخص
اعتقد ان ما خاب ظني انه مرواح سوبارو
بالرياض عندك الكهربائي سليمان الخطيب بالصناعية القديمة
اعانك الله

[مغلي]

باذن الله مافيه تاثير
اهم شي ان البطارية كبيرة 80 انبير و طالع
طبعا على كلام الكهربائي العثيم عندنا ببريدة
الطقم من الوكالة ب1540 تقريبا
و شغل اليد للاسف ناسي كم
الافضل تحط موضوع جديد بخيمة السيارات
لان سبق اني قريت لاحد الاعضاء انه مركب مرواح بديلة عن البلد و ارخص
اعتقد ان ما خاب ظني انه مرواح سوبارو
بالرياض عندك الكهربائي سليمان الخطيب بالصناعية القديمة
اعانك الله

انشاء موضوع جديد لتركيب مراوح تبريد اضافيه لليوكن ... سواء امام الاديتر او خلفه او بعد الغاء مروحة الصدر
سيكون موضوع ذو شأن ... خصوصا اننا مقبلين على صيف لا يرحم
ولو يكون الموضوع من انشائك انت يا اخي سوبر .......... سيكون ادق وافضل وسيكون مرجع للكل وسنجد رابط له في توقيعك

[قمة افرست]

الاخوان ماقصروا
ولاكن لدي اضافة بسيطة واتضح ان لديك مشكلتين بالتكييف
المشكلة الاولى ( العطل )
انت ذكرت ان المكيف يضعف اثناء السفر بعد مدة من المشي
وهو اذا كان يضعف التبريد ودفع الهواء المشكلة من الثلاجة تحت الدرج اما انك تغير الفلتر
او تنظف الثلاجة لانها تربي ثلج وتحجب التبريد او انك تخفض بدرجة تبريد المكيف من البداية
الثانية
هذه مانعتبرها خراب ولاكن عيب مصنعي بالمرواح الميكانيكية اذا وقفت السيارة تضعف درجة التبريد وهذه
حلها زي ماذكروا الاخوان تضيف مرواح كهرباء سواء كاملة او ترهيم خلف الشبك وتكون تعمل مع حساس المكيف اذا شبك تشبك وشغلها مع المروحة مايتعدى 300 ريال
اول شي تقوم فيه تغير فلتر الثلاجة قيمته بحدود 70 ريال ويجي قطعتين بعدين جرب وش التغيير الي صار معك

[مغلي]

الاخوان ماقصروا
ولاكن لدي اضافة بسيطة واتضح ان لديك مشكلتين بالتكييف
المشكلة الاولى ( العطل )
انت ذكرت ان المكيف يضعف اثناء السفر بعد مدة من المشي
وهو اذا كان يضعف التبريد ودفع الهواء المشكلة من الثلاجة تحت الدرج اما انك تغير الفلتر
او تنظف الثلاجة لانها تربي ثلج وتحجب التبريد او انك تخفض بدرجة تبريد المكيف من البداية
الثانية
هذه مانعتبرها خراب ولاكن عيب مصنعي بالمرواح الميكانيكية اذا وقفت السيارة تضعف درجة التبريد وهذه
حلها زي ماذكروا الاخوان تضيف مرواح كهرباء سواء كاملة او ترهيم خلف الشبك وتكون تعمل مع حساس المكيف اذا شبك تشبك وشغلها مع المروحة مايتعدى 300 ريال
اول شي تقوم فيه تغيرفلتر الثلاجة قيمته بحدود 70 ريال ويجي قطعتين بعدين جرب وش التغيير الي صار معك




اخي قمة افرست

وينه فيه هالفلتر ... باليوكن 2001 - 2002
ياليت تحدد مكانه بدقه
وش الغرض منه !!!

[gamer]

الكمبريسر ضغطه ظعيف

[قمة افرست]

اخي قمة افرست

وينه فيه هالفلتر ... باليوكن 2001 - 2002
ياليت تحدد مكانه بدقه
وش الغرض منه !!!


http://www.mekshat.com/pix/upload04/images168/mk100183_20090103_01330.jpg


http://www.mekshat.com/pix/upload04/images168/mk100183_20090103_01324.jpg

http://www.mekshat.com/pix/upload04/images168/mk100183_20090103_01313.jpg

http://www.mekshat.com/pix/upload04/images168/mk100183_20090103_01315.jpg


http://www.mekshat.com/pix/upload04/images168/mk100183_20090103_01318.jpg


يحمي الثلاجة من الاتربة والاوساخ واذا غيرته بتتغير ريحة المكيف
احتمال يكون مسكر وياثر على الثلاجة ودفع الهواء

[مغلي]

اخي قمة افرست

شكرا على التوضيح بالصور

انا عندي باليوكن غيرت هالفلتر = فلتر المكيف
وصار 100% دفع الهواء قوي جدا
وبعد شهرين .... انتكس وقل قوة دفع الهواء .. .. مره قوي وزين ... ومرات عادي جدا وضعيف ولازم احط الفرار على اقوى شي عشان يدفع هواء
.
.
هل فترة 60 يوم كافيه ان الفلتر الجديد .... يتسكر بالغبار ووووو
ممكن ........لأن فترت ال 60 يوم الي راحت كانت كلها سررايات وغبار بالرياض

[سوبر VTC]

اخوي مغلي
هذا عيب الفلتر انه يسكر بعد شهر او شهرين
بدليل اني كل مرة افكه احصل عليه قراطيس اوراق صغيرة فصفص اوساخ اتربة
لان ميزته يحافظ على نظافة الثلاجة من الانسداد
الان لي 3 سنوات ملغي الفلتر نهائيا
و احتمال كبير اني مضطر لاحقا اني افك الديكور اللي على الثلاجه من اجل تنظيفها
لانه مع الايام راح تسكر او تخرب و الله يعين