الفزعه يا مكشاتية الجمس بهذلني

[stranger]

السلام عليكم ورحمة الله وبركاته
مثل ما هو واضح في الموضوع
عندي جمس 99 استخدام مغيرله الى الآن 2 كمبروسور ويمشي فتره ويخرب وكلفتني اكثر من 1500 ريال والمشكلة الجديد بدون ضمان وسعره 1000 ريال وحاولت اشري كمبروسور هايلوكس 2006 ولكن سعره نار 2600 ريال
الي عنده حل او يعرف محل يبعها مع الضمان لا يبخل علينا
وله مني دعاء على ظهر الغيب:(

[الربذي]

وعليكم السلام الخطوة اللي قبل الشراء ابحث عن سبب تعطل الكمبرسر وش السبب وليه يتعطل ؟؟؟تقول الثاني ؟؟؟الثالث راح يتعطل لازم تشوف السبب اخوي اللي اعرفه ان الكمبرسر يقعد سنين الا اذا فريونه اللي تعبيه صيني مغشوش يعطله عليك خلال ثلاثه اشهر فقط !!!!

شف اخوي هالموضوع http://www.mekshat.com/vb/showthread.php?t=146241

[مدري علامي]

بشور عليك بشور بس مدري وش علمك
شوري اذا كان هنا غالي تقدر تشتريه من شركات برا المملكه مع التوصيل وبضاعه اصلي وشوف خراجك

الله يوفقك

http://motors.shop.ebay.com/i.html?_nkw=compressor+GMC+1999&_sacat=&_dmpt=Motors_Car_Truck_Parts_Accessories&_odkw=compressor+GMC&_osacat=0&bkBtn=&_trksid=p4506.m270.l1313

[سوبر VTC]

الحل مع كمبرسر سوبر بان 2001 (http://www.mekshat.com/vb/showthread.php?t=303338)

[stranger]

انا اشكر كل من شارك في موضوعي
وراح اشرح لكم ويش صار معي في صناعية الخضيرية بالدمام
1. فيه ورشه اسمها (ترايستار للكهرباء ) نفس مركز ترايستار مثل اللي في الرياض وعلمته بمشكلة المكيف قالي كلامك كله نرمية في البحر ولا نعترف فيه اول شي لازم نفحص المكيف ويكلفك (150) ريال وبعدها نشوف وين المشكلة اذا كانت من الكمبروسر راح يكلفك تصليح فقط (1800) ريال :eek: طبعاً سعره جديد تقريباً (950) ريال . وطبعاً تركته وطلعت ادور لي على واحد رخيص وطبعاً درجة الحرارة فوق (48) درجة وهذا الكلام بعد العصر ومكيف مافيه حلها عاد . المهم لقيتلي واحد سوداني في محل داخل الصناعية بالصدفة والله اني ترددت ولكن توكلت على الله وسألته قال افتح الكبوت وشغل المكيف يوم شغلته قال هذا تنسيم في نفس الكمبروسور وباسطاعتي تصليحة وراح يكلفك شغل يد مع القطع والتنظيف والفريون أصلي ( 350 ) ريال بس وعلى الضمان :D وان شاء الله راح اعلمكم ويش الي يصير معي بعد تركيب الكمبروسور وتجربة المكيف ...... وسلامتكم

[سوبر VTC]

الله يسهل امرك ان شاء الله
و ترايستار نار موقدة
اجل توضيب قير اقل شي شغل يد ب1800ريال
و قطع الغيار كلتشات كاملة مع السيل و الوجيه ب1000ريال
صار الشغل اغلى من القطع ؟ عجبي !!!
اذا كانت خريطة القير خربانه يقول ننظلف بلوف الخارطة و عددهن 13 بلف
كل بلف ب300ريال !!!!!! = 3900ريال
مع العلم ان الخارطة بالتشليح ب150يال و على الشرط شد بلد
استغفال مابعده استغفال

[stranger]

السلام عليكم
العودة بعد إصلاح وتركيب الكمبروسر :
بعد ما فكيت الكمبروسور عند الكهربائي السوداني الله يوفقه ورجعت له اليوم الثاني ركب الكمبروسور ونظف المواسير وشغلنا السيارة عبا الفريون وبدأ المكيف يبرد:D :D ماني مصدق :eek: ريحة البرودة طلعت من السيارة يوم فتحت الباب اتأكد من تبريد المكيف اذا اشتغل وصل ضغط الكمبروسر على الساعه (40) يقولي هذا ممتاز جداً وكل هذا بس ب (350) ريال قطع غيار وشغل يد وترايستار يقولي فحص (150) واصلاح يكلف (1800) معقوله المهم - بعدها رحت وركبت مروحة تبريد (اوبل ) ممتازة جداً سبق وشريتها من تشاليح السوريين في الحائر آخر التشاليح بسعر خيالي (20) ريال بس والحمدالله زات البرودة وخاصة عند الوقوف والي في الدمام وعنده مشكلة في التكييف يراسلني على الخاص ويبشر بالي يوصف له موقع الكهربائي وعلى فكرة هو تخصصه تكييف
والسلام عليكم:good2:

[عميد سامودة]

الله يعينك ..

[bu hadi]

بالتوفيق اخوي

الحمد لله المهم ان مكيفك اشتغل وبأرخص سعر

يالله من فضلك هذا اهم شي

ترايستار كلة لبنانيين وكلهم نصابين

تقبل مروري

[stranger]

الله يعينك ..

اشكرك على مرورك

[stranger]

بالتوفيق اخوي

الحمد لله المهم ان مكيفك اشتغل وبأرخص سعر

يالله من فضلك هذا اهم شي

ترايستار كلة لبنانيين وكلهم نصابين

تقبل مروري

صادق والله اخوي لبنانيين وذمتهم واسعه بالحييييييييييييل . خخخخخخخخخ

[شبح الموت]

اخوي الغريب ماودي اضيق صدرك بس عانيت اشد المعاناة

من اصلاح او توضيب الكمبرسور او تغيير الصوف جميعها مسميات والمعنى واحد

والنتيجة شهر او شهرين بالكثير ويرجع التهريب من صوف الكمبرسور

لان السوق بصفة عامة لاتوجد صوف اصلية وانما صوف ردئية جداا صيني تايوني

وماليزي والنتيجة واحدة والاصح كمبرسور مستعمل استخدام امريكي او ياباني اذا وجد لانه اصلي

[tiger0018]

اخوي stranger (http://www.mekshat.com/vb/member.php?u=39253) لاهنت وين مكان الكهربائي ولك مني الدعاء وعسى الله يوفقك

[سوبر VTC]

الله يبشرك بالخير
الحمدلله
لكن تاكد من ضغط الفريون مر على كم ورشة و اسالهم
عن ضغط الفريون المناسب لموترك
لانه على حسب علمي اقصى حد للفريون هو من 30 الى 35
و اذا كان اكثر يعدم الكمبرسور

[stranger]

اخوي stranger (http://www.mekshat.com/vb/member.php?u=39253) لاهنت وين مكان الكهربائي ولك مني الدعاء وعسى الله يوفقك

لك رسالة على الخاص

[stranger]

الله يبشرك بالخير
الحمدلله
لكن تاكد من ضغط الفريون مر على كم ورشة و اسالهم
عن ضغط الفريون المناسب لموترك
لانه على حسب علمي اقصى حد للفريون هو من 30 الى 35
و اذا كان اكثر يعدم الكمبرسور

كلامك صحيح ولكن انا كنت عندة وكان الضغط اذا اشتغل المبروسر يوصل 40 والى الآن تقريباً 4 ايام وانا مرتاح وزي ما قال اي مشكلة انا مستعد حتى لو اشتري واحد جديد

[stranger]

يا اخوان حابب اوضح شي مهم جداً نسيت اوضحة لكم
بعد ما صلحت المكيف رحت وركبت مروحة تبريد للرديتر والله يا اخوان الآن اوقف السيارة تزيد البروده ولا ترتفع الحرارة زي اول كانت توصل النص وانا واقف والمكيف تقل برودته اما الآن بعد المروحة وانا واقف البرودة ممتازه جداً