حرارة الفتك والا العداد يستهبل ؟

[ابوو زيد]

السلام عليكم ورحمة الله وبركاته


كيف حالكم اعضاء مكشات


عندي مشكله مادري من العداد والا من الحراره

اذا الحراره الله يعين لا يطلع شي كايد

اول شي حسبت الحراره انها الي ترتفع والصراحه وسوست قلت لا يكون راس ولا شي من هذا القبيل

طبعا بدون مكيف الحراره طبعيه من اشغل المكيف على طول العداد ينقز فوق ومرات يوصل قبل الـ H

واذا مشيت بالمكيف يبيلي امشي شوي يالله ترجع طبعيه واذا وقفت شوي تبداء ترتفع مره ثانيه

وصورة مقطع فديو ابيكم تشوفونه وتعطوني رايكم


http://www.youtube.com/watch?v=JONq10C32PA


مع اني قبل تقريبا قبل 3 او 4 شهور مغير حساس الحراره

تتوقعون ايش المشكله مابي اروح ويلعبون علي

[الربذي]

وعليكم السلام
صراحة شي غريب طيب هي مشيها طبيعي كذا انت دائم تشوفها اكيد اعرف بمشيها لكن اعتقد انها غير طبيعية يمكن خربان العداد او بالاحرى الساعة لان الحرارة لاترتفع فجاء هكذا

[برايدوي عنيد]

هلابك اخوووي ...........

ان شاء المشكله بسيطه اتوقع ان المشكله من العداد يرتفع بسرعه ويرجع لو كان صح

ماراح تنزل الحراره بسرعه كذا .... مالك الا تشيك على العداد

وان شاء المكينه تمام والله يوفقك...

تقبل مروري ..................

[الأجودي]

اخوي ابو زيد الله يسلمك
شبه متأكد ان المشكلة من حساس الحرارة هل اللي انت مغيره اصلي ؟

[ابوو زيد]

وعليكم السلام
صراحة شي غريب طيب هي مشيها طبيعي كذا انت دائم تشوفها اكيد اعرف بمشيها لكن اعتقد انها غير طبيعية يمكن خربان العداد او بالاحرى الساعة لان الحرارة لاترتفع فجاء هكذا

مشيها طبيعي وما صار لها الا كم يوم وكل ما اسال واحد يقولي شل البلف والي يقولي نظف الرديتر و الي يقولي سيخ الراديتر ومن الكلام هذا

ايه ترتفع مع تشغيلت المكيف لزم امشي فتره يالله تتعدل ترجع طبيعي واذا وقفت حوالي 5 دقايق تبداء ترفع


هلابك اخوووي ...........

ان شاء المشكله بسيطه اتوقع ان المشكله من العداد يرتفع بسرعه ويرجع لو كان صح

ماراح تنزل الحراره بسرعه كذا .... مالك الا تشيك على العداد

وان شاء المكينه تمام والله يوفقك...

تقبل مروري ..................

لو العداد كان بدون المكيف ترتفع ؟

اتوقع فيه مشكله ثانيه وش هي مادري



اخوي ابو زيد الله يسلمك
شبه متأكد ان المشكلة من حساس الحرارة هل اللي انت مغيره اصلي ؟

اي والله اصلي من الوكاله

بس ما اتوقع انه من الحساس لانه بس مع تشغيل المكيف

[أبو عابد2000]

الله والعالم مثل ما قال أخوي الأجودي أن المشكلة من حساس الحرارة :)

[ابوو زيد]

الله والعالم مثل ما قال أخوي الأجودي أن المشكلة من حساس الحرارة :)

اذا على الحساس بكره اغيره سعره بالوكاله بـ 50 ريال

[بترووول]

ابو يزيد
المشكله بسيطه نفس سيارتي
صيخ الرديتر وغير تماتيك المروحه
ولك اللي تبي ان ماراح بس اغلب الضن انه تماتيك

[ابوو زيد]

ابو يزيد
المشكله بسيطه نفس سيارتي
صيخ الرديتر وغير تماتيك المروحه
ولك اللي تبي ان ماراح بس اغلب الضن انه تماتيك

حقين الرديترات قالو سيخ الرديتر و سو غسيل بس ما صدقتهم

انت جت عندك نفس حالتي والا تختلف ؟

[سوبر VTC]

دام ان الحرارة تنقز مع تشغيل المكيف
فالمشكلة من الاديتر يحتاج تسيخ
او خلل بطرمبة الماء او كلتش المروحة خربان
حرك الكلتش بيدك اذا كان خفيف مرة او ثقيل مرة فهو خربان و يدل على ذلك
خروج الزيت منه + يضهر منه صوت رمان فارط + فضاوة قوية عند تحريك المروحة
جرب ركب حساس حرارة من موتر احد خوياك
او مر على ورشة التركي
كم موديل الموتر ؟ كم ماشي
افتح غطاء الاديتر و دس بنزين اذا تحرك الماء او نزل فطرمبة الماء تمام
اذا لا
فالطرمبة خربانه مبوشة او البلف قافل او الاديتر مسكر
شغل المكيف و الموتر واقف و اذا احتمى
دس على الابنص خله على 1.5 لمدة دقيقتين او 3
اذا نزل انبير الحرارة فالمشكلة من البلف قافل على ثقيل ما يفتح بسرعة
او الاديتر مسكر يحتاج تسييخ
هل ماء الاديتر نظيف ؟
هل سبق احتمى سابقا ؟

[قناص خلاوي]

انا صارت معي بباترول 95 ديزل تقريبا نفس المشكلة
اذا كسبت النور او ولعت المكيف يطمر الانبير للنصف واحيان ثلاث ارباع
واذا طفيته ينزل على طول
رحت لكهربائي معروف قال العداد خربان ودورت عداد جديد بالوكالة وبالتشاليح مالقيت والحمد لله اني مالقيت
مريت كهربائي ورشته مترين في مترين ببريده وحل المشكلة بدقيقتين
المشكلة صارت بسلك ( الماص) من البطارية
وصل سلك ماص بين المكينة والبودي وبعدها تعدل الامبير وعقل عن اللعب
شيك اخوي على اسلاك الماص من البطارية للبودي ومن البطارية للمكينة
كانها مرتخية او فيها قطع غيرها وان شاء الله تضبط معك .

[سوبر VTC]

قناص خلاوي
دايم تصير هذي بالديزل
يكون سلك الماص منجرح يلمس بالبدي
و احيانا يلمس سلندر المكينة
و يعطي قراءة خاطئة

[ابوو زيد]

دام ان الحرارة تنقز مع تشغيل المكيف
فالمشكلة من الاديتر يحتاج تسيخ
او خلل بطرمبة الماء او كلتش المروحة خربان
حرك الكلتش بيدك اذا كان خفيف مرة او ثقيل مرة فهو خربان و يدل على ذلك
خروج الزيت منه + يضهر منه صوت رمان فارط + فضاوة قوية عند تحريك المروحة
جرب ركب حساس حرارة من موتر احد خوياك
او مر على ورشة التركي
كم موديل الموتر ؟ كم ماشي
افتح غطاء الاديتر و دس بنزين اذا تحرك الماء او نزل فطرمبة الماء تمام
اذا لا
فالطرمبة خربانه مبوشة او البلف قافل او الاديتر مسكر
شغل المكيف و الموتر واقف و اذا احتمى
دس على الابنص خله على 1.5 لمدة دقيقتين او 3
اذا نزل انبير الحرارة فالمشكلة من البلف قافل على ثقيل ما يفتح بسرعة
او الاديتر مسكر يحتاج تسييخ
هل ماء الاديتر نظيف ؟
هل سبق احتمى سابقا ؟

هلا وغلا سوبر فتك جزاك الله خير

بكره ان شاء الله بسيخ الرديتر وبشوف ان زبط والا بغير كلج المروحه تجاري ان ظبط غيرت اصلي

حركتها وسط لا ثقيله مره ولا خفيفه مره

الحساس جديد من قريب مركبه بس ان شاء الله اغيره واشوف

موتري 2006 ماشي 130

جربت فتحت غطاء الرديتر قلت يمكن فيه هواء دعست بانزين فاض الماء وش يدل عليه هذا ؟

اذا ارتفع ودعست بانزين تنزل شوي وتجلس حوالي 4 دقايق وترتفع مره ثانيه او تثبت على نفس ماهي

الماء نظيف وبكره اغيره ان شاء الله

ايه قد احتمى اول


انا صارت معي بباترول 95 ديزل تقريبا نفس المشكلة
اذا كسبت النور او ولعت المكيف يطمر الانبير للنصف واحيان ثلاث ارباع
واذا طفيته ينزل على طول
رحت لكهربائي معروف قال العداد خربان ودورت عداد جديد بالوكالة وبالتشاليح مالقيت والحمد لله اني مالقيت
مريت كهربائي ورشته مترين في مترين ببريده وحل المشكلة بدقيقتين
المشكلة صارت بسلك ( الماص) من البطارية
وصل سلك ماص بين المكينة والبودي وبعدها تعدل الامبير وعقل عن اللعب
شيك اخوي على اسلاك الماص من البطارية للبودي ومن البطارية للمكينة
كانها مرتخية او فيها قطع غيرها وان شاء الله تضبط معك .

جزاك الله خير اخوي والبطريه اسلاكها تمام التمام



قناص خلاوي
دايم تصير هذي بالديزل
يكون سلك الماص منجرح يلمس بالبدي
و احيانا يلمس سلندر المكينة
و يعطي قراءة خاطئة

[قناص خلاوي]

قناص خلاوي
دايم تصير هذي بالديزل
يكون سلك الماص منجرح يلمس بالبدي
و احيانا يلمس سلندر المكينة
و يعطي قراءة خاطئة

ماهوب منجرح الله يسلمك
مركب كيابل 10 مل وفوق من البطارية للبودي وللمكينة وللسلف
وطلعت العلة لازم توصل ماص من المكينة للبودي

[محسن اليامي]

أفصل أصبع البطاريه 10 دقايق وركبها ثاني مره يمكن يضبط

جرب وشوف مايظرك ان شاءالله

[بترووول]

ابو زيد غير كلتش المروحه اول لاتركب ياباني
لن ياخوان الياباني مغشووش بالسوق يكذبون يقولون درجه 1
وهم نصابين دور اي شي غيره دور ماليزي ارخص وفضل بواجد
اما الاديتر صيخه سوا صلح ام لم يصلح لنه يجب تصيخه بستمرار

[أبو عابد2000]

أبو زيد قبل ماتفك الرديتر وتفك وتفك ووو .. مر كهربائي أنا اتوقع المشكلة يا حساس أو مشكله كهربائية لأن مو معقول ترتفع وتنزل الحرارة بهذه السرعه !!

[ابوو زيد]

أفصل أصبع البطاريه 10 دقايق وركبها ثاني مره يمكن يضبط

جرب وشوف مايظرك ان شاءالله

بجرب ان شاء الله اليوم بشوف وصدقت ماهو بظارني

جزاك الله خير اخوي


ابو زيد غير كلتش المروحه اول لاتركب ياباني
لن ياخوان الياباني مغشووش بالسوق يكذبون يقولون درجه 1
وهم نصابين دور اي شي غيره دور ماليزي ارخص وفضل بواجد
اما الاديتر صيخه سوا صلح ام لم يصلح لنه يجب تصيخه بستمرار
صدقت اخوي وان شاء الله اليوم بغيره باصلي سالت عنه بالوكاله قالوا لي بـ 600 وشوي
صيخت اليوم الرديتر واشوفها زادت

بجرب اليوم بغير تماتيك المروحه وبشوف ان نفع ولا غيرت الرديتر

وبغير اليوم بعد بلف بالوكاله

وعسى الله يكتب الي فيه الخير


أبو زيد قبل ماتفك الرديتر وتفك وتفك ووو .. مر كهربائي أنا اتوقع المشكلة يا حساس أو مشكله كهربائية لأن مو معقول ترتفع وتنزل الحرارة بهذه السرعه !!

ما اتوقع انها كهربائيه

بس بمر كهربائي وبشوف

جزاك الله خير اخوي

[قرم العيال]

موقعك وين !! بالقصيم عندك فليب الفلبيني بالخبراء ,, خله يشوف الموتر

[شبل الطنايا]

قبل لاتسوي أي شي غير
حساس الحرارة لانه المتهم الأول
والأرخص ثمناً

أنا صارت معي يالغالي نفس الحالة هذي بالضبط
وسويت الأديتر ونظفته وبعد نفس الحالة أخير شي
طلعت المشكلة بتومتيك المروحة غيرته وطلع تمام
وكان معي جيب نيسان 2004 والحمدلله زالت المشكلة
ورجعت الحرارة طبيعية إلى حد الربع

بس نصيحة أنتبه لأصحاب الورش لاتروح الا واحد مضمون
أنا قالوا نبي نفك الرأس بالأول ونركب له وجيه ....الخ المهم
صارت الدعوة أفلام سنمائيه قلت لاتركب لا وجيه ولا هم يحزنون
رح لباكستاني ميكانيكي شاطر وقال دام غيرنا الحساس خلنا نغير
التومتيك تبع المروحة قلت قدام المهم من غيرته وصار على كيفك

[ابوو زيد]

موقعك وين !! بالقصيم عندك فليب الفلبيني بالخبراء ,, خله يشوف الموتر
لا والله موقعي الرياض يالغالي



قبل لاتسوي أي شي غير
حساس الحرارة لانه المتهم الأول
والأرخص ثمناً

أنا صارت معي يالغالي نفس الحالة هذي بالضبط
وسويت الأديتر ونظفته وبعد نفس الحالة أخير شي
طلعت المشكلة بتومتيك المروحة غيرته وطلع تمام
وكان معي جيب نيسان 2004 والحمدلله زالت المشكلة
ورجعت الحرارة طبيعية إلى حد الربع

بس نصيحة أنتبه لأصحاب الورش لاتروح الا واحد مضمون
أنا قالوا نبي نفك الرأس بالأول ونركب له وجيه ....الخ المهم
صارت الدعوة أفلام سنمائيه قلت لاتركب لا وجيه ولا هم يحزنون
رح لباكستاني ميكانيكي شاطر وقال دام غيرنا الحساس خلنا نغير
التومتيك تبع المروحة قلت قدام المهم من غيرته وصار على كيفك

اذا وصلت لفكت الراس مرده المعارض يالغالي :D

انا سيخ الرديتر اليوم وما فاد بجرب بغير تغير تماتيك المروحه مع البلف شوي

رحت الوكاله قالوا التماتيك موجود البلف تعال اخذه العصر الساعه 4 قلت اوكيه بمرهم شوي وباخذه ثم بركبه وبشوف ان ظبط والا غيرت الرديتر لانه سمعت راديتر الفتك ما يتسيخ يتغير افضل

ماقول الا جزاك الله خير اخوي

[أبو عابد2000]

بإنتظار وش صار عليك .. والله يرجع موترك مثل ما كان وأحسن :)

[ابوو زيد]

والله يابو عابد سيخت الرديتر اليوم وغيرت البلف و غيرت تماتيك المروحه

وان شاء الله انها تزين

بكره نوقف ونشوف بعز القايله ان نفع والا غيرت رديتر

[شبل الطنايا]

هاه يابو زيد بشرنا وش صار على الفتك عساه ضبط

[قرم العيال]

تراي متابع .. و الله يعينك

[أبو عابد2000]

بإذن الله ضبط :)

[ابوو زيد]

جزاكم الله خير ياشباب والله انكم ما قصرتوا معي

مثل ما قلت غير تماتيك المروحه و سيخت الرديتر و غيرت بلف وغيرت غطاء الرديتر ولا فاد شي

نفس ماهي عليه ما تغير شي

والله اني خايف لا يطلع لي شي كايد

ناوي اغير الرديتر وبشوف ان شاء الله انها تزين

وش رايكم اخذ تجاري سعره بـ 500 او اخذ لي اصلي 1500 ؟

الصراحه الفرق كايد وانا اميل لتجاري وش رايكم ياجماعه

[أبو عابد2000]

والله يالغالي تأكد من حساس الحرارة قبل لا تأخذ رديتر ... وإن خذيت رديتر خذ رديتر سعودي 4 رصات أو 3 رصات ارخص من الوكالة وتحصله بالمحلات المتخصصه في بيع الرديترات واتمنى لك التوفيق :)

[ابوو زيد]

هلا ابو عابد جزاك الله

ان شاء الله بغير الحساس قريب وبشوف مع اني ما اتوقع منه

يعني يفرق الرديتر 4 او 3 ؟

حق الوكاله كم رصه ؟

والله مادري محتار والله

[شبل الطنايا]

كنك يابو زيد ماغزيت

والله كانك بتغير الأرديتر لاتحط الا وكالة وأدري سعره غالي
ويمكن يضبط ويمكن لا


لكن أفحص الرأس يابو زيد ترى يبان عن طريق صب المويه بالرديتر
والخرطوش من الهواء يصير قاسي وان طلع به شي وده لأقرب معرض :)

[Abu Saad]

مهوب على كل حال من الاديتر ..لاتستعجل وخصوصا انك توك مصيخه.
عموما سعره وكالة 1350 ريال.
سؤال:
اذا فتحت القربة وشغلت السيارة هل تفور الموية وتظرب بالكبوت ام لا؟؟

[ابوو زيد]

كنك يابو زيد ماغزيت

والله كانك بتغير الأرديتر لاتحط الا وكالة وأدري سعره غالي
ويمكن يضبط ويمكن لا


لكن أفحص الرأس يابو زيد ترى يبان عن طريق صب المويه بالرديتر
والخرطوش من الهواء يصير قاسي وان طلع به شي وده لأقرب معرض :)

اي والله خساير على الفاضي

بس فرق السعر يالغالي وخوفك يضبط وخوفك لا


فيه طريقه افحص فيها الراس ؟

الليات عندي ما تحجر والحراره مع المكيف بس يعني من امشي شوي مسافه ترجع تنسدح


فيه طريقه نفحص فيها الراس بدال الورش ونصبهم

[ابوو زيد]

مهوب على كل حال من الاديتر ..لاتستعجل وخصوصا انك توك مصيخه.
عموما سعره وكالة 1350 ريال.
سؤال:
اذا فتحت القربة وشغلت السيارة هل تفور الموية وتظرب بالكبوت ام لا؟؟


والله مادري وش اسوي يالغالي محتاار

امس سالت عنه بالوكاله يوم شريت التماتيك قالي بـ 1500 قلت اخر شي كم قال شف وش يصير معك وارجع لي ان شاء الله ما اقصر معك

بس فارق السعر مو هين


اذا السياره بارده ولا حاره ؟

جربت هي بارده طبعا اشغل بعدين افتحه ما يفور

وحتى هي حاره العصر كنت راجع من مشوار وفكيت الرديتر فار شي بسيط يمكن مع المشوار وحرارة الجو وكنت مشغل مكيف

والا لها طريقه ثانيه ؟

[صباح القايله]

الله العالم انه طرمبه

[Abu Saad]

انا اقصد القربة ..اذا فتحتها وشغلته واحتر ..
اذا ماهي تفور وتضرب بالكبوت اذا احتر الموتر فمعناه تطمن الراس سليم (مافيه تقوس)
وهناك فرق بين التقوس و(الشعر) الشعر يخلط الماء بالزيت والتقوس يدخل ظغط البساتم على مجاري الماء.والتقوس امره بسيط يحفونه المخرطه ويضبط..
وياليت تمر ابوصالح التركي بيفيدك زين.
بالتوفيق

[ابو سليمان 11]

كانت معي في ربع 91اذا وقفت عند الاشارة ارتفعت الحراره
وبعت الموتر وهو على هل الحركات

[ابوو زيد]

الله العالم انه طرمبه

الله لا يقوله ان شاء الله

فيه طريقه اعرف الطرمبه سليمه والا لا ؟


انا اقصد القربة ..اذا فتحتها وشغلته واحتر ..
اذا ماهي تفور وتضرب بالكبوت اذا احتر الموتر فمعناه تطمن الراس سليم (مافيه تقوس)
وهناك فرق بين التقوس و(الشعر) الشعر يخلط الماء بالزيت والتقوس يدخل ظغط البساتم على مجاري الماء.والتقوس امره بسيط يحفونه المخرطه ويضبط..
وياليت تمر ابوصالح التركي بيفيدك زين.
بالتوفيق

طيب شلون اسوي الطريقه اخلي السياره تبرد ثم اشغل افتح الغطاء واشغل السياره انتظر حتى ترتفع الى وضعها الطبيعي واشوف ؟

والا اذا السياره محتميه

لو يخلط زيت وماء كان يبين دخان صح والا لا الحمد الله مافيه لا دخان ولا خلط لا من ناحية الرديتر ولا مناحية زيت المكينه

يبي لي امره ان شاء الله

جزاك الله خير اخوي والله انك ما قصرت لا انت ولا الشباب


كانت معي في ربع 91اذا وقفت عند الاشارة ارتفعت الحراره
وبعت الموتر وهو على هل الحركات

الله يكون بالعون يابو سليمان ان شاء الله امرها هين

[أبو عابد2000]

الله يكون بعونك يالغالي .. بالنسبة للرديتر حق الوكالة أصغر من السعودي .. السعودي أكثر من رصات الوكالة ( وكل مازادت الرصات كل ماكان ابرد للموتر :) ) بس نجي للفرق عندك رديتر الوكالة يجي ألمنيوم ( وميزته يبرد أسرع من النحاس ) وعندك النحاس أرخص ويكد ( واحد من الربع من شرا سيارته قبل 3 سنوات ركبه وإلى يومك ما شكى من الحرارة ) وميزة النحاس أنه أكبر وارخص ومثل ماقلت لك يكد بس أهم شي تحط ماء رديتر أصلي :) ... وعلى فكرة تأكد من طرنبة الماء والحساس قبل لاتغير الرديتر والله يعطيك الصحة والعافية :)

كم موديل موترك ؟

[asdali]

اخوي قبل لا تسوي شي شيك مروحة المكيف يمكن سرعتها ضعيفة ولا تأدي الغرض والشي الثاني الغطا حق مروحة المكينة ممكن به كسر والهوا ما يجي مضبوط والثالث شوف رديتر المكيف يمكن به وسخ من برا او انسداد يخليه ما يبرد والله ييسر امرك

[ابوو زيد]

الله يكون بعونك يالغالي .. بالنسبة للرديتر حق الوكالة أصغر من السعودي .. السعودي أكثر من رصات الوكالة ( وكل مازادت الرصات كل ماكان ابرد للموتر :) ) بس نجي للفرق عندك رديتر الوكالة يجي ألمنيوم ( وميزته يبرد أسرع من النحاس ) وعندك النحاس أرخص ويكد ( واحد من الربع من شرا سيارته قبل 3 سنوات ركبه وإلى يومك ما شكى من الحرارة ) وميزة النحاس أنه أكبر وارخص ومثل ماقلت لك يكد بس أهم شي تحط ماء رديتر أصلي :) ... وعلى فكرة تأكد من طرنبة الماء والحساس قبل لاتغير الرديتر والله يعطيك الصحة والعافية :)

كم موديل موترك ؟

امين جزاك الله خير ابو عابد

بس يابو عابد النحاس ما يمدحونه مافي مثل الامنيوم بشوف ان حصلت الامنيوم والا شريت جديد

ان شاء الله مع انه يوم غيرت البلف و التماتيك قالي المكانيكي انه الطرمبه مافيها شي والا الماء ما يدور

ان شاء الله بغير الحساس قبل وبغير الخرطيش قبل ان ما نفع غيرت الراديتر

موتر خويك كم مديله ؟

موتري مديله 2006


اخوي قبل لا تسوي شي شيك مروحة المكيف يمكن سرعتها ضعيفة ولا تأدي الغرض والشي الثاني الغطا حق مروحة المكينة ممكن به كسر والهوا ما يجي مضبوط والثالث شوف رديتر المكيف يمكن به وسخ من برا او انسداد يخليه ما يبرد والله ييسر امرك
المروحتين شغاله عندي وما فيها خلاف ونفسه الديوكور حق المروحه مافيه لا كسر ولا شي

طيب شلون افكر الراديتر انظفه ثم ارجع اركبه ؟ ولا كيف اتوقع اذا فكيته لزم اعبي فرين بعده والا ؟

جزاك الله خير اخوي

[سوبر VTC]

مع انه يوم غيرت البلف و التماتيك قالي المكانيكي انه الطرمبه مافيها شي والا الماء ما يدور

مافهمت تناقض !!!
اذا كان الماء يدور فالطرمبة و الاديتر تمام
اذا مايدور فالمشكلة سدد بالاديتر او الطرمبة مبوشة او مجيمة او متاكلة
فحص كلتش المروحة سهل اذا ثقيل مرة فهو مجيم
اذا كان خفيف مرة فهو خربان و عادة يهرب زيت
و للمعلومية لهو ثقيل مجيم فان الكلتش يكون شابك باستمرار
و هذا يؤدي الى ان الحرارة تنزل لانه شابك
و لو كان خربان ثقيل يطلع صوت عالي بالمكينة
و اذا احتمى الموتر و انت واقف مع المكيف دس بنزين الابنص على 1.5
لمده 3دقائق او اكثر
اذا نزل الانبير فالكلتش تمام
لذلك استبعد الكلتش
و لازم تركب الكلتش الاول الاصلي و لا تركب تجاري
اذا الخراطيش لينة بالحيل فقد تنسفط مع الممشى

رابط
خلاص طق عقلي (http://www.mekshat.com/vb/showthread.php?t=243531)

اخبر مع احد الربع سلقة باترول م91
ركب غطاء اصلي عليه استكر برتقالي اذا وصل سرعه 120
توصل الحرارة فوق الخطين :no:
رجع لنفس الوكيل و ركب غطاء اصلي بدون استكر
و نامت الحرارة :good::good::good:

لك رسالة على الخاص

موضوع جانبي
ماهي الطريقه الصحيحه لتبديل ماء ( رديتر الفتك ) (http://www.mekshat.com/vb/showthread.php?t=288902)

اعانك الله

[أبو عابد2000]

موتر خويي يا أبو زيد ددسن 97 :D

ومثل ماقال أخوي سوبر إذا الماء مايدور فإن المشكلة من الرديتر منسد أو الطرنبة مجيمه ..

بس أنت مسيخ الرديتر يعني الرديتر كويس .. ممكن من الطرنبة يالغالي :)

[ABO AL-HESH]

السلام عليكم..
الله يعينك اخوووي .
الحراره مشكلته مشكله ..
اخوي ابيك تأكد من غطيان الريديتر لان عندك بالموتر غطائين .. واحد للرديتر وواحد بالعلبه الي جنب المكينه على اليسار.. غطاء الرديتر عكس اغلب السيارات لانه يكون بدون جلدة ضغط (غطاء عادي) اما العلبه هي الي يكون به ضغط.. تأكد لا يصيرن مبدلات.. او تأكد من غطاء العلبه يمكن يبيله تغيير..

[ابوو زيد]

مافهمت تناقض !!!
اذا كان الماء يدور فالطرمبة و الاديتر تمام
اذا مايدور فالمشكلة سدد بالاديتر او الطرمبة مبوشة او مجيمة او متاكلة
فحص كلتش المروحة سهل اذا ثقيل مرة فهو مجيم
اذا كان خفيف مرة فهو خربان و عادة يهرب زيت
و للمعلومية لهو ثقيل مجيم فان الكلتش يكون شابك باستمرار
و هذا يؤدي الى ان الحرارة تنزل لانه شابك
و لو كان خربان ثقيل يطلع صوت عالي بالمكينة
و اذا احتمى الموتر و انت واقف مع المكيف دس بنزين الابنص على 1.5
لمده 3دقائق او اكثر
اذا نزل الانبير فالكلتش تمام
لذلك استبعد الكلتش
و لازم تركب الكلتش الاول الاصلي و لا تركب تجاري
اذا الخراطيش لينة بالحيل فقد تنسفط مع الممشى

رابط
خلاص طق عقلي (http://www.mekshat.com/vb/showthread.php?t=243531)

اخبر مع احد الربع سلقة باترول م91
ركب غطاء اصلي عليه استكر برتقالي اذا وصل سرعه 120
توصل الحرارة فوق الخطين :no:
رجع لنفس الوكيل و ركب غطاء اصلي بدون استكر
و نامت الحرارة :good::good::good:

لك رسالة على الخاص

موضوع جانبي
ماهي الطريقه الصحيحه لتبديل ماء ( رديتر الفتك ) (http://www.mekshat.com/vb/showthread.php?t=288902)

اعانك الله


معليش ياسوبر خطاء مطبعي

قصدي الماء يدور ومافيها شي الطرمبه

قد ارتفعت علي الحراره سيخت الرديتر وظبطت اموري الكلام هذا بالصيفيه الي فاتت فاكبر احتمال انه من الرديتر به مشكله علشان كذا ودي اغيره بس محتار بالاصلي او اخذ تجاري وشوف علشان ما اخسر زياده

وتم تغير البلف و تماتيك المروحه مع الريشه لانه الاوله فيها كسر باحد الريش و غييرت الخطاء طبعا كلها اصليه من الوكاله غيرت بس خطاء الجربه الي تجي على اليمين


موتر خويي يا أبو زيد ددسن 97 :D

ومثل ماقال أخوي سوبر إذا الماء مايدور فإن المشكلة من الرديتر منسد أو الطرنبة مجيمه ..

بس أنت مسيخ الرديتر يعني الرديتر كويس .. ممكن من الطرنبة يالغالي :)

الددسن امره هين كلمن يعرف له :D

لا الماء يدور

وبنروح لمكانيكي نخليه يفحص لنا الطرمبه


السلام عليكم..
الله يعينك اخوووي .
الحراره مشكلته مشكله ..
اخوي ابيك تأكد من غطيان الريديتر لان عندك بالموتر غطائين .. واحد للرديتر وواحد بالعلبه الي جنب المكينه على اليسار.. غطاء الرديتر عكس اغلب السيارات لانه يكون بدون جلدة ضغط (غطاء عادي) اما العلبه هي الي يكون به ضغط.. تأكد لا يصيرن مبدلات.. او تأكد من غطاء العلبه يمكن يبيله تغيير..

وعليكم السلام

ايه صدقت غطائين الجربه يجي عليها ضاغط و حق الرديتر بدون ضاغط

وغيرت غطاء الجربه الي تجي على جهت اليمين من الوكاله طبعا ضاغط

[أبو عابد2000]

اها إذا الرديتر فيه مشكل :D

[لحن الوداع]

حياك الله اخوي

صارت لي نفس مشكلتك وما تصير الا مع المكيف

وغيرت بلف الحراره و موية ارديتر

وغسلة المكينه غسيل عادي والحمد الله راحت المشكله

[قصر1423]

اعتقد انه سلك الحساس مرتخي
من خلال مقطع اليوتوب ان هذا ليس مشكلة في البلف ولا الاديتر

وشكرا

[أبو عابد2000]

وش صار عليـك يا أبـو زيد .. بشــر :)

[Abu Saad]

اعرف واحد من الربع معه فتك وحصل له نفس مشكلتك .
غير بلف الحرارة وغير الاديتر ولانفع.
وغير تماتيك المروحة وضبط.
بالتوفيق

[ابوو زيد]

اها إذا الرديتر فيه مشكل :D
والله اني شاك بالرديتر ان شاء الله بغيره

حياك الله اخوي

صارت لي نفس مشكلتك وما تصير الا مع المكيف

وغيرت بلف الحراره و موية ارديتر

وغسلة المكينه غسيل عادي والحمد الله راحت المشكله
الله يحيك

والله غيرت البلف وغيرت التماتيك و سيخت وما راحت العله

نبي نغير الرديتر ونشوف


اعتقد انه سلك الحساس مرتخي
من خلال مقطع اليوتوب ان هذا ليس مشكلة في البلف ولا الاديتر

وشكرا
والله فكيت الحساس وركبته مره ثانيه نفس الحركه ما تغير شي


وش صار عليـك يا أبـو زيد .. بشــر :)

ما صار شي ننتظر الدراهم طلاب وطفاره :D


اعرف واحد من الربع معه فتك وحصل له نفس مشكلتك .
غير بلف الحرارة وغير الاديتر ولانفع.
وغير تماتيك المروحة وضبط.
بالتوفيق
مثل ما قلت اخيوي غيرت التماتيك وغيرت البلف وسويت تسيخ ما نفع بنغير الرديتر ونشوف عسى وعل تظبط

[أبو عابد2000]

الله يكتب اللي فيه الخير :)

[محترف]

حركة الإمبير سريعه اذ ما فيه حرارة ملحوظة ترا المشكلة كهرب والله اعلم

[كرم نت]

الله يكون بعونك

[ابوو زيد]

شكرا لكم جميعا واقول لكم ما قصرتم والله

بعد الخساير والحوسه ووجع الراس

مثل ما وضحت غيرت تماتيك مروحه وغيرت ريشه وغيرت بلف وغيرت غطيان الرديتر وغيرت رديتر ولا فادت الحاله توقعت انه راس او شي بالمكينه

اخر شي شافها شخص قالي من الدينمو قلت دينمو يرفع الحراره استغربت والله قالي انت مغيره قلت ايه مغيره قبل سنه تجاري قالي منه الحراره الصراحه صدقت لانه ابي اي شي ينزل الحراره مريت الوكاله وسالت عن سعره قالوا لي بـ 2670 ضاق خلقي وطلعت من الوكاله تذكرت واحد سعودي بصناعية النسيم قلت خلني امره واسال يوم مريته قلت له كيت وكيت المشكله قالي مستحيل الدينمو يرفع الحراره ويوم شاف عداد الحراره قالي ياعندك التماس بالضفيره او الماس ما يوصل البدي زين يوم شيك على الماس وحرك سلك الماس قامت الحراره تلعب شد على المسمار

والحمد الله ثبتت الحراره على الربع ما تحركت مع مكيف ولا بدون

قسم بالله اني مسكت راسي قلت سلك يخسرنا الخساير هذي

طبعا توني مسويها نجرب اليوم بكره ان شاء الله ما ترتفع الحراه ويطلع من السلك الي خسرنا

[قناص خلاوي]

الله يبشرك بالخير
وعسى الله يخلف عليك ماراح
كل دقه بتعليمه اخوي ودامك حصلت الحل فالحمدلله

[ابوو زيد]

الله يبشرك بالخير
وعسى الله يخلف عليك ماراح
كل دقه بتعليمه اخوي ودامك حصلت الحل فالحمدلله

اي والله كل دقه بتعلومه

الصراحه شي يشيب الراس

ولا نحكم انه من السلك حتى نجربه ونشوف الوضع بس مبدائين انه الوضع اختلف 180 درجه

[لحن الوداع]

الحمد لله على كل حال

والتغييرات اللي غيرتها موب خساره لك ولزمن

ولكن ياليت تعطينا صوره لمكان اسلك للفائد ...

[ابوو زيد]

الحمد لله على كل حال

والتغييرات اللي غيرتها موب خساره لك ولزمن

ولكن ياليت تعطينا صوره لمكان اسلك للفائد ...

اي والله الحمد الله على كل حال

لا والله خساره وخاص لنا ياطلاب :D

ابشر بصوره


http://www.rofof.com/img5/6tnuqi17.jpg




http://www.rofof.com/img5/6rtzhc17.jpg

[أبو عابد2000]

قلت لك قبل المشكلة كهربائية :D

خيره يابعد روحي والله يعوضك خير والحمد لله على سلامة الموتر :)

[د ك م 586]

واضح جدا ان المشكلة كهربائية بحته
الله يعوض عليك واهم شي عدم الاستعجال في التغيير وبالذات اذا كانت السيارة والقطعة المستبدلة نظيفه او شد البلد لانه مايعوضها شي حتى الاصلي وكالة
ليتك تحاول تحصل على القطع الرجيع وتحفظها عندك لوقتها او حتى تبيعها لاحد محتاجها (تماتيك ,بلف, اديتر ..........الخ)

[صباح القايله]

الله يسر امورك

[كرم نت]

الحمد لله على كل حال

واحمد ربك ماطلع من الرأس، كل شيء أهون من شيء

[Abdulmalik]

الحرار لاعبه في مواترنا هاليومين

اذا تزودنا بالصور عن الماس

جعلها آخر الخساير ونا اخوك

[b.l.z 2007]

بالتوفيق وانشاء

[b.l.z 2007]

بالتوفيق وانشاء الله ماترجع لك مره ثانيه

[الهاشمي ال]

شكرا لكم جميعا واقول لكم ما قصرتم والله

بعد الخساير والحوسه ووجع الراس

مثل ما وضحت غيرت تماتيك مروحه وغيرت ريشه وغيرت بلف وغيرت غطيان الرديتر وغيرت رديتر ولا فادت الحاله توقعت انه راس او شي بالمكينه

اخر شي شافها شخص قالي من الدينمو قلت دينمو يرفع الحراره استغربت والله قالي انت مغيره قلت ايه مغيره قبل سنه تجاري قالي منه الحراره الصراحه صدقت لانه ابي اي شي ينزل الحراره مريت الوكاله وسالت عن سعره قالوا لي بـ 2670 ضاق خلقي وطلعت من الوكاله تذكرت واحد سعودي بصناعية النسيم قلت خلني امره واسال يوم مريته قلت له كيت وكيت المشكله قالي مستحيل الدينمو يرفع الحراره ويوم شاف عداد الحراره قالي ياعندك التماس بالضفيره او الماس ما يوصل البدي زين يوم شيك على الماس وحرك سلك الماس قامت الحراره تلعب شد على المسمار

والحمد الله ثبتت الحراره على الربع ما تحركت مع مكيف ولا بدون

قسم بالله اني مسكت راسي قلت سلك يخسرنا الخساير هذي

طبعا توني مسويها نجرب اليوم بكره ان شاء الله ما ترتفع الحراه ويطلع من السلك الي خسرنا





اخوي شيك ع الخاص لاهنت ضروري جدا جدا جدا

[هم الشمالي]

هاذي الشغله صارت معي باترول 93وخسرت على الموتر شي كثير وطلعت المشكله من الماص لأن الكهرب ماياصل للسياره بشكل كافي ويصير توزيع الكهرب ملخبط واني استغربت سلك يسوي كل هذا والحراره كانت تاصل معي قريب من الأتش بسبب هاسلك