الحل في رجة الباترول وبعديييين زودها

[هاوي موتري96]

السلام عليكم اخواني
مثل ماهو واضح بالاعلان
عندي باترول 96صالون
الموتر فيه رجه غير طبيعيه من 90 وطالع الين اوصل طبلونه
مادري اركب فرارات ولا اجرب وافك العمود حق الدبل
قبل او المشكله من الاذرعه مع العلم ان فيه رجه مع المطبات قووووووويه والله احترت
او ادبل مساعد الدركسون
فيه واحد قالي رح لميزان الباديه
والي جربه الله يعطيه العافيه يفيدنا
وسامحوني على الاطاله بس وش اسوي خويكم>>>>:good2: :good2: :good2:

[ن م ر]

العلم ان فيه رجه مع المطبات قووووووويه



هذا على الأغلب مساعد الدركسون منتهي

وابدأ بالحلول السهله وغير المكلفة

[برايدوي عنيد]

هلابك اخوووي ...........

عندك كم شي لابد انك تاكد منهن:

مساعد الدكسون , الاذرعه , جلد عمود التوازن , وزن رمان ,

كان عندي رجه وشيكت على الاشياء هذي وضبط معي ..

تقبل مروري.............

[Dr.drb]

فك عمود الدبل و جرب الموتر .. صارتلي في موتري الباث و فكيت عمود الدبل و جربت الموتر طلع تمام ما فيه ولا رجه ولا شي بعدها صلحت العمود <<غيرت الصلبان الي في العمود و رصصت العمود وضبط

اتمنى اني افدتك ..

[سوبر VTC]

مازيد على كلام اخوي بريدواي عنيد
لكن جميع ربعي
من شرا باترول يدبل مساعد الدركسون
لان رجة الدركسون القوية عند المطب يدل على امرين


فائدة اخرى للمساعد الاضافي

1 المساعد ضعيف بدليل من 15سنة و هم يدبلون المساعد
2 المساعد مهرب زيت و اذا سحبته بيدك يكون خفيف
و تحصل عليه اثر زيت
ميزة التدبيل لاقدر الله
لو ضرب عليك الكفر الامامي يمشي الموتر عدال :good:
بدليل
الجمس على وقته م94 كان يقلب :no:
فكانوا اول ما يطلعون الموتر وكاله يدبلون المساعد
و كان الموتر يمشي عدال :good: باذن الله


عون الباري للقضاء على رجة السفاري. - منتديات مكشات (http://www.mekshat.com/vb/showthread.php?t=135114)

[هاوي موتري96]

اخواني
سوبرVTC
ن م ر
بريداوي عنيد
Dr.drb
الله يعطيكم العافيه على التفاعل في الموضوع
وشاكركم على مروركم وان شا الله انكم افدتوني وغيري
لاكن اخوي سوبر من الي يدبل مساعد الدركسون في الرياض دلني الله يعطيك العافيه
لأن كل الي اعرفهم بالقصيم

[AHH]

اخي هاوي شيكت على الكفرات ؟
احيانا تكون مافيها مشكلة ظاهرية (مسحية) وتكون فية رجة اذا زدت السرعةز الكفر(ليس الجنط) نفسة فية مشكلة. هذي حصلت لي والحل ان الكفر يشيك علية عند واحد ممتاز بتغير الكفرات . ويغير الكفر الي فية مشكلة.

هذي حادثة حصلت لى مع سيارتي سفاري صالون بعد اسعمال الكفرات(برجستون) اقل من 60 الف كم .الكفر ما كان يعاني من اي مشكلة اخرا. رصصت الكفر(اجنط) وما فاد.

ارجو ا تكون مشاركتي مفيدة .

سلاااااااامي

[سوبر VTC]

^
^
^
فعلا اذا كان الكفر محبل ينتفض الموتر


التدبيل يكلف حول 150 الى 200ريال
عندك ورشة التركي بالصناعية القديمة
او ادخل الرابط التالي



تدبيل مساعد الدركسون للجيبوب في الرياض وداعاً للرجه (http://www.mekshat.com/vb/showthread.php?t=214834)


او ادخل الرابط التالي
طبعا ترفع الكفرات الامامية و تحرك الكفر بيدك فوق تحت
اذا يتحرك ففيه رخاوة بوجه الرمان


(( وجدنا الحل لرجة الدركسون في السفاري )) لا تدبيل ولا ترهيم ....!! (http://www.mekshat.com/vb/showthread.php?t=251739)

[الوسيطاء]

اخوي جلد الرباطات الاماميه يبيلها تتغير

[يالبى قلبك 11]

اخوي VTC هل التدبيل ينفع للربع .!؟
انا عندي رجه اليمه اذا اكلت مطب وانا امشيء 80 - 110 تقريبا ..!

[][ســهم][]

انا حصلت معي هالرجه
تأكد من مساعد الدركسون سليم ؟؟
ورح لميزان وأكبس ذراع الدركسون دايم يكون الخلل منه

[سهم ملتهب]

الله يعين بس كلن لة رأي وكلن يقدح من راسه ضيعتووووووووا الرجال شكلة كرهه السيارة

[هاوي موتري96]

الله يعين بس كلن لة رأي وكلن يقدح من راسه ضيعتووووووووا الرجال شكلة كرهه السيارة
هههههههههههههههه
الله لايقوله كلش ولا اكره موتري انا مثل الباترول مالقيت والله لو به عيوب الدنيا ولاخره
يكفي انه اذا رحت للبر انا قدام والجيوب الجدد كلها وراي

والي يسأل هالوجيه الطيبه مايتوه

[هاوي موتري96]

^



^
^
فعلا اذا كان الكفر محبل ينتفض الموتر


التدبيل يكلف حول 150 الى 200ريال
عندك ورشة التركي بالصناعية القديمة
او ادخل الرابط التالي



تدبيل مساعد الدركسون للجيبوب في الرياض وداعاً للرجه (http://www.mekshat.com/vb/showthread.php?t=214834)


او ادخل الرابط التالي
طبعا ترفع الكفرات الامامية و تحرك الكفر بيدك فوق تحت
اذا يتحرك ففيه رخاوة بوجه الرمان



(( وجدنا الحل لرجة الدركسون في السفاري )) لا تدبيل ولا ترهيم ....!! (http://www.mekshat.com/vb/showthread.php?t=251739)



اقول الله لايحرمنا جميعا منك تدري والله مادري وش بيسوون الخيمه من دونك
طبعآ ولا يهونون الاعضاء

[خالد الزومان]

اخوي شيك على ركب الدفرنش المامى الى فوق ورمان حق الركبه

[هاوي موتري96]

اخوي شيك على ركب الدفرنش المامى الى فوق ورمان حق الركبه
الحمدلله الركب سليمه
وشاكر لك مرورك والافاده