راح عزم الموتر.............الفزعة ياهل الخبرة

[البدر 1]

بسم الله الرحمن الرحيم
السلام عليكم ورحمة الله وبركاته
مساكم الله بالخير جميعا ياجماعه انا فكيت راس مكينة الموتر السفاري 99
لان فيه تنسيم وركبت وجه ومسحت الراس سنتين وراحت المشكلة هاذي لكن طلعت مشكلة ثانية وهي ان عزم الموتر راح ولا ادري وش السبب غيرت بواجي
واسلاك بواجي وطرنبة البانزين كشفت عليه قالوا مافيها مشكلة.
وش السبب ياهل الخبرة وياهل العرف لاتبخلوا علينا بالاراء والمشاركة .


اسأل الله ان يوفق الجميع لكل خير

[عميد سامودة]

من راس المكينه
وده لورشه صاحيه وفكه من جديد شوف فين الخلل

[سوبر VTC]

الاسباب كثيرة يا طويل العمر
صفاي بنزين
طرمبة البنزين دايم تخرب و تكون ضعيفة
و البديل عنه يركبون طرمبة فتك م2002 و طالع لك و للزمن و احسن من حقت البلد
تقريبا ب420ريال
اذا كان الموتر يكتم يقطع تاكد من خرطوش القربة بين اللهاة و القربة دايم ينشق و يلفون عليه شطرطون عريض
عندك ربما خراب منظم الهواء بنفس الخرطوش
تحتاج وزن ديلكو و وزن بلوف
ربما تنسيم بوجه الثلاجه و القزوز
موقعك ؟
اعانك الله

[قنياوي]

السلام عليكم ، ما هو نوع البنزين ؟؟
اقتراح وليس بالضرورة أن يكون السبب ما سيذكر :
بنزين 91 يسبب مع مرور الوقت ضعف عزم شديد بالسيارة وكذلك صوت بالمكينة لقلقة أو طقطقة ، وأول ما نزل بنزين 91 أخذت أعبي السيارة منه جي إكس آر 2003 وفي شهر 7 عام 1430 هـ حدث عندي المشكلة السابقة وغيرت البنزين إلى 95 بمشورة ميكانيكي سعودي وقال إن البنزين 91 يسبب مشاكل للمكائن ويتلفها ومن يوم غيرت لبنزين 95 وما شاء الله تبارك الله راحت الطقطقة وزان عزم الومتر .
ثانيا ً : دبة الحرارة اللي في ماصورة الشكمان ويسمونها دبة الكربون تسبب ضعف شديد في عزم السيارة وفي الحرارة في حال إنها تسكرت من الوسخ والكربون البعض يغيرها بجديدة والبعض يزيلها بدون تغيير لأنها ليس لها داعي للحر المرتفع ولغلاء سعرها .

[راعي العشــه]

على حد علمي السفاري قوة 4500 كديش مايمشي
اذكر نتصيد وراكب مع واحد معه سفاري الظاهر موديل 2001 المهم انه 4500 بصراحه هو بغى ينزل ويحرق فيه من رداة عزمه
والمشكله مافيه شي كل حاجه سليمه
بس اللي اسمعه انه عزمه يبرد علطول

[البدر 1]

السلام عليكم ورحمة الله وبركاته


مساكم الله بالخير أبشركم المشكلة أنتهت الحمدلله


صارت المشكله من وزن البلوف

رحت لعطي الله الخضير ببريده

أول ما سمع صوت السياره

قال صوت السياره بلوفه مقفله

وفعلاً يوم فك غطى البلوف

لقى البلوف مقفله وجلس على الموتر ساعتين

وأزيدكم من الشعر بيت مأخذ الأ ثمانين ريال


أشكركم جميعاً علـــــــــــى التفاعل .




وفق الله الجميع .

[هويدي]

الحمدلله على سلامة موترك

يعجبني اللي يرجع لموضوعه بعد ما تنحل مشكلته

منها يفيد العالم بالمشكله وحلها ، ومنها يفيد الشروفين اللي زيي :)

[سوبر VTC]

الحمدلله على سلامة موترك

يعجبني اللي يرجع لموضوعه بعد ما تنحل مشكلته

منها يفيد العالم بالمشكله وحلها ، ومنها يفيد الشروفين اللي زيي :)

هويدي
الله يعين الارض و سامودة و ضيدة :D