لصحاب الخبرة وش حل ماء الرديتر يروح الى الزايد ؟؟؟؟

[راعي-gx97]

السلام عليكم ورحمة الله وبركاتة

ياخوان معي لاند كروزر gx97 صالون المشكلة هي اذا مسكت خط مسافة طويلة يتحول ماء الرديتر الى الزائد (القربه) ويصير الرديتر نصفة هواء علما ان الحرارة طبيعية والرديتر جديد لمنوم والخراطيش جديدة ولابها تهاريب والبلف مشيول ؟؟؟؟؟؟؟؟؟

آآآمل من الاخوة اصحاب الخبرة حل المشكلة ولكم الشكر ,,,,:l

[العابر2222]

ركب غطاء اديتر اصلي الغطاء فيه تنسيم يرجع الماء للقربة

[هاوي موتري96]

نعم اسمع كلام اخونا العابر وغير غطاء الراديتر لانه هو الي ينسم الهوا علشان كذا يعبي الراديتر هواء مايطلع اكيييييييد الغطاء مافيه كويس >>> هندي في الصناعيه ههههه

[قرم العيال]

غير الغطاء باصلي

[كاسبر القصيم]

شيك على مخرج الهواء اللي فوق العلبة لا يصير معكوس

[راعي-gx97]

الاخوان اللي قالو ركب غطاء :

ركبت غطاء رديتر أصلي من الوكالة ولكن المشكلة مازالت باقية !!!!

الاخ/ كاسبر القصيم مخرج الهواء فوق أي علبة قصدك علبة الزائد ؟؟؟؟

[صافي الماس]

يالحبيب
س - هل السيارة تفور .
(( اذا الجواب لا وضع السيارة طبيعي، وللتاكد شاهد الماء في القربه بعد ما تبرد السيارة اذا الزيادة الي شفتها رجعت للريديتر فتاكد طبيعي )).
س - ويش سبب شيلت البلف .
(( البلف وجودة في المكينة افضل وله فائده، لانه ينظم تدفق الماء بعد تبريدة بالريديتر )).
( جرب تركيب البلف الاصلي حقها ).
للعلم اذا السيارة حرارتها نازلة تحت مرة، يكون الاحتراق سيء وتستهلك السيارة وقود، لعدم الاحتراق الكامل .
تحياتي .....

[ابوصالح بريده]

اخوي
1//افتح غطاء الاديتر وخله مفتوح
2// ادعس على البنزين لين ياصل الكمبريشن 4-5 تقريبا
هل يخرج الماء من الاديتر بشكل نافوره
اذا صحيح ====== سيخ الاديتر هذي مايبي لها كلام
تكون الفتحات مسكره والمكينه تدفع الماء للاديتر وهو مسكر طبيعي الماء يتضايق
عشان كذا يروح للزايد
اذا مافيه نافوره ======= معناته الاديتر سليم
===
شيك على الحرف في فتحه الاديتر اللي تكبس عليه ربله الغطاء يمكن يكون معووج ويهرب الماء للزائد

ارجوا ان اكون افدتك

[قناص*07]

كل كلام الشباب 100% وما عليه غبار.
بس تأكد من شيئين:
1- غطاء الرديتر الاصلي لنفس السياره يجي على طرفه مكتوب 1.1 وهذا معناه الضغط فبعض المحلات يبيعون حق الربع 0.9 ويقولون للصالون وهذا غلط.
2- اللي الي طالع من الرديتر ورايح للزايد(القربه) تأكد من اللي الي داخل القربه يكون موجود ومثبت بشكل جيد لانه اذا مافي لي فالهواء راح يرجع للرديتر وبعد وقت تلقاه يفور
3- شيك على كلتش مروحة المكينه.
4- حاول تمر التشاليح وخذ لك مروحة تبريد خارجيه منهم حقت Gxr او Vxr نفس الموديل وركبها.... وترى مكانها يجي جاهز بالسياره يعني ما يحتاج اسلاك وتواصيل و
تخريم كلها مسمارين وصواميل والفيش تلقاه قريب في الحهه اليسرى ووجهك للمكينه.

هذا العلم واتمنى اني افدتك