هل يجوز قتل القرد .. ؟

[سيد القصر]

يسعد الله ايامكم
العام الماضي كنت بأبها انتداب لمدة شهر تقريبا
وكنا ساكنين بمنطقة قريبة من الحبلة
وكان المجمع اللي ساكنين فيه له بيت شعر جميل يطل على الجبال
وكل يوم وحنا فاقدين اغراضنا وعزبتنا من القرود تهجم على الاغراض اثناء غيابنا واذتنا أذية مايعلم بها الا الله
والسنة هذي عندي انتداب لهناك ايضا
وبصراحة ناوي اسمم هالقرود المزعجة ناوي احقن الموز بالسم واوزع عليهم مجاني :)
فهل يجوز قتلهم الله ياخذ اعمارهم ؟

[نفود حائل]

والله هذي يبيلها شيخ يفتيلك

واقترح عليك انك تشوف طريقة اخرى غير القتل

مثل ان تضع بالموقع كلب حراسة اعزك الله

[Cyber]

لو تقوم بحماية مكانك افضل من القتل

فهذه حيوانات لاتعرف وانت من اعطاك الله العقل

فاعمل ماتراه مناسب بدون قتل ولاتحتاج الى فتوى او تدخل في ذمتك شيء

لو كان قطيع 50 قرد مثلا هل ستقوم بقتلها جميعا من اجل عزبه ؟

بالتوفيق ورحله سعيده

[|_عاشق البراري_|]

اعتقد لايجوز بالنسبه انك تتخلص منهم
تجيبلك رادو تخليه شغال اربع وعشرين ساعه اذا بغيت تطلعون من المخيم او كلب حراسه هذا اقتراحي

[سيد القصر]

والله يالربع انها معاناة انتم تحسبون الدعوة بسيطة !!
العام مر علينا عقوبة وشقى مايعلمه الا الله

[سيد القصر]

فهذه حيوانات لاتعرف وانت من اعطاك الله العقل


القرد مايعرف !!
يارجال فيهم ذكاء وعباطة وشقاوة ماشفتها في بعض الاوادم :)

[torrjom]

السلام عليكم ورحمة الله وبركاته


المثل يقول من جاور السعيد يسعد:good2:

وانا اقول من جاور القرود يقرد :D :D


كل الشكر على سعت صدرك

[.التميمي.]

ان شاء الله يجي احد يعطينا فتوى صحيحة

[سيد القصر]

السلام عليكم ورحمة الله وبركاته




المثل يقول من جاور السعيد يسعد:good2:


وانا اقول من جاور القرود يقرد :D :D




كل الشكر على سعت صدرك


الله لا يبارك فيه وفي جواره .. الظاهر ان القرادة حاصلة حاصلة :)
عاد تبي الصراحة اني بلشان في الانتداب
بعدين الخوف انها تهاجمك اذا زعلتها ولها انياب يادافع البلا
واحد من الزملاء اعطاني معلومة مدري هي صدق والا لا :
يقول اذا قتلت واحد منها فسوف تنتقم منك
ماصار انتداب هذي صارت معركة

[kASER-999]

هههههههههههههههههههههههههههههههههههههههههههههههههه هههههههههه ناوي احقن الموز بالسم واوزع عليهم مجاني
الله يبسطك انا اضحكتني الجمله هذي

انا كان جارنا في الديره عنده غنم وحمام والقرده ماقصرت تخطف التيوس الصغار وترضع من الكبار والحمام تكسر اقفاصه حطينا كلبه وعيالها جات شالت عيالها وفي الاخير صار يرميها بالرشاش يخوفها مانفع معها اخر شي قتل واحد وراحت معاد تجي

[بواردي الدبدبه]

يابابن احلال لاتذبح ولا واحد دس اغرضك عنها وبس

[أبوعتقان]

هههههههههههه
الله يعينك
بعض الاخوان هنا يردون وهم اتوقع مالهم تجربه مع القرود
يا رجال القرود هذي الي يسونها في الجنوب ربحان فيه شيطنه وذكاء وخبث ماهو طبيعي
وقبل كم سنه خطفت ورع ابو ثلاث سنين في الهدا بالطايف والسالفه سمعتها من كم واحد بالطايف
حنا بالباحه نذبح منهم كميات والمشكله يزيدون ماكنك ذبحت شي وكنك يا ابو زيد ماغزيت
احسن طريقه اذبح واحد منها وارمه جهتهم واتوقع ماعاد يرجعون
لان الحركه هذي يسونها اهل المزارع بالجنوب
والله يسهل دربك
اخوك

[سيد القصر]

هههههههههههه
الله يعينك
بعض الاخوان هنا يردون وهم اتوقع مالهم تجربه مع القرود
يا رجال القرود هذي الي يسونها في الجنوب ربحان فيه شيطنه وذكاء وخبث ماهو طبيعي
وقبل كم سنه خطفت ورع ابو ثلاث سنين في الهدا بالطايف والسالفه سمعتها من كم واحد بالطايف
حنا بالباحه نذبح منهم كميات والمشكله يزيدون ماكنك ذبحت شي وكنك يا ابو زيد ماغزيت
احسن طريقه اذبح واحد منها وارمه جهتهم واتوقع ماعاد يرجعون
لان الحركه هذي يسونها اهل المزارع بالجنوب
والله يسهل دربك
اخوك

اذبح واحد .. هذا بلا ابوك ياعقاب اخاف ينتقمون مني وانا ابي السلامة :)

[وليد اللهيبي]

نعم قتل شوزن
ههههههههههههههههههههههه
مو موز ياخوي تجطي في سم ادهس بسيارة بعدين بع سياراة

[اسم قديم]

فيه طريقتين
الاولى
امسكه ولبسه ثوووووب اهم شي لاتفصله ما يستاهل عطه جاهز احسن هههه :d وشماغ وعاد الله الله في اللبس ازبطه واربط الشماغ زين فيه وفكه على ربعه وشووف
اما الثاني

اذا مسكته جيب لك سطل بويه بيضاء طبعاً قبل كل شي قرب ذاك البراد شاهي مخمخ عليه وهو مربوط قدامك وابد الشغل
امسكه وسوي لها صبغه بويه بيضاء من اصبع رجله لين راسه فل كامل عاد اذا تبي تدلع القرد تحط له خطوط سوود حمر خضر اي شي بس للتزيين براحتك وبعد ما تزينه فكه على ربعه القرود وشووف الطريد


ملاحظـــــــــــه ::

اهم شي لاتنسى من التصوير ورنا

متمنى لك انتداب سعيد

[سيد القصر]

نعم قتل شوزن
ههههههههههههههههههههههه
مو موز ياخوي تجطي في سم ادهس بسيارة بعدين بع سياراة

أي سيارة
الدعوة دخلوا علينا بالمخيم واطمروا الجدران والشبوك
هي احدا حاجتين يانعطيهم سم أو نكهرب الشبك :)

[سيد القصر]

فيه طريقتين
الاولى
امسكه ولبسه ثووبه وشماغ وعاد الله الله في اللبس ازبطه واربط الشماغ زين فيه وفكه على ربعه وشووف
اما الثاني

اذا مسكته جيب لك سطل بويه بيضاء طبعاً قبل كل شي قرب ذاك البراد شاهي مخمخ عليه وهو مربوط قدامك وابد الشغل
امسكه وسوي لها صبغه بويه بيضاء من اصبع رجله لين راسه فل كامل عاد اذا تبي تدلع القرد تحط له خطوط سوود حمر خضر اي شي بس للتزيين براحتك وبعد ما تزينه فكه على ربعه القرود وشووف الطريد


ملاحظـــــــــــه ::

اهم شي لاتنسى من التصوير ورنا

متمنى لك انتداب سعيد

والله لو تلبسه وتزركشه .. القرد قرد :)
ابحاول اصور كم فيديو بصراحة خذ ضحك وحركات
يالربع انا اعتقد ان هالحيوان من جد حيوان :)
عليه ذكاء

[اسم قديم]

اجل جرب الطريقه الثانيه البووووووووووووووويه وبسسسسسسسسسس

على قولة المثل اسئل مجرب ولا تسئل دكتور

ياخوك في الجنوب عندنا لعبت فينا والحل البويه

[سيد القصر]

اجل جرب الطريقه الثانيه البووووووووووووووويه وبسسسسسسسسسس

على قولة المثل اسئل مجرب ولا تسئل دكتور

ياخوك في الجنوب عندنا لعبت فينا والحل البويه

ايه بس شلون تمسكه اول ؟

[A B D U L L A H]

يارجال القرود هذي وسخه وبها امراض

خذ البندق والا الشوزن وعليك بهم

[اسم قديم]

مصيده

او اقلب كوبيه حبل وامسك لك واحد منهم

[northstar46]

اخي الكريم انصحك ما تتورط معهم لان قرد الرباح شرس جدا وخطير والله يعينك فصل قفص حط فيه عزبتك وقفله ويادار ما دخلك شر اما بقية الحلول فغير مضمونة العواقب وقد تعود بما لا تحمد عقباه

[عشق الشمال]

اخي الكريم انصحك ما تتورط معهم لان قرد الرباح شرس جدا وخطير والله يعينك فصل قفص حط فيه عزبتك وقفله ويادار ما دخلك شر اما بقية الحلول فغير مضمونة العواقب وقد تعود بما لا تحمد عقباه



أضم صوتي للاخ / نجم الشمال

والله يجيب اللي فيه خير

[بواردي الدلم]

إنتبه لاتحارشهم مره فلقت واحد بتفاحه ابي ارميها له ياكل وجبتها في جبهته ويقوم وينتخي والله العظيم مادريت إلا جايني حول الثلاثين قرد ومشكلة القرد إنه صامل وانا اللي اباشرهم بالمعركه وأرجمهن بالحصى والله العظيم مافكر يبيني باللي هي به واحط رجلي والقرود وراي ويوم وصلت الأهل ويقوم اخوي يصورهن بالكاميرا ويوم شافو الفلاش ماعاد شفنا إلا غبرتهن مع ان الأرض جبليه هههههههههههه

تبي نصيحتي تعوذ بالله من شرهن وقبل لاتروحون قل اللهم إني أستودعك عزبتي وأغراضي ومر راعين الشرع والخيام وفصل لك كيس كبير تنزاني يستوعب قشك وقبل المغادره حط عفشك فيه واربطه في عامود او وتد قوي وقفل السحاب ولو تمر محلات الألعاب بتحصل عندهم نمر إسفنجي كبر الخروف حطه عند باب المخيم وماراح يجيك شيء بإذن الله

[أمير الصيد]

والله مشكله ؟ بس اسئل شيخ يكون افضل .

[سديرآوي]

بعض الناس مايعرف القرود زين ,,
هالقرود فيها من الذكاء والخبث والشر مالله به عليم ,,
ووالله الي بيعيش معها لو يوم واحد ويراقبها بتذكره باليهود في اعمالها وتفكيرها ,,
وسبحان الله من طباعها أيضا الحقد وحب الانتقام والشر ,,
ويذكر قصة من شخص موثوق ,, إنه في احد الطرق في جبال الجنوب ,,
اندعس قرد بالسيارة ,, وبعد ما اندعس انهبلو جماعته ,,
وسبحان الله شوف كيف انتقمو لخويهم ,, صار يدحرجون احجار كبيره ,,
كبر حبة الطوب أو أكبر أو اصغر ويحطونها عالطريق المزفلت ,,
وصارت زي السد الحجري عالطريق ,,

وقصة أخرى قبل أكبر من 40 سنة حصلت لعجوز ضعيفه ,,
حصلت لها كم قطعة لحم تبي توكل عيالها ,,
وطبختها وشي حطته عالجمر وشي استوى بالبيت طبعا ,,
مادرت العجوز الا يطب عليها 30 قرد من الجدار من الجوع ذاك الوقت طبعا ,,
وياكلون اللحم وهو نااااار ياخذونه من الجمر ,,

ولكن اخوي صدقني القتل ماينفع ,, اذا قتلت واحد فيه غيره 1000 قرد ,,
وماتدري وش يجيك منهم ,, وحاول انك ما تلمسها او تمسكها او تضربها ,,
لان فيها امراض خطيرة خاصة الفحل حقهم الكبير >> يقولون فيه ايدز ههههه ,,
لذلك انصحك انك تحفظ اغراضك وتغلفها برواق مثل ماقال الاخ وتربط الرواق بحبل ,,
والجدار لو تحط عليه الحديد الشائك زي حق السجون يمكن يردها شوي ,,
والله يوفقك ويحفظك ,,

[سيد القصر]

اباخذ معي سيف وبندق وسم فيران واسلاك شائكة وانوار غازية
اباخذ معي حتى الطراطيع :)
ابخلي المخيم حفلة :)

[hightech]

اباخذ معي سيف وبندق وسم فيران واسلاك شائكة وانوار غازية
اباخذ معي حتى الطراطيع :)
ابخلي المخيم حفلة :)

ذكرتني برامبو :D

يخوي اتركها والعزبه بدالها عزبات :D

دور على كلب شرس واتوقع انه بينشب لهم ويشغلهم عنك ......

[سيد القصر]

ذكرتني برامبو :D

يخوي اتركها والعزبه بدالها عزبات :D

دور على كلب شرس واتوقع انه بينشب لهم ويشغلهم عنك ......

لازم تكون رامبو والا كلتك القرود .. الذيابة :)

[براق دخنة]

تدري وش تسوي ..

اطلع هيجن عند العزبه وخلها تمشي على الي هي عليه

[سيد القصر]

تدري وش تسوي ..

اطلع هيجن عند العزبه وخلها تمشي على الي هي عليه

ههههههههههه اي والله هيجن :)

[justscience]

احسن شي الجهد العالي داير الاستراحه او البيت بس يكون بعيد عن الاطفال
فيه يوجد في السوق محولات تحول الكهرب الى 1400 فولت في تيار ضعيف مره يعني صعق فقط وغير قاتل وسوف يحل المشكله .

[الرحال الحزين]

ذكرتني بقصة ابراهيم اليمني راع العسل في ابها الله بحفظه
يقول اذتنا القرود وكل يوم في العزبه سرقه واكل وتكسير
ونعمل كمين ونمسك واحد ويهربون الباقين
في اليوم الثاني جو الباقين يطالعون خويهم يقول ونربطه ونشك فيه علب بيبسي
خاليه بحبل ونلبسه قميص واول ماجو ودخلو نفتح عن خويهم ويركض صوبهم
ويهج الكل للجبل وهم متعودين انه ماحد يقدر يوصل لهم في الجبل وابو البيبسي وراهم
ويقربع وهم منجنين من هذا الي يطاردهم فوق الجبل يقول ويقفون ويمسكونه يضربونه ضرب ورموه من فوق وماعاد جو مره ثانيه

[الرحال الحزين]

هذي فتوى من موقع الشيخ عبد العزيز بن باز رحمة الله

هل يجوز قتل القرود إذا كانت مؤذية، حيث تقوم هذه القرود بإتلاف بعض المحاصيل الزراعية، وأيضاًَ نسأل عن قتل الثعالب، وما هي الحيوانات التي يجب قتلها؟

لا بأس بقتل الثعالب والقرود إذا آذت، مثل ما قال - صلى الله عليه وسلم-: (............. .. والفأرة والحية والكلب العقور)، كل هذه يجوز قتلها، والفأرة والعقرب والكلب العقور والحية، والسبع العادي،... أو الهر لا بأس قتله إذا لم يتسير .. أما .... فلا حاجة إلى القتل.

[العتيبي نجد]

والله هذي يبيلها شيخ يفتيلك

واقترح عليك انك تشوف طريقة اخرى غير القتل

مثل ان تضع بالموقع كلب حراسة اعزك الله

كلامك %100

[نديم النجوم]

انا عندي اقتراح لك
روح باب مكه واشتري طراطيع ودور الاشياء الللي صوتها عالي
وعليك بالصورايخ كمان
وعليكم فيهم
اضمنلك انك حتسببلهم الرعب وماعاد بتشوفهم ههههههههههههههههههههههههههههههههه

[ابو سلطان1234]

لم يذكر في حديث الرسول عن قتل القرود شي منها لأن ما أجاز الرسول صلى الله عليه وسلم أن يقتل ما ذكره أحد الصحابة لا يحضرني اسمه أنه سمع النبي صلى الله عليه وسلم يقول : ( خمس من الفواسق يقتلن بالحل والحرم : الغراب والحدأة والعقرب والفأرة والكلب العقور)

[أبوسعود711]

اي حيواان مؤذي يجوز قتله مثل كان عندنا بالمزرعه
الحصني لعبنا لعب ما غير يذبح الدجاج ويحوس بالمزرعه حوووس
وسئلت ناااس قالو يجوز ذبحه اذا كان مؤذي والحمد لله ججبت كلاب انقطعن

[معدي المرقاب]

ياخوي هج عن الداب وشجرته ..ودور لك سكن ثاني ويمكن بالعطله يبي ينشغلون مع المصطافين ويعينون رزق منهم ولاانت شايفهم لانهم يجتمعون في اماكن التجمعات لارمي باقي الاطعمة....