سوات القهوة يارياجيل

[المهند511]

سلام عليكم ابسل طريقة سوات القهوة عند اهل نجد كيف

[المهند511]

ريأأأأأن (http://www.mekshat.com/vb/member.php?u=90323) عندك علم ولالا

[ريأأأأأن]

طبيعة عمل القوة تختلف من منطقه الي اخرى ومن مدينه الي مدينه منهم من يسويها بالزنجبيل ومنهم من يسويها ويضيف لها الشيبه ومنهم من يسويها بالزعفران .
اما بالوقت الحاضر فاكثرت الخلطات لعمل القهوة وماعليك الا تختار الخلطه الزينه الي تحس انها تصك بالراس من طيبها واهم شي يكون نقوة البن يني يكون من الدرجه الاولي البن الهراري يابعدي وتكون حمسته بنيه غامقه شوي عشان تطعم فيها طعم القهة على اصولها ومثل ماقلت لك تختلف من منطقه الي منطقه منهم من يحمس القهوة خفيف ومنهم من يحمسها وسط ومنهم من يثقلها والاحسن بالثقيله شوي مو بمحروقه يعني تكون بنيه غامقه شوي .ويكون بعلمك ما تزبط الدله الا من يعرف يقوم بتحضيرها .



التحضير:
*اولا تحميص البن..
اكيد تحميصه في البر يكون على الحطب وهو سر تميز القهوه في المكاشيت وسئل اهل مكشات ..
واحسن شي انك تسوي قهوة كل دله في وقتها.. طبعا عشان تكون حمستها طااازجه


تحمص القهوه مع التحريك الى ان تصل الى درجه بني فاتح الى بني(يعني شقرا)..
ما يحتاج نقول ان سبب التحريك هو عشان ما يحترق بعض الحب والبعض الثاني يكون نص استوا والثالث ني (كبده مو قهوه)..


بعدين جب لك نجر وكمخ في القهوه الين تصير شبه ناعمه الى شبه خشنه(والله من زين الوصف)..
اذا كانت ناعمه بتتطاير في موية القهوه واذا خشنه بتعذبك في اعدادها..


<<<<لاعبين علي الشياب مخليني اكفخ بهالنجر الين دخت..


بعدين الهيل في النجر ودق لك كم حبه دق الله راس شارون وقومه..


المهم لازم يكون معك دلتين وحده للتفويح والثانيه تزل فيها القهوه..


حقت التفويح خل الماء فيها الى ان يغلي اذا غلى ارفعها عن النار وحط لك 3 فناجيل ونص قهوه وعلى حسب حجم الدله..
بس الافضل انك تقيسها (فنجال لكل لتر) تقريبا تزيد او تنقص شوي..
خلها على نار هاديه لين تدوخ من الطبخ<<<<خصوصا اول ما تبدا تتعلم تسوي القهوه(يعني مثلي)..
يعني بعد سبع دقايق من التقلب والدوخه..
خل القهوه تركد شوي عشان ما تزل الحب معها في الدله .
وبعد كذا تحط ملعقة صغيره من الهيل في قاع الدله وشوي زعفران<<نوع الزعفران يحدد الكميه اذا كان الزعفران درجه اولى ما يحتاج الا القليل..(الباديه واهل المحافظات والقرى في نجد يتعبرون كثرة الهيل من الكرم)
<<<<والله اشرب القهوه واسويها وما ادري هو فيها هيل او لا..
حط هذاك الشبك الصغير اللي كنه غربال بس حق الكوفي وزل القهوه في دلة التفويح..


جب الليف وحطه في (زقم) الدله..واذا كنت في البر ونسيته يا كسرة حطبه او ملعة مقلوبه..
وكذا تصير القهوه جاهزه.. وبالعاافيه عليك
تحياتي لك

[المهند511]

بيض الله وجهك ابحفضها في المفضلة

[الكايف 1]

وعليكم السلام ورحمة الله وبركاته
حياك الله وابقاك
ماشاء الله الاخ ريأأأأأن ماقصر
وخذ هالرابط لاخونا عاشق السيل
http://www.mekshat.com/vb/showthread.php?t=109645
تقبل مروري