ســؤال عن ثلاجات السيارات ..!!

[بريداوي]

السلام عليكم

بما أنه اصبح نقل حافظة الثلج ومن ثم البحث عن الثلج من الامور المتعبه والقديمه
فقد ظهر في الاونه الاخيره ثلاجات السيارات (الفريزر) مثل ثلاجة انقل و ثلاجة الهدف والثلاجات الصينية بانواعها المختلفه
وجميعها تستخدم داخل السيارة سواء كانت واقفه او متحركه......
السؤال/ ماهي افضل تلك الانواع من ناحية الجوده وقوة التبريد والتحمل وقلة استهلاك بطارية السياره؟

كذلك يقال أن هناك ثلاجة صينيه وكيلها الطمره تعتبر من الثلاجات المتميزة ... فمن لديه معلومه عنها افادتنا عنها ...من ناحية عملها ومكان توفرها سواء داخل المملكة او بالإمارات وسعرها...؟

[كايد]

حياك الله

والظاهر فيه موضوع عن ترهيم فريزر البيت بالمنتدى
وربع تكلفة ثلاجات الهدف

المهم هو موجود بعروق الشمال ببريده


رح لهم وان شاء الله تعين سنعك

[مارشال]

كم مقاس الثلاجة اللي تبيها قبل كل شي ؟
كم لتر

[بريداوي]

حياك الله يا كايد
شكرا لافادتك عن سؤالي
وربي يعطيكـ العافية

*********

حياك الله ياجراش
شكرا لاهتمامك والمقاس اللي انا ابيه مقاس 40 او 45
وربي يعطيكـ العافية

[AboNar]

السلام عليكم

احسن ثلاجة نقالة في نظري الشخصي هي من افريقيا و يقال انها موجودة للبيع في الرياض. تجدون المعلومات في هذا الرابط - http://www.minus40.co.za/

[صوعان]

الثلاجات واجد وخاصه الايام هذي كثرت انواعها واشكالها
انت تقصد الجنوب افريقيه وهي ممتازه مجربه كذلك يوجد الأنجل اليابانيه مجربه لكن لايمنع ان فيه ناس واجد سبت ها النوعيين من الثلاجات وقالو عنها انها كثيره الاعطال .
اليومين هذي الناس طاييحين في الصينيه توها جاييه من ناحيتي انا جربتها جدا ممتازه وتجمد بشكل حلو مره بعدين قيمتها نص قيمه الثلاجات الثانيه ...

[مارشال]

السلام عليكم
الجنوب افريقة جيده و ليست متوفرة في السوق اطلاقا
الانجل تغير وكيلها وصارت اسعارها غالية وادائها غير مرضي مقارنة بالأفريقية
الألمانية ذات التجميع الصيني وتعتبر افضل شي في الوقت الحالي وسعر الخمسين لتر 2200 وادائها عالي, والكمبرسور الماني danfis نفس اللي في الجنوب افريقة
واللي باقي في السوق حسب اخر علمي لا يقارن بهذه الأنواع

[خوي النشاما]

السلام عليكم ورحمة الله وبركاتة
ياخوان من يعرف الوكيل الجديد حق الانجل اليابانية

[قايد السرب]

خذ العلم احسن ثلاجة ايكو الالمانية والتجميع صيني اللي قالو عنها 35 لتر و50 لتر شفتها في محل جديد في جدة بر وبحر للوازم الرحلات تراه احسن ثلاجات مجربة وخفيفة الوزن

[تقهو2005]

[][][][]وكيل الانقل هومؤسسةالعمودي لل الدوات الكهربئيه

[معشق الدبل]

وكيل الانقل الجديد ( عبداللطيف جميل )

[خوي النشاما]

سلام ياربع اوصفو المحل او رقم تلفون او اسمه وصفه كامل
وشكرآ


خوي النشاما
__________

[قايد السرب]

خوي النشاما
المحل باخر الستين شمال بعد الجواد الابيض تلفونهم 6552004

[عاشق المزون]

السلام عليكم
اخواني شكرا على المعلومات

بس اخوي قايد السرب المحل في الرياض ؟؟؟؟؟؟

[خوي النشاما]

الله يعطيك العافيه اخوي قايد السرب وماقصرت




خوي النشاما
__________

[قايد السرب]

عاشق المزون
تحية طيبة

انا مسامحك
لاني من سكان جدة
وشفت المحل بعنوني الاربع

[عشانا]

يجماعة الخير انا شفت ثلاجة عند محلات الكترون الي على طريق الملك عبدالله طريق الامير عبدالله سابقا
وتعمل على الكهربا وبطارية السيارة وسعتها 25لتر وقيمتها 199ريال
مادري احد جربها او سمع عن احد جربها والله كانها تبرد فهي غاية المنى ارخيص وكويس

[أبو ثا بـت]

أخوي عشانا أنا شفتها وسعرها 169 عند العليان .. بس ماجربتها
والعامل حق المحل مانصحني فيها . .

[أبوناصر]

على ما أظن وأنا ما شفتها

بها القيمة إنها من النوع الي يحفظ البرودة كانك حطيت فيها بارد وتحفظ الحرارة كان حطيت فيها حار

لكن تبرد أو تجمد الحار ما أظن

[الطعس الذهبي]

والله انا شفت ثلاجت الباترول ممتازة

[اسيزو 4x4]

لقيت عند السنيدي ببريدة ثلاجات للسيارة فوق 13 نوع وأشوف أن بعضها ممتاز وبالتوفيق يالغالي

[غيّام]

تعقيبا على كلام الربع
انا مجرب الافريقيه ورحتبها اماكن كثيره واجواء عديده رحنا بها الى الرمله وكان الجو حار جدا وادت اداء عالي جدا يبيض الوجه وهي مقاسها 60 لتر ستيل ممتازه جدا لكن منقطعه من السوق وحجمها كبير نوعما وثقيله وغاليه قيمتها جديده فوق الاربعه
لكن جربنا الصينيه اللي وكيلها الطمره اللي في الغرابي وممتازه جدا جدا والصراحه ماتوقعتها كذ ابد ولا واحد %
تبريد سريع جدا وحجم مناسب ووزن مناسب وماتستهلك كهرب عالي وسعرها مناسب جدا 1900
انا انصحك اذا كنت راعي طلعات خفيفه يومين والا ثلاثه انك ماتعدى الصينيه وهي على فكره كمبرسرها الماني زي ماقالوا الربع
هذي صوره الافريقيه وهي تتميز بأنها تحتفظ بالبروده اطول فتره بفضل سماكة العزل كما تشاهد اسفل الصوره


http://www.mekshat.com/pix/upload/images10/mk7099_ttttttttttttttttttttttttttt.jpg


http://www.mekshat.com/pix/upload/images10/mk7099_gggggggggggggggg.jpg


http://www.mekshat.com/pix/upload/images10/mk7099_taaaaaa.jpg


اتمنى اكون افدتك اخوي واي استفسار حياك
والشباب مهوب مقصرين

[المموه]

ياشباب
السلام عليكم ورحمة الله وبركاته
اي ثلاجه لايوجد بها كمبروسر لا تسمى ثلاجه تسمى حافظة تبريد وهذه اللي تحصلونها عند العليان وبعض محلات بيع الاثاث المستخدم والحراج . وانا كما ذكرت سابقا اشتريت منذ سنتين ثلاجتين من الطمره بالغرابي مقاس 25 ومقاس 40 ولله الحمد شغل ممتاز وتجميد وارتحنا من نقل الثلج .

[أبوناصر]

مشكور لك اخوي المموه

سمعت فيه ثلاجات صينية كلها

وماريتها ابرة تجي معها مدري وشي له

هل فيه أحد جربها ؟"