الدخان ازرق عندما يكون المحرك بارد

[aaz585]

السلام عليكم ,
بختصر عليكم

انا توي شاري موتر لكزس 400 ال اس وفحصته مرتين بالكمبوتر وطلع تمام وبعد ما نقلت الملكية والسيارة باقي في المعرض شغلت وطلع ذخان ازرق خفيف جدا ويروح بعد ثواني مع التسخين .

والله يا اخوان جاني هم وكرهت السيارة , مع اني سويت اللي علي وفحصت مرتين لكن طلعتت لي هذه المشكلة .

السؤال : الكثير يقول انها جلد البلوف ومنهم من يقول انها تهريب في البور ؟
أنا سؤالي : اقدر اركب الجلد بدون فك الراس بالكبس , اللي عنده معلومه او ورشة زينه في الشرقية .

مشكورين ,,

[_دربيل_999]

هلا فيك إخوي..
ومبروكة السيارة الله يعرضك خيرها إن شاء الله ويكفيك شرها..
أعتقد أخوي سيارتك فيها جلد بلوف ..طيب الدخان بسيط جداً لو تهون عن تغيير الجلد حالياً بما أن الدخان بسيط...

فيه ونخوك سيارات ماتحتاج لفك الرأس في تغيير جلد البلوف وفيه سيارات لابد من فك رأس الماكينة...
ياليت أعرف ورشة زينة كان قلت لك..لكن الاخوان بيفيدونك..

وفقك الله

[عبدالرحمن السالم]

صحيح هي من جلد البلوف ، طيب يالغالي فيه العضيب متخصصين بالاندكروزر واللكزس
ممكن انك تمرهن يشيكون عليها
موفق خير

[صالح فهد]

هذاي وانا اخوك جلد بلوف مثل ماقال الاخوان
ولايمكن تغيرها الا بفك الروس بس يمكن اذا فكيت المكينه تطلب اشياء

[سوبر VTC]

الله يطعمك من خيره ويكفيك شره
اهم شي اذا غيرت الزيت صفر العداد
اذا مشى الموتر 5000الاف عاير الزيت و علمنا بالنقص
و لو افترضنا ان نقص الزيت عندك شديد او مستمر
كان تولع لمبة طرمبة الزيت للدلالة على ان هناك نقص في الزيت

افاده يا اهل الدمام( تغيير جلد بلوف بدون فك الراس) - منتديات مكشات (http://www.mekshat.com/vb/showthread.php?t=285036)


+



تاكد لاتكون المشكلة من بلف غطاء بخار راس المكينة
اذا كان يوجد
لان اذا كان البلف خربان يكون فاتح باستمرار و معلق همن يخرج الزيت الى الثلاجه
ثم اذا فتح بلف الهواء دخل على غرفة الاحتراق و طلع دخان ابيض
و البعض يعتقد انه من جلد البلوف
عادة تحصل على فلتر الهواء زيت واجد


http://www.mekshat.com/vb/../pix/upload04/images162/mk53291_hhhhhhhh%28medium%29.jpg
http://www.mekshat.com/vb/../pix/upload04/images162/mk53291_zxzx.jpg


اخبر كامري على وقته خبط المكينة مرتين و هي جديدة
و صارت المشكلة من بلف غطاء الراس
تاكد لا يكون فلتر الهواء منطبع زيت بسبب البلف
و احتمال بسيط جدا ضعف في شنبر البستم

[صافي الماس]

س - كم سيارتك ماشيه بالكيلو
س- المديل + امريكي او خليجي.

[aaz585]

س - كم سيارتك ماشيه بالكيلو
س- المديل + امريكي او خليجي.

الله يعطيكم العافيه جمعياً ما قصرتم ,

السيارة : ماشية 100 الف ميل - امريكي
الاخ الغالي سوبر انت سألت عن راس البلف" اللي يركب على راس المكينة " , كلامك صحيح حسب كلام احد المهندسين قال يمكن يكون له علاقة بالدخان لكن رحت و غيرته ولللاسف لازالت المشكلة ...
بالنسبة للزيت :غيرت زيت جديد " تويوتا " ومشيت عليه الف كم والحمد لله ما في اي نقص ..

[صافي الماس]

يالحبيب الله يبارك لك فيها .
يالغالي الوسوسة ماهي طيبة، وصدقني الوضع في سيارتك ما يستاهل القلق .

== وللتاكيد بالوضع لاحظ بنفسك . هل كل مرة تشغل السيارة بعد وقوفها يخرج دخان؟ ، او فقط عند الوقوف فترة طويله للسيارة مثل ( 12 ساعة او اكثر يخرج الدخان ).
- اطمئن اذا كان دخان خفيف جدا ولا يلاحظ الا بعد الوقوف فترة طويلة، وذلك سببه جلد البلوف، فهذا ما يوثر على المحرك على الزمن القريب.
- وعندما يلاحظ زيادة الدخان بشكل واضح جدا بالامكان استبدالها ( جلد بلوف ) بكل سهوله .

تحياتي

[aaz585]

يالحبيب الله يبارك لك فيها .
يالغالي الوسوسة ماهي طيبة، وصدقني الوضع في سيارتك ما يستاهل القلق .

== وللتاكيد بالوضع لاحظ بنفسك . هل كل مرة تشغل السيارة بعد وقوفها يخرج دخان؟ ، او فقط عند الوقوف فترة طويله للسيارة مثل ( 12 ساعة او اكثر يخرج الدخان ).
- اطمئن اذا كان دخان خفيف جدا ولا يلاحظ الا بعد الوقوف فترة طويلة، وذلك سببه جلد البلوف، فهذا ما يوثر على المحرك على الزمن القريب.
- وعندما يلاحظ زيادة الدخان بشكل واضح جدا بالامكان استبدالها ( جلد بلوف ) بكل سهوله .

تحياتي

ضحكتني والله , الحقيقة اني وسوست من جد وترى وانا اخوك ما انلام ما تهنيت بالسيارة ..


عموماً كلامك يبرد القلب والصبر جميل .


الف شكر لك ولجميع الاخوان في هذا المنتدى الرائع