الفزعة يالربع لص يسرق سيارة بـ (200) ألف من وكالة سيارات بالرياض

[ahg55]

اسعد الله واقاتكم


فزعتكم يالربع احد الاخوان سرقت سيارته من وكالة البازعي
وهي من نوع جيب GXR 2009


والوكالة تماطل وهو وده يعرف كيف ياصل للمدير الاقليمي للوكالة او كيف يصل للشركة الام لكي يوصل شكواه والمستندات الي تثبت صحة كلامة بعد اهمل الشركة له وعدم مبالاتها مع العلم انهم المتسببين بها


بعد اهمال الوكالة والسماح بسرقة سيارته بطريقة جداً سخيفة لا يكاد يصدقها عقل


فزعكم يا اخوان اللي يعرف شي لا يبخل علينا



اصل الخبر في جريدة الرياض (http://www.alriyadh.com/2010/06/07/article532791.html)


الرياض - مناحي الشيباني
فتحت شرطة منطقة الرياض التحقيق في شكوى تقدم فيها مواطن يطالب إحدى وكالات السيارات في الرياض بتعويضه بمبلغ مالي يصل لأكثر من مائتي ألف ريال، بعد أن سلم سيارته للوكالة لعمل الصيانة الدورية لها، وفؤجي المواطن في اليوم التالي بأن سيارته سرقت من داخل الوكالة!!.
وروى ل (الرياض) المواطن سليمان بن صالح حكاية اختفاء سيارته قائلاً: سلمت سيارتي للوكالة التي اشتريتها منها قبل أشهر بملبغ مائيتي ألف ريال، وطلبت من العاملين في الوكالة القيام بعمل بعض الصيانة الدورية لها، وبعد تسجيل المعلومات المطلوبة ومغادرتي وفي اليوم التالي قام مشرف الوكالة بالاتصال بي قائلاً هل أرسلت أحد أبنائك اليوم لتسلم السيارة، فأجبته ب (لا). إذ ليس لدي أولاد، ثم طلب مني الانتظار، واتصل بعد دقائق وأخبرني بأن السيارة قد سرقت وأنه أتى رجل وقال هذي سيارة أبي وأريد أن اتسلمها، وقام عامل المفاتيح بتسليم الرجل مفتاح السيارة ومن ثم ذهب الرجل بالسيارة.
واستغرب المواطن سليمان من تصرف العامل قائلاً: إن اللص وعلى حسب إفادة وكالة السيارات لم يطلب منه تسديد المبلغ المطلوب، وهو مبلغ الصيانة، ولم يطلب منه كرت دخول السيارة، وهو كرت استلام السيارة، وبين المواطن سليمان أنه حاول تسوية المشكلة مع المسئولين في الوكالة الذين أخذوا يماطلونه عدة أيام حتى قام برفع شكوى للمسئولين في شرطة الرياض للتحقيق في الحادثة، مطالباً بانهاء معاناته والتعويض الفوري له، حيث لا يوجد لديه سيارة في الوقت الحالي، وأفاد أن القضية أحيلت مؤخراً للمحكمة العامة بالرياض للنظر فيها.

[الهويان]

احول الله اتوقع التلاعب من الشركه كيف يطلعون سياره بدون ماياخذون حقهم لايكون صيانه بالتقصيد ؟؟؟؟ او مجانيه بس كيف يعطونها بدون ابراز هويه المستلم ؟؟؟؟
كلام لايعقل من شركه صيانه اتوقع هم الي سارقينها او لهم طرف في السرقه بكره يطشون التعويض على شركه التامين لاتخاف رايح يعوضونك .
خخخخخخخخخخخخخخخخخخخخخخخخخخخخخخخخخخخخخخخخخخخخخخخخ والله قويه

[كاسر الجروح]

اقطع ايدي اذا مكان موظف في الوكاله له ايد بسرقه

[راعي الحرقا]

اخوي سليمان الله يعوض عليك خير منها وستطول بك المطالبه لاسترداد حقك المسلوب لان القانون لا يطبق وخاصة اذا كان خصمك اجنبي او شركه كبرى اما انت ايها المواطن فغن يا ليل ما اطولك ...

[الشقردي 999]

كفوو والله يسرقون موتره عيني عينك
احسنت التصرف

[ahg55]

معقوله ياخوان ما فيه احد يعرف الطريقة للوصول الى الشركة الام ؟؟؟؟؟؟؟؟؟؟

والقهر ان البازعي بكل برود يقول تبي تشكي اشك !!!!!!!!!!!

[وادي الصفراء]

الله يصبرك اخوي سليمان ويعوضك خير منها

ويقول المثل / ما ضاع حق وراه مطالب

[هولان]

مايضيع شي وانا اخوك والخطا راكبهم وانت مالك ذنب , هم اللي استلموها وهم اللي سرقوها , ارفع يديك وقل يارب وابشر بالسعد يابعدي

[الرويضة اون لاين]

الله يعوضك خير ياخووي...

[راعي الطلعات]

صديقي سرقة سيارة ابوه gxr2006من عند البازعي من احد العمال يماني الجنسية كان يشوفهم يسوقونها علشان صيانة ال5000 متر ثم اختفى سئل الموظفين وين السياره قالو ما شفنا شي

وإلى يومك حسبنا الله ونعم الوكيل فيهم

[عميد سامودة]

تلقاها موقفينها بالصاله

[امير الامراء]

اخوي امسكهم بالرشاش بس حقك لايضيع

[المهند511]

كبيرة والموضوع فيه انا

[ksaboss]

الله يعينة
أنا حاولت الوصول للجهه اللي تتبع لها شركة عبداللطيف جميل علشان اقدم شكواي لكني تعبت و عجزت و لا لقيت اي معلومة توصلني لها.

ياليت نتعاون في هالمنتدى و نحاول نعرف ارقام الاتصال او البريد الالكتروني او الفاكس لاي جهه ترأس شركة عبداللطيف جميل و البازعي.

أرجو من المشرفين او اي عضو كتابة موضوع بهذا الشأن للأهمية.

[ksa boy]

اخوي هذا رابط شكوي من قسم المتابعه في الشركه الرئيسة :


http://toyota.custhelp.com/cgi-bin/toyota.cfg/php/enduser/ask.php?p_sid=2kKyCi2k&p_lva=&p_sp=&p_li=&p_accessibility=

[هيار النفود]

اقطع ايدي اذا مكان موظف في الوكاله له ايد بسرقه


وايدي معك ,

[الهاوي 9]

لاحول ولاقوه الا بالله

[اسدهم]

من وجه نضري او المعلماتي تقول ازرق الدبي وشوف الوكيل قصدي ممكن الجنرال حق اليابان همن هات اثبوتات الي معك ونت ونا والاخوان نبحث لك ولو تبحث بنت عن الوكيل شرق الاوسط بيطلعلك بس اكتب بلنجليزي و

لاحول ولاقوه الا بالله

[احساسي صياد]

والله قوووووووووووية


الله يعينك اخووي
والسياره غاااليه والله يصبررك
مايضيع لك شي ..


اللهم رد له ضالته يا حي يا قيوم..

[محمد الظاهري]

ما ضاع حق وراه مطالب

[ذيب يافع]

يا كثر السرقة عدكنم في السعودية ,,<< الله يعنكم

يعوضونة في اكس أر 2011 .. هع هع

الي يبي يفحص السيارة او يشتري تعالوا عند عبد الغني >> مب اعلانات

.. على كل حال .. ان شاءالله يحصلون السيارة ويحصلون السارق .. ويعوض سليمان

[هملول السحاب]

حسبي الله عليهم

فعلا من امن العقوبة اساء الادب

[نجم الصداوي]

..
.. شــخص أعرفه في التشليح..وعنده مكينة وزن .. يقول تــأتينــا أحــيانــا سيارات سكراب ( مقصوصـات) تشــوف غبار الوكالة عليهن .. وتشوف المكينة تلمع جديدة.. والله تشوفهن مشذوبــات بفن واحترافية.. ما تقدر تمسك عليهم شي..

[حبران والمسمى]

اتوقع العامل اللي اعطاه المفتاح هو طرف بالموضوع (حق التسلم)
والله يعوضك بالموتر

[alata_2]

يالله السلامة ..
كيف ينسرق وهو في الوكالة ؟؟
فوضى الدعوة ..

[كريم الطباع]

الطريقة النظامية جيدة وتاخذ حقك ان شاء الله لكن بتطول شوي

الله يعينك ويرد ضالتك

[_دربيل_999]

واضح جداً أن السيارة مسروقة من الشركة نفسها أو من قبل العاملين فيها..
المفروض يحقق مع المتصل اللي يسأل صاحب السيارة عن الإستلام ...

وفقكم الله

[الأجودي]

مالك الا رفع الموضوع بعد الله عز وجل لامير الرياض سلمان بن عبدالعزيز
وبإذن الله يرجع حقك

[عسجد1]

لا حول ولا قوة الا بالله

الله يردها سالمه

جزاك الله خير

[saadkath]

يجب رفع برقيه للملك والامير نايف هذا اجرام بحد ذاته من الوكالات التي يعمل فيها اجانب هم اخون الناس

اما اخوكم
لقد نذرت 5000 ريال لمن يدل على وجوده جيب لاندكروزر Gxr ابيض 2007 لوحه وال 094 مسروق من شمال الرياض مساء السبت الخامس من شعبان 1431هـ الهيكل Jtehj09j475168230
عليه شبك اسود ومظلل لكم الأجر والثواب أبو أنس 0555333010

[saadkath]

لقد نذرت 5000 ريال لمن يدل على وجوده جيب لاندكروزر Gxr ابيض 2007 لوحه وال 094 مسروق من شمال الرياض مساء السبت الخامس من شعبان 1431هـ الهيكل Jtehj09j475168230
عليه شبك اسود ومظلل لكم الأجر والثواب أبو أنس 0555333010

[ابو العز بلس]

وين شرائح اللوحات الجديدة والا كلام ولا عندك احد


الله يعوضك يارب

اللهم رب الناس جامع الناس ليوم لاريب فيه رد عليه ضالته

عليك بالدعاء وكثرة الاستغفار

[الجنوبي007]

حرامبالله ما يردني الا دمهم اجل موتري بيك القيمه وياخدونه بارده مبرده
اخ بس لواني مدير العمل بالسعوديه لاطرد الاجانب

[مسستر أي]

يآحبيبي هآذي لعبه من الشركه نفسها ما اتوقع بينسون حقهم الي هو فلوس التصليح خخخ
تقبل مروري ..!

[ابويا سر]

حسبنا الله ونعم الوكيل
من امن العقوبة اسى الأدب
هذا حال الوكالات عندنا

[سوبر152]

عليك بالبازعي رح لبيته وادخل عليه بمجلسه بعد المغرب واستفزع بالرجال اللي عنده
الله يرد ظالتك عاجلا غير آجل

[الرجل وين]

معقوله ياخوان ما فيه احد يعرف الطريقة للوصول الى الشركة الام ؟؟؟؟؟؟؟؟؟؟

والقهر ان البازعي بكل برود يقول تبي تشكي اشك !!!!!!!!!!!

[المونديال]

البازعي وعماله لهم دور في اختفاء السيارة

[سوق واقف]

تبي تحلها مالك الا الفرع الاقليمي لانه هو الام للموزعين وانا اتوقع انه بالامارات الفرع حقهم

بس نصيحه الاخوان لا احد يترك المفتاح لاي سبب كان حتى لو هلك داخل السيارة

[حفرآآوي]

والله لثور فيهم

اجل سيارتي تروح عللى كيفهم هي

والله مااخليه ينام الليل لا هو ولا وكالته

[خالد 454]

جرب تروح الغرفه التجاريه ووزارة التجاره
ولا تنسى تروح للجرايد.
وزي ما قالو الاخوان
ما يضيع حق وراه مطالب

[بتاع بر]

اخوي سوبر 152 اقتراحك مع احترامي الشديد اسلوب متخلف جدا لو راح للبازعي على قولتك صار هو راعي الجميله!!!!!!! وخوينا هالضعيف هو صاحب الحق فعلا زمن العجائب قم صب القهوه ياولد !!!

[الخادم]

القصة باينة
بدون ما يخاذون اجرة الاصلاح
الذيب بالقليب

[قناص مزاجي]

الوكاله رايح تماطل الى ان يجدون السياره بعدها ستقوم الوكاله بعمل صيانه لسياره على حسلبها ثم يقومون بتسليم السياره

[الكاشتn97]

حسبنا الله ونعم الوكيل لاتخاف ربك مايخليهم اذا هم سارقينها بالنار انشاء الله

[فصوولي]

اخوي امسكهم بالرشاش بس حقك لايضيع


خخخخخخخخخخخخخخخ تبي تروح الرجال في ستين داهيه

الركاده زينه بس

[ولد الزويد]

لاتنازل عن حقك, لوكل واحد تنازل عن حقه, لضاعت حقوقنا

[bn_501]

ملاحظ بالايام الاخيرهـ زادة السرقه من الصيانه بكثرهـ

هل هو غياب الادارهـ الفاشله للوكاله والا ذنبي انا اني حطيت السيارهـ عندهم

سرقونا بفلوسنا وسرقو سياراتنا


الله يرد ظالتك يارب . . آمين


تحياتي

[صقر جارح]

لاحول ولاقوة الابالله
الله يعوضكـ خير

[دلهميز]

معليش اخوي السالفة ما ركبت رأسي

يعني ما هضمت الموضوع كله

[ناقل الخير]

لاحول ولاقوة الى بالله

[عاشق الماركيز]

الله يكون بعونك ولايوفق السارق ويردلك حقك وانا اخوك ادع عليه بصلاة اليل وانا اخوك سرقة السيارات كثرة المفروض يطبق بحق السارق اقصى العقوبات ويكون عبره لغيره ياخي انا احد المتضررين من السرقات سيارتي كابرس 2006مسروقه لها سنه خلاص يئست انا قلت ماهي راده شريت سياراه ثانيه وبعدين لقيتها جنوب الرياض ومصدومه بعتها تشليح

[عبدالله الموسي]

اقول قسماً بالله لأجيب عزبتي وأجلس بوسط الوكالة لين ماترجع موتري والا يعوضوني بغيرها
خلهم يشتكون ويجيبون الدولة انا راعي حق ولزوم اخذ حقي بالطيب والا بالقوة لابارك الله بهالوكالات الضايعة،
موضوع ان السيارة تنسرق من داخل صيانة الوكالة هذا امر اشبه بالخيال وأكيد هالوكالة لها يد بالموضوع
وواضح ان الخطاء على الصيانة وملزومين بالتعويض الفوري او يستأجرون لك سيارة على حسابهم وتمارس حياتك الطبيعية الى ان تنتهي الأجراءت القانونية،ارفع لك دعوى على كل من له أذن صاغية ويهمة امر المواطن المغلوب على أمرة واطلب قيمة موترك وتعويض عن الشرتحة والخسائر التي تكبدتها بسبب هذه السرقة،
وانا متأكـد بأنك ستاخذ حقك ولكن يبي لك تزعجهم أزعاج

[آخر العنقود]

هلا اخوي قدم شكوى عن طريق الشرطه والشرطه يكملون الباقي ولا تسكت عن حقك لأنك ان بردت عن الموضوع والله ان يطنشون قدم شكوى وكلم محامي بالأجراءت وراح تسترد حقك بإذن الله .....

[عون الخوي]

السارق من عمال الشركه .. او بأتفاق بين السارق والعامل

[قناص حريملاءh]

الله يرد لك موترك

بس مالك الا تروح وتقدم معروض للامير سلمان بن عبدالعزيز
ويبون يعوضونك طرق عن خشومهم

[ابا الصلابيخ]

اخوي
لاتخلي حقك يروح هدر
صاحب الوكالة والعاملين بها هم من سرقوا سيارتك
لاتخلي ولا دائرة حكوميه الا ترفع شكوى ضد الملاعين

عجيب والله تسرق من الوكاله عيني عينك ويقولك رح اشتك
وين عايشين با الصومال

[رحال الصمان]

من الوكاله غريبه حاميها حراميها مايبي لها كلام رح الوكاله وسو مشكله لين تجي الشرطه وابشر بحقك نصيحه

[المماتوس]

الله يرد لك موترك

بس مالك الا تروح وتقدم معروض للامير سلمان بن عبدالعزيز
ويبون يعوضونك طرق عن خشومهم
:good2::good2::good2:
أضم صوتي لصوتك ياقناص حريملاء
و أنا أشوف مطالباتك باردة يااخي كبر الموضوع وخل الكون يسمع صوتك اتهم الوكالة بمديرها وعمالها وادخل على الإمارة عندها الحرامية يمسكون بريك صغيرهم وكبيرهم لكن أهم شئ أوراقك وإثباتات كلامك كلها معك
لإن واضح جدا إن البلاء من الوكالة ليه يصلحون السيارات بلاااش ويسلمونها أي شخص حشا راعين فزعة...
والله يعوضك خير

[N-G-D--KSA]

لا حول ولا قوة الى بالله

[العاذر]

استغفر الله العظيم
لا لا ما يصير بكل بساطة ؟؟؟
الوكالات ماتسلم السيارات بهذه الطريقة ابدا
الموضوع فيه (ان) لكن كيف نعرف؟؟
لاحول ولا قوة الا بالله

[المهاجر انا]

أخوي مالك الا ترفع اميل للشركة الام في اليابان نفس قصة سمعنها عن شركة الجميح مشكلة في السيارة عيب تصنيع وعوض بسيارة عن طريق الشركة الام واستلامه من الجميح بعد المماطله قبل ان يشتكي الي الشركة الام

[الربذي]

بشر ردوا القيمة ولا لا وش صار على موضوعك له ست شهور الان

[ذئب المراقيب]

حسبي الله ونعم الوكيل
الله ينصرك عليهم ويردلك موترك