وش رايكم بعرض الحمراني الجديد يا أخواان شي يحير !!

[العابر2222]

السلام عليكم ....مساكم الله بالخير ....حيالله كلن بإسمه
تفضلوا اخر واقوى عروض الحمراني .....
واهم شي انه يشمل بطل الدرووب ويعطونك خيارين
1- الخيار الاول :-
تدفع 50% من قيمة الموتر وتكر ابو السيارة كر وبعد 3 سنوات
عندك خيارين ياترجعها بدون اى التزام ((مهما كانت حالتها )) حطوا تحتها الف خط
(( مهما كانت حالتها ؟؟)) او اذا اردت امتلاكها تكمل بقية قيمتها وتصير بأسمك طبعا
خلال الثلاث سنوات ماعليك اى قسط
وهذي صورة العرض



http://www14.0zz0.com/2010/06/06/23/311360210.jpg




- الخيار الثاني :-
تدفع 25% وتقسط ال 25% الثانية ايضا خلال الثلاث سنوات وبعد ال3 سنوات نفس الكلام السابق
ياترجعها او تدفع بقية قيمتها وتتملكها
وهذه صورة العرض الثاني



http://www.nissan.com.sa/images/stories/campaigns/june_campaign2.jpg




وهذا رابط العرض في شركة الحمراني



http://www.nissan.com.sa/index.php?option=com_content&view=article&id=181&Itemid=236

[جيب شراع]

الذيب ما يهرول عبث ...

[عيون الغالي]

كلام جميل بس ما ندري الحلال والحرام في هذي العمليات بعدين بعد ثلاث سنين تو الموتر جديد يعني بيجيب لي اكثر من الميه يعني تروح الميه اللي دفعت الصراحه الموضوع فيه ان ...........

[الشبل العجمي]

المستفيد الأول شركات التأجير ...................



عرض حلووووو جداً

بس مايندر الحلأل من الحرام يشباب أرجو من لديه خبرة يشوف العقد ويسأل عنه


يجوزأو لأيجوز

[العابر2222]

اتوقع فيه شروط مخفيه

الي سمعت نه يكون لك في السنه ممشا 30 الف كيلو فقط بعدها اضن لها حسبه

يعني 90 الف الثلاث سنوات والباقي (الحسابه بتحسب)

شكرا على مروركم وتعليقكم

[GS5]

مسيرين عليهم و سائلينهم عن العرض
يقول ابد ادفع 50% كاش والموتر معك 3 سنوات بس أنه بنضام التأجير , و تقدر بعد الثلاث سنوات ترجعه بكيفك او تدفع الباقي !!
العرض حلو بالحيل , يعني مثلا تطلع اكستيرا بحول 60 او اقل و العن والدي والدي والدينه بهالثلاث سنوات وعقبه تدفهم بـ60 و يصير بإسمك او ترده لهم !!
و الموتر يأمن تأمين شامل و سعره مع البيعه ..
والفوائد قلييييييييييييييييييييييييييله مقارنة بعبداللطيف اللي فوائد الفورتنشر 6 سلندر الظاهر مهب فل كامل طلعت 52 الف ههههههههههههههههههههه
الحمراني ماوصلت ولا 15 فائدته او بعد ماوصلت الـ10 بالإكستيرا !!

[نفود حائل]

والله عرض جيد

تدفع 50% وتصبح غير مطالب بأي قسط طوال الثلاث سنين

بس اللى يلعبها صح يقوم بدفع 1500 ريال كل شهر وبعد ثلال سنين يكمل البلغ يعني تقسط اللى بخاطرك

بدون ماتضغط نفسك وشكلي ابي اسويها

[المرمر]

وش رايكم افضل الباث 1059 ريال والا اكستيرا 1119 ريال وسؤال ثاني بعد ثلاث سنوات اذفع نص القيمة الباقي بالسعر الحالي والا في التزامات اخرى

[ابو سعد التميمي]

انا كنت عندهم اليوم وسالتهم عن الونيت غمارتين مكيف قزاز تماتيك قالوا
القسط = 850

ودفعة اولى= 17 الف

ودفعة اخيرة = 29 الف

قيمة السيارة كاش= 71 الف

_قيمة الفوائد = 12 الف وكسور

الفوائد هذي مغرية بالنسبة لموتر جديد وتقسطه لمدة ثلاثة سنوات لين تخلص اقساطه وعليه تأمين شامل

وتقدر ترفع القسط عشان تقل الدفعة الاخيرة وتقدر تزيد الدفعة الاولى

مدري وش رايكم يالربع الي عنده خبره عن الايجار هذا يفيدنا

[معاند الشوق11]

اصلا هم الكسبانييييييييييييييييييييييييييييييييييييييييييي يييييييييين مليووووووووون بالميه يخلونك لين تورط بعدين مستحيل تخسر مثلا خمسين الف مثلا وفي الاخير ترجعها لهم وترجع مافي يدك شي لا سياره ولا فلوس يعني خلال ثلاث سنوات خسرت خمسين الف هذا للمستهلك اللي بيرجع وهذي خساره قويه جدا واكيد كسبان اخذ نصف القيمه وامتلك السياره ان شاء الله ماتجيب غير عشره الاف ريال راح يستفيد من ناس ثانيين مستحيل يرجعون السياره لو فكروا وقالوا مستحيل نطلع بدون شي يعني ورطه وررررررررررطه ههههههههه

[مولع بالطير]

حبيبي لانسوي انتذاكي علي الشركات العرض من فايدتنا كان لك خاطر خذ وريح بالك

[السنع كله]

لابد ان تكون ملغمه
لان الشركات دائما تتذاكى على المستهلك

[نايف العويمرى]

مشكوووور,,,,,,,,,

[الأول دائما]

عررررض خياااااااااااالي جداً ولن يتكرر

[العابر2222]

شكرا على المرور والتعليق

[NOYEB]

من المؤكد ان وكالة نيسان حسبينها حسبه صح لصالحهم..وفي الاخير هي مجرد عروض لترويج سياراتهم ومنافسة وكلاء السيارات الاخرى.

[ابوخلف الحربي]

والله صراحه العرض حلو بس في احد جربه عشان نحكم لانك ماتدري وش قصتهم؟!

[ابو سعد التميمي]

يااخوان انتبهـــــــــــــوا انا تأكدت من العرض ولقيت فيه نصبة

سالتهم عن الددسن غمارتين 2010 قزاز تماتيك مكيف قيمته كاش = 71 ألــف

دفعة أولى = 17000 الف

ودفعة أخيرة = 29000 الف

المجموع = 46000 الف

يتبقى من قيمة السيارة = 25000 الف فقـــــــط ؟؟؟ يعني خلوك تدفع خمسين الف كاش ؟

يعني في الدفعة الاولى خذوا منك 17 الف وضامنين انك بتدفع 29 الف دفعة اخيرة

يعني 46 الف قل خمسين ألف وش باقي من قيمة السيارة الا عشرين الف ؟؟؟؟ شف

الكذبة ؟؟ يعني تعطيهم دفعة اولى كبيرة ويلزمونك بالدفعة الاخيرة وهو مبلغ كبير 29

الف ( قيمة سيارة بلحالها ) يعني ضمنوا قيمة سيارتهـــــــــــم واذا عجزت عن الدفعة

الاخيرة سحبوا السيارة منك

في حالة العجز عن سداد الدفعة الاخيرة يصيرون طلعوا منك مبلــــــــــغ = 47600
سبعة واربعون الف وستمائة ريال ؟؟؟؟؟؟؟ شف النصبة ؟؟

وخذوا السيارة منك وباعوها

نجي للأقســاط

القسط = 850 ريال لمدة ثلاث سنوات اي 36 شهر

مجموع الاقساط = 30600 الف

يعني تصير دفعت 46 الف كــاش

وخلوك تقسط 25 الف بـ 30600

الخــلاصة : تاخذ لك من معرض ولا من شخص تعرفه يدينك والا تاخذ تقسيط افضل لك

لان الي يدينون يعطيك خمسين الف اقساط بـ 75 والموتر بأسمك تقدر تتصرف فيه

مو زي الحمراني النصصصصااااااااااب السيارة بأسمه وتعطيه خمسين الف

وبعد ثلاث سنواااااااات اذا مادفعت الدفعة الاخيرة سحب السيارة منك وطارت دراهمك

هذا الي حبيت اوضح ليت احد الاخوان يتأكدون اكثر من الوكالة

وشكرا لك ياصاحب الموضوع

[محمد الظاهري]

الذيب ما يهرول عبث ...


صدق اخي الغالي
يااخوي العروض هاذي لك
طبعا لا
تراهم يستفيدون من وراك الاف

انحش عن العروض
انحش عن العروض

[القناص20.20]

يا ناس احسبوها بذكا الحين قيمت اي سياره وكاله بعد ثلاث سنوات بينزل من قيمتها من الربع الى الثلث تقريبا مثل اللتيما 2007 الحين ب45 ويوم انها وكاله بقرابت السبعينات يعني اذا تجي بترد السياره بتصير انت الخسران الافضل انك تكمل النص الثاني وتاخذه ولا بيلعبون عليك هم ببعونها اعلى من نصف القيمه ويعني يقصدونك السياره ثلاث السني بنص القيمه و تصير ست اسنين بقيمت السياره او انك بدون العرض تمتلك السياره مدا الحيه

[أبوالمثنى]

فيه كم نقطه في العرض

أولا حدك في السيارة لمدة ثلاث سنوات فقط 90000 كيلو متر يعني بمعدل 30000 في السنه وأغلب الناس المعتدلين ممشاهم في السنه من 40 الف الى 50 الف

ثانيا لو جاك واحد مسوي نفسه ذيب خذ السياره وعلى قولتهم لعن والديها (استخدام عنيف) يحسبون قيمة الاضرار والله لا يهينك تعوضهم

ثالثا على قوله الاخوان الذيب ما يهرول عبث

ربعا لازم كل سنه تأمن تأمين شامل واحسب كم التأمين

خامسا العرض هذا حلو للي مثلا بيشري باترول بـ 240 الف يدفع الـ 120000 ويستثمر الـ 120000 المتبقيه اما الباقين خسرانين

على العموم الله يرزقك كل منكم ما يتمنى

وفي الاخير المواتر وسلية وليست غايه !!

[ابوضاوي2008]

الموضوع فيه لعبه اكيد

[طايربلي جنااح]

ااكيد يعني لازم الوكااله تكسب اي عررض بجميع الوكلات بالعااالم

لازم هم المستفيدين يعني بالاول ولا خير هم الكااسباانين

وهذي اعتقد تصلح للشركاات

اماا مسئلت لازم تمشي 90 الف

اكيد النااس بتفصل الطبلووون

يعني هم عااملين حسااابهااا

اشرري مووتر على فلوووسي لين الله يفرجهاا ولا ارووح لذولا يسحبوون مني الفلووس والسياااره

والله لعب عيني عينك

وسلامتكم

[قنآص زهرآن]

حسبي الله ونعم الوكيل..طيب الي موضف وراتبه 2000 وش يسوي يمد 3 سنوات راتبه كله في سياره وبالاخير يسحبونها منه..الله لا يقولها

[ولد وايل..]

القرد ما يناقز عبث...

ما نزلوا العرض الا يبون الربح...

[رياح الشرق1]

والله انا اشوف انه زين با الحيل واكيد انهم يبون يربحون الوكاد انهم ازين من عبداللطيف جميل الي يدبلك قيمة السياره دبل

[ابو سلطان1234]

يالربع خلوها تصدي

[Abu Sary]

ياشباب ، هم كسبانين كسبانين ونصابين نصابين مافيها كلام..
لكن السؤال الأهم..
بحـكم إني أضطريت أشتري سيارة من عندهم ..

مثلاً ، انا ابي سيارة اقسـاط .. من عندهم ، هل ياخذون دفعة مقدمة ..

وثاني سؤال ،

هل 50% من سعرها الكاش ، أو الاقسـاط!!! ؟؟

..

والله مصيـبه لارقـابة عليهم ولآ شيء ..كل واحد يبتكر فكرة " نصبه " جديده ويطرحها
واللي ياكل المقلب ياكلة ،

نطالب بشركات أجنبيه < يسمع نطالب بحكـام أجانب



بالتوفيييييق للجميع ،








(اللهم حسن الخاتمة )

[عصا الترحال]

أرجو أن أبسط الطريقة التي يحسب بها قسط الأهلاك السنوي للسيارة عند المنظمات أي الشركات ومنها الحمراني
وقبل كذا أفهموها ببساطة
لوكان تدفع 30 بالمية لمدة ثلاث سنوات كان عرضهم أبيض ناصح
لكن لما قالوا تدفع 50 بالمية يعني هم كسبانين 20 بالمية منك من أول شي إذا افترضنا أن عمر السيارة الافتراضي عشر سنوات
لماذا ركز قليلا
قسط الإهلاك السنوي للسيارة = قيمة السيارة - قيمتها تشليح تقسمه على عدد السنوات
مثال : قيمة السيارة 110000 ألف ريال وقيمتها تشليح 10000

110000- 10000=100000 مائة ألف ريال
نقسم 100000 على 10 سنوات = 10000 ريال
هذا قسط الإهلاك السنوي للسيارة
إذا علم هذا علم مدى المكسب الذي يكسبه الحمراني من هذه الطريقة
والهدف الثاني توفير السيولة النقدية بأسرع طريقة ممكنة لأن الحمراني لما دفع المبالغ الطائلة للسيارات قلت السيولة عنده فلابد أن يوجد طريقة سريعة للسيولة
جربوا المقاطعة ستة أشهر ويعلن الحمراني إفلاسه
أرجو أن أكون قد وضحت لكم الإمر بوضوح

[مزاحم]

العرض اشوفه مناسب جدا يعني ادفع 50% وبعد ثلاث سنوات اكمل الباقي بس هل هي شرعية او لا هذا العائق بالنسبة لي

[القنـاص2008]

والله ياجماعة اعتقد ان العرض جيد لكن لابد ان نتعمق في الموضوع اكثر

من ناحية التامين والاضرار التعطيب عند رجوع السيارة
وفوائد التقسيط ومن ناحية الدفعة الاخيرة

لابد ان نتعمق اكثر
لاني سبق كنت اعمل في احد وكالات نيسان

وكلها نصب في نصب

احذرو من عروضهم

تحياتي

[كرم نت]

لاتضمن الشركات خاصة شركات السيارات نصب واحتيال
وماياكلها إلا الشعب ولا حياة لمن تنادي

[الجدي تربيع]

لابأس بالعرض اذا كان عقد الايجار لايندرج فيه عقد البيع ولابأس ان كان معه الوعد بالبيع ولابد من مراعاة شروط ثلاثة الأول /ان تضمن الشركة صيانة السيارة فيما عدا الصيانة التشغيلية الثاني / ان يكون التأمين على السيارة تلتزم به الشركة كليآ كان اوجزئيآ ولا يلزم به المستأجر الثالث / ان يكون التامين اسلاميآ لاتجاريآ والله أعلم

[areeen]

قرأت في النت

أن أسعار السيارات ( الجديدة ) في السنتين القادمة سينخفض

والسبب أن المخزون للسنوات السابقة انتهى والذي كان سعره الحالي مرتفع

أما القادم فسينخفض ( التأثيرات العالمية للإنخفاض السابق )

مؤشر الإنخفاض العالمي لم يصل الى السيارات الحالية إلا الآن .

والله أعلم

[همس الغدير]

والله يا اخوان خلكم حـــــذريــــن

[براد نجد]

والله يأخوان اشوف الدعوى كلها نصب في نصب طيب مثلاً شريت السيارة بـ 100.000 ودفعت منها خمسين بالمية اللي هي 50.000 وبعد ثلاث سنوات ماقدرت تدفع الباقي لاأقساط ولا كاش ورجعت السيارة لهم هم الحين ظمنوا السيارة وظمنوا ال 50.000 خلاص انت الحين رحت بخرايطها الشركة تبيع السيارة تقريباً بـ 50.000 او 60.000 الف يعني انت الحين دفعت 50.000الف على الفاااااااااضي لذلك لزم الواحد ينتبة ويدقق في الموضوع

[عاشق المطاريش]

يا رجال الشركات هذي تقص من ضهرك وانت ما تدري ، يعني مستفيدين مستفيدين ، في الاعلانات كلام واذا جيتهم عطوك كلام ثاني يعني ما فيه مصداقية نهائيا ً

[ابرق المستوي]

ياالربــع مافيه شيئ في صالح المواطن
تحلمون انتم هذا الشركات لابد تحصل على فائده
أما تقول المستفيد المواطن افلقني ياشيخ
لا يمكن يطلعون عرض امتلك سيارتك مجاناً هههههههههههههه
لا تنغرون في الحاجات ذي ياما اكلناها مفلفله من ذا الأشكال
تحياتي

[D Max2010]

معادلة

سيارة جديدة ب120الف-60 الف=60 الف بعد ثلاث سنوات اذا رجعته لهم يبيعونه ما يقل عن 75 الف يعني فائدة 15 الف هم الكسبانين.؟؟؟؟؟؟

[sulaiman.fj40]

يالربع انتبهوا.اي شركه تبيع منتجات فهي تسعى للربح.لايمكن ان تبيع سياراتها من اجل خاطر الزبون بل من اجل الكسب بالاضعاف.من اراد ان يشتري من هذه العروض عليه ان يقرا الشروط بكل تامل وعنايه ويسال عن كل شرط من الشروط وسوف يكتشف ان العرض في صالح الشركه .واستشيروا اي محامي تشوفوا العجائب/بالتوفيق

[بو خليفه]

على فكرة في شئ مخفي عليكم و هو لا تنسى انك تسوي صيانة و يصبح ما شاء قسط دايم من ضمنها صيانة و تسويق قطع

الحل اشتر من المعارض و كمل 30% فوق 50% و اشتر جديد من المعارض وبدون صيانة و قطع

على فكرة في حالة الحوادث التعويض يعود للوكالة لا السيارة لا تمتلكها

من ناحية دينية العرض حرام اذا كان عليك القطع والصيانة لان السيارة ليس ملكك حتى تعمل قطع وصيانة

والعمر الافتراضي للسيارة 100 الف كيلو او 5 سنوات و تنتهي وهذا بشهادة المصنع

[ms662]

الحمراني جزار من الجزارين فكيف يكون عرضة امن
لابد ان يكون هو الرابح اما بقطع رأس المشتري بأخذ السياره منه
او ان المشتري يطر لدفع النصف الثاني من المبلغ
فهو ربحان في كلا الحالتين