سؤال سريع وحلـه سريع...وفالك القرقفان والفسكر والسبيطي

[ابوميدار]

السلام عليكم
.....
كيف حالكم .........
سؤال يا جمااعه ... انا شريت ماكينه وكانت زي الحلاوه
وفجأه خششنت يعني وانا اسحب كأن خيوط متعلبكه فيها( قاسيه ) ف اتوقع يمكن ازيتها او افكهاا
السؤال ... كيف افكها وكيف ازيتها اذا محتاجه تزييت ؟؟ خووفك افكها واتوهق فيها وتخررب
ولكم كل الشكرر
.....
ووعد منني اللي بيقولي كيف
راح ادله على مكاان للصيد .. قرقفان + فسكر + شعم + سبيطي + قد
ملياااااان وبحدود ساعه وانا متاكد راح يصيد لايقل عن 50 قرقفانه + شعوم وفسكر
انا اعطيكم مثال.. انا ارمي السناره وللسه احس ان الطعم لسه ماوصل بالأرضيه اللا انت صايدها وتطلع بالثنتين ^_*
والسبيطي والقدود عليك فييهم
طبعا المكان بالشرقيه.. طبعا المكان ممنوع بس تروحه بالليل ومتخفي:j حددك اذا جا الحرس يقولك ممنوع ويمشييك ... ونادر مايجيك الحرس لان مكان اظلم ومحد يدري عنك اذا كنت هادئ
.... تبون الصراحه والله انا احب الخيير ودي اقول للاماكن اللي اروح فيها بس المشكله واتوقع كل صياد شوي يتخوف منها اللي اهو اذا عللم شخص بمكان الصيد وهذا الشخص بيعللم اشخااص وبتكون امة محمد هناك بالموقع وبعدها راح يخرب المكان وبيخف الصيد فيه .... صحيح كلامي ولاتخالفوني الرأي
انا كنت بقول عن الموقع بقول لأحد بس حبيت يفيدني وافيده مو تبادل مصالح .. اللا اخوه مكشاتيه ^_*
بس هاا اللي بخبره يوعدني مايخبر احد ههههههه:good2: لا وبعد يوعدني انه ينزل صور الصيد ههههههه
يعطيكم العافيه

[X P]

صباح الخير

اخوي طريقة فكها بسيطه جدا في مقدمة المكينة تحصله افتحه بيدك وطلع الخيوط العالقه فيها واهم شي نظفها بماء محلى وبعدها حط شوي زيت وامورك طيبه

بس قلي شنو نوعها لو بانكس ودايوا فهي سهله جدا افتح الغطا الاسود ونظفها ورجعه ثاني


وفالك الهامور

[alqamr]

اخوي هذا فديو توضيحي لتزيت المكينة

http://www.youtube.com/watch?v=1ciQe2mGisQ&feature=related

[ظبي الخير]

طريقة تنظيف ماكينة السنارة بسيطة ولا تحتاج وقت طويل


خاصة إذا كانت مثل هذي الماكينة


http://www.mekshat.com/pix/upload04/images168/mk158679_15719_1mg.jpg


الخطوات:-


1- تفك الجزء العلوي الموجود به الخيط وذلك بإدارة قطعة البلاستك في أعلى الماكينة مع الحرص على لف
الخيط جيداً حتى لا تواجه تفكك الخيط.


2- فك برغي مقبض الماكينة المغلف بالبلاستيك وذلك بإدارته مع الحرص على عدم ضياع القطعة البلاستيكية الصغيرة التي
تكون من بعد البرغي وعادة ما تكون مسننة ^^^.


3- إسحب المقبض اليدوي وإخرجه من الماكينة.


http://www.mekshat.com/pix/upload04/images168/mk158679_eagleclaw-pk46tas.jpg


4- قم بفك البراغي الموجودة بالقطعة التي أسفل المقبض وعادة ما يكون عددهم 3 ثم إرفع القطعة من مكانها.


5- استخدم منظف cleaner لتنظيف جميع قطع الماكينة وأجزائها أو بالماء الحلو والصابون باستخدام فرشاة بشرط تنشيفها من بقايا الماء والصابون جيدا


http://www.wd40.com/files/images/wd-40-br69235874.jpg


6- استخدم شحم grease لتشحيم جميع الأجزاء المتحركة في الماكينة جيداً.


http://eshop.banlianhong.com/images/Omega%20bearing%20grease.jpg


7- أعد تركيب جميع القطع بطريقة عكسية لطرقة الفك يعني تبدأ من القطعة الصغيرة التي أسفل المقبض ثم المقبض بالمشرمحي من الخطوة 4 إلى 3 إلى 2 إلى 1.


بهذا قد قمت بتنضيف الماكينة وتشحيمها
وتكون جاهزة للاستخدام


وفالك الرزق الحلال الطيب.


أتمنى أكون أفدتك بصورة واضحة وكافية.

[حظي الي بكاني]

ماشاء الله الردود ولا احلا كفوو وفو الشباب

[مشاغب السقالة]

بارك الله فيكم ياشبا
ماقصروا \
قللى وين المكان
لانى ماقصرت معك ههههههههههه

[sa_1899]

الشباب ماقصروا معك وانا اخوك

وبالتوفيق ان شاء الله

[maxamer]

صراحة ما قصروا الشباب خاصة طبي الخير

اذا بقي تنزيل الصور انا انزلها حتى لو ما ذلتني المكان

احنا في الخدمة

[نمط]

عليكم السلام ورحمة الله
شوف صورة الاخ ظبي الخير
http://www.mekshat.com/pix/upload04/images168/mk158679_15719_1mg.jpg

الزبدة 90% في رقم (1)
ديرها عكس للنهاية وراح تفتح معك
ارفعها وراح يبان عندك داخل المكينة والأملاح والرمل

أغسلها بالماء العذب
وبعدها رش عليها بـ W40 لإزالة الأوساخ والصدأ والشحم القديم
بخها وخلها عشر دقايق وبعدها نف امسحها من الداخل حتى تزيل الصدأ العالق بسهولة من البيرنقات الخ

بعدها حط عليها شحم , وعاود اغلاق المكينة وراح ترجع معك جديدة وسريعة الدوران

[accentkool]

والله الشباب ماقصرو افادوك