مشكله في الفكس ار وطفشتني ؟؟؟

[تميم نجد]

السلام عليكم ياخوان

انا معاي في اكس ار فل كامل ماعداء الهيد روليك طبعا قير توماتيك

واذا جيت امشي بالبدائية يصير فيه رجه بالبدي تحت السياره واذا رفت رجلي عن البنزين شوي راحت ولو امشي بعدها 160 ماتجي عند البدايه واذا هديت عند مطب صناعي والا لفه ووضغط على البنزين بسرعه شوي تطلع القره والله حيرني ووديته تقريبا عشر ورش وميزان وورشة تربيط وقال كل شي سليم من جلد ؟؟؟؟

انتظر ردودكم

اخوكم / ابو محمد

[سعود الحربي]

هي رجه او صوت قره

[صافي الماس]

ابو محمد الله يحفظك....... وضح اكثر ؟
هل السيارة قديم موديلها.
تحياتي

[سعود الحربي]

على العموم انا طالع عندي دوام


انا كانها رجه اول شي استبدل الكفرات مع جنوطها مع احد المعارف وجرب ان زانت كان بها وان مازانت ودها العظيب ويبي يعلمك

اما ان كانها قره عند رفع الرجل عن البانزين فهذي هي الكنداسه الدبه الكبيره خربانه من داخل

[البرغي]

انا اقول والله اعلم كراسي المكينة محتاجة الى تغيير , شفلك ميكانيكي ممتاز وخليه يفحص كراسي المكينة , وللمعلومية تغييرهن بسيط .

[sarab88]

وش رايك اوصف لك ورشة سعودي كبير والكبير الله الرجال شغله مايحتاج وفاهم كم مرة اشتغل عنده مايحتاج اواعطيك رقم ورشة سعودي ثاني علمني واردلك وتقبلووووووووا مرووري

[تميم نجد]

الله يجزاكم الف خير ان شاء الله

[تميم نجد]

هي رجه او صوت قره

لا ياخوي سعود

هي اذا دست بنزين بمشي وتست بقوه السياره تقول بتفكك كلها نفضه واذا رفعت لرجلي عن البنزين وانتم بكرامه راحت ...

تقبل تحياتي وتقديري

[تميم نجد]

ابو محمد الله يحفظك....... وضح اكثر ؟
هل السيارة قديم موديلها.
تحياتي
ويحفظك ربي ان شاء الله من كل سوء

مديل 98 م vxr

[تميم نجد]

على العموم انا طالع عندي دوام


انا كانها رجه اول شي استبدل الكفرات مع جنوطها مع احد المعارف وجرب ان زانت كان بها وان مازانت ودها العظيب ويبي يعلمك

اما ان كانها قره عند رفع الرجل عن البانزين فهذي هي الكنداسه الدبه الكبيره خربانه من داخل

اخوي سعود / الله يستر عليك ان شاء الله
الرجه موب بالسياره اذا مشت الرجه ( نفضه البدي كامل ) عند القومه فقط والا اذا مشيت مافيها شي لو امشي 180 عادي مافيه رجه ولا عرة ولا شي بس عند القومه اذ تست على البنزين بقوة

[تميم نجد]

انا اقول والله اعلم كراسي المكينة محتاجة الى تغيير , شفلك ميكانيكي ممتاز وخليه يفحص كراسي المكينة , وللمعلومية تغييرهن بسيط .

هلا بالغالي

مالك لو انا كشفت عند اكثر من واحد على الكراسي والجلد قالو سليمه

تقبل تحياتي وتقديري

[تميم نجد]

وش رايك اوصف لك ورشة سعودي كبير والكبير الله الرجال شغله مايحتاج وفاهم كم مرة اشتغل عنده مايحتاج اواعطيك رقم ورشة سعودي ثاني علمني واردلك وتقبلووووووووا مرووري
ياليت ياخوي سراب الله يوفقك يارب

[بـــ نجد ـــرق]

هلابك اخوي

شيك على اللي بقوله لك وان شاء الله ان مشكلته بسيطه

1- كراسي المكينة
2- كرسي القير
3- فيه كراسي تمسك البدي بالشاص خلهم يشيكون عليها مع انها نادر ماتخرب
4- صليبات العمدان

وان شاء الله تنحل مشكلتك

بالتوفيق

[سوبر VTC]

اذا كان الصوت مستمر من الامام صوت ووو وووو
ثم يختفي بعد سرعة 50 تقريبا او يستمر
فقد صارت لهايلوكس م2006 و كورولا م2002
صار من رمان الهوب تم تغييره و زان الموتر


اذا تطلع حرة ورر ورر و تروح و تجي او هي مستمرة على سرعة 80 و طالع
فهي مشكلة بالعمدان صليبات خربانه داخله ماء او مجيمة
او احد شنابر احد الصليبات طايح

هنا الشنبر التامين اللي يخلي طاسة الصليب ما تطلع من محله
تاكد من وجود هذا الشنبر
لو كان الشنبر طايح فان الطاسة تطلع من محله و تسبب نفضة للموتر
و يمكن يطيح العمود لا قدر الله



http://www.mekshat.com/vb/../pix/upload04/images168/mk53291_oioiooi.jpg


و اذا كان رجه و نفضه في الموتر
فقد تكون من الكفرات محبلة متاكله من جهة معينة


اخر و اسوء الاحتمالات
يكون من طنجرة القير تسبب رجه

اذا دست بنزين و الموتر واقف
اذا طلع صوت قرقشة فعندك مسامير الحذاف مرتخيه
يكلف شغله مع التربيط تقريبا 50 او 100

[sarab88]

اسمع وانا اخوك رح للصناعيه القديمه مخرج 17 وسيد لين يجيك الكبري اللي يجي في وجهك اطلع يسار طبعا تجيك الأشاره التفت يسار يجيك السالم يسارك ديور من عند الأشاره طبعا السالم يجيك يمين كنك راجع صح بعدين يجيك الراجحي يمينك بعده ملف تعد الملف هذا يجيك الملف الثاني خش يمين شفالظاهر اول محل او الثاني والله نسيته لكن هو حولك ورشه اسمه ابو عادل الى مالقيته اسال اي راعي ورشه جنبك قله ابوعادل سعودي وابشر ان شاء الله بالخير وتقبلووووووووا مروري

[تميم نجد]

هلابك اخوي

شيك على اللي بقوله لك وان شاء الله ان مشكلته بسيطه

1- كراسي المكينة
2- كرسي القير
3- فيه كراسي تمسك البدي بالشاص خلهم يشيكون عليها مع انها نادر ماتخرب
4- صليبات العمدان

وان شاء الله تنحل مشكلتك

بالتوفيق

هلا اخوي برق نجد والله شيكت على جميع الكراسي والجلد يالغالي عند فلبيني وقالي كل شي سليم ورحت لورشه ثاني سعودي وشيك عليه قال لازم تخليه عندي يومين بشتغل فيه على رواقه قلت اوكي قالي تعال بعد اسبوع ورحت لورشه اعرفها تربيط وخليته عنده يومين وشيك عليه كله وقال كل شي سليم والله مادري

بيض الله وجهك ولا قصرت وان شاء الله بشيك عليه مره ثانيه

[تميم نجد]

اذا كان الصوت مستمر من الامام صوت ووو وووو
ثم يختفي بعد سرعة 50 تقريبا او يستمر
فقد صارت لهايلوكس م2006 و كورولا م2002
صار من رمان الهوب تم تغييره و زان الموتر


اذا تطلع حرة ورر ورر و تروح و تجي او هي مستمرة على سرعة 80 و طالع
فهي مشكلة بالعمدان صليبات خربانه داخله ماء او مجيمة
او احد شنابر احد الصليبات طايح

هنا الشنبر التامين اللي يخلي طاسة الصليب ما تطلع من محله
تاكد من وجود هذا الشنبر
لو كان الشنبر طايح فان الطاسة تطلع من محله و تسبب نفضة للموتر
و يمكن يطيح العمود لا قدر الله



http://www.mekshat.com/vb/../pix/upload04/images168/mk53291_oioiooi.jpg


و اذا كان رجه و نفضه في الموتر
فقد تكون من الكفرات محبلة متاكله من جهة معينة


اخر و اسوء الاحتمالات
يكون من طنجرة القير تسبب رجه

اذا دست بنزين و الموتر واقف
اذا طلع صوت قرقشة فعندك مسامير الحذاف مرتخيه
يكلف شغله مع التربيط تقريبا 50 او 100

اخوي سوبر اشكرك

اذا مشيت مافيه صوت ولاشي
بس عند القومه فقط

وبيض الله وجهك والله ماقصرت وابي اشيك على الصلبان

[تميم نجد]

اسمع وانا اخوك رح للصناعيه القديمه مخرج 17 وسيد لين يجيك الكبري اللي يجي في وجهك اطلع يسار طبعا تجيك الأشاره التفت يسار يجيك السالم يسارك ديور من عند الأشاره طبعا السالم يجيك يمين كنك راجع صح بعدين يجيك الراجحي يمينك بعده ملف تعد الملف هذا يجيك الملف الثاني خش يمين شفالظاهر اول محل او الثاني والله نسيته لكن هو حولك ورشه اسمه ابو عادل الى مالقيته اسال اي راعي ورشه جنبك قله ابوعادل سعودي وابشر ان شاء الله بالخير وتقبلووووووووا مروري

وصل الوصف ماشاء الله عليك كاني اشوف الورشه على وصفك بيض الله وجهك ولا قصرت تقبل تحياتي