رجهxرجه مع البريك

[ابوفواز1000]

كما هو في العنوان يأخوان عندي مشكله سيارتي باترول 90 باب واحد والمشكله عندما اكون ماشي واريد ان اتوقف مثل عند الاشاره ادعس على البريك والقير فاضي ترج السياره من الخلف احس ان السياره تناقز والرجه هذي ماتجي الا في مثل هذه الحاله فقط يعني مع البريك والقير فاضي عندما اريد التوقف خرطت الهوبات وغير الفحمات او القماش ماراحت المشكله والموتر مافيه رجه مع المشي نهائيا اريد حل يا خبراء

[فهد773]

الرجه غالبا من القماشات وشيك على الكفرات يمكن واحد محبل < ابدا فيهم بااول شي

[هاوي موتري96]

اخوي يمكن الهوبات خلاص ماعاد تقبل خرط يعيني لها مقاس معين
ومعروف ان الهوبات لها تقريبآ 2 او 3 خرطات لذالك شيك على الهوبات زين ونوع الفحمات الي ركبته لايكون حليل لأن التجاري طبيعي اغلبه يجيب الرجه
تقبل مروري وان شا الله يفيدونك الشباب

[ابوفواز1000]

الرجه غالبا من القماشات وشيك على الكفرات يمكن واحد محبل < ابدا فيهم بااول شي
اخوي اشكرك على الرد
ولاكن الكفرات اذا كانت محبله تكون الرجه على طول ليس مع البريك فقط والرجه اغلبها احس انها في الخلف قدام ما احس بشيء

[ابوفواز1000]

اخوي يمكن الهوبات خلاص ماعاد تقبل خرط يعيني لها مقاس معين
ومعروف ان الهوبات لها تقريبآ 2 او 3 خرطات لذالك شيك على الهوبات زين ونوع الفحمات الي ركبته لايكون حليل لأن التجاري طبيعي اغلبه يجيب الرجه
تقبل مروري وان شا الله يفيدونك الشباب
الله يعافيك اخوي على ردك
القماشات جديده واصليه والهوبات ماخرطت واجد على كلام المخرطه والرجه في الخلف واضحه مره احس قدام مافيه رجه كأن الموتر ينقز او يمر على مطبات صغيره وكل ما قويت الدعس على البريك زاد البلا

[sarab88]

طيب شيكت على اللي يمسك الفحمات والله ياخيي نسيت اسمه ترى البلا احيانا يطلع منه يبيله تنظيف وتقبلوووووووا مروري

[sarab88]

ذكرتهن اسمه كليبر واذا كان مهوب هو عندي لك حل عشان ماتخسر ارفع الموتر من قدام من جهة اليمين وحط يدك فوق الكفر والثانيه من تحت يعني فوق وتحت ورج الكفر اذا طلع فيه رجه عندك رمان العكس وسوها بالكفر الثاني وشيك على الأذرعه ببلاش كانك بالرياض عند الباديه تراهم مايحتاج وسعرهم قوووووي حلووو والله يكتب اللي فيه الخير وتقبل تحياتي :)

[ابوفواز1000]

ذكرتهن اسمه كليبر واذا كان مهوب هو عندي لك حل عشان ماتخسر ارفع الموتر من قدام من جهة اليمين وحط يدك فوق الكفر والثانيه من تحت يعني فوق وتحت ورج الكفر اذا طلع فيه رجه عندك رمان العكس وسوها بالكفر الثاني وشيك على الأذرعه ببلاش كانك بالرياض عند الباديه تراهم مايحتاج وسعرهم قوووووي حلووو والله يكتب اللي فيه الخير وتقبل تحياتي :)
الله يعافيك اخوي
بس الرجه في الخلف قويه من قدام ما احس بشيء الطاره ما ترج ابد ولا فيه رجه في الموتر عند المشي في الخطوط الطويله والله احترت في المشكله

[sarab88]

عاااادي طيب شف الرمان اللي ورى طبيعي يرج ارفع الموتر وعشقه وشف يرج والا لالالا وتقبلوووووووا تحياتي

[عميد سامودة]

يمكن من الصليب حق العمود تأكد وشوف لأنه سواها معي نفس ما ذكرت وتغييره ب 130 مع الشغل

[ابوفواز1000]

اشكر جميع الاخوان اللي ردو على موضوعي وحاولو حل المشكله وهذا والله الشيء اللي يجعل الواحد يضع مشكلته في هذا المنتدى الطيب والاعضاء الفضلاء وفقكم الله لكل خير
اما بخصوص المشكله فقد إنحلت اليوم والحمد لله فقد وجدت وزنيه القماش البريك الخلفي الايمن ماسك اكثر من اليسار الخلفي سويت لها وزن ونسمت الهواء وخرطت الهوبات الخلفيه فقط والحمد لله راحت المشكله نهائياً وطرحت الحلول اللي سويتها حتى اي عضوا يواجه هذي المشكله يستفيد من الموضوع
الله يوفقكم لكل خير

[sarab88]

الحمدالله على السلامه والحمدالله افتكيت منها