يوسف الخليفة1
08/06/2010, 09:36 PM
http://www.mekshat.com/pix/upload04/images168/mk67513_08062010450.jpg
سبع الخلا سرحان ذرب الرجاجيل=ما شانت فعوله سليل القبيله
من عيلة البشتو ولا فيه تقليل=العيب والله بالعلوم الرذيله
ترا الرجوله ما تهاوت على جيل=ولا لها تخصيص باية فصيله
يحوزها من صار دلوه شهاليل=حاش المراجل من قراح الثميله
ما هوب مياح الهماج بمزابيل=على لهيب اللال ينهار حيله
يدني كفوفه بالخيور المقابيل=واليا ادبرت يلوي مهاديب ذيله
ما دار باله للضعوف الحواقيل=باجثامة العسرات وقت البحيله
قطر الندى ما ينهطل بالدحاميل=واهباب خبرا الما قليل الحصيله
احدن يجي قلبه سواة الجناديل=غليظ حال ولا يوادي عميله
واحدن كما البرخوص والين من النيل=كالدهدوان اللي لطيفن مشيله
لقيت بالدنيا فسوح ومحابيل=هي سنة اللي ما بالاحيا مثيله
ما تصفي الدنيا بليا بهاذيل=دايم زمنها سكتن مستميله
من سار فيها بوع يثوي بها ميل=خسران منهو باللهاوي يجيله
ما يكسب الناموس راس الجهاهيل=والذيب يفرس بالشياه الهزيله
تماكن الساعات بالوقت تمهيل=واعرف ترا الجنه براس الطويله
على المكاره دربها طال ما نيل=تنهك خطا العيرات حزة رحيله
تبي الصبر واخلاص من دون تظليل=واتيانك الاعمال معها دليله
يوسف الخليفة ( أبو عبد الله )
سبع الخلا سرحان ذرب الرجاجيل=ما شانت فعوله سليل القبيله
من عيلة البشتو ولا فيه تقليل=العيب والله بالعلوم الرذيله
ترا الرجوله ما تهاوت على جيل=ولا لها تخصيص باية فصيله
يحوزها من صار دلوه شهاليل=حاش المراجل من قراح الثميله
ما هوب مياح الهماج بمزابيل=على لهيب اللال ينهار حيله
يدني كفوفه بالخيور المقابيل=واليا ادبرت يلوي مهاديب ذيله
ما دار باله للضعوف الحواقيل=باجثامة العسرات وقت البحيله
قطر الندى ما ينهطل بالدحاميل=واهباب خبرا الما قليل الحصيله
احدن يجي قلبه سواة الجناديل=غليظ حال ولا يوادي عميله
واحدن كما البرخوص والين من النيل=كالدهدوان اللي لطيفن مشيله
لقيت بالدنيا فسوح ومحابيل=هي سنة اللي ما بالاحيا مثيله
ما تصفي الدنيا بليا بهاذيل=دايم زمنها سكتن مستميله
من سار فيها بوع يثوي بها ميل=خسران منهو باللهاوي يجيله
ما يكسب الناموس راس الجهاهيل=والذيب يفرس بالشياه الهزيله
تماكن الساعات بالوقت تمهيل=واعرف ترا الجنه براس الطويله
على المكاره دربها طال ما نيل=تنهك خطا العيرات حزة رحيله
تبي الصبر واخلاص من دون تظليل=واتيانك الاعمال معها دليله
يوسف الخليفة ( أبو عبد الله )