حل مشكلة حرارة الباتروووول ؟؟

[راعي العشــه]

السلام عليكم ورحمة الله وبركاته
انا عندي في الباترول موديل 94م حراره غير طبيعيه في الماكينه مع العلم ان العداد اذا كنت ماشي في خط يكون فوق الربع
واذا كنت واقف توصل النصف او تحت بشي بسيط
جميع الأسباب المؤديه الى ارتفاع الحراره سليمه
راديتر جديد - البلف مو موجود - تماتيك المروحه سليم - الطرمبه جديده - دبة الشكمان شكيت فيها وغيرتها جديده
الموتر اذا فتحت كبوته ماتقدر تمسك عصا الكبوت من حرارته
قالي صاحب راديترات ركب راديتر المنيوم صيني يقول ممتاز وعليه ضمان شهر
يقول لان السعودي يرفع حرارته مع العلم انه فيه باترول 97م مركب سعودي راديتر وحرارته زي الحلاوه ماشاءلله
هل تؤيدون انه اركب راديتر المنيوم صيني

افيدوني الله يجزاكم خير

[عارف الشمري]

ركب اردني ,,,,,,,,, تدعيلي

جرب غطاء رديتر اصلي ( وش خاسر ) اذا كان سبرنق الغطاء اذا ضغطته ما يجاوب معك يعني( يابس)

ونشالله الاخوان يفيدونك

والله يزين موتر ويصير زي الوكاله ويبعد عده ( الحراره )

[majeds]

الديلكو اذا كان نازل يخنق المكينه ويكتمها ويرفع حرارتها

ارفع ابوه للاخر وبعدين نزل وزنيه دعسه الكلبليتر لين يصير صوت المكينه طبيعي يعني دورات المحرك اقل من واحد
وادعيلي

سلام

[سوبر VTC]

اذا عزم الموتر تعبان
وزن ديلكو + بلوف
صفاي بنزين بواجي اسلاك تنظيف فلتر الهواء
بليتين كويل

رابط
خلاص طق عقلي (http://www.mekshat.com/vb/showthread.php?t=243531)

اخبر مع احد الربع سلقة باترول م91
ركب غطاء اصلي عليه استكر برتقالي اذا وصل سرعه 120
توصل الحرارة فوق الخطين :no:
رجع لنفس الوكيل و ركب غطاء اصلي بدون استكر
و نامت الحرارة :good::good::good:

و بعدين تراك ياخوي غلطان
الان حرارة الجو عندنا فوق 50
و يجب عليك تركيب بلف لانه يحجز الماء الحار عن البارد
لان الماء الحار يدور باستمرار
و مروحة المكينة ما تلحق على التبريد و الموتر واقف
جرب دس بنزين لمدة 4 دقائق خل الابنص على 1.5
ستلاحظ ان الحرارة تبي تنزل لان المروحة تبرد بسرعة
مشكلتك عدم وجود بلف !!!
لازم تركبه
و لا تركب اديتر

حر العام الماضي مواتر جديدة الحرارة على النص في نفس هذا الوقت
هذا وقت جمرة القيض و باقي لك شهرين الى اغسطس

[عديم]

النيسان ما يصلح له غير الرديتر الاصلي ركبه و ما جاك علي
خصوصا الي سيارته بخاخ ما يمشي معها غير الاصلي
الرديتر التجاري يرفع الحرارة مهما كان

[abo-lma]

رجع بلف الحرارة

وجرب شوف كيف الوضع قيمته بــ 60 ريال من الوكالة

موفق خير

[sarab88]

ياخيي موشرط يكون من الأديتر انا كان عندي وصار قطعة حديد شفها تحت القزوز مافيه وكان الموتر شوي ويشب من الحراره ناظرها يمكن يكون من عندها وبالنسبه للأديتر عشان ماتخسر روحك شف يبيعون في بعض المحلات حامبير حق الحراره كانك عرفته ابو سلك شغل الموتر وخله يحتر ويوصل للحراره المعينه اللي تقول وجرب الأ مبير اللي معك وشف وين توصل عشان تتأكد قبل ماتركب اديتر وتقبلووووووا مروري

[بن معدل]

نفس المشكلة صارت لي غير غطاء الاديتر اولا اذا زان الحمد لله والا ركب مراوح كهرب

[ابويارا1001]

راعي العشة

كان عندي مشكلة في حرارة باترول 90 جننتني

طلعت المشكلة من كاور المروحة مكسور والقطعة اللي تحت طايحة

تأكد منه انه سليم وكامل (الكاور يجي قطعتي فيه قطعة تركب تحت المروحة مهمه لانها تحبس وتوجه الهوا )

قيمته تجاري 50 او 60 ريال بدله واربط القطعة اللي تحت المروحة بمسامير لانها تجي على كلبسات وتنكسر مع الوقت

شيك عليه قبل تخسر نفسك

[راعي العشــه]

ركب اردني ,,,,,,,,, تدعيلي

جرب غطاء رديتر اصلي ( وش خاسر ) اذا كان سبرنق الغطاء اذا ضغطته ما يجاوب معك يعني( يابس)

ونشالله الاخوان يفيدونك

والله يزين موتر ويصير زي الوكاله ويبعد عده ( الحراره )

قالولي فيه اللمنيوم صيني اخو الوكاله يمدحونه لي بس مادري هل هو افضل او الاردني يقول صاحب المحل الباترول الديزل يركبونه
وبشوف غطاء الراديتر

[راعي العشــه]

اشكر مروركم وتفاعلكم مع الموضوع والله لايحرمنا من معلوماتكم جميعا

أخوي majeds (http://www.mekshat.com/vb/member.php?u=163919)

الديلكو موزون كنت موضبه وطلع صوت لقلقة الديلكو ووزنته وضبط

أخوي سوبر VTC (http://www.mekshat.com/vb/member.php?u=53291)

الديلكو وزنة فلبيني معلم حتى انه فكه ونضفه ورجعه مره ثانيه مع الوزن

افهم من كلامك اركب الغطاء بدون استكر



اخي عديم (http://www.mekshat.com/vb/member.php?u=42869)

اغترينا بالسعودي قلنا افضل من الاصلي يمكن علشان انه ثلاث رصات والسعه زينه لعلها جت ضدنا:D

abo-lma (http://www.mekshat.com/vb/member.php?u=90425) اخوي

مفكر في ترجيعه والله لانه سبق وصارت مع واحد رجع البلف وضبطت حرارته

sarab88 (http://www.mekshat.com/vb/member.php?u=157531) اخوي

الحديده اللي تقصد تجي فوق القزوز ولا انا غلطان صاجه ؟؟ هذي اللي تقصده

والامبير اللي تقول عنه ماعرفته والله
ياليت لو توضح شكله اكثر او اذا كان عندك صوره له واسدحها

بن معدل (http://www.mekshat.com/vb/member.php?u=35374) عزيزي

غطاء الاديتر بنركبه انشاءلله ونشوف عن حرارته
مراوح الكهربا توني فاكها عيبها انها تعطيك قوه معينه وبس اما المروحه الوكاله كل مادعست عطتك تبريد اكثر

ابويارا1001 (http://www.mekshat.com/vb/member.php?u=101126) اخوي

الحكاره جديده ومشيك على اللي تقصده قبل يومين مافيه شي مفكوك كله تمام

[sarab88]

لالالا مهيب اللي فوق القزوز فيه وحده تجي تحته عشان المكينه وبدي السياره من جواا والأمبير والله ماعرف انزل صور لكن اوضح لك شفه دايم يركبونه بالكوابرس القديمه اوالدرادع شبيه المعيار حق الهواء بسيجي فيه سلك ويعلمك مكان الحراره اي محل قطع غيار يعلمك وتقبل تحيااااااااااتي

[راعي العشــه]

لالالا مهيب اللي فوق القزوز فيه وحده تجي تحته عشان المكينه وبدي السياره من جواا والأمبير والله ماعرف انزل صور لكن اوضح لك شفه دايم يركبونه بالكوابرس القديمه اوالدرادع شبيه المعيار حق الهواء بسيجي فيه سلك ويعلمك مكان الحراره اي محل قطع غيار يعلمك وتقبل تحيااااااااااتي

هلابك اخوي سراب
شبه عرفته الصاجه اذا هي اللي في بالي موجوده
الأمبير اللي تقصد عرفته اللي يجي في البيوك القديم تحت المسجل ساعه خارجيه:D

[sarab88]

عليك ننبه هي الأمبير اللي اقصد جربها ولا انت خسران شي