ياكثر هاللمبات..

[سؤال؟]

السلام عليكم ورحمة الله وبركاته.
ممكن كم استفسارلوسمحتم..
1:انافصلت سلك جرس الحزام والامور تمام طفى الجرس بس طلعت مشكله انه لمبة الارباق على طول مولعه بالطبلون ولا عرفت اطفي هل اللمبه..احد عنده حل؟
2:فصلت سلك الايبي اس من عند علبة الفرامل بالكبوت..الامور تمام وانا ماجربته للحين..بس فيه مشكله لمبة الايبي اس والجلنط مولعه على طول بالطبلون ولا عرفت اطفي هاللمبتين..احد عنده حل؟؟؟وفيه ناس قالو لي انه شغلك هذا يخرب الايبي اس مع الفرامل..احس انهم يبالغون :eek: ..هل هالكلام صحيح؟؟؟
3:سيارتي دفع رباعي وقالي واحد..ان ابوي فصل الرباعي عن طريق الكهرب..دورت احد يفصله عن طريق الكهرب مالقيت حل الا فك ترس وتركيب واحد بداله..مع العلم ان سيارة ابوالرجال 2007وسيارتي2008..احد عنده حل؟؟
4:دبات التلوث ودي الغيه من السياره بس الي فهمته ان مشاكل الحساسات واجد خصوصا بعد فتره بحيث يضعف عزم السياره من هالحساسات.وتولع لمبه..هل هالكلام صحيح؟؟
طولت عليكم بالاسئله..اعذرونا فاضي ولا عندي شغل وتوي شاري سياره..ولا لقيت احد عنده معلومه واضحه.
مع العلم ان السياره جي اكس 2008.
ارجو المعذره على الاطاله وكثر الاسئله.

[هويدي]

وعليكم السلام ورحمه الله وبركاته

والله يا انت ماعندك وقت على طول فصل .. اشونك منتب مديري :)

بخصوص الحزام به قطعه بلاستيك حمرا تباع عند حقين الزينه تدخله مكان الحزام
وتصير كأنك رابطه .. ولو اني انصحك تربط الحزام لسلامتك
او انك تربطه على المرتبه او من وراها

والباقي يفيدونك فيه اصحاب الخبره إن شاء الله

[سؤال؟]

الله يعطيك العافيه اخوي..
رحت لزينه ولقيت الي قلت لي عليه..
الف شكرعلى اهتمامك..

[aborajwa]

اخوي كل شيء في السيارة له دليل على عطله والا صار السائق ما يعرف اش تعطل عليه لو ما تولع اللمبة المحددة وتنبهه ان هناك خلل ما في هذا المكان ..

انت فصلت فيش ال اي بي اس وهو مخصص للفرامل ومعناه مانع انزلاق ما يخلي الفرامل تمسك على الهوب وتزحف السيارة ومهمته انه يمسك ويفك ويمسك ويفك بسرعة ما تشعر بها حتى ما تزحف السيارة وهو ما ينفع اذا كنت في الصحراء تسمع له اصوات ويزحف بالموتر عند كبس الفرامل لذلك البعض يفصله فقط اذا دخل الصحراء وهو ان شاء الله ما يخرب لكن حافظ علي الفيش ما يدخله غبار والا ماء لف علية شطرطون الفيش ومكان اللي يركب به .. وطبعا اذا فصلته لازم تولع لمبة ال اي بي اس ولمبة البريك لانها كلها علاقتها بالفرامل وانت تعتبر انك غيرت في السيارة بالفصل ..

بالنسبة لفصل الدفع الرباعي هذا وانا اخوك اذا كان العمود حق الدبل يدور مع السيارة لازم له فرار حتى يفصله وتصير السيارة دفع خلفي فقط واذا بغيت تشبك لازم تفر الفرار على وضع التشغيل وميزته انه يخف الموتر على الخط ويقلل من صرف البانزين ..

بالنسبة لدبات التلوث اذا لها حساس خاص فيها فاذا ازلتها تولع لمبة تشك انجن او سيرفس انجن سون كلها نفس المعنى وما تروح الا اذا ركبت الدبات وهناك طريقة شرحها احد الاخوان بوضع جلبه لرفع الحساس عن قراءة العادم .. طبعا الدبات مالها علاقة بضعف العزم لكن حسب ما قال اللي ازالها ان العزم زاد عنده وهذه قريتها في رابطة الهايلكس 4*4 .. اتمنى اني وفقت للجواب على اسئلتك ..

ودامك زي ما تقول فاضي ترى المنتدى ماشاء الله جامع عصارة جهد الاخوان لو تفر في خيمة اعطال السيارات وطرق اصلاحها كان ما احتجت انك تسأل لان كل الاجوبة موجوده ومن خبراء مثل الاخوان اصيل حجازي وسوبر فتك وغيرهم .. تستفيد من علمهم وتجاربهم ولا بعد مشروحة بالصور يعني تتبع الصور وطبق وانت مرتاح وما حك جلدك مثل ظفرك ..