يالنشاما اللي يعرف وين احصل الفايروخ80 يدلني انا في الرياض

[مفتاح14]

يالربع مابي اطول عليكم
اللي يعرف وين احصل الفايروخ 80 في الرياض الله يجزاه الجنه يدلني عليها واللي عنده رقم المحل او موقعه وتوه شاري الله لايهينه يحط لي الرقم لاني دورتها وماحصلتها.. والله يجزاء الجميع الخير ..

[مفتاح14]

عوذه
المشاهدين وصلوا 30 ولا واحد منهم فزع لي!!!


يالله دخيلك من السرعه الزايده ونظام ساهر

[راعي العوبا]

مفتااح 14 .. والله وانا اخوك الرميح ماعندهم 80 اللحين وغيرهم مادري والله من اللي يبيعها .. لكن تبي النصيحه وتبي العلم .. سير لم الرمايه وخذ من عندهم الشادو 1000 والله بندق مابعدها بندق خفيفه واقوا من الفايروخ الثمانين في قوة الطلقه .وادق من الثمانين في الرمي والبندق وزنها اخف اخف اخف بكثثير من الفايروخ 80 .. لا وبالسعر اررخص فيه فرق كبير بالسعر .. وفوق هذا عليها ضمان سنتين من عند الرمايه اي عطل خلال هالسنتين يتكفلون بتصليحه علما بان الفايروخ ماعليها اي ضمان .. والشادو يعطونك معها 1000 رصاصه وتصريح . وقيمت الشادو 1000 .. ب 1050 ريال . وهذي النصيحه كان تبي تسمعها ..

[مفتاح14]

مفتااح 14 .. والله وانا اخوك الرميح ماعندهم 80 اللحين وغيرهم مادري والله من اللي يبيعها .. لكن تبي النصيحه وتبي العلم .. سير لم الرمايه وخذ من عندهم الشادو 1000 والله بندق مابعدها بندق خفيفه واقوا من الفايروخ الثمانين في قوة الطلقه .وادق من الثمانين في الرمي والبندق وزنها اخف اخف اخف بكثثير من الفايروخ 80 .. لا وبالسعر اررخص فيه فرق كبير بالسعر .. وفوق هذا عليها ضمان سنتين من عند الرمايه اي عطل خلال هالسنتين يتكفلون بتصليحه علما بان الفايروخ ماعليها اي ضمان .. والشادو يعطونك معها 1000 رصاصه وتصريح . وقيمت الشادو 1000 .. ب 1050 ريال . وهذي النصيحه كان تبي تسمعها ..


ياحييي ذا العين من ذا الرجال اللي رد على الصوت..


والله ياخووي العالم تحكي وتشرق في الفايروخ80
وتعرف حنا ياربعك نحب حليب الخلفات والسمعه الطيبه هههههههه


على كل حال والله اني دقيت عليهم قبل دقاايق
وقالوا موجوده وبنفس السعر اللي ذكرته
والله اني اتفلت ابي اطمر اجيبها بس قلت خلني اركد شويه واشووف باقي الاعضاء الموجودين وماخاب من استشار والله يبيض وجهك يوم تلقاه ..قررب خشمك

[الهديف]

الفايروخ منقطعة من السوق الان
وسعرها في السوق السوداء غالي جدا
وتراها ماهي زي أول صارت رديه الجدد
وربعنا ماهو كل شيء مدحوه أنه زين
الكامري يمدحونها وفيه سيارات أحسن منها
وتفوقت عليها سيارات من نفس فئتها بالرخص والجودة

خذلك ديانا 34
أو شادو
أو ماغنوم 350
وتميز عن غيرك

الدعوى ماهي سيارة أو زوجة
نباطة بتقنص به 4 مرات في السنة

[مفتاح14]

الفايروخ منقطعة من السوق الان



وسعرها في السوق السوداء غالي جدا
وتراها ماهي زي أول صارت رديه الجدد
وربعنا ماهو كل شيء مدحوه أنه زين
الكامري يمدحونها وفيه سيارات أحسن منها
وتفوقت عليها سيارات من نفس فئتها بالرخص والجودة


خذلك ديانا 34
أو شادو
أو ماغنوم 350
وتميز عن غيرك


الدعوى ماهي سيارة أو زوجة


نباطة بتقنص به 4 مرات في السنة





والله انك صادق
الدعوى كلها 4 نبطات في السنه..

يعني اشووف الشادو!!

<<<والله احس العرس اهون علي من الموضوع هذا هههههههههههه

[مفتاح14]

الشادو يالطيبين احد يعرف عنها شي َََ!!!!

[درب الإبل]

عندي لك 80 اخت الجديدة لم ترمي الا 3 قواطي صتم فقط

علما ان استخدامي مو ذاك ولم احرص عليها
موقعي الرياض

[saleh ss]

انا ماجربت الفايروخ بس اكثرهم يشتكو من الموديلات الجديده يقولو ماتنفع انصحك في الاسبانيات عن نفسي عندي نوريكا موديل 90 مشاء الله قوية سرعة الطلقة 315 في الثانية
والله شاق فيها علبة حليب نيدو من الجهتين من بعد 20 متر تقريبا برصاص عادي مو مدبب هذا الرصاص

http://d.ale.gratka.pl/g2/o/33/a5/b0/4694279_1_cf46_d.jpeg

وعندك الديانا يمدحوها بذات ماغنوم 350

تحياتي