ارجو المساعدة يا اخوان

[B_5_2]

السلام عليكم ورحمة الله وبركاته

يا اخوان عندي صاحبي له طير وبعد الفحص تبين انه عنده جساس و دود

ويوم راح البيطري عطاه حبوب والمشكلة انه يوم رجع نسى دوا الدود من الجساس لان لوهم واحد لكن وحده اغمق من الثانية فما فرق بينهم

ولما رجع للبيطري اليوم لقاه مسكر ولا راح يفتح الا يو الاحد الجاي فنطلب منكم المساعدة في اسرع وقت ولا عليكم امر

وهل الدود والجساس خطرين عى الطير

وياريت اللي عنده علم يساعدنا فيه

علما انه الحبوب لونهم اخضر وحده فيهم غامق والثانية فاتح

ياريت اللي عنده علم اي فيهم للجساس واي فيهم للدود

[سلطان 1]

اخوي لا هنت ان شالله بيفيدونك الربع لكن اللي مافهمته \
الجساااااااااااس وشهو اول مره اسمع به 0
الدووووود علااااااااااااجه بسيط 0


اجل كانك تبي رااااااي رح لمركز الامير فهد بن سلطان واخذ منهم العلااااااج كااااااامل للضعف العااام وللدوود 0 وريح بااااالك

[B_5_2]

تسلم ياخوي سلطا ن: الجساس اهو الظعف وياريت نعرف اي حبة فيهم من الدوا اهيا للدود

[ربع خالي]

عسى الله يشفي الطير , ياخوي شف اذا شي مكتوب على اي حبه من العلاج , وعطنا اسمه ,,,
تحياتي

[B_5_2]

المشكلة مو مكتوب على الحبوب شي والدكتور اللي فالبيطري حطهم كلهم مع بعض وشرح لصاحبي الطريقة لكن صاحبنا ضيع بينهم ونسى اي حبة للدود واي حبة للجساس

[SNGAAR]

حياك الله اخووي المعروف بان الجساس هو الكوكسيديا وعلاجه حبووب بيض تعطيه حبتين يومين لمدة ست ايام وفيه علاج ثاني يصرف من قبل الدكتور فارس وهي خلطه لونها بني في كبسووله وانت تقوول خضرا والله اول مره اسمع بحبوب اكسيديا بلون هذا ولا حتاا الدوود

وعندي لك علاج لدوود وحده بووحده وهي حبه نفس شكل قطعة الماجي بس صغيره تعطيهاا الطير بعدهاا تنتضر اسبوع وتعطيه الثاانيه وبتشووف الدوود شلون يطلع وهذي طال عمرك بتلقااهاا عند مستشفى الامير فهد ابن سلطان ............ وفيه حبووب صفر القديمه بعد زينه تعطي الطير ربع حبه منهاا وبعد اسبووع ربع ...

واسف على الاطاله بس انا الي خلاني ارد عليك لون الحبووب الي تقوولهاا وابيك تقوولي اي مستشفى خذيتهاا والله يشفي طيرك ويفك عوقه

تقبل مرووري اخوك سنجار

[B_5_2]

عساك على القوة اخوي وبالفعل الحبوب امس شايفهم عند الرجال واللون اللي ذكرتة لك وهو اخضر

[B_5_2]

عساك على القوة اخوي وبالفعل الحبوب امس شايفهم عند الرجال واللون اللي ذكرتة لك وهو اخضر وحده فيهم غامقة والثانية فاتحة وطال عمرك انا من الكويت وصاحبي مودي طيرة البيطري عندنا فالكويت وهذا الدوا اللي صرفة لطيرة والظاهر من العجلة نسى يثبت كل حبة وشنو تعالج من الامراض الله يكافي طيوركم المرض

[falcon 1]

الله يشفي طيرك ...اول مرو اسمع بحبوب خضرة ..كلام اخوي سنجار صحيح ...بس اول مرة اسمع عن هالحبه ...للجساس تجيك لونه بيض والدواء اسمه Appertex هذا للجساس الي عندي انا..بس الخضرة اول مرة اسمع به ..عسا الله يشفي طيرك انشاءلله

اخوك فالكن 1

[B_5_2]

تسلم ياخوي وعسى الله يبعد المرض عن طيور الكل

[استيعاب]

اخوي دق على البيطري بالتليفون وإذا ما عند رقمهم عطني اسم المستشفى فقط و اعطيك رقمهم أو تجده في مشاركة المرابط في المنتدى




"

[شنقاري]

السلام عليكم


العلاج بسيط انشاء الله

appertex


حبتين كل يوم لمدة خمس ايام حسب وزن الطير وانشاء الله مافيه الا العافيه

واكثر الطيور يجيها هل مرض لكن انشاء الله انه شي بسيط وعلاجه سهل


http://www.gulfup.com/file3/12762149501.jpg (http://www.gulfup.com/info.htm)


http://www.gulfup.com/file3/12762149502.jpg (http://www.gulfup.com/info.htm)

[بو غازي]

افادك اخوي شنقاري جعله يسلم ولايهونون باقي الاخوان هذا بالنسبة للكوكسيديا لكن الدود انصحك تاخذ حبوب عند اي بيطرية تقوله عطني حبوب جنوب افريقيا عليها صورة نسر علبة وتقبل مروري:)

[مولع بالطير]

الله يشفي طيرك وفادوك الاخوان

[B_5_2]

عشتو يا اخوان ولا قصرتو وجزاكم الله خير وبلغ الجميع الصيد الوافي

وعساكم سالمين غانميين

[راعي غضبان]

افادوك الشباب والله يبيض اوجيهم والدود سهل والكوسيديا عله تبهذل الطير في مطيره يتردى