تعليق لمبة الارباق

[كرم نت]

السلام عليكم ورحمة الله وبركاته
عندي لمبة الارباق تشر بالطبلون وش أسبابها وكم سعر فلتر الهواء بالوكالة
السيارة سوبر سفاري
أرجو من أصحاب الخبرة إفادتي وشكرآ

[سوبر VTC]

اللمبة احتمال برمجه او تفصل البطارية
او حساسات الارباق اللي قدام المكينة خربانات او مفصول فيشهن او منقطع
او غير شابك الفيش مضبوط او فيوزات
او عندك فحمة البوري خلف الدركسون فحمة او شريط لونه اصفر
يكون السلك منقطع بوسطه و يخلي اللمبة تولع
او الافياش اللي تركب على البوري مفصولات او منقطعات
او نفس الارباق منفصل السلك اللي عليه
يمكن الدركون مفكوك من قبل
احتمالات كثيرة
اعانك الله

[كرم نت]

اللمبة احتمال برمجه او تفصل البطارية
او حساسات الارباق اللي قدام المكينة خربانات او مفصول فيشهن او منقطع
او غير شابك الفيش مضبوط او فيوزات
او عندك فحمة البوري خلف الدركسون فحمة او شريط لونه اصفر
يكون السلك منقطع بوسطه و يخلي اللمبة تولع
او الافياش اللي تركب على البوري مفصولات او منقطعات
او نفس الارباق منفصل السلك اللي عليه
يمكن الدركون مفكوك من قبل
احتمالات كثيرة
اعانك الله
أشكرك أخوي على الرد على موضوعي
وترا ماطلعت اللمبة إلا بعد ما ضعفت البطارية ويوم غيرتها بدت تشر لمبة الارباق

[sa_f15]

عندي نفس المشكلة فكيت الفيش الي بالدركسون وركبتة وتاشر

[كرم نت]

عندي نفس المشكلة فكيت الفيش الي بالدركسون وركبتة وتاشر
إلى الحين تأشر عندك اللمبة أو لا وإذا طفت علمني وش سويت
مشكور على المرور

[رآعي شآص]

هاذي عندك حساسات الارباق وترا اذا فصلت البطارية وشبكتها تروح لفترة وترجع

[رآعي شآص]

هاذي عندك حساسات الارباق وترا اذا فصلت البطارية وشبكتها تروح لفترة وترجع

[كرم نت]

راح افصل البطارية وأرجعها وأشوف إذا راحت ورجعت مرة ثانية راح أغير الحساسات
س/ وين موقع الحساسات ؟
س/ وكم سعرها بالوكالة؟
شكرآ على المرور

[رآعي شآص]

والله السيارات تختلف بس الغالب قدام المكينه

[رآعي شآص]

اما اسعر تقريباً اتوقع الاصلي حول الميتين
لان غير الاصلي ماراح يفيدك بش يزين فترة ويرجع نفس المشكلة مرثانيه

[كرم نت]

تم إصلاح العطل من خلال برمجة الموتر

مشكورين على المرور

[الوافي99]

تم إصلاح العطل من خلال برمجة الموتر

مشكورين على المرور
ياليت توضيح وين صلحته وكم السعر

[كرم نت]

ياليت توضيح وين صلحته وكم السعر


والله يالغالي سويت برمجة وبدأ امبير الحرارة يطلع وينزل ما ادري هل هذا من البرمجة أو لا ابي اروح لمه

العصر واستفسر عن امبير الحرارة

البرمجة 150 ريال عند ورشة أبو صالح التركي

[alrsash911]

مساكم الله بالخير ومبروك عليكم الشهر الفضيل ... انا جديد وياليت تقبلوني بينكم اخواني المكشاتيه ادري طولتها وهي قصيره ؟ المهم
فيه طريقه سهلة ومضمونه ...... وانا جربتها .
1 ـ افتح السويتش بدون تشغيل السيارة .. وبعدين اصبر لين تطفى لمبة الايرباق وقبل ما تولع سكر السويتش .. سوي هالحركه اربع مرات والمره الخامسه شغل الموتر وستختفي

للأمانه منقول .. حبيت اعرضه لكم للفائده

[بومهاوش]

عندي نفس المشكلة فكيت الفيش الي بالدركسون وركبتة وتاشر


ههههههههههه و الله من اللقافة و انا نفس الحالة

[المعلم تو]

مساكم الله بالخير ومبروك عليكم الشهر الفضيل ... انا جديد وياليت تقبلوني بينكم اخواني المكشاتيه ادري طولتها وهي قصيره ؟ المهم
فيه طريقه سهلة ومضمونه ...... وانا جربتها .
1 ـ افتح السويتش بدون تشغيل السيارة .. وبعدين اصبر لين تطفى لمبة الايرباق وقبل ما تولع سكر السويتش .. سوي هالحركه اربع مرات والمره الخامسه شغل الموتر وستختفي

للأمانه منقول .. حبيت اعرضه لكم للفائده


الله يجزاك الجنة والله العظيم انك ماقصرت والموضوع اللي انت نقلت أفادني كثيراً
أدري الرد متأخر جداً بعد سنتين تقريباً بس ماصار معي تعليق لمبة الإيرباق الا هاليومين وجربت الطريقة اللي انت نقلته لنا وضبطت اسمح لي أكرر للناس الطريقة للفائدة:
1- افتح السويتش وراقب لمبة الإيرباق لين تطفي.
2- أول ماتطفي اللمبة طف السويتش بشكل كامل يعني للآخر.
3- كرر هالعمليتين 4مرات على التوالي.
4- في المرة الخامسة افتح السويتش لين تضيء لمبة الإيرباق ثم شغل السيارة مباشرة أول ماتولع لمبة الإيرباق.
وتنتهي المشكلة بلا محلات بلا عالم تسرقنا تروح يمهم يقولون لك 150 ولا 200 ريال
والمسألة كلها ما تآخذ دقيقة وتنتهي معاناتك مع لمبة الإيرباق.