ساحووق
10/06/2010, 02:54 PM
البارحة يوم أنقطع حس الاوناس ==سرى الونيس من الونيس النعاسي
فزيت مثل اللي مقزيه هوجاس==متعرضه ظرفٍ من الوقت قاسي
وشبيت لي غمر ٍ عروقه بالاطعاس==في راس قوزٍ ماتجيه التكاسي
ماياصله غير اشهبٍ يمرس امراس==امراس ذيب ٍسامع له حساسي
وخرت من جمره وقدمت محماس==بيض"خوات الا بحجم المقاسي
وسويت لي بريةٍ تسمر الراس==فنجالها يبرى السدر والعماسي
واخذت مع ميدان الافكار مرواس==عن ماضي ٍ" مايستحق التناسي
مجدا" تفيض اله المشاعر والاحساس==ويغار منه اللي براسه اعطاسي
اليا ذكرت افعال ربعي مع الناس==قام ايتزايد للمراجل حماسي
وقامت رقبتي ترتفع فوق نوماس==شوي والا ياصل الغيم راسي
قصرا" مثبتن ركونه على ساس==وبيت ٍ"مجود بالعمد والمراسي
يوم الرجال بماضي الوقت تنقاس==بالفعل ماهو بالرتب والكراسي
توسطوا من نجد ميدان الافراس==وتمركزوا مثل الجبال الرواسي
مسروح مزين العدا علقم الكاس==فزعاتهم تجلى السواد الطراسي
ودفانة الركبه طويلين الانفاس==لاصار بمنون الحبال أمتساسي
أفعولهم باللي لحده تعلاس==تحط بالكبد الطريه يباسي
كم خفرت ٍ" جاها كآبه ووسواس==عقب السعاده طوقتها المآسي
الهم والهوجاس والحزن والياس==طوى حشاها طي سلك النحاسي
على صبي ٍ"للطوابير مدباس==يروس ربعه باللقا ميراسي
عقب العيا والكبريا والتغطراس==داسوا خدوده في غبار المحاسي
وكم طامع ٍ" جاهم وعود بالافلاس==كسوه من خام المذله الباسي
عدوله اللي عد سالم للجساس==رجال وسلاح" بوقت"قياسي
وراحت جموعه روحت" دون منكاس==جبرت على قلع النيا والمراسي
وكم خايع ٍ" داسوه قدام ينداس==كاسيه من بيض النواوير كاسي
مافيه غير الشقح والربد خناس==برق الحباري والقطا والغماسي
وذعذع لهم من ذاري العز نوماس==على ظهور مبعدات المماسي
حراير" عقب السرى مثل الاقواس==وخيل"يدقن الجلد بالسداسي
وتغنموا باللي تقلد بالاجراس==شم الشعاف اللي بهن أنقعاسي
يوم الفخر بالدرع والرمح والطاس==قبل يسود بنجد حكم" سياسي
عبدالعزيز الفيصلي قاسي الباس== جاها وحررها من الاختلاسي
وخلى السباع اللي يحكن الاضراس== تعلن له التوبه عن الافتراسي
فزيت مثل اللي مقزيه هوجاس==متعرضه ظرفٍ من الوقت قاسي
وشبيت لي غمر ٍ عروقه بالاطعاس==في راس قوزٍ ماتجيه التكاسي
ماياصله غير اشهبٍ يمرس امراس==امراس ذيب ٍسامع له حساسي
وخرت من جمره وقدمت محماس==بيض"خوات الا بحجم المقاسي
وسويت لي بريةٍ تسمر الراس==فنجالها يبرى السدر والعماسي
واخذت مع ميدان الافكار مرواس==عن ماضي ٍ" مايستحق التناسي
مجدا" تفيض اله المشاعر والاحساس==ويغار منه اللي براسه اعطاسي
اليا ذكرت افعال ربعي مع الناس==قام ايتزايد للمراجل حماسي
وقامت رقبتي ترتفع فوق نوماس==شوي والا ياصل الغيم راسي
قصرا" مثبتن ركونه على ساس==وبيت ٍ"مجود بالعمد والمراسي
يوم الرجال بماضي الوقت تنقاس==بالفعل ماهو بالرتب والكراسي
توسطوا من نجد ميدان الافراس==وتمركزوا مثل الجبال الرواسي
مسروح مزين العدا علقم الكاس==فزعاتهم تجلى السواد الطراسي
ودفانة الركبه طويلين الانفاس==لاصار بمنون الحبال أمتساسي
أفعولهم باللي لحده تعلاس==تحط بالكبد الطريه يباسي
كم خفرت ٍ" جاها كآبه ووسواس==عقب السعاده طوقتها المآسي
الهم والهوجاس والحزن والياس==طوى حشاها طي سلك النحاسي
على صبي ٍ"للطوابير مدباس==يروس ربعه باللقا ميراسي
عقب العيا والكبريا والتغطراس==داسوا خدوده في غبار المحاسي
وكم طامع ٍ" جاهم وعود بالافلاس==كسوه من خام المذله الباسي
عدوله اللي عد سالم للجساس==رجال وسلاح" بوقت"قياسي
وراحت جموعه روحت" دون منكاس==جبرت على قلع النيا والمراسي
وكم خايع ٍ" داسوه قدام ينداس==كاسيه من بيض النواوير كاسي
مافيه غير الشقح والربد خناس==برق الحباري والقطا والغماسي
وذعذع لهم من ذاري العز نوماس==على ظهور مبعدات المماسي
حراير" عقب السرى مثل الاقواس==وخيل"يدقن الجلد بالسداسي
وتغنموا باللي تقلد بالاجراس==شم الشعاف اللي بهن أنقعاسي
يوم الفخر بالدرع والرمح والطاس==قبل يسود بنجد حكم" سياسي
عبدالعزيز الفيصلي قاسي الباس== جاها وحررها من الاختلاسي
وخلى السباع اللي يحكن الاضراس== تعلن له التوبه عن الافتراسي