عاجل : من لديه خبرة في جيب gxr يتفضل ..؟

[سالم السرهيد]

انا عندي جيب لاندكروزر 2003 Gxr




تقريبا الظهر سافرت لأحدى المدن وانا بالطريق ولعت معاي لمبة حمراء A\t Oil Temp .



سرعتي بالجيب 140 ولعت اللمبة معاي لما خففت السرعه الى 120 او اقل تطفي واذا اسرعت تولع معاي مرة اخرى وقفت عند احدى الهجر وذهبت الى ميكيانيكي واخبرته بالمشكله


وخليته يشوف اللمبه المولعه قال حرارة المكينة قال لازم تنظف الرديتر لأنه شكله مايبرد على المكينه قلت له عادي اكمل سفري قال عادي بس اذا ارتفعت الحرارة اكثر من النصف يجب ان اوقف السيارة .



انا الحرارة لما ولعت اللمبة A\t Oil Temp تقريبا نصف او اقل بشيء بسيط .

علما اني مشغل المكيف المركزي .




ياليت اي احد عنده خبرة او حصل معه ذلك يخبرني مذا افعل هل اغير الرديتر .





او ماذا تعني A\t Oil Temp .







واكون له من الشاكرين .

[S.Guard]

السلام عليكم

هذي صارت معي وانا مسافر السنه الماضيه .. وقفت على جنب وكلمت احد الاخوه اللي عنده كتالوج للجيب وقالي هذي لمبة زيت الجير اذا ماني غلطان ... وبالفعل لما رجعت شيكت على الموتر وغيرت فلتر قير مع الزيت .... وانتهت المشكله .... اما مسألة الاديتر ما ادري عنها ... وكنت ماشي بسرعة 155 تقريبا.

بالتوفيق اخوي

[سالم السرهيد]

الله يعطيك العافيه ماقصرت ..

راح اشيك على زيت القير .

[قنياوي]

السلام عليكم ورحمة الله وبركاته
الغالي / سالم السرهيد ، هذه اللمبة التي ذكرت للقير وتدل على مشكلة في زيت القير وليس في القير نفسه وغالباً ما تضيء لارتفاع حرارة زيت القير أو أن زيت القير تالف .
عموماً لا بد أن تجد حلاً عاجلاً للحرارة وابدأ بتسييخ الإديتر وفقك الله .

ولا تنسانا أخي المبارك من دعوة صالحة .

[سوبر VTC]

كد صارت المشكلة لجمس م2000 و طالع
و صارت المشكلة من مبرد القير مسكر من الداخل
بمعنى مايدور الزيت من القير و الى الاديتر
نفخه بهواء قوي و اغسله ببنزين او فلاش
و زان الموتر
ايضا تاكد لا يكون الفلتر مسكر او الزيت ناقص
اعانك الله

[moooj]

هذي لمبة حرارة زيت القير
افحص نظام تبريد زيت القير ونظام التبريد بشكل عام
ما اعرف طريقته في الجيب لكن المشكلة في نظام تبريد زيت القير
بالتوفيق

[النمر الكحلي]

انا عندي gxr موديل 2002 وصارت لي المشكلة نفسها وكنت متجه للشمال وصحيح كلام الربع ان زيت القير انتهى صلاحيته وصار خفيف ولازم تغيره مع الفلتر

[Nasser-ahah]

لا تيسخ الرديتر أصلا مايحتاج

فقط غير الزيت والفلتر

[Nasser-ahah]

زيت القير يغير كل 70 ألف أقل شيء مع الفتلر

[سالم السرهيد]

اللي يجزاكم خير .

انا سيخت الرديتر ومافاد .


والحين ابي اغير فلتر القير مع الزيت وان شاء الله تروح المشكله .


الله يعطيكم العافيه ماقصرتوا .

[sameer_1798]

هذه تجي بالقير العادي ولا بالتماتيك ؟
لأني ماقد مر علي فلتر لزيت القير أو مبرد في القير العادي
الموتر Gxr 2000

[سالم السرهيد]

انا اتماتيك جيبي

[عود رمث]

السلام عليكم

ياليتك بدل دوخة الراس والتسييخ .. راجعت كتاب التعليمات اللي مع السيارة وحتما ستجد هذه العبارة وإلى ماذا ترمز

كان معي vxr وولعت لمبة على غير العادة .. راجعت التعليمات لقيتها لمبة السير الداخلي للمحرك ،، لم يتلف لكن إفتراضي كل ( 150 ألف كم ) تولع اللمبة للتنبيه على أن عمره الافتراضي انتهى ويجب تغييره..

أرجوا أن توافينا بالنتائج حال خروج سيارتك بالسلامة

تنبيه : بعض الشركات يستغلون الوضع لذلك قد تغير عند غيرهم برخيص لكن ما تنطفئ اللمبه لأنها برمجة قد تكون بسيطة أو معقدة ما يعرف لها غير الوكالة ..

أعانك الله

[سوبر VTC]

اعانك الله

بما انك سيخت الاديتر هل اذا نفخته بالهواء يطلع مع الجهة الاخرى ام مسكر ؟

[ابو عبد الله3]

الاخوان كفو وفومثل ماقالو لك الزيت وانشالله تزين امورك

[beuty111]

وين اهل الخبره ....