طريقة قص منسر الطير

[لاسلكي 20009]

السلام عليكم ورحمة الله وبركاته

ابسالكم عن طريقة قص منسر الطير ..؟

وشكرا

[falcon 1]

والله يا خوك انا ما عمري حاولت ..انا سمعت انه الناس ياخذون طيورهم للبيطري وهو يسويلك كل شي ...تجميل للطير ههههههه ...الله يوفقك وتقبل مروري اخوك فالكن 1

[مولع بالطير]

والله نفس كلام اخوي فالكون والله يقويك ويفدونك الاخوان انشالله

[ربع خالي]

اخوي لاسلكي , رح للصيدليه وخذ قصّاصة الاظافر حق الاطفال , تجيك صغيره وحدّها ناعم وحاد , وأول ماتبتدي قص جزء من راس الباذره , بشرط تكون متمكن من الطير حتى مايتحرك ساعة القص , وشوف منسر الطير على جنب حتى يكون لك واضح طول المنسر وان كانه يبي زود كرر العمليه , بشرط ماتغزر في القص ,,,

تحياتي

[دعاس]

مساء الخير,,
بانسبه لقصر منسلر الطير لازم قبل يدخل الربطه تضف الطير وتقصره بحيث ياصل الى فتحات الناب مشان يقدر يقطع لانه يكسر الاعظام بفتحات النياب,,, وبعد ماتطلعه من المربط ويعصبن مواسه ويتمن وشفت الطير اذا علف يطبق بوزه وينشب العلف لازم تقصره وتشفوف لك احد يضف الطير مضبوط وفي زراديه خاصه لقص الريش عند التوسير استعملها افضل ودخل بوز الطير نصف سانتي وقصها وجب لك مبرد وزينها من جوانب البوز,,او جب مقراض اضافر وقص ابرة البوز وبالمبرد تقدر تاخذ القدر المطلوب ,,والافضل تشوف لك احد خبير بالقص تخاف تقصه على جنب وتشطب احد الجوانب ويبداء يزود عند شد العلف ويمكن ينكسر وان شاء الله اني افدتك وتقبل مروري
ابو نواف

[وراد.]

أفادوك الاخوان وبالتوفيق

[طير الهقاوي]

ماقصرو الاخوان

[أبو رداد]

وعليكم السلام ورحمة الله وبركاته
امر المنسر هين ....... رتبه بقراضة الاظافر العاديه