ناخيكم يا هل البحر ساعدوني

[ابوعلي النجدي]

اخواني اعضاء المنتدى انا على وشك القيام برحلة صيد ولكن ما ادري وش الوقت المناسب ولا المكان المناسب
للقيام برحله ومتى يكون الجو زين للقيام برحله ساعدوني الله يجزاكم خير :what:

[( برى بحرى)]

اولا حبيبى حياك الله بمنتدى مكشات انا اشوف اول مشاركه لك معانا وانت عزيز وغالى

بس يا بعد قلبى ما قلت انت من وين ووين تبى تنزل ؟؟؟؟؟؟؟؟؟؟؟؟؟؟؟؟؟؟

حياك الله بأفضل منتدى على الاطلاق

[ابوعلي النجدي]

:what: والله الله يطولي في عمرك انا في بالي اروح البحر الاحمر بس ودي لو تقولي منطقه تمدحها احتمال اروح املج او الليث بس ما ادري هل الوقت مناسب ولا لأ هل الظرف الجويه كوسه هل الوقت ودي لو تشور علي الله يخليك

[( برى بحرى)]

كلى اسف طال عمرك

لو بالكويت من عيونى والله

سامحنى

[عمرالشقا]

اخوي تبي تخيم وتنبسط وبمكان هادي وفيه خير واجد مالك الا راس الشخ حميد واذا تبي المناظر والجو الحلو مالك الا حقل

[ابوعلي النجدي]

لا هنت اخواني بس ما قلتولي هل الوقت هذا مناسب ولا لا والشي الثاني يا عمر الشقا وين راس حميدو هاذي بالضبط لاني ما اعرفها والله يجزاكم خير اثنينكم اودي لو تقولونلي رايكم عن املج :what:

[عمرالشقا]

راس الشيخ حميد ياسيدي تلقاها في الشكل رقم اربع طعش في كتاب جغرافيا ثاني متوسط النصف الثاني خخخخخ
امزح
هي المنطقة اللي تقع في ملتقى خليج العقبه مع البحر الاحمر اما عن املج عمري ما وقفت فيها اجيها واطلع منها بسرعه
مقدر افيدك

[ابوعلي النجدي]

طيب يا عمر الشقا هل الوقت الان مناسب من ناحية الظروف الجوية ولا لا وهل الوقت هذا موسم صيد ولا لا ودي لو تجاوبني الله يسلمك :)

[ابوعلي النجدي]

كل ها الزوار ولا رد يا اخوان تكفون قلولي هل الوقت هذا مناسب ولا لا تكفون ناخيكم يا اهل البحر ما ابغى اروح البحر على عماي :(

[ابو مشك]

السلام عليكم ورحمة الله وبركاته
بالنسبه للوقت هذا مناسب ولو تتاخر كمان شهر يكون افضل وأولاً وأخيراً كلها ارزاق من الله وإنت وحظك .

بالنسبه للمكان املج زين

[ابوعلي النجدي]

وعليكم السلام طيب اخوي انت لما قلت ان الوقت مناسب الان قصدك انه البحر ماهو هايج هل الايام ولا من ناحية الصيد تكفى جاوبني كان ما عليك كلافة ما ودي اروح البحر ويلعب فيني الموج

[gulfhunter]

السلام عليكم ورحمة الله وبركاته

حياك الله ابوعلي ....... انت وش تقصد بالبحر هايج..... إذا قصدك الجو تعبان هذا يبين ويعتمد إذا نوي تصيد بقارب او على الشاطي........ وأعتقد ان الأخ ابومشك يقصد من ناحية الصيد........

Gulfhunter

[هاوي الشمال]

السلام عليكم ورحمة الله وبركاته
الأخ ابو على إذا تبي أحسن مكان لصيد مثل مقالك الأخ عمر الشقا راس الشيخ حميد فهو أحسن مكان لصيد على البحر الأحمر وإذا معك قارب ممكن تذهب الى راس الشيوخ في تلك المنطقة يسمح بمزاولة الصيد باالقارب

[الكشاح]

الاخ الكريم بوعلي النجدي....انا انصحك ما تدخل البحر ولا تطبه اذا ما كانت لديك الخبرة به...وان كان معك احد الاخوة الذين يعرفون البحرزززين انا افولك رح مع احد منهم...ولا ترمي نفسك في التهلكه...

اما اذا عندك علوم البحر كا ابوها..اسمع نصايح الاخوة..اعلاه

وتقبل جل احترامي

[ابوعلي النجدي]

الله يخليكم يا شباب انا لما قلت البحر هايج اقصد هل الموج عالي ها اليومين لاني ناوي اروح مع صياد في قارب وابغى اعرف اذا كان الموج هادي ولا عالي ها ليومين وانا سبق اني رحت في رحله بالقارب في املج وينبع بس اتبهذلت من الموج وما ابغى اعيد نفس الغلطه
لا ني ما حسبت حساب الجو تكفون جاوبوني يا النشاما كان ما عليكم كلافه والله يجزاكم خير