ارتفاع حرارة gxr ....... ساعدوني

[مخاوي الشيوخ]

عندي gxr 2006
ارتفعت حرارته فوق النص والسيارة واقفه والمكيف شغال الامامي والخلفي

وعند ما مشيت نزلت الحرارة الى النص


وش سبب ارتفاع الحرارة ؟؟

وشلون احل مشكلة الحرارة ... ساعدوني

[سوبر VTC]

دامك اذا مشيت و نزلت الحرارة فالوضع طبيعي
حل اخر
اذا احتمى و انت واقف
دس بنزين خل الابنص على 1.5 لمدة 4 دقائق
اذا نزلت الحرارة فالموتر طبيعي

الوضع طبيعي جدا في هذا الوقت جمرة القيض
العام و العام الاول مواتر جديدة الحرارة على النص او فوق
و الحرارة واصله ال55
و موتر عمي جيسكار 2001 الحرارة الظهر بطريق الرياض سرعة 150 او 160
على النص او تحت النص بشعره

[براري نجد]

هلا فيك يا راعي الجيب

كلامي اقتراح من خبرة وانت لك الخيار تطبقه والا لا
نبدا بالتدريج :

مثل ما قالو الحرارة بالسيارات عندنا كلها ترتفع بس عاد المفروض ما تتعدى النصف لكن انت تاكد :

1ـ اول شي ارتخاء السير .
2ـ غير بلف الماء وضع بلف ماء حق جيب ديزل ( يفتح اسرع للماء )
3ـ اذا متورك مكدود او ماشي كثير ، فغير تماتيك المروحة عشان يكون كفائته اقوى واحسن

والبنص مثل ما قال خوينا حاول ترفع عليه شوي عشان تدور المروحة اقوى

وفيه اشياء غيرها بس ما ودنا نطول عليك .

[moooj]

المفروض ما يتعدى النص باي حال من الأحوال
تأكد من تغيير موية الرديتر وتنظيف نظام التبريد عند ورشة متخصصة وحط موية الرديتر الأصلية من الوكالة حسب النسب المحددة
تأكد من كفائة بلف الحرارة وركب الأصلي اذا لزم الأمر وبنفس الرقم
تأكد من كلتش المروحة
اذا الموتر شاريه مستعمل تأكد ان رديتره اصلي مو مغيره راعيه
بالتوفيق