تكفون يلغالين ابي فزعتكم والله بنهبل من الوسواس

[جلابص]

السلام عليكم
ابيكم تساعدوني كان ماعليم امر
مبي اطول عليكم السالفه ومافيها انا معي يوكن 2006 بدون دبل
سويت صيانة الـ 80000 عند الصيانه السريعه عند الجميح
بعد ماطلعته من الصيانه بعد كم يوم احط الجير علىD يمشي ويغير نمره وحده
وبعدها يحن وما يغير غير التغييره الاولى وضايق صدري بلحيل
تكفون ساعدوني باي شي
لاتتئخرون علي تكفون
:( :( :( :( :( :( :( :(
:confused: :confused: :confused: :confused: :confused: :confused: :confused:
:hot: :hot: :hot: :hot:
:butt3:

[حزوبر]

السلام عليكم
يا أخي الكريم رح لورشة مشعل العتيبي بالصناعية
أنصحك لوجه الله ، لا تسلم سيارتك لمكانيكي عربي إلآ اذا كان سعودي فقط

[السهل 494]

ابحث عن متخصص في القير في منطقتك ولاتسلم السياره الا لواحد ثقه او اذا كان هذي الحاله ماظهرت الا بعد الصيانه رجعها لهم يمكن فيه خطأ او شي ما ؟

[براري نجد]

بسم الله الرحمن الرحيم

أخي الكريم صاحب اليوكن:

عند بعض اصدقائي حصل كذا لكن السيارة تختلف :
لكن ابقول اللي عندي وانت افحص السيارة من خلال كلامي

1ـ اولا هل انت متأكد ان القير على وضع ( d ) لانه فيه بعض السيارات
تكون فيه ( D ) كبيرة و كمان فيه ( d ) صغيرة )
لانه وحدة منها تغير القير ثلاث تعشيقات بس عشان يكون السيارة بحالة قوة
والثانية للمسافات الطويلة تريح السيارة
فانت تأكد من وضع القير على ( D ) للمسافة الطويلة

2ـ اذا لم تنجح معك الحالة الاولى : شوف الكتاوت يعني تروح لورشة ممتازة وتقول افحصو الكتاوتات وحاساسات القير

3ـ تغيير الفلتر حق القير او يكون غيررو لك الفلتر وتركيبه غير جيد ( وهذا استبعده اذا كنت ما غيرت فلتر القير )

4 ـ ( برمجة كمبيوتر السيارة ) وهذا مهم الفحص عنه

وكلامي هذا تراه اقتراح وانت بالخيار
فكر وقرر انت .


ولا تنس تعلمنا ايش اللي صار لانه ابتابع معك انا ان شاء الله

[كارديف]

هلا اخوي في اعتقادي يبي الها برمجه وانشالله الجير يرجع طبيعي باذن الله

[راعي تاحوف]

مازيد على كلام آخوي براري نجد

80% من حساسات القير حقات التغيير لأن كل نمره له حساس

[طربان على صوت]

هذي حصلت بس بايسوزو قالوا كلتشات القير وغيرناهن وضبطت

[awod]

انا صار معي في جمس صالون 2006 دفع رباعي وهو ماشي 60 الف فقط
وديته ترايستار وقالو توضيب ب 5500 ريال ووضبته وش اسوي
ولكن كان فيه صوت قرقعه وانا امشي .
لكن لا تستعجل افحصه كمبيوتر ولا تمشي عليه الله يعينك بسطحه .

[moooj]

اذا معاك فواتير الصيانة وكان شغلهم على القير ارجع لهم وخلهم يصلحونه على حسابهم
هذي انظمة الوكالة المكتوبة
اما الأنظمة السائدة فهي استغفال الزبون

[سوبر VTC]

اذا كان على الضمان ارجع لهم
ايضا تاكد من مستوى عيار الزيت لا يكون ناقص
جرب فصل البطارية و السويتش مفتوح => مثل اعادة برمجة
و ان شاء الله يضبط
لا تغركم المراكز الكبيرة و المبهرجة
من برا الله الله من الداخل يعلم الله غش و سرقة
اعانك الله
عندك ورشة مشعل العتيبي او تشليح و ورشة ال موسى

[ابوياسمين]

لاتستعجل بالامور الغاليه
80% من السيارات الجدد اكثر مشاكلهن كهرباء وحساسات وخلافه يعني بسيطه بس تبي تشخيص جيد لاتستعجل