يا اهل مكشات تكفون فزعتكم

[HILUXES]

السلام عليكم انشاء الله طيبين
اندخل على الموضوع على طول
انا عندي جيب 95 Gx
والحراره فيه رافعة ضغطي مع اني فاك بلف الحراره والرديتير جديد ماكمل سنه ومغير اتماتيك المروحه ومعبي المويه الخضراء حقت الرديتر والمويه ماتنقص والخرطوش الاعلى مافيه ضغط ولا فيه تهريب ورحت فحص عند اكثر من محل وقالو الحراره طبيعيه.
ياشباب الحراره عندي في الظهر مع المكيف شغال وانا واقف تكون تحت النص واحيانا فوق الربع واذا مشيت تكون على الربع وفي اليل تكون الحراره ربع اذا كنت واقف واذا مشيت تكون تحت الربع مع العلم اذا شديت الجيب ترتفع الحراره الى تحت النصف وفي الشتاء انسى شي اسمه حراره (ما ترتفع الا اذ فجرته والحراره توصل على الخط) وقالو لي الراس سليم مافيه شي واذا تخبرون لي واحد متخصص في الحراره دلوني عليه الله يجزاكم كل خير مع العلم اني في الريااااااااض

والله ياشباب ارتفع ضغطي وانا اروح الصناعيه وادور حل للمشكله :(
وانا في انتظاركم

[العودالازرق]

أخوي هذا هو الطبيعي .. في هذا الجوا ركب مروحة خارجيه تخف الحرارة مع تشغيل المكيف

[faris2006]

هذه المصيبة فكت البلف
البلف يوزع الحرارة على المكينة ويقلل صرفية البنزين .....

[أبو عابد2000]

مثل ما قال أخوي فارس البلف ينظم الحرارة ويقلل صرفية البنزين :)

أنا قبل فتره شلت البلف ويوم جاء الصيف صارت ترتفع الحرارة ..

ونصحوني اركب بلف والحمد لله بعد تركيب البلف انتظمت الحرارة ..

أخوي ركب بلف gx ديزل أبرد للسياره .. راح يفيدك هالموضوع :)

http://www.mekshat.com/vb/showthread.php?t=202860

[HILUXES]

ياشباب ركبت بلف حراره ديزل ونفس الشي ترتفع تحت النص توصل

[سوبر VTC]

اخوي البلف اساسي
لانه يحجز ماء المكينة الحار عن ماء الاديتر البارد
و في نفس اللحظة تتمكن المروحة من تبريد ماء الاديتر
عشان يكون بارد
بحيث اذا فتح البلف دخل الماء البارد الى المكينة

اللي حصل عندك بعد الغاء البلف و هذا اكبر خطا
ان الماء حق المكينة الحار يدور باستمرار
فما يمديه المروحة تلحق على تبريد الماء

تاكد من عدم رخاوة سير المكينة

تاكد ان الكلتش اصلي و
حرك المروحة بيدك اذا كانت ثقيلة مرة فالكلتش مجيم
و اذا خفيف مرة فهو خربان و مهرب زيت

تاكد من بلف الاديتر انه اصلي و انه حق بلده

افتح غطاء الاديتر و دس بنزين
اذا نزل او تحرك الماء فالطرمبة تمام
اذا لا فالطرمبة مبوشة متاكلة مجيمة ماتدفع الماء

هل انت غسلت السلندر قبل تركيب الاديتر ؟
لانه اذا بغيت تركب اديتر جديد
لازم تغسل السلندر لوحده
لانه يطلع منه طين و وسخ بلاوي و ايضا الدفاية اللي قدام الراكب
تكون مليانة طين
و كله بسبب الماء العادي السابق و الاهمال
هل الاديتر اصلي ؟

الحرارة على النص فقط الظهر ؟؟؟ ام في كل الاوقات
هل اذا احتمى الموتر يحجر الخرطوش ؟

لانه الان و العام الاول بهالوقت هذا جمرة القيض و ايضا بعد شهر
مواتر جديدة و مواتر م2006 الحرارة على النص
لا تنسى ان الحرارة بالمدينة و الجيبل و القصيم وصلت الحرارة الى 59 و 53 و 62

اذا احتمى الموتر الظهر
دس بنزين لمدة 3 دقائق خل الابنص على 1.5
اذا بدت تنزل الحرارة فاعرف ان موترك سليم جدا و غير مصاب :)

اخر احتمال يكون من الخلل
انبير الحرارة و حساس الحرارة
و اذا كان السلك منجرح فقد يعطي معلومة خاطئة

اعانك الله

[أبوصقر]

ركب مراوح كهرب ووكل الله..