يا الاخوان وش احسن ورشه بالرياض للمتسوبيشي ؟ (المشكله بالقير)

[الكَنْدَرة]

السلام عليكم ورحة الله

يا الاخوان ابي شورتكم

عندي ناتيفا 2006 وفيه صوت بالقير من ورا وما قد طبيت به ورشه الا للتغييرات الاساسيه

ودي اعرف الي يخبر لنا واحد فاهم في المتسوبيشي في الرياض لا يبخل علينا

جزاكم الله خير جميعا وشكرا على دخول الموضوع واذا عندك اي تعليق ولا سؤال خذ راحتك

يالله انتظر الردود :f

[VIP-503]

الصوت كيف
والورشه موجودة وهي بصناعيه السلي وانت مديور داخل الصناعيه تجيك حقين اللديترات على يدك اليمين ابتل ولا تلف يمين مع شارع سايدين امش لين تتعدى التشاليح يجيك مركز المورقي وهو هناك مدير الشغالين بندر المورقي رجال فيه دين ويخاف الله وانا اشتغل موتري عندة والان موتري عنده فيه عصى قير الدبل تهرب زيت والحمد لله الاسعار عنده ممتازه جدا

وعنده المكنيكي اسمه ممتاز مشاء الله عليه شايب خبره

ورقم بندر هذا هو ابو راكان 0506241817

واعذرنا على الاطاله

[عميد سامودة]

افضل شئ الوكاله

[اللص الظريف]

:f هذه الماركة من هالسيارات ما تنفع فيها الورشات وعدها العصر بالمعارض

[الكَنْدَرة]

يعطيك العافيه اخوي Vip-503 كفيت ووفيت

اخوي عميد ساموده الوكاله غاليه جدا جدا جدا

اللص الظريف كثر الله من امثالك انا ماخذ الموتر مستعمل قبل ثلاث سنين وهو ما مشى شي ابد ب45 الف وهو في الوكاله ب90 الف.

مره ثانيه شكرا اخوي Vip-503 وان شاء الله في ميزان حسناتك