للأسف وتستمر مجزرة الذئاب !!!!!!!!

[نفود حائل]

السلام عليكم ورحمة الله وبركاته


قبل كل شي لاحد يقولي حرام عليك بالعربي مالي دخل


قبل فترة طلع واحد من اخوياي للقنص


وقتل ذيب بعد مقاومة الذئب لاربع اطلاق بالشوزن وبالطلق الخامس:( ارداه قتيلا :(


وسألت الرجال ليش تذبحة والاجابة اكيد غير مقنعة


وقلتله ابي انزل الصورة وشف الردود وانت تقتنع










http://www.mekshat.com/pix/upload04/images168/mk137949_hteeb.jpg

[ولد وايل]

ياريتهم صادوه بدون قتل



الا اذا هو مؤذي

[طريق الخير]

مساء الخير

انا اعتقد ان الذئب يجب ان يكون في محميه لوقف خطره على الناس وحلالهم اما في حالته هذي فيجب ان يقتل

شكرا لنقلك اخي نفوذ حائل

[عاشق النملات]

انت قلت اخوي طالع للبر يعني شقول بس

[محمد الظاهري]

انا لو اشوف الذيب
ما اذبحه

قبل الناس يقولوتخويت انا وذيب

احب الذيب
على الاقل احميه
او اوديه لي المحميه

[بريداوي اصليm]

مساء الخير

انا اعتقد ان الذئب يجب ان يكون في محميه لوقف خطره على الناس وحلالهم اما في حالته هذي فيجب ان يقتل

شكرا لنقلك اخي نفوذ حائل


كلامك صحيح 100%
والمفروض أنهم يحطون محميات لي هالمسكين
فيه المبزرة الي توه طالعه ما كد شافت ذيب أبد ولاشافوه يحسبونه كلب
طع طع طع طع طع << لاحياة لمن تنادي <<< طع طع

[شقاوي الديرة]

مشكور اخوي على الموضوع
وبيض الله وجه خويك:good:

[منقذ]

لاحول ولاقوة الا بالله ليه يقتله
فهو رمز الحياة الفطرية في بلادنا
الله يهديه وقله اعضاء مكشات زعلانيين عليه
بس ممكن مكان قتله

[ذهب صافي]

يا اخوان دواب الله في ارض الله

خافوا الله يا جماعة في قتل هذه الحيوانات

انا أجزم ان الي قتل الذيب ماعنده لا غنم ولا حلال قريب من موقع الذيب فلماذا يقتل ؟؟؟؟؟؟؟؟؟؟

[المارد1]

الأخ نفود حائل

لايكون بس من الجراء اللي انت خابر او امهن

واذا الرجال يبي يقتنع كان خليته يشوف موضوعك الأول

وفي الآخر لاحول ولا قوة الا بالله

[العتيبي نجد]

السلام عليكم ورحة الله

ولله العظيم قهر مبزره توهم طالعين قبل امس حتى الثعالة مسلمت منهم ولله العضيم قهر وبعد الارانب ياخي يذبحونها في الليل و النهار ياخي الارانب مهددة بالانقراااااااااااااااااض بسبب ان الناس باليل و النهار يذبحون فيها يا أخي المسلم الرسول صلى الله علية و سلم نهى عنى الاسراف يا أخي ما قلنا لا تقنص ارانب
بس اقنص في النهار وخذ على قد حاجتك

والسلام عليكم ورحمة الله وبركاتة

[نفود حائل]

الأخ نفود حائل



لايكون بس من الجراء اللي انت خابر او امهن


واذا الرجال يبي يقتنع كان خليته يشوف موضوعك الأول


وفي الآخر لاحول ولا قوة الا بالله



هلابك اخوي المارد1

بس لايروح تفكيرك بعيد الرجال بعيد عن الديرة هذيك

وبعدين ليش مايصير الموضوع توعوي

يعني كثر الدق يفك اللحام

وشاكرلك مرورك

[نفود حائل]

السلام عليكم ورحة الله





ولله العظيم قهر مبزره توهم طالعين قبل امس حتى الثعالة مسلمت منهم ولله العضيم قهر وبعد الارانب ياخي يذبحونها في الليل و النهار ياخي الارانب مهددة بالانقراااااااااااااااااض بسبب ان الناس باليل و النهار يذبحون فيها يا أخي المسلم الرسول صلى الله علية و سلم نهى عنى الاسراف يا أخي ما قلنا لا تقنص ارانب
بس اقنص في النهار وخذ على قد حاجتك



والسلام عليكم ورحمة الله وبركاتة




والله مايقهر الا الناس اللي مايعرفون السلوم وعادات الرجال


اقولك الرجال خويي وانت تقول بزران



يعني احشم الرجل من حشمت خوييه بس ماقول الا الله يهديك
والله يخلف على اهلك
وبعدين كل كتابتك اخطاء املائية

[راصد بيئي]

الله يهديه وينور بصيرته

ياناس يارجال الحيوان هذا والله ثم والله حرام يقتل

هذا هو مضرب مثل الشجاعة واعرب قديما وحديثا

ماسمعتوا عن مخاوي الذيب؟؟
ماسمعتوا عن معشي الذيب؟؟

سبحان الله

أنا كلامي ماهو موجه لصاحب الموضوع بل للجميع
يعني هل تريدون أن يختفي هذا الحيوان من الوجود

والله العظيم أن الناس عندنا تقتل أي شيئ يمشي بالبر
ولو قتل الأوادم مسموح كان مالقيت أحد بالسعودية عايش

لاحول ولا قوة الا بالله

[_دربيل_999]

أخي الكريم نفود حائل ..
تكفى تنصح زميلك لايقتل حيوانات ماشاف منها أذية
لا وصغار في السن..هذا عبث..الله يهديه..
بارك الله فيك..
الروقي

[هوايتي مكشات]

ياخي الذيب ماتامنه على نفسك وولى حلالك

[المارد1]

هلابك اخوي المارد1



بس لايروح تفكيرك بعيد الرجال بعيد عن الديرة هذيك


وبعدين ليش مايصير الموضوع توعوي


يعني كثر الدق يفك اللحام



وشاكرلك مرورك




الحمد لله لاصار ام العيال والجرا بخير كأنك خففت علي شوي :p

بس والله ان قتل الذيب مامنها مصلوح وخويك لازم يفهم هالشي

والبركة فيك طبعا وانا اجزم انه عرض عليه ومن المفاجأه صاده وليس لسبب آخر

الوكاد عندي لك اقتراح ياطويل العمر ليه ماتراسل حماية البيئة وتدلهم بمكان الذيابة وهم مايقصرون لعلهم يمسكونها وياخذونها لمحمية بعيد عن الناس وعن العابثين

وبكذا تكون ساهمت بالحفاظ عليها وكسبت الأجر

وكلامك صحيح اي بالله كثر الدق يفك اللحام والشباب في هالخيمة ماهم مقصرين الله يجزاهم خير وانت اولهم

وتقبل تحيتي.....

[خبير اختراق]

السلام عليكم ورحة الله



ولله العظيم قهر مبزره توهم طالعين قبل امس حتى الثعالة مسلمت منهم ولله العضيم قهر وبعد الارانب ياخي يذبحونها في الليل و النهار ياخي الارانب مهددة بالانقراااااااااااااااااض بسبب ان الناس باليل و النهار يذبحون فيها يا أخي المسلم الرسول صلى الله علية و سلم نهى عنى الاسراف يا أخي ما قلنا لا تقنص ارانب
بس اقنص في النهار وخذ على قد حاجتك



والسلام عليكم ورحمة الله وبركاتة




اسمع انا بريحك وباقووول

اللي يصيد الذيب هو ذيب

واللي يصيد ارنب هو ارنب

يعني انتبهوا لا تصيدون الارانب تصيرون ارانب

وبعدين ما قد صفت احد يصيد ارنب في النهار ..

[التوباد]

الله يهدي أخوك ترى ما قل المطر وقل العشب إلا بسبب الصيد الجائر لهذه الحيوانات والله أعلم فدعونا نستمتع بما بقي منها يا أهل مكشات فأخشى أنا تنقطع ولا تروها وأنا أتمنى أن تحوي المحميات ذئاب حتى نحافظ عليها

[ابوفرايديز]

لاحول ولا قوه الابالله حرام الله يهديه