ياشباب نحتاج الشور و النصيحة

[ابريق و دله]

ياشباب نحتاج الشور و النصيحة
الوالد عنده جي اكس ار 2 موديل 2001 اتوماتيك خلفية لكزس ستبنه تحت ماشي 270 تقريبا
الوالد فاكه على يدة من عند ابو جميل !!!!! وهو عنده للعايلة يوكن طويل 2008 دبل بعد

والحين الوالد طالع براسه ياخذ هايلكس دبل سوبر جي ال اكس اعلى نوع 2010 الي يسمونه s-glx

و المشكلة يسألني وش الشور ؟؟؟؟؟؟؟

و انا انقل لكم السؤال وش الشور يمسك الجيب ولا يبيعه و ياخذ الهلي الدبل

تكفون ردو ياهل العرف بالمواتر

[ابريق و دله]

وش ذا يامكشاتية

ولا واحد رد بنصيحة ولا حتى نص نصيحة

والله الفشلة

[طلال الحصني]

السلام عليكم ..

و الله يالغالي الجيب ما مهم كان ماله مثيل ..

و الهايلكس .. ما راح تكون مريحه مثل الجيب ..

و الله يدله ع الشور الزين ..

[ابوخلف الحربي]

الجيب عز وانا اخوك ولاصار نظيف ماودك تفرط فيه لان بلوقت ذا صعب
تلقى جيب نظيف اذا كان في امكانيه يشتري الهايلكس بدون لايبيع الجيب
نصيحه لايبيع ومافي احسن من ركعتين واستخاره تقبل مروري,,

[ذيب زلفاوي]

انا اقول الهلي اقل صرفيه واخف وهو عنده اليوكن يعني لو ياخذ غماره بعد ماعنده مشكله هع هع
لا ياخذ الا غمارتين ترا اريح من الغماره وارسى بالخطوط ولو يصبر الى 2011 ازين له

[المهند511]

افدوك الاخوانننننننننننن

[علي عليوه]

من رأيي الجيب ما أفرط فيه لو بـ 100 ألف

موتري وأعرفه ,, ولا يقول وين أنت رايح وبالأخير شيك في جيبي

الهايلوكس موتر ما فيه كلام لكن سياقته مملة جدا ,, خصوصا إذا ما كنت تحتاجه للتحميل وخلافه

ولا يمسك قيمته مثل الجيب

خل أبيك على جيبه نصيحة ,, أريح ويشيل اللي يشيله الهايلوكس وشكله مقبول جدا على شايب بعكس الهايلوكس

[راعي المجزل]

فك عمرك من الهايلكس وامسك قريدك لا يجيك اقرد منه وشتان ما بين الجيب والهايلكس فرق الثرا عن الثريا............وجهة نظر

[ابريق و دله]

اشكركم ياشباب على الردود الف شكرو تقدير
الصراحة ان الجيب ما فيه مشاكل او خراب بالمكينة او القير
لكن الوالد يقول الجمس كافي للاهل والجيب ما عاد له لزوم
بقيمته و نزود عليها شوي ناخذ هايلكس جديد و دبل و الهايلكس شكله حلو
ومع البحث حصلت هذا الموضوع مشابه لموضوعي فيه كلام جميل و يوجد تصويت بعد

http://www.mekshat.com/vb/showthread.php?t=303896×


والف شكر يا شباب مره ثانية على مداخلاتكم

[س6ك7ب]

ما شاء الله تبارك الله
كفوا يالمكشاتية وفيتوا وكفيتوا
بيض الله وجوهكم
أفتخر بأني أحد أعضاء هذا المنتدى

[السعودي88]

وانا اخوك الجيب وبس ولو خربان
يزينه في الخلى الجيب وانا اخوك لا تفرطون في بع ثوبك ولا تبيع الجيب الجيب فيه دبل و اكيد هزاز ولا تنسا انه وسيع طبق المرتبه ثالث وحده
وخل البزران ينامون ورا والعفش على الشده هاذا الكلام

[ابو عبد الرحمن]

يالغالي أخاف مايقر يتأقلم على الهلي بعد الجيب.
لاكن الأكيد تصلح له الهلي إن كانه يستخدم الجيب لوحده كثير..بمعنا الأهل حاطهم لليوكن.
والجيب له وحده...فممكن تنبلع.

[عبد الاله]

تبيع جيب وتاخذ هايلكس؟؟؟؟
انصحك امسك الجيب بارك الله فيك