أرجو من الجميع الدخول والتعليق على الموضوع والرد بجد وصراحه -موقف موقف موقف

[مدرب سلق]

صبحكم - مساكم االله بالخير يا اخوني في المنتدى جميعا

اليوم الجمعه حصلي موقف جدا محرج وغايه في الاحراج وهو في سوق الحمام في مدينة

الرياض بحي العزيزيه لبيع الطيور والكلاب وغيرها عزكم الله اليكم الموقف وبتفصيل

لقد تواعدت انا وعدد من ابناء عمومتي بذهاب الى السوق لشراء غرض او شيء مناسب

ام لصيد او تعليم الجراء او ماشابه واثناء تجوالنا بسوق صدفنا رجال وبيده سلوقي جبر يبلغ

من العمر تقريبا 6- الى7-سنوات واعجبنا به لضخامته وطوله المهم اشترينا السلوقي

وكان فتح الباب 200ريال المهم زادو الشباب بسعر الشراء واخذناه اثناء ونحن وقفين

لتشاور بيننا جاء رجل كبير بسن وسلم علينا وقال ياشباب مع من السلوقي المهم تخبرون

الفزعه كلن قال معي امرياعم قال انتم شاريينه قلنا ايوالله شريناه ومن رجال قبل خمس

دقايق قال وين الرجال الي شريتوه منه قلناله ابشر ما امداه يطلع من السوق المهم

جبنا الرجال وقالنا له كم له السلوقي عندك قال من ستة اشهر وتفاجئنا انالرجال الكبير

بالعمر يقول امس مصروق من عند باب البيت وانت تكذب وصارت فيه هوشه وعيال عمي

ماقصرو نمسك هاذا وينطلق هاذا وكلن يبي يجلد الرجال الي بعنا (واخركلمه قالها لنا

يوم شرينا السلوقي منه الله يباركلكم فيه )المهم خذينا فلوسنا والرجال الله عقل سلوقيه

وخذاه وما انسا كلمة الشايب يقول(ياااااااااااارب لك الحمد الي عقل السلوقي )

ارجو من الجميع التعليق على الموضوع وبكل جديه وابداءالرئـــــــي حول ظاهرة السرقه
التي نواجههانحن مربين السلق بأستمرار في مدينتنا وغيرها من المدن المجاوره لنا
من حيث هاذا النحو :good2:
دعوتكم لي بتوفيق انشاء الله تعالى وشكرا لكم :good:

[الرحال 07]

اولا الحمد لله الذي عقل السلوووقي لصاحبة ..

اما بالنسبة للسرقة فهذا والله شيء مؤلم ... نسرقه ونبيعة بـ 300 اول 400 او الى 1000 ريال وبالمقابل سيأتيه عذاب في الدنيا قبل الاخررره . غير ان راعي السلق المظلوم سوف يدعي علي ومن المعروف ان دعوت المظلوم لا تررد وليس بينها وبين الله حجاااب ... نتمنى ان لا نجد مثل هذه الظاهرة بيننا ...


وجزيت خيرا يا اخووي على طرحك للموضوع

وبوركت

[هاوي سلق]

السلام عليكم ورحمة الله وبركاته
موقف بصراحه اعتبره من المواقف اللي صاحبها محظوظ فيها
والحمد لله ان الله يسر للشايب انه يلتقي فيكم وانتم طالعين بالسلوقي
وسبحان الله الحلال مايضيع
وبيض الله وجيهكم
وبالنسبه للي يسرقون احنا صحيح بلاد الحرمين واحنا صحيح نطبق الشريعه في بلادنا وكلنا مسلمين
لكن على قولت القايل لكل قاعد شواذ
وشواذ هذي الامه حراميها مثل اللي يسرقون السلق
وكثير تحدثنا عن الموضوع هذا لكن مانقول الا الله يهديهم ويصلح بالهم

[الأكيدر]

هذا يوم ينقال ان الحلال مايضيع

وانا اخوك هذا والله انه يستاهل الجلد بالعقال قدام هالناس لين مايقول العيد بكره

والله ان هالسرقان ابلشونا والله انهم يكرهونك بالسلقان مانقول الا ربي يهديهم ويبعدهم عنا

وانتم بيض الله وجيهكم وان شاء الله يرزقكم بالاطيب

وباين ان الشايب متعلق بسلوقيه الله يوفقه به انشاء الله

[راصد بيئي]

بيض الله وجيهكم

وانا ادعوا الناس للتوجه يوم الجمعه للسوق ومشاهدة السلق الموجود لعل وعسا تحصلون شيئ ضايع ولا مسروق

ومن ناحية الحرامي اقولة : مايسرق السلق الا السلق يالجعري

وياليت كلن يحافظ على حلالة ويحطه بمكان امين

[خالدالذيب]

ماقول الا الله يشلل يديهم سراقين السلق وياشين الموقف المحرج الي حصلك يامدرب سلق

[ص ن ح 888]

اي تعليق واي كلام ( هذي عاده تعووووووود عليها الشعب السعوووووووودي

الله يفشلهم بس ) من زمان وانا كذا حتى من شيبانا تسرق من عندهم السلق ومن داخل بيوتهم

[ابو عضيله]

الله رد ضاااالته والعيب انا الرجاااال قدوه وش خلا لصغار

[رفيق الأمل]

الله رد ضالته وهذا حال ضعاف النفوس في السرقات يسرقون شي ثمين ويباع بسعر زهيد وبأقل السعر الله لا يبارك في هذا السارق ولو انا بدال الا خوان كان كسرت عضام السارق

[ابوحمد 2009]

والله موقف غريب جداجدا؟.!
بعدين وانا اخووك حاارم شرا الكلاب؟؟..!!

[المستشآر]

والله موقف غريب جداجدا؟.!
بعدين وانا اخووك حرآم شرا الكلاب؟؟..!!

>> هذا اجمل رد قرأته
مع فائق احترامي للي ردو

[بوسيف 22]

هاذا الحال عندنا وعندكم كليووم سرقه ومواقف اتصيير وهوااش والسبب السارق الي ما يخااف الله والي يسرق ما اضنه محتااج بس ليش يسوي هشي الله العالم

[ابو الذهب511]

الشرهـ ع الي يشترون السلق ؟؟؟؟؟؟؟؟

[بوسيف 22]

صحيح الشرها علييهم بس في ناااس محتاجيينها ويتمنونها وهاذا اخر حل

[عقيد حرب]

الله المستعاان لكن يااغالي خير ماسوويت

[مدرب سلق]

والله موقف غريب جداجدا؟.!
بعدين وانا اخووك حرآم شرا الكلاب؟؟..!!

>> هذا اجمل رد قرأته
مع فائق احترامي للي ردو

اخوي العزيز مشكور على ردك الجميل بصراحه مطلقه ولكن ابي اقولك شي

فيه مثل يقول المظطر يركب الصعب (وصدقني لا فيه احد يهدي ولا احد بيقول لك
تعالى انا جايبلك سلوقي واذا جاب مراح يعطيك اطيب من الي عنده راح يدورلك اردا شي ويعطيك اياه بعد كذا اتصال وكذا رساله وترجيات )
وصدقني انا اجمعها تتكاثر من الامارات ما عندي ولا سلوقي من السعوديه
والشراى هاذا صديق لي هو الي يبي يشري ركز يالغالي الله لا يهينك ومشكور على الرد:good2:

[رستم درباس]

وعليكم السلام ورحمة الله
الله يعطيم العافية
والحمد لله توفقتوبشوفت الحرامي قبل مايطلع من السوق
والله يستر عبده دوم
مشككوووووووووووووووررر
على الموضوع الطيب