داتسون غمارة مكيف 2008 يا مدورين النظيف..

[فرامل]

.........


....................



السلام عليكم ورحمة الله ، وحيّا الله هالوجيه ( الله يحرمها على النار)
وأسعد الله أوقاتكم بالخير والمسرات

حبيت أعرض لكم سيارة عندي من نوع داتسون غمارة مكيف
الموديل : 2008
الدرقسون : عادي
العداد : 116200 كيلو متر.. من غير اللي قطعت بالريوس:D
البودي : على الشرط بلا رش أو سمركة أو تعديل.
المحركات : على الفحص بلا أي ملاحظات ولله الحمد شدّ بلد..
المكيف : يكسر العظام (قولوا ماشاء الله )..
الكفرات: جيدة
أنا ثاني اسم في الموتر وشاريه عام 1430
الاستمارة والفحص والتأمين : سارية المفعول
السيارة بشكل عام : دق سلف وتوكل على الحي الذي لا يموت..
وينكم يا أهل النظيف؟؟
السوم : ما سيم أبد ولا طب المعارض..
الحد : مافيه حدّ إذا قسم الله بعنا..
الرجاء لا أحد يسوم الا صامل ، والسوم مفتوح للجميع وسوموا ولو بريال ..
شعارنا : الزعل مرفوع ، والصدر أوسع من نجد:) وسيارتي عندي ، وقروشكم معكم ، والكل أحرار..
الموقع : الرياض..
الله يرزقني واياكم الرزق الحلال..

صور السيارة
http://www.m5zn.com/uploads/2010/6/12/photo/061210030630v4eptb6zubyg.jpg
http://www.m5zn.com/uploads/2010/6/12/photo/061210030630nn1ul9o.jpg
http://www.m5zn.com/uploads/2010/6/12/photo/061210030630h1m3jp0c2x.jpg
http://www.m5zn.com/uploads/2010/6/12/photo/061210030630byn0grt.jpg
http://www.m5zn.com/uploads/2010/6/12/photo/061210030628772ut0dsvk0lwf3vt.jpg

[أبو سالم 77]

العداد : 116200 كيلو متر.. من غير اللي قطعت بالريوس

هههههههه

شكلك تسافر بالريوس لصارت ناطحتك الشمس


موفق ان شاء الله

[قرناس100]

السلام وعليكم ورحمة الله وبركاتة
اما بعد
انا والله اني صامل مرررررررة
والموتر راح بـــــــ30 ونفحص
واذا لك حد قلي

[هواوي ملهم]

لك بالبدل بهايلكس 2009ماشي 60000ممشى حقيقي
وابسمي من الوكاله وهذا رقم جوالي 0556909996
بعد اذن المشرفين

[فرامل]

هههههههه

شكلك تسافر بالريوس لصارت ناطحتك الشمس


موفق ان شاء الله

أضحك الله سنك:D

بالتوفيق يا غالي..

[فرامل]

السلام وعليكم ورحمة الله وبركاتة
اما بعد
انا والله اني صامل مرررررررة
والموتر راح بـــــــ30 ونفحص
واذا لك حد قلي


وعليكم السلام ورحمة الله وبركاته..
ياهلابك عدد همل الغمام.. وسومة طيبة من وجه طيب.. بس والله ماهيب قيمتها. الموتر طيب..
وراك وراك يا ذيبان.. وحد مالي حد والله..
يعطيك العافية..

[فرامل]

لك بالبدل بهايلكس 2009ماشي 60000ممشى حقيقي
وابسمي من الوكاله وهذا رقم جوالي 0556909996
بعد اذن المشرفين


هلابك والله يا هواوي ملهم..
والله وانا اخوك انا بحاجة سيولة.. علشان ابي لي سيارة عائلية.. ومالي في الهايلوكس..
الله يرزقنا وياك من واسع فضله...

[البهبان]

السلام عليكم

اسومة 31 الف والله يرزقنا وياك

[المنبسط]

لك في وانيت شفر غمارة ونص م 2000

[فرامل]

السلام عليكم

اسومة 31 الف والله يرزقنا وياك


هلا والله بالغالي البهبان..

وسومة طيبة من وجه اطيب ، ولكن نرجو من الله أكثر ، وننتظر من يزود ،
ولا أحد يسوم الا صامل لأن البيع قد يتم في أي لحظة..
شكراً لك أخي الغالي..

[فرامل]

لك في وانيت شفر غمارة ونص م 2000


هلابك اخوي المنبسط الله يزيدك بسط ووناسة آمين.

ليس لدي الرغبة في الشفر الله يعطيك خيره ويكفيك شره..
شكرا جزيلاً لك...

[قرناس100]

مساء الخير يافرامل حد والله إني صامل
بـــــــــ32

[شبح500]

اسووووووووووووووووووووم ب 33000 عدا ونقدا بعد الفحص والمعاينة

[قرناس100]

33500 وعيد صامل

[حسين البري]

34ان بعت ردلي

[فرامل]

اخوي قرناس..

سوماتك طيبة وبيض الله وجهك.. لكنّ الموتر يستاهل.. ونرجو من الله أكثر..
لاهنت يا الغالي..

[فرامل]

اسووووووووووووووووووووم ب 33000 عدا ونقدا بعد الفحص والمعاينة


اخوي شبح..
بيض الله وجهك على هالسومة الطيبة ، ولكن نطمع في أكثر..
الله يوفقنا وياكم لكل خير..

[فرامل]

34ان بعت ردلي


اخوي حسين..
سومة طيبةمن وجه أطيب ، ولكن الموتر من وجهة نظري يستاهل أكثر ، وتخبر السلعة غالية عند راعيها لو هي وسط ، فكيف اذا كانت نظيفة مثل هذه السيارة:good2:
تسلم حبيبي..

[فرامل]

الإخوة الكرام..

السوم الحين 34 ألف ، والحد مالي حدّ ، وأعيد وأزيد لا أحد يسوم الا وهو جاد في الشراء ، لأني بياع..
ووراكم شوي ترا الموتر نظيف وينسفط للرفيق...

ولا أحد يشتري إلا بعد الفحص والتدقيق والتمحيص والتحري..

الله يرزقكم أجمعين .. شريطية يدورون ما عند الله من الرزق أو مستخدمين يبحثون عن قضاء لوازمهم..
مرحبا ومسهلا..
الله يرزقنا وياكم الحلال ، ويوفقنا لكل خير..

[راع القنص]

الله يرزقك البيعة الطيبه

[حسين البري]

اخوي حسين..
سومة طيبةمن وجه أطيب ، ولكن الموتر من وجهة نظري يستاهل أكثر ، وتخبر السلعة غالية عند راعيها لو هي وسط ، فكيف اذا كانت نظيفة مثل هذه السيارة:good2:
تسلم حبيبي..
مايحتاج اكيد انه غالي عند راعيه المهم هذا سومي خلك سمح وبع ياعم فرامل جعلها تفرمل عندك العافيه تحياتي وتقديري لك وللاعضاء الافاضل

[قرناس100]

اذا لك حد تراى صامل قلي
او ارسله لي على إميليniaf.1405@hotmail.com اما شريت ولا الله يرزقك
وسوم بــــــ34500

[حسين البري]

عم فرامل راحت 35الف عاد ماقصرت معك انبعتني شريت شرط الفحص

[قرناس100]

35500 وشرط الفحص

[عاشق القهوة]

يالحبيب حتى بالريوس تحسب لك(اسال مجرب

[فرامل]

الله يرزقك البيعة الطيبه


جزاك الله خيراً على هذه الدعوة الطيبة..

[فرامل]

اخوي حسين البري..

أخوي قرناس

سوماتكم طيبة ، وبيض الله وجيهكم
لكن.. للحين ما جيتو اللي في الخاطر.. الله يرزقني واياكم من واسع فضله..
باقي وراكم شوي..

[فرامل]

يالحبيب حتى بالريوس تحسب لك(اسال مجرب


والله اول مرة ادري ان الريوس يحسب في العداد!.

على العموم حتى لو يحسب ترا ما استخدم الريوس الا عند الضرورة:p
يعطيك العافية على مرورك العطر..

[اول 9099]

الله يرزقك البيعه اللي ترضيك يارب

[بعيد المناوي]

الله يرزقك البيعه اللي ترضيك يارب

[قرناس100]

إن بعتني باسومه ردلي

[زوم]

ماشاء الله الموتر نظيف ويستاهل

[فرامل]

أول9099
بعيد المناوي

الله يجزاكم خير على دعواتكم الطيبة ويبارك لكم في اموالكم وحلالكم..


الغالي قرناس..
والله ما بعتك بهالسومة .. صح انها طيبة ومن وجه أطيب لكن نرجو من الله أكثر ، والظاهر اني بدخلها المعارض نهاية الأسبوع .. وعسى الله يختار لي ولك الأصلح..


زوم..
الله يعطيك العافية يالغالي ،وأنت تستاهل كل علمن غانم..

[فرامل]

يا اخواني يا مكشاتيين..

لو أي واحد أخذ له فرة في المعارض أو سأل أهل المعارض عن مثل موتري بس 2006 أقل منه موديلين نظيف مثل نظافة موتري كم يسوى؟؟؟!! لا تنس انه 2006... عندها سيعرف أن موتري مظلووووووم !! يا مظاليم الليالي يا مظاليم الزمان هههههههه

[الهدد يابعدهم]

بــــ 36000

وتراي صامل

[فرامل]

الهدد يا بعدهم..

يا بعدهم انت والله .. وسومة طيبة وبيض الله وجهك..
لكن ما بعنا.. وراك شوي.. نرجو من الله أفضل.

[أبوسعود711]

اخوي فرامل اسوم ب 38500

[فرامل]

أبو سعود

سومة أطيب من الطيبة.. من وجهن مبارك..
وبحكم أنك سمت هالسومة فـ ابي أحدّ عليك .. ان شريت الله يربحك وان ما اعجبتك الله يرزقك بأبرك من موتري..

يا ابو سعود .. بصراحة أنا كان في بالي أكثر من اللي بحدّ به لكن لأجل انك تستاهل ولأجل سومتك الطيبة ولأجل الانسماح في البيع حدّي 39.000 فإن رغبت يبو سعود لك الأولويّة .. وإن رغب أحد من الإخوان الآخرين فالله يبارك له ، وان ما أحد رغب عسى الله يجعل فيها الف خير لي ولكم.. آمين.. وهذا رقمي 0565504002

[فرامل]

للرفع لـ فوق...

[مخايل الحلوه]

الله يرزق من شراه

[مخايل الحلوه]

اوبيعت السياره فيه واحد يسالني عن داتسون

[فرامل]

اوبيعت السياره فيه واحد يسالني عن داتسون


السيارة لم تباع..
السيارة لا زالت للبيع ، والحد كما هو مبيّن 39 ألف ..

[فرامل]

النداء ما قبل الأخير..

[فرامل]

النداء الأخير...

[فرامل]

النداء بعد الأخير..

[فرامل]

تم البيع

اللهمّ بارك لمن اشتراها واخلف عليّ بخير آآآمين..

[سيف الحربي]

عندي لك جيب ربع ابيض موديل خمس وتسعين نظيف