يا أهل النيسان 98 ابي خبرتكم لاهنتو

[الهاجس نت]

السلام عليكم

انا اشترين جيب نيسان 98 تماتيك فل كامل قبل سنتين

طبعا الجيب نظيف ماشاء الله وشاريه ب 42 الف كاش

طبعا اول مره اركب نيسان كنت صاحب هايلوكس قبل

المهم بعد سنه خرب معي باكم البريك

سئلت عن السعر طلع باكم الوكاله ب 2250 ريال والياباني 1400 ريال والصيني ب 300 ريال

احترت مدري وش اختار خليته ماصلحته ابد وله سنه ازعجني بالتصفير

بعدها بشهرين طلع معي السلف يعلق بعدها بتسعه اشهر طلع معي حرررررارررره

والحراره هذي ذبحتني مدري وش مشكلتها

رحت الصيانه واحد يقول اتماتيك مروحه وواحد يقول الراس عندك خربان

المهم صلحت اتماتيك المروحه واشوف الحراره نزلت ربع يعني للحين عيب

المهم طاح عزم الجيب مايمشي كنه مربوط بتريله يمكن الصحنه خربت من الحراره

طبعا قيمه تصليح الراس كامل حوالي 2000 ريال خرط وقطع وكل شي

المهم نصيحتكم لي هل اخرط الراس ام اشتري مستعمل واريح راسي

اما الباكم هل اشتري تشليح ام ياباني بـ 1400 ريال

والي يعرف قيمة الراس يقول لنا طبعا ماكينه بخاخ

الحين الجيب طاح عزمه مايركب الرصيف حتى بالدبل الثقيل


انتضر الحلول وشكرا

[ابويارا1001]

الباكم تلقاه مستعمل

فيه محلات متخصصة في علب البريك والباكم

وسعره


ارخص بكثير من اللي قلت


عندنا محل بصناعية الثقبة ركبت عنده علبة بريك مستعمله ب 150 والمحل ما يشتغل الا بريكات واغراضها يجمعها من التشليح

اليماني يقول ان له فروع في الرياض والحسا

وبالتوفيق

[برايدوي عنيد]

هلابك اخووووووي .............

الباكم ركب صيني ماعندك مشكله انا مركب باكم صيني جيب 99 مع الوالد الحمدلله

ازين شي ,

تقبل مروري............

[كرم القلوب]

بالنسبه لمشكلتك وانا اخوك عاديه جدا

الحراره لها عدة اسباب وعدة حلول منها ركب مراوح سوبارو (مراوح كهرب ) منها تخف الحراره وتقل صرفية البنزين والفرارات تخفف الموتر والبنزين يقل عليك بعد الفرامل

مثل ما قال اخوي محلات الفرامل مليانه بالصناعيه ولا اتوقع انها بالمبلغ الي ذكرته ابد الي اعرفه انه بـــ 300 ومضمون ...
اما بالنسبه للراس اخرطه افضل لك


والسلام عليكم

[سوبر VTC]

وزن بلوف
وزن الديلكو
بواجي اسلاك بواجي
صفاي بنزين
تنظيف فلتر الهواء
التاكد من خرطوش اللي بين اللهاة و القربة
لا يكون منشق يلف عليه شطرطون و يضبط


الحرارة
التاكد من كلتش المروحة لا يكون خربان يكون ثقيل مرة او خفيف مرة
اذا نعم فهو خربان وايضا يكون مهرب الزيت
اهم شي كلتش اصلي
التاكد من عدم رخاوة سير المكينة
التاكد من غطاء الاديتر
غسل السلندر و الاديتر
و التاكد من البلف
البلف اذا كان ثقيل فان الموتر يحتمي لان الماء مايدور بالسرعه الكافية
اذا كان الاديتر مسكر او تعبان او يهرب
فالحل اديتر المنيوم صيني ممتاز جدا ب450 ريال كرتونه لونه احمر


بخصوص العزم
وزن الديلكو
وزن بلوف
التاكد من طرمبة البنزين دايم تخرب و الحل طرمبة باترول فتك م2002 و طالع
لك و للزمن هذي الطرمبة


العيب الوحيد في الباترول انه تماتيك
و هذا معروف


ادخل هذه الروابط و شاهد ردي


نيسان سفاري 98بخاخ مجنون - منتديات مكشات (http://www.mekshat.com/vb/showthread.php?p=4279826)



مشكلة ما لها حل(باترول4500)موديل2006 - منتديات مكشات (http://www.mekshat.com/vb/showthread.php?p=4718826)


استفسا ر ياهل الباترول - منتديات مكشات (http://www.mekshat.com/vb/showthread.php?p=3025931)



استفسار الله لا يهينكم - منتديات مكشات (http://www.mekshat.com/vb/showthread.php?p=4052796)



يناس حلو مصيبت الباترول - منتديات مكشات (http://www.mekshat.com/vb/showthread.php?p=3072313)



بخصوص المرواح
المرواح و الفرارات ناجحة للباترول 100%


ادخل هذه الروابط


مراوج كهرب وفرارات..وانا مدري وش السالفه!! - منتديات مكشات (http://www.mekshat.com/vb/showthread.php?t=289924)



مرآآآآوح كهرب للباترول.......................... (http://www.mekshat.com/vb/showthread.php?t=271218)




اعانك الله


موقعك ؟؟؟

[معدي المرقاب]

مشاء الله ماقصرو الشباب افادوك...

[الهاجس نت]

الله يجزاكم كل خير بصراحه ماقصرتو الله يوفقكم


ركبت تماتيك مروحه وكاله بـ 350 وخفت الحراره شوي


لاكن يطلع من الريديتر فقعات يقولون انه الراس اذا طلع قفعات يعني فيه مشكله


وبالنسبه لعزم السياره الي طاح فجئه فريت الصناعيه فوق تحت كلهم يقولون مانعرف للتماتيك


ما فيه إلا واحد يقول يمكن يكون ضعف السياره بالصحنه يعني لازم تفك القير وهذا يكلفك 4500 ريال شغل وقطع


والمشكله مافيه قطع نيسان إلا طلبيه المشكله اول مره اركب سياره قير اوتماتيك


وللمعلومه سحبت الجلنط وعشقت القير ورفعت رجلي عن البريك وماطفت السياره


الي اعرفه اذا رفعت رجلي عن الكلتش تطفي السياره على طول الضاهر والله اعلم الصحنه


المهم الراس + صحنه +جلب وقطع + فك وتركيب الكل يطلع حوالي 5700 ريال


لو اركب قير عادي ماهو احسن ؟



اما بالنسبه للموقع الجوف