ياركب من عندنا فوق صفراء,,,,,,,,,,,,,,,,,,,,,,,,,,,,,,,,,,,,,,,,,,,,, ,,, حله ابو رافع

[فهد الهلالي]

السلام عليكم ورحمه الله وبركاته
اليكم هذا اللغز والذي يحمل المفردات القديمه
وهو مجرد محاوله
والسموحه على القصور
اجتهاد فقط
وحسب رغبة اخينا الهيل قمت بهذه المحاوله


يا راكب من عندنا فوق صفراء=تهرف كما تهرف خطات الذيابي
احمر ابوها وامها تقول عفراء=مثل المغيب ولونها بانسيابي
من خفها يا كنها غر شقراء=يومي به النسناس وقت السرابي
فجة نحر في مشيها تقول تذراء=ما يلحقه شاهين بحري يهابي
تفرح اليا قالوا ترى الليل مسراء=تسري وحسه تقل طفلٍ يحابي
خذ الجواب وحفظه وسط بحرا=واحرص عليه وخل صدرك كتابي
ما دامني ما كتب حروف ولا قراء=احفظ كلامي وخل صدرك مخابي
وسلم على اللي يوم جيته يسراء=( ابو عبدالله ) ثم قره جوابي
وقله عن اللي مسكنه وسط خبراء=رزقه يجيله لو سكن بالترابي
واليا ظهر خالط مع الذل فقراء=وكانه ثبت بالدار فعله صوابي




الشيخ مسكين

[سطام F15]

وعليكم السلام ورحمة الله وبركاته


مـن خفها ياكنها غـــــر شـــــقراء ,,,,, يومي به النسناس وقت السـرابي
فجة نحـــر في مشيها تقول تــذراء ,,,,, مايلحقه شــاهين بحــــري يـــهابي


تفرح اليا قـالوا ترى الليل مسراء ,,,,, تســـــري وحسه تقـل طــفلا يحابي


الله الله الله يابو محمد على هالثلاث الأبيات الله لايضرك


صح الله لسانك يابو محمد وعادتك الجزلات يالغالي قصيدة جميلة وأعجبتني المفردات القديمة يازينها يابو محمد


تهيض القلب






وجااااري التفكير باللغز


تحيتي وتقديري

[ابن الراوي]

حياك ربي ياشيخ قمة الابداع لافض فوك

تصوير رائع تسجيل اعجاب وش رايك بحبة القمح
بزراعة القمح في الفياض (البعل)على مياه الامطار فقط والذي يبقى داخل الارض ينبت

والذي خارجه يموت وياتيه رزقه المطر
في مكانه
تحياتي

[فهد الهلالي]

وعليكم السلام ورحمة الله وبركاته



مـن خفها ياكنها غـــــر شـــــقراء ,,,,, يومي به النسناس وقت السـرابي
فجة نحـــر في مشيها تقول تــذراء ,,,,, مايلحقه شــاهين بحــــري يـــهابي


تفرح اليا قـالوا ترى الليل مسراء ,,,,, تســـــري وحسه تقـل طــفلا يحابي


الله الله الله يابو محمد على هالثلاث الأبيات الله لايضرك


صح الله لسانك يابو محمد وعادتك الجزلات يالغالي قصيدة جميلة وأعجبتني المفردات القديمة يازينها يابو محمد


تهيض القلب






وجااااري التفكير باللغز



تحيتي وتقديري


هلابك ياخوي سطام والله يمسيك بالخير
اشكرك ياخي سطام على هذا الاطرا
واعجابك في بيت يكفي عن القصيده كلها
تقبل تحياتي

[قرناس صلا]

السلام عليكم ورحمة الله وبركاته
كب م
ما شاء الله تبارك الله



يا راكب من عندنا فوق صفراء


.....


مثل المغيـب ولونهـا بانسيابـي (:good: )




بغيت اسري لكن ما عندي صفرا




صح لسانك وبيض الله وجهك على الابداع اللي يطرب النفس



وتصوير للهجن الاصايل فيه من الاصاله والخبرة والحنين للماضي


ويا ما تغنوا به



كبار الشعراء القداما



مثل ياركب من عندنا فوق مهذاب ..



ابدعت يا ابو محمد




كالعادة بامتياز




وذكرتني بالصفرا وراعي الصفرا




تقبل اعجابي وتقديري




والرمعة




تحريك وليست من مستوى القصيدة



الجربوع




الضب




الداب

[فهد الهلالي]

حياك ربي ياشيخ قمة الابداع لافض فوك

تصوير رائع تسجيل اعجاب وش رايك بحبة القمح
بزراعة القمح في الفياض (البعل)على مياه الامطار فقط والذي يبقى داخل الارض ينبت

والذي خارجه يموت وياتيه رزقه المطر
في مكانه

تحياتي


هلا بك يابو سلطان والله يمسيك بالخير
سرني تواجدك يابن الراوي وصح بدنك
والرمعه مالك لوا
حبة القمح اذا طلعت من مكانها لاترجع
كذلك ماتعيش بذل يعني بخوف
تحياتي

[سطام F15]

يمكن يابو محمد القمل أو الربية في الدار مثلا ً

[mandam]

السلام عليكم

ما رايك ب ( بيض الجراد )

؟؟؟
؟

[عصام 861]

السلام عليكم يابو محمد
من أبداع الى أبداع قصيدة جزلة
ومعبرة وفيها من المعانى الحلوة
واللة يعطيك العافية على الابيات
أشرايك فى السدر ولك تحياتى

[فهد الهلالي]

السلام عليكم ورحمة الله وبركاته

كب م
ما شاء الله تبارك الله



يا راكب من عندنا فوق صفراء


.....


مثل المغيـب ولونهـا بانسيابـي (:good: )




بغيت اسري لكن ما عندي صفرا




صح لسانك وبيض الله وجهك على الابداع اللي يطرب النفس



وتصوير للهجن الاصايل فيه من الاصاله والخبرة والحنين للماضي


ويا ما تغنوا به



كبار الشعراء القداما



مثل ياركب من عندنا فوق مهذاب ..



ابدعت يا ابو محمد




كالعادة بامتياز




وذكرتني بالصفرا وراعي الصفرا




تقبل اعجابي وتقديري




والرمعة




تحريك وليست من مستوى القصيدة



الجربوع




الضب





الداب


هلا بك ياخوي قرناس صلا
والله يسعدايامك بالمسرات
اعجابك هو سر سعادتي
وكلمتك تاج على راسي
والرمعه مالك لوا
الجربوع والداب والضب
يبحثون عن رزقهم خارج بيوتهم
تحياتي لك

[فهد الهلالي]

يمكن يابو محمد القمل أو الربية في الدار مثلا ً

هلابك اخوي سطام
والرمعه مالك لوا
تحياتي

[فهد الهلالي]

السلام عليكم



ما رايك ب ( بيض الجراد )


؟؟؟
؟

وعليكم السلام
هلابك ياخوي mandam
بيض الجراد مالك لوا
تحياتي

[سطام F15]

ابو محمد وش رايك بالطين أكرمك الله والقارئين

[torrjom]

صح السانك يابومحمد

وبيض الله وجهك

ولا بدر اقصور

والهيل يستاهل

وعرف من يطلب

كل الووووود

وجاري التفكير

[فهد الهلالي]

السلام عليكم يابو محمد
من أبداع الى أبداع قصيدة جزلة
ومعبرة وفيها من المعانى الحلوة
واللة يعطيك العافية على الابيات
أشرايك فى السدر ولك تحياتى


وعليكم السلام ورحمة الله
هلا بك يابو محمد
والابداع انتم اهله
والسدر مالك لوالاعدمتك
تحياتي

[فهد الهلالي]

ابو محمد وش رايك بالطين أكرمك الله والقارئين

مالك لو اياخوي سطام
الله يحفظك
تحياتي

[فهد الهلالي]

صح السانك يابومحمد



وبيض الله وجهك


ولا بدر اقصور


والهيل يستاهل


وعرف من يطلب


كل الووووود



وجاري التفكير


هلابك يابو عبد العزيز
ووجهك ابيض
وصح بدنك
حضورك عطر صفحة هذا اللغز
ننتظر القادم
تحياتي

[ابو ماجد 2]

هلا بك يابو محمد
وكالعاده ابداع ينم عن شاعرية فذه
محاوله
ممكن العلق في المزارع يكون تحت التراب الطين واذا ماظهر فان الطيور تاكله
تحيتي لك وتقديري

[فهد الهلالي]

السلام عليكم ورحمه الله وبركاته




اليكم هذا اللغز والذي يحمل المفردات القديمه
وهو مجرد محاوله
والسموحه على القصور
اجتهاد فقط
وحسب رغبة اخينا الهيل قمت بهذه المحاوله


يا راكب من عندنا فوق صفراء=تهرف كما تهرف خطات الذيابي
احمر ابوها وامها تقول عفراء=مثل المغيب ولونها بانسيابي
من خفها يا كنها غر شقراء=يومي به النسناس وقت السرابي
فجة نحر في مشيها تقول تذراء=ما يلحقه شاهين بحري يهابي
تفرح اليا قالوا ترى الليل مسراء=تسري وحسه تقل طفلٍ يحابي
خذ الجواب وحفظه وسط بحرا=واحرص عليه وخل صدرك كتابي
ما دامني ما كتب حروف ولا قراء=احفظ كلامي وخل صدرك مخابي
وسلم على اللي يوم جيته يسراء=( ابو عبدالله ) ثم قره جوابي
وقله عن اللي مسكنه وسط خبراء=رزقه يجيله لو سكن بالترابي
واليا ظهر خالط مع الذل فقراء=وكانه ثبت بالدار فعله صوابي





الشيخ مسكين

نقل للصفحه التاليه

[قرناس صلا]

ابو محمد وش رايك باللي ساكن الرمث


وليا قربنه عطايا الله لزق فيهم وسكن

القراد

[هيل]

السلام عليكم ورحمةالله وبركاته

الهيل حاول بالمجارات وازراء
الشيخ نبع الجزل مابه غـرابي
ان قـلت جاريتك فالهيل هـذراء
هذرات من راسه سقيمٍ مصابي
لاكن على التقـصيرراجيك تدراء
ومن يعترف بالحق مابه معابي
ارفـعـلك الـثنتـين يـمنا ويـسراء
والراية البيـضـا عـلى كـل بابي
واظـن ابوسلطان بالرمع حـراء
بعـلٍ على الامطار هو الجـوابي



مع تحيات اخوكم والمعذره على التقصير

الهيل

[فهد الهلالي]

هلا بك يابو محمد

وكالعاده ابداع ينم عن شاعرية فذه
محاوله
ممكن العلق في المزارع يكون تحت التراب الطين واذا ماظهر فان الطيور تاكله

تحيتي لك وتقديري


هلابك يابو ماجد
وطال عمرك ماندرك معك شي
نمشي على اثرك يالزعيم
والرمعه مالك لوا
هذا بيته هو من يعمل به ويطوره
تحياتي

[فهد الهلالي]

ابو محمد وش رايك باللي ساكن الرمث




وليا قربنه عطايا الله لزق فيهم وسكن



القراد


هلابك ياخوي قرناس
والرمعه مالك لوا
هذا هو من يعمل بيته في نفسه
تحياتي

[قرناس صلا]

هلا ابو محمد

العنكبوت

النمل

النحل

ذي تعمل بيوتها بنفسها

[فهد الهلالي]

السلام عليكم ورحمةالله وبركاته



الهيل حاول بالمجارات وازراء
الشيخ نبع الجزل مابه غـرابي
ان قـلت جاريتك فالهيل هـذراء
هذرات من راسه سقيمٍ مصابي
لاكن على التقـصيرراجيك تدراء
ومن يعترف بالحق مابه معابي
ارفـعـلك الـثنتـين يـمنا ويـسراء
والراية البيـضـا عـلى كـل بابي
واظـن ابوسلطان بالرمع حـراء
بعـلٍ على الامطار هو الجـوابي



مع تحيات اخوكم والمعذره على التقصير

الهيل



صح السانك يابو عبد الله وبيض الله وجهك على الرد بهذه الابيات
الجميله
اشكرك ياخي الهيل
فانت دائم مبدع يامبدع
تحياتي لشخصك

[mandam]

السلام عليكم
مارايك بالحشرة اللي تبني بيتها من طين على الجدران

[فهد الهلالي]

هلا ابو محمد

العنكبوت

النمل

النحل

ذي تعمل بيوتها بنفسها

بس تبحث عن رزقها في مكان اخر
الا العنكبوت رزقه ياتي لها ولكن ليست تحت الارض
مالك لوايالغالي

[فهد الهلالي]

السلام عليكم
مارايك بالحشرة اللي تبني بيتها من طين على الجدران

مالك لو يالغالي
تحياتي

[mandam]

طيب محاولة ( ضفدع الطين ) يسمى ضفدعة الارض




؟؟؟؟؟؟

[فهد الهلالي]

طيب محاولة ( ضفدع الطين ) يسمى ضفدعة الارض




؟؟؟؟؟؟

مالك لوايالغالي
تحياتي

[سطام F15]

فيه دودة تحت الأرض وتبني بيتها تحت ويكون بارز شوي فوق الأرض ويأتي النمل ويتهاوي بداخلة وتتغذى عليه

بس إسمها عجزت أذكره لعلك قصدتها

[أبو رافع الظاعن]

أهلا بك شيخنا ....
إبداع إبداع ...

ما رأيك بالفرهود ؟؟؟؟

[جلمود الجبيرى]

ابو محمد الله يمسيك بكل خير ارجو ان تكون انت ومن تحب بكامل الصحه والعافيه رمعه ( الداب العمى وقصته مع حجرف) دمت بود

[برق القصيم]

لله درك ياشيخنا
وين هالصفراء تكفى !!! كانه موجوده تراي شراي

وابيات جزلات وابوعبدالله كفو ويستاهل زود

وبيض الله وجيهكم

والرمعات الاخيره خطيره

[aborajwa]

السلام عليكم والله يمسيكم بالخير .. وش رايك بالحمل في بطن امه ..

[torrjom]

ابو محمد الله يمسيك بكل خير ارجو ان تكون انت ومن تحب بكامل الصحه والعافيه رمعه ( الداب العمى وقصته مع حجرف) دمت بود



اخوي جلمود الرمعه كانت تجول في خاطري


ولاكن الخبراء مونثه ابعدتني عن الرمعه


لان الداب داخل الغار والغار مذكر


والمثل يقول


ويفوز بالذات من كان جسورا


على العوم نشوف رد الشيخ

[torrjom]

السلام عليكم ورحمة الله وبركاته

اخوي جلمود




كنت سامع القصه انا من الشيبان


وكانو يقولون انه داب اعمي وسط غار


والله اللي خلقه وهو يرزقه


وبرضه سمعته من راويه في كسيت


يقول نفس الكلام انه وسط غار


..........
وبنفس الوقت الان


اخوي جلمود بحثت في النت


ووجدت ان الداب كان في مكان مفتوح


يعني رمعتك في محلها


وعتبرني مؤيد وبقوه



كل الشكر

[ابو اسامه 2]

وعليكم السلام ورحمة الله وبركاته


ابداع يا الشيخ


الله لا يحرمنا ابداعاتك


ماشاء الله عليك والله يطول في عمرك



رمعه


وش رايك في حيوان


الخُلدْ
وهو اعمى لا يرى



http://www.mekshat.com/pix/upload04/images169/mk51394_800px-close-up_of_mole.jpg


تلاحظونه في الصورة يقول دااااااااء


وهو حيوان أكول يتناول يومياً كميات كبيرة من الحشرات والديدان التي يحصل عليها عن طريق حفره للتربة.


تحياتي لك

[إبن دخيل]

الله الله يابو محمد الله الله
صصصصصصصصح لسانك يا جزل
وبيض الله وجهك استاذ استاذ وانا اتشرف بان اكون من تلاميذك

واخوي الهيل يستاهل وصح لسانه على الرد الطيب


وانا مؤيد لرمعة اخوي جلموود
ويقول حجرف الذويبي رحمه الله


يرزقني رزاق الحيايا بـجحورهـا
لا خايلت برق ٍ ولا هيب حايله


ودي واحترامي للجميع

[قرناس صلا]

السلام عليكم ورحمة الله وبركاته

صبحكم الله بالخير

وش رايك بالصقنقور - الداموسه (سمكة الرمل)

او النادوس داب صغير اعمى يعيش تحت الرمل

او الميت


(عن أبي هريرة رضي الله عنه قال: قال رسول الله صلى الله عليه وسلم :
"إذا مات العبد انقطع عمله إلا من ثلاث:
صدقة جارية، أو علم ينتفع به، أو ولد صالح يدعو له" رواه مسلم.)


تقبلوا تحياتي

[فهد الهلالي]

فيه دودة تحت الأرض وتبني بيتها تحت ويكون بارز شوي فوق الأرض ويأتي النمل ويتهاوي بداخلة وتتغذى عليه

بس إسمها عجزت أذكره لعلك قصدتها

هلابك اخو سطام والله يسعد اوقاتك بالمسرات
انت قريب من الحل ولكن بيتهالايرتفع عن الارض قليلا ولم تاتي باسمها
تحياتي

[فهد الهلالي]

ابو محمد الله يمسيك بكل خير ارجو ان تكون انت ومن تحب بكامل الصحه والعافيه رمعه ( الداب العمى وقصته مع حجرف) دمت بود

هلابك يابو علي والله يمسيك بالخير
وابشرك بخير وعافيه
وداب حجرف مالك لوا الداب تظهر خارج جحرها وتقف على شكل غصن
وياتي الطير لها
مالك لوا ياسنايدي
تحياتي

[فهد الهلالي]

لله درك ياشيخنا

وين هالصفراء تكفى !!! كانه موجوده تراي شراي


وابيات جزلات وابوعبدالله كفو ويستاهل زود


وبيض الله وجيهكم



والرمعات الاخيره خطيره


يكفي حضورك يابو عبد الرحمن
وابشر بالصفراء من الابل ومن غيرالابل الشقراء تستاهل
يابو عبد الرحمن
بارك الله فيك وفي حضورك
تحياتي

[فهد الهلالي]

السلام عليكم ورحمة الله وبركاته



اخوي جلمود




كنت سامع القصه انا من الشيبان


وكانو يقولون انه داب اعمي وسط غار


والله اللي خلقه وهو يرزقه


وبرضه سمعته من راويه في كسيت


يقول نفس الكلام انه وسط غار


..........
وبنفس الوقت الان


اخوي جلمود بحثت في النت


ووجدت ان الداب كان في مكان مفتوح


يعني رمعتك في محلها


وعتبرني مؤيد وبقوه




كل الشكر


هلابك يابو عبد العزيز وتاييدك احترمه
ومالك لوا
تحياتي

[فهد الهلالي]

وعليكم السلام ورحمة الله وبركاته



ابداع يا الشيخ


الله لا يحرمنا ابداعاتك


ماشاء الله عليك والله يطول في عمرك



رمعه


وش رايك في حيوان


الخُلدْ
وهو اعمى لا يرى



http://www.mekshat.com/pix/upload04/images169/mk51394_800px-close-up_of_mole.jpg


تلاحظونه في الصورة يقول دااااااااء


وهو حيوان أكول يتناول يومياً كميات كبيرة من الحشرات والديدان التي يحصل عليها عن طريق حفره للتربة.



تحياتي لك


هلابك يابواسامه هلابك ياعمده والله يمسيك بالخير
سبحان الله العظيم اعمى على طول
اول مره ادري عن ذلك الحيوان
اشكرك على المعلومه
والرمعه مالك لوا
تحياتي

[فهد الهلالي]

أهلا بك شيخنا ....
إبداع إبداع ...



ما رأيك بالفرهود ؟؟؟؟


الله يحييك يابو رافع
والابداع مكم واليكم
والرمعه
الفرهود
,
الفرهود

أنها المصيدة التي تعدها هذه الحشرة لتقبض على فريستها وهي غالبا ماتكون من النمل والحشرات الصغيرة التي تقع فيها لتقوم هذا الحشرة بالانقضاض عليها مباشرة والقضاء عليها بعد رمي التراب عليها لمنعها من الرؤية والتركيز ولتجعل الحشرة تزلق الى الداخل اكثر
أكتسبت أسمها من عادتها في افتراس الحشرات الزاحفة وخاصة النمل
تعتبر هذه الحشرة العجيبة من الحشرات المعمرة مقارنة بالحشرات الاخرى حيث يصل عمرها من سنتين الى ثلاثة سنوات وتتواجد في معظم بقاع العالم لكنها تكثر في المناطق الرملية
تقوم هذا الحشرة بحفر مصيدة على شكل قمع تغطيها بالرمال وتنتظر بصبر في قاعها لتوقع فريستها فيها
هذه الحشرة قادرة على افتراس انواع كثيرة من الحشرات وحتى العناكب بسبب فكها القوي
تقوم بامتصاص العصارة بعد القبض على الفريسة ثم ترمي البقايا خارج المصيدة وتنتظر فريسة جديدة
يحتوي راسها الصغير على فك قوي واسنان حادة تستخدمها للقبض على الفريسة

الحشرة البالغة تملك زوجين من الاجنحة الطويلة 2-15 سم

وهي تمر بجميع الأطوار التي تمر بها الحشرات من البيضة حتى الحشرة البالغة
عادة مانراها عن ضوء المصابيح وحول النار المشتعلة خاصة اخر الصيف والخريف

تقوم الانثى بدس بطنها في الرمال ووضع البض وهي أغرب مرحلة تمر بها هذه الحشرة هي وضع البيض تحت الرمال بعد فترة التزاوج وخروج اليرقات من البيض
عند اكتمال الشرنقة تتحول الى خادرة وتستمر في هذه المرحلة لاسابيع او شهر
ثم تندفع خارجة من مكانها بعد 20 دقيقة تقريبا مكونة حشرة ذات اجنحة جميلة تطير مباشرة للبحث عن شريك
تتغذى الحشرة الكاملة على اللقاح ورحيق الازهار
لاتشكل هذه الحشرة اي خطر على الانسان وعادة ماتتجمد ولا تبدي اي حراك عن مسكها او الاقتراب منها وعادة ماتكون مغطاة بالترتب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
صح السانك يابو رافع ملاييين
وعوايدك
تقيل تحياتي

[فهد الهلالي]

الله الله يابو محمد الله الله

صصصصصصصصح لسانك يا جزل
وبيض الله وجهك استاذ استاذ وانا اتشرف بان اكون من تلاميذك


واخوي الهيل يستاهل وصح لسانه على الرد الطيب


وانا مؤيد لرمعة اخوي جلموود
ويقول حجرف الذويبي رحمه الله


يرزقني رزاق الحيايا بـجحورهـا
لا خايلت برق ٍ ولا هيب حايله



ودي واحترامي للجميع


هلابك يابن الدخيل والله يسعد ايامك بالمسرات
اشكرك ياخي الغالي على كلماتك الطيبه
والتي خصصتني بها
وهذا دليل لطيبك وطيب معدنك
وانا اتعلم منكم
ومن تلاميذكم
والرمعه عند ابو رافع
تحياتي

[ابو ابركه]

ماشاء الله الله يوفقك