حرارة السيارة جننتني و1000 ريال هدية للي يحل الموضوع

[ghareeb]

عندي سيارة أنفنتي qx4اللي تشبه الباث فايندر جننتني بالحرارة في المشاوير الطويلة يعني بعد ما تمشي فوق 100 كلم أو في الطلعات وسويت فيها الأشياء التالية :
1- غيرت رديتر أردني من عند أبو صالح
2- غيرت تماتيك المروحة
3- غيرت بلوف الحرارة
4- غيرت خراطيش الموية
5- غيرت غطاء الرديتر
لا يوجد في السيارة تهريب ماء أو تنسيم نهائيا وكل القطع غيرتها من الوكالة
عندي ملاحظة صغيرة يمكن تكون صح أعتقد أن الموية ما تبرد في الرديتر بشكل صحيح علما بأني ركبت مروحة إضافية صغيرة

[سعود الحربي]

اسمعني وانا اخوك طال ما ان الحراره تاتي وانت ماشي في الطريق مثلا على خط طويل اعرف ان الحراره من المكينه
يعني مثلا خلل في الراس او حوله

انزع البلف وشف ربما يكون منه

[مركزالعبد]

غير البلف+غير طرمبة الماء ،، قبل لاتسوي اي شي في راس المكينه

[عزٍيزٍ]

الله يعيينك

والله حاس بحالتك

يارب تلقى الحل

[رفيع المقآم]

يارجال المكافاه هذي ابي اسويلها اعادة تدوير كيف؟؟؟؟؟
لا واوفر عليك 850 او 900>>><<<<الله الله الرجال شغال عروض
رح وافحص كمبيوتر عن الحراره بس ويعلمك هو من الراس هو من الرديتر اي شي يعلمك وش المشكله منه المفروض اول ما ترتفع الحراره شيك على الماء اذا ماهو ناقص على طول فحص كمبيوتر وريح مخك وارتاح اذا اعجبتك الفكره عطني الباقي خخخخخخخخخخ>>>>تحسف على العرض
عموما شف اللي قلت لك عليه ورد علينا

[عـبـود 911]

احتمال من وجيه الراس
او الراس نفسه

والله يعيينك

[sarab88]

اسمع ياخوي افتح غطاء الأديتر وشغل السيارة وخلها لين تحتر ااذا شفت المويه تتقلب بسرعه وتطلع على برى يعني يصشر الماء عندك الراس لكن اذا كان يقلب على خفيف شيك على البلف يمكن يكون مايفتح مررره وتقبلووووووا مروري

[سلطان 997]

دق علي حلك عندي وابشر ما ابي شي لان نفس المشكله صارت عندي 0551775000

[عبدالله الموسي]

ما اعتقد بيكون من الراس لأن السيارة اللي ضارب راسها مستحيل تمشي 100 كيلو وهي طبيعية الا اذا كنت تمشي 20ك/م

وانصحك بفحص طرمبة الماء..يحتمل بأنها لاتعمل على تدوير الماء بشكل جيد بين الرديتر والمحرك،

كما انصحك بفحص الشكمان من أولة لأخره..يحتمل بأن يكون هناك تسديدا ما في احد القرب.مما يقلل خروج هواء المحرك ويسبب اررتفاع درجة حرارته...قد حصل ماعي من قبل في مرسيدس وكل شي غيرته فيها وبعد مرور زمن مع المعاناة ارشدني الله لأكتشاف السبب وهو الشكمان مقفل من احد القرب مصديه ومتأكلة من الداخل وكاتمه أم السيارة،،،

[ولد وايل]

عزيزي اذا وصلت 100كم
كم يوصل انبير الضغط

ادعس وانت واقف واذا وصل انبير الضغط
فوق المطلوب طالع الليات ((الخراطيش))

يمكن تقفل مع ضغط معين

[ابوسفرجل]

ماذكرت بلف الحراره يمكن مجيم ولايسمح بمرور الماء ودورانه فى الاديتر

[wlhan777]

أول شئ مثل ماقال أحد الأخوان
1-افحص كمبيوتر
2-تفقد الشكمان واحد يدوس وأنت ضع يدك عند مخرج الهواء شف يزيد الهواء لاداس
3-تفقد الكرنبة حقت الماء
4- يمكن خانات الماء وسط السرندل وسخانة مصدية خلها آخرشئ ارجو ألا يكون هي
5- العين حق يمكن نفس إن مازانت وأنت تقدر بعها الله يعوضك خير منها
أسأل الله أن لايخسرك ويحل مشكلة سيارتك ,لا تنسانا من دعوة منك بارك الله فيك .والسلام

[wlhan777]

3-الطرنبة هي المقصودة( آسف )

[نمر بن حثلين]

عندي باثفايندر 2003 وهو نفس مكينة موترك

كان يجيه حراره مع المشي وحتى بالرمل مع الدوس على طول ترتفع وتتتعدى النص

وغيرت الاديتر بنوع تايواني
ولكن مجاريه اوسع من الاصلي

وظبطت الحراره


وحتى رفيق لي عنده 2002 ونفس الشي فيه حراره

بدل الادايتر بتايواني وظبط

[قليط]

دق علي حلك عندي وابشر ما ابي شي لان نفس المشكله صارت عندي 0551775000



ههههههههه صدق من قال


اخوي سلطان حنا ماتجمعنا بالمنتدا على شان نغيب على بعض


حنا اجتمعنا على شان نستفيد من بعض مثل الاخوان الي ردو


واذا كانت على ؟ ؟ ؟ ؟


على العموم يارعي الحراره


انا اقول ماللك الا


بدوي جنوبي :good2:


أصيل حجآ زي:good2:


قمه افرست :good2:


هم الي ماشالله ولا هو اقصور بالاخوان

[HUMAN]

أخوي ... الله يعينك وتلاقي الحل عاجلاً

[taag1]

اخوي فيه جهاز اخضر(ارتفاعه متر وشوي وعرضه اقل من متر) ذكره احد الأخوان موجود بالصناعيه ويطلع منه لي من اليمين واخر م اليسار ويقوم بغسل المجرى اللي يروح للمكينه من الراديتر جربه ترا منت خسران ان نجح والا مايضر مايكلفك 80 _ 100 ريال وعسى الله يفزع النا ولك ,.,.,.,..,

[ghareeb]

والله يا أخوان مشكورين على تجاوبكم
بس بقول لكم :
بلوف الموية غيرتها جديدة من الوكالة
ضغط المكينة طبيعي جدا عند 140 يوصل قبل الثلاثة بشوي
فتحت غطا الرديتر وشغلت السيارة الموية تدور بشكل طبيعي لو كان فيه مشكلة في الراس كنت شفت الموية زي النافورة بسبب الهوا اللي يجي من السلندر
أمشي أحيانا 100 كلم وأحيانا أكثر والحرارة طبيعية ثم فجأة تبدأ تزيد شوي شوي خصوصا إذا واجهت طلوع في الطريق وعند النزول من الطلعة تنزل الحرارة بس ما توصل لوضعها الطبيعي وفي الطلعة الثانية تزيد الحرارة شوي عند الأول ثم تنزل مرة ثانية وتبدأتزيد شوي شوي لين تصخن السيارة
عزم السيارة أحسه بارد شوي

[همس الغدير]

الله يفرج لك

[البريدي]

سيارتك عايدي ولا اتوماتيك
إذا عايدي وأنت على سرعة 120 يرتفع صوت المكينة وتلاحظ انه غير طبيعي
إذا كان الجواب بنعم و افحص الدزق والكلتش
لأنك تقول عند السرعة والطلعات ترتفع الحرارة يعني الكلتش ما يمسك على الحذاف صح


ملاحظه :
أذا فكية الدزق والكلتش لا تنسى تغير
1 صوفه الزيت للمكينة
2 صوفه القير الأمامية
3طبة الماء إلي تحت الحذاف
لان سعرها رخيص

مع تمنياتي لك بالتوفيق

[شاهي نثري]

ما اعتقد بيكون من الراس لأن السيارة اللي ضارب راسها مستحيل تمشي 100 كيلو وهي طبيعية الا اذا كنت تمشي 20ك/م

وانصحك بفحص طرمبة الماء..يحتمل بأنها لاتعمل على تدوير الماء بشكل جيد بين الرديتر والمحرك،

كما انصحك بفحص الشكمان من أولة لأخره..يحتمل بأن يكون هناك تسديدا ما في احد القرب.مما يقلل خروج هواء المحرك ويسبب اررتفاع درجة حرارته...قد حصل ماعي من قبل في مرسيدس وكل شي غيرته فيها وبعد مرور زمن مع المعاناة ارشدني الله لأكتشاف السبب وهو الشكمان مقفل من احد القرب مصديه ومتأكلة من الداخل وكاتمه أم السيارة،،،

انا مع اخوي ولدالحويطات
اذا ارتفعت الحرارة وقل العزم شيك علا الكعكات ولكاناديس

[بونشاك]

مثل ماقالوا الاخوان شيك على دبات الشكمان

[دل البحار]

شوف اولا الرديتر خذ الرديتر الاصلي تبع الوكاله
ثانيا افحص غطاء الرديتر افهم غطاء الرديتر يمكن يكون التهريب للماء الموجود في الرديتر من الغطاء نفسه وحصلت معايه ولما غيرت مكينه وجيرب وكس طلع الخلل في غطاء الرديتر مع ان الاصلي قيمته 35 ريال والتجاري 15 ريال وخسرت فوق 20 الف واكثر بسبب غطا الرديتر
نجي للرديتر يوجد فيه بلف للرديتر او انها طرمبة للرديتر يمكن تكون خربانه
بلف الحراره شيله وشوف اش يصير معك
لو موية الرديتر لما تفك غطاء الرديتر تسوي زي النافوره احتمال عندك الراس يبيله مسح راس
لو مازبطت معاك هل امور غير مكينه ولا تتعب نفسك في التصليح تخسر على عماها
تحياتي لك

[ghareeb]

سيارتك عايدي ولا اتوماتيك

إذا عايدي وأنت على سرعة 120 يرتفع صوت المكينة وتلاحظ انه غير طبيعي
إذا كان الجواب بنعم و افحص الدزق والكلتش
لأنك تقول عند السرعة والطلعات ترتفع الحرارة يعني الكلتش ما يمسك على الحذاف صح


ملاحظه :
أذا فكية الدزق والكلتش لا تنسى تغير
1 صوفه الزيت للمكينة
2 صوفه القير الأمامية
3طبة الماء إلي تحت الحذاف
لان سعرها رخيص



مع تمنياتي لك بالتوفيق

أخوي أنا سيارتي تماتيك

[سعود الحربي]

إذا كان عزمه مع الطلعات ماش تراء احتمال كبير ان احد البلوف قافل وهو اللي يسبب الحراره


هات الالف

[ويلومني]

اسئل الله العظيم بأن ييسر أمورك ويخلف عليك ويجعل ماأصابك تكفيرا للذنوب

[عزام بن احمد]

اذا كان الحرارة ترتفع عند الطلوع و زيادة السرعة مالها سبب الا :-
قفل البلف
و الاحتمال الاكبر ضعف الخرطوش من الحرارة يقفل و يمكنك ملاحضة ذلك بظغط عليه و هو اللي يسبب ارتفاع الحرارة
ملاحظة :-
اذا السيارة في حال الوقوف ما ترتفع الحراره فالخرطوش بلا منازع
تقبل مروري و اتمنى لك و للاخوان السلامة

[ذيب العك]

[quote=سلطان 997;4726895]دق علي حلك عندي وابشر ما ابي شي لان نفس المشكله صارت عندي 0551775000[/quo
اخوي سلطان بارك الله فيك احتسب الاجر من الله قبل كل شي
وانا اشور على الاخوان يجمعون قطة لسلطان ويعلمن حل الحرارة

[تركي0558]

هلا اخوي غير حساس الحراره(القارئ)
وعطني النتايج

[ghareeb]

بلوف الحرارة والخراطيش غيرتهن من الوكالة ما فيه فايدة
تماتيك المروحة غيرته من الوكالة أيضا ضبط له ثلاثة أيام وبعدها رجع يحتر
حساس الحرارة أكيد مو خربان لأني ألاحظ أن السيارة تحتر فعلا

إذا كان عزمه مع الطلعات ماش تراء احتمال كبير ان احد البلوف قافل وهو اللي يسبب الحراره


هات الالف
أما الأخ سعود فابشر بالألف لو كان المشكلة من أحد البلوف بس وش قصدك بلوف الراس وإلا بلوف الموية
وأيش طريقة التصليح

[المخبر]

اخي العزيز تأكد من الشكمان


لايكون مسدود من الرصاص لانه تسدد مع الكربون


انا معي يوكن وبهذلني بضعف العزم ورحت شلت المواصير الي فيها الرصاص

وارتاحت السيارة كثير

[ابو باااسل]

غير حساس الحراره الموجود في المكينه

لن عمله قراءه نقل حراره المكينه الى الطبلون وكذالك يعطي امر للمراوح بزياده السرعه او اشتغال المراوح الاضافيه

[abo_hoor]

http://www.mekshat.com/vb/showthread.php?t=304374

مرحبااخويشوف هالرابط ان شاء الله يفيد للاخوه معلقين فيه ماقصرو

[الذيب مصلوخ]

السلام عليكم ورحمة الله وبركاته
صبحكم/مساكم الله بالخير جميع
حبيبنا... الصباح بدري إفتح كبوت السيارة ((قبل ماتشغلها)) وإفتح غطا الرديتر، ثم شغل السيارة وإرجع فوراً وعاين في الرديتر هل يطلع فقاعات هوا صغيرة من فتحة الرديتر أو لا؟ وأخبرني بما سترى.. علماً أن مدة الإنتظار قرابة 6 دقائق وشكرا،،،

[الباثفندر 3.5]

الله يعينك
الا الموتر كم ماشي؟

[دخنآوي]

يآخي ركب مرآوح تنفض لك الموتر نفض وارتآح ..
<<<<< احسن حل وانتبه للحساس عشان ماتطفي المراوح ويخبط الموتر وتدعي علي خخخخ
.................................................. ....
اذا انت تبي الموتر وكاله ..
انا والله كان الموتر يولع نار معي خاصه بالخط على 140 وواقف ..
غيرت كل اللي قالو العيال ..
وآخر شئ غيرت طرنمبه المآء _ والغطا حق الاديتر _ والبلف << وهو وآحدن منهن :)


بالاخير ربي يوفقك ..

[دانكن]

يالغالي انا اعتقد انها من راس المكينة .. بحكم اني راس المكينة كم مره هبل بي ..

ابعطيك رقم ابو ابراهيم الثنيان واشرح له مشكلتك هو اخبر بهالسيارة مني ومنك ..

وقله هل ممكن يكون راس المكينة ..

وانا اشوف بما انك غيرت كل شي فك الراس ووده للمخرطة يشيكون عليه ..

واتصل على الرجال ومر عليه بورشته وبيفيدك هو ..

0554889337
محمد الثنيان " ابو ابراهيم "

ولاتنساني بالألف .. :d

[terke mekshat]

إذا السيارة سبق وأن جاها صدمة من الامام فأكيد أن الخرطوش ينسفط حتى لو غيرته لأن وزنية الخرطوش تختلف بعد الصدمة بسبب عدم سحب الوجهية مضبوط وللتجربة إذا ارتفعت عليك الحرارة افتح الكبوت وخل واحد يدوس على البنص وشف الخرطوش هو ينكسر أو لا.
أعانك الله, ولاتنسى غطى الراديتر اصلي.

[Rajah]

الحين الرجال ضاع بينكم من يصدق فيكم ،،،، كل واحد يقول غير هذا وخل هذا ماصارت ذي استشاره

[أبو عابد2000]

أنا اشك بنسبة 80 % بالخرطوش ... حتى لو كان جديد ينسفط !!

انا معي ددسن واتعبني الخرطوش اللي اسفل الرديتر دايم ينسفط

وغيرته وكاله جديد ونفس الحكاية ينسفط !!

الحل وأنا أخوك إذا الخرطوش ينسفط إنك تفكه وتجيب سيم حديد

وتلفه على شكل دوائر على مقاس فتحة الخرطوش ثم تركبه بالمكان اللي يحدث فيه الإنسفاط :)

وهالحركة سويتها بالددسن ومن عقبه ياربي لك الحمد ماعرفت سفطت الخرطوش :)

وإذا تبي تتأكد هو ينسفط ولا لا ، افتح الكبوت وخل واحد يدعس بنزين وانت فتح عيونك وشف الخراطيش :)

جهز الألف يابعد روحي .... :D

[الحنكلي1]

شف اخوي اذا كان ماء الرديتر ماء اخضر اواحمر وغير محلول بماء عادي وخاصه اذا كان من النوع التجاري ========قد يسبب ارتفاع الحراره==========
حاول خفض الماء الي النصف وزده مياة صحيه =======وجرب منت ان شاء الله خسران

[محترف]

طيب ما ذكرت كم توصل الحرارة معك بدون مكيف ومع المكيف وفي السرعة .....
إذا تحت النص يقولون طبيعي

[عرق رملان]

عندي سيارة أنفنتي qx4اللي تشبه الباث فايندر جننتني بالحرارة في المشاوير الطويلة يعني بعد ما تمشي فوق 100 كلم أو في الطلعات وسويت فيها الأشياء التالية :
1- غيرت رديتر أردني من عند أبو صالح
2- غيرت تماتيك المروحة
3- غيرت بلوف الحرارة
4- غيرت خراطيش الموية
5- غيرت غطاء الرديتر
لا يوجد في السيارة تهريب ماء أو تنسيم نهائيا وكل القطع غيرتها من الوكالة
عندي ملاحظة صغيرة يمكن تكون صح أعتقد أن الموية ما تبرد في الرديتر بشكل صحيح علما بأني ركبت مروحة إضافية صغيرة

اخي الكريم
اتمنى انك تجد حل لمشكلتك والشباب ما قصرو عليك بالنصائح والاقتراحات

ولكن انا عندي استفسار وعتب عليك اخي الكريم

الحين القطع الي غيرتها في السيارة هاذي من يتحملها !!!
الي اشار عليك انك تغيرها من المفترض انه يتحملها
انا اقصد المهندس الي اشار عليك لانه قالك غير القطعه هاذي والحل فيها
طيب اذا ما زانت انا اتحملها
اما اذا كانت سالفة التغيير اجتهاد منك او من احد الشباب معقولة
ولكن اذا المهندس ارجع له وخله يتحملها
اجل وش الفايدة منه انه يقول غير كلش في السياره على امل انها تزبط

المهم اتمنى ان الصورة وضحت لك
لاني حقيقة الي غيرتها في السياره واجد وحرام تغيرها وهي وكالة مع السياره اذا كانت زينه

[جمبل]

سلام عليكم الله يعينك على كثرة الاراء

ولكن ما دام انك تقول انها ما ترتفع الا في الخطوط او وانت مسرع وعزمها ضعيف بس فهي والله العالم في احدى الامور التاليه ونبداء بالسهل:
1- على قوله الشباب ( شيك الكنداسات - لان المواتر الجديدة يكون فيها شبك لتخفيف التلوث وفي الغالب انه ينسد)
2- اذا عزم الموتر ضعيف فقد يكون من توقيت الشرارة ( كما في السيارات القديمة ذات البليتين فاذا تاخر البيتين او تقدم فانه يسبب ضعف وحرارة وصرف بنزين)
3- و على قوله الشباب قد يكون احد بلوف الراس قافل .

هذا من ناحية ان العزم ضعيف فيجب التركيز عليه قد يكون الخلل فيه وليس في نظام التبريد .

من ناحيه نظام التبريد فتاكد من التالي :
1-على قوله الشباب ( شيك الخراطيش خصوصا الاسفل لان الشفط يكون من جهته والرديتر قد يكون ضيق فينصفط )
2- لا تشيل بلف الحرارة ( اللي في الكوع ) لان السيارات الجديدة ما ينفع انك تشيل البلف "ذاك في السيارات القديمه".
3- استبعد فكرة ان الراس خربان او غطء الرديتر او الطبات او الصوف او نوع الماء اذا كان الماء لا ينقص لديك .
4- الاحتمال الاخير وقد يكون مستبعد وهي ان المروحة الكهربائبة تنفخ بالعكس واذا اسرعت تعاكس الهواء الخراجي مع المروحة وترتفع الحرارة ( حدثت مع الوالد في سيارته الصابونه).

وفيه امر غير ميكانيكي ولا يندرج تحت كل الضروف الفيزيائية ولا له حل الا ان تبيع السيارة
واذا نويت تراني شراااي هههههههههههههههههههههههه

والله يطيحك على العله باسهل الطرق
ولك تحياتي

[ghareeb]

سلام عليكم الله يعينك على كثرة الاراء

ولكن ما دام انك تقول انها ما ترتفع الا في الخطوط او وانت مسرع وعزمها ضعيف بس فهي والله العالم في احدى الامور التاليه ونبداء بالسهل:
1- على قوله الشباب ( شيك الكنداسات - لان المواتر الجديدة يكون فيها شبك لتخفيف التلوث وفي الغالب انه ينسد)
2- اذا عزم الموتر ضعيف فقد يكون من توقيت الشرارة ( كما في السيارات القديمة ذات البليتين فاذا تاخر البيتين او تقدم فانه يسبب ضعف وحرارة وصرف بنزين)
3- و على قوله الشباب قد يكون احد بلوف الراس قافل .

هذا من ناحية ان العزم ضعيف فيجب التركيز عليه قد يكون الخلل فيه وليس في نظام التبريد .

من ناحيه نظام التبريد فتاكد من التالي :
1-على قوله الشباب ( شيك الخراطيش خصوصا الاسفل لان الشفط يكون من جهته والرديتر قد يكون ضيق فينصفط )
2- لا تشيل بلف الحرارة ( اللي في الكوع ) لان السيارات الجديدة ما ينفع انك تشيل البلف "ذاك في السيارات القديمه".
3- استبعد فكرة ان الراس خربان او غطء الرديتر او الطبات او الصوف او نوع الماء اذا كان الماء لا ينقص لديك .
4- الاحتمال الاخير وقد يكون مستبعد وهي ان المروحة الكهربائبة تنفخ بالعكس واذا اسرعت تعاكس الهواء الخراجي مع المروحة وترتفع الحرارة ( حدثت مع الوالد في سيارته الصابونه).

وفيه امر غير ميكانيكي ولا يندرج تحت كل الضروف الفيزيائية ولا له حل الا ان تبيع السيارة
واذا نويت تراني شراااي هههههههههههههههههههههههه

والله يطيحك على العله باسهل الطرق
ولك تحياتي
الظاهر مابه إلا البيع
عطني سومتك
الموتر ماشي حوالي 360000 ومافيه سمكرة أبدا فيه طقات بسيطة حتى تعديل ما عدلتها وله معي فوق سنتين ما شفت منه إلا ها العلة
واللون لؤلؤي

[سوبر VTC]

اخوي جاوب على سؤال الاخ ولد وايل
وين توصل الحرارة
على سرعة 100 ؟
سرعة 140 ؟
و انت واقف الظهر و المغرب و الساعة 11 مساء
وين توصل ؟ كم دقيقة ظل الموتر واقف ؟
الحرارة بالنهار تفرق عن الليل ؟ و العكس ؟
وضح مكان الانبير في كل الاوقات ؟ مع السرعة
كم درجة حرارة الجو ؟
العام الاول مواتر جديدة بعز الحر جمرة القيظ
الحرارة على النص

بعضهم للباثفندر الغى البلف الخلفي و نزلت الحرارة
و بعضهم الفى البلف الامامي و نزلت الحرارة
لانه لو يقفل احد البلفين لو بسيط فان الموتر يحتمي
لان الماء مايدور بالسرعة الكافية من و الى المكينة من الاديتر

[خالد الزومان]

اخوى غير الديتر من الوكاله وترك عنك ابوصالح لن الوكاله لديترها المنيوم اصلى
2 غير بلف الحراره
ولا تنسا ء اللاف مع تحيات خالد الزومان

[دانكن]

كلم ابو ابراهيم اللي انا حاط رقمه بالرد اللي قبل .. :) ..

[فهد773]

يارجال انت المويه حقت الرديتر اصليه ولا ام 10 ريال وكل شي سويته شيكت على المراوح ولالا

[ghareeb]

اخوي جاوب على سؤال الاخ ولد وايل
وين توصل الحرارة
على سرعة 100 ؟ الحرارة فوق الخط الأول بحوالي مليمتر واحد
سرعة 140 ؟ نفس الحرارة ما تتغير
و انت واقف الظهر و المغرب و الساعة 11 مساء إذا وقفت تزيد شوي
وين توصل ؟ كم دقيقة ظل الموتر واقف ؟ توصل حوالي الثلث ( ما توصل النصف ) والوقت يعني نقول دقيقتين وقفة إشارة
الحرارة بالنهار تفرق عن الليل ؟ و العكس ؟ المشكلة تجي بالليل والنهار نفس الشيء بس ما تجي إلا مع المشاوير الطويلة أو الطلعات
وضح مكان الانبير في كل الاوقات ؟ مع السرعة في بداية المشوار ما يتغير الانبير يكون فوق خط الربع بمليمتر وبعدها يتغير
كم درجة حرارة الجو ؟ من 38 إلى 45 كلها نفس الشيء
العام الاول مواتر جديدة بعز الحر جمرة القيظ
الحرارة على النص

بعضهم للباثفندر الغى البلف الخلفي و نزلت الحرارة ألغيت البلفين ما تغير شي ورجعت وركبتهن
و بعضهم الفى البلف الامامي و نزلت الحرارة
لانه لو يقفل احد البلفين لو بسيط فان الموتر يحتمي
لان الماء مايدور بالسرعة الكافية من و الى المكينة من الاديتر
وبعدين ياشباب المشكلة ما هي أن الانبير يوصل الربع والا الثلث والا النصف ويكون ثابت لأن هذا عادي أعرفه ياليت تفهموني المشكلة أن الحرارة تبدأ تزيد وتنقص ثم ترجع تزيد وتنقص مرة ثانية وأنا على نفس المشوار تزيد إذا طلعت طلعة أو هديت السرعة ثم عطيت السيارة عزم مرة ثانية وهكذا حتى يصخن الموتر وتبدأ الموية تطلع للقربة
والوضح أن المحرك نفسه ما فيه شي المشكلة خارجية لأن الماء ما يبرد في الرديتر لأن المشكلة ما تجي إلا مع المشوار الطويل
وما عليش كثير من الشباب ما قصروا بس لو طاوعتهم بتكون خسايري فوق 5000 ياليت اللي يعرف نفس المشكلة والا مرت عليه يعطيني خبرته

[أبو عابد2000]

أنا اشك بنسبة 80 % بالخرطوش ... حتى لو كان جديد ينسفط !!



انا معي ددسن واتعبني الخرطوش اللي اسفل الرديتر دايم ينسفط


وغيرته وكاله جديد ونفس الحكاية ينسفط !!


الحل وأنا أخوك إذا الخرطوش ينسفط إنك تفكه وتجيب سيم حديد


وتلفه على شكل دوائر على مقاس فتحة الخرطوش ثم تركبه بالمكان اللي يحدث فيه الإنسفاط :)


وهالحركة سويتها بالددسن ومن عقبه ياربي لك الحمد ماعرفت سفطت الخرطوش :)


وإذا تبي تتأكد هو ينسفط ولا لا ، افتح الكبوت وخل واحد يدعس بنزين وانت فتح عيونك وشف الخراطيش :)



جهز الألف يابعد روحي .... :D



تأكد من هالنقطة وما راح تكلفك شيء ابداً :)

[ولد وايل..]

بالغالب اذا كانت الحرارة مع خط تكون من الرأس...


اله ييسر أمرك

[العبله]

يا كثر اللي دخلو يبون ال 1000 هع هع

[قصر1423]

اخوي صاحب السيارة ولا يهونون الربع اللي ردوا مشكلتك عندي وانا ابو سلمان صار لي مثلك دق علي 0500880222

[السليطين]

اخوي صاحب السيارة ولا يهونون الربع اللي ردوا مشكلتك عندي وانا ابو سلمان صار لي مثلك دق علي 0500880222



ياليت وانا اخوك تعطينا الحل بالمنتدى وكذلك النتيجه ... حتى يستفيد الكثير ...

موفق

[ديرتي]

الخوف من الرأس انه ينسم مادامك تقول تظهر على الخط السريع والقربة تظهر الماء
الله يعينك وتنحل مشكلك باقل تكلفة

[مرجووج]

السلام عليكم ..
شف اخوي غريب ولا يهونون الاخوان ...
شيك على الكنداسة يعني شل الشخالات اللي فيها ترا غالبا النيسان سبب الحرارة منها .... انا قبل شوي طرحت موضوع عن الحرارة بس بالباترول بس ما يصخن الموتر لاكن مشكلتك مرت علي بمكسيما 98.. جرب ومنت خسران شي وان شالله تروح الحرارة

[ghareeb]

الخوف من الرأس انه ينسم مادامك تقول تظهر على الخط السريع والقربة تظهر الماء
الله يعينك وتنحل مشكلك باقل تكلفة
اليوم مريت الثنيان في ورشته لكن الرجال ما قدر يحل المشكلة ويقول يمكن من الراس
بس على فكرة لو كان من الراس من اللي يصلحه مضبوط لأني مريت على أكثر من ورشة وقالوا بألفين واللي يقول بثلاثة شغل يد
ياليت تدلوني على ورشة مضبوطة حتى لو خارج الرياض

[سوبر VTC]

طيب مر على ورشة التركي تخصص نيسان
او ورشة ابو عادل حوله
كلهم بالصناعية القديمة

[براري نجد]

طرمبة الماء طرمبة الماء
لانها تتاكل مع الوقت وتصدي وتقل قوتها
غير طرمبة الماء
والدليل : خل السيارة شغاله وافتح غطا الاديتر ثم شوف هل الماء يتحرك بقوة؟ يدور امامك ؟ وخل احد يدوس للسيارة بنزين شوي
وراقب :
اذا كان بشكل قليل أو متوقف هذي عيب الطرمبة واذا كان يدور بشكل قوي فماهي الطرمبة

[د ك م 586]

الخط الاول والثلث مع الوقفه ماهيب حرارة وموترك اعتبره طبيعي (من كلامك بالبداية توقعت انه يتعدى النص بكثير)

[برغي]

حاول انك تسوي تنسيم للراديتر يمكن يكون كاسب هوا يعني يسوي ضغط بخار حار
ياما ناس بدلو راس مكينه والسبب ضغط الهواء داخل دورة التبريد بالسياره

[كارديف]

اذا انت بدلت كل ها القطع وما ضبطت معناته لازم تنزل الهيد وينفحص في المخرطة

[قمة افرست]

اذا السيارة ماتتعدى النص طبيعي
طبعا توصل النص وترجع الى الربع وهذا طبيعي نتيجة عمل البلف
وهذه الايام الاجواء حارة لاتحمل السيارة فوق طاقتها
وصلت الحرارة الى 59 الاسبوع الماضي بالمدينة
عموما
شيك على حساس الحرارة الي فوق البلف
شيك على الشكمان الدبة عند اقرب محل شكامين
شيك على البلف للحرارة
شيك على الماء والسيارة باردة
القربه خل فيها فراغ
المروحة
شيك على المروحة الاضافية او اذا المراوح كهرباء ممكن تشيك على الافياش

عموما زي ماذكرت لك اا الحرارة تحت النص طبيعي هذه الايام الجو حار جدا
جميع التشييكات التالية فقط فحص لاتعني خراب بل فحصها للتاكد
تبدا بالمراوح هل تشتغل السرعات كلها
هل حساس الحرارة يعطي قراءة صحيحة
البلف الي غيرته اصلي او تجاري

لو قلنا ان الراس فيه تنسيم بيكون عندك الحرارة على طول مرتفعه واذا وقفت السيارة بتسمع صوت الماء في القربة بعد ماطفيها
نقص بالماء

المشكلة
الحساس
بلف الحرارة
المروحة
الشكمان
نقص الماء
زيادة بالماء بالقربة معبيها لاخر شي مثلا
ضعف خراطيش الماء
فقط شيك على هذه الاشياء

سؤال
متى لاحظت التغير على السيارة

[ابومعاذالنجدي]

نفس المشكله عندي باترول
افتح غطاء الراديتر و السياره بارده وشغل المكيف وخليه نص ساعه
طبعا يبي يطلع الماء الزايد والهوء وخبرنا اذا زان

[الضلوعي]

اخواني نفس المشكله هذي كانت بموتري وخسرت عليها مبالغ ضخمه
والله رزقني بواحد قالي نظف رديتر المكيف ؟؟؟؟؟؟؟
والله مثلكم ما اقتنعت بس الغرقان يتعلق بقشه
وفكيت رديتر المكيف وفعلآ لقيت الفرغات الي بالوجه مسدوده
كلها اوراق شجر واتربه
وقالي حق الرديترات ان هذا السبب الي مايخلي الهوى يعدي والسياره تمشي
وبعد ما غسله من برا بس وجربت السياره بخط طويل
الحمد لله راحت الحراره وراح معاها الكابوس الي كان متعبني
ملاحظه :-
الشغله هذي كلفتني 70 ريال
الشغل الي سويته قبلها كلفني مايقارب 3000 ريال لأني غيرت كل شي
واغلب الميكانيكيه قالولي لازم تفك الراس وكنت مأجله لأخر الحلول
والحمد لله ماحتجت افك الراس .
اخوي اذا نفعة هذه الطريقه فتصدق عني وعن والدي بالمبلغ الي يناسبك ومرخوص بالباقي

[سوبر VTC]

اخوي الضلوعي

ماذكرته مهم جدا

و حل سريع هو ان تذهب الى مغاسل السيارات
و يغسلون الشبك من الخارج مع اديتر المكيف و الماء في دقيقة
بواسطة الضغط العالي
راح يطلع بلاوي طين اتربة شجر ورق حشرات

[الفارس الأشهب]

انا حصلت معي هذه المشكلة!
كما قالوا لك الشباب
اكشف على الراس والوجيه
فإن كانت سليمة
فأننصحك ببيعها !لأنههههههههههههههههها معيونة والله اعلم !
اتمنى لك التوفيق

[الحربي1111]

شوف وزنية الديلكو احياناَ يسبب حرارة

[Abu Saad]

اليوم مريت الثنيان في ورشته لكن الرجال ما قدر يحل المشكلة ويقول يمكن من الراس
بس على فكرة لو كان من الراس من اللي يصلحه مضبوط لأني مريت على أكثر من ورشة وقالوا بألفين واللي يقول بثلاثة شغل يد
ياليت تدلوني على ورشة مضبوطة حتى لو خارج الرياض

ابوصالح التركي يفك راس الفتك بـ1000 ريال
حفة الراس اذا فيه تقوس بـ 150 ريال طبعا هذا سعر المخرطة.
وعموما ياليت اذا حليت المشكلة تعلمنا وش طلع منه :)
بالتوفيق

[beuty111]

بالتووفيق ........

[سلطان 997]

السلام عليكم
بالنسبه للاخوان الله يسامحهم الي تكلموا
وانا ماكتبت الحل علشان كنت مشغول ومستعجل شوي وانا من الناس الي اخذ فترا ما ادخل النت
علي العموم
الرجال يقول مغير رديتر وخراطيش وموتره ما يفور الماء
واذا مشي 100 الحراره طبيعيه حتي 160
الا اذا هدي ترتفع الحراره وهذا معناه ان الموتر يبي هوا مع انه مغير تماتيك مروحه وهو الي يقوم دوره اذا وقفت الرياره اشتغل واذا مشت فصل
انا حصلت نفس المشكله معي وحسربي الموتر
كل شي غيرته
حتي اكتشفت ان تماتيك المروحه وهو جديد ما يشتغل
وهذا عيب النيسان كل قطع غياره مغشوشه
حتي الوكاله اذا جيت لهم ناضر القطعه وش مكتوب عليه
نيسان كيفاليوم وتبيعه الوكاله
وتقول اصلي
تبون تتاكدون من كلامي
شف اي موتر سواء باترول او باثفندر بس يكون جديد ما خرب تماتيك المروحه حقته شف اول ما تطفي توقف المروحه ما تستمر ابالدوران
وترا وانتم ابخص النيسان حساس لو تزود شبكه المروحه حملت علي المكينه وارتفعت الحراره
والحل اما انه يدور تماتيك من التشليح ويفكه هو بنفسه من الموتر بس بشرط يكون الموتر جديد علشان يضمن انه ما غير
او يختصر ويركب مراوح كهرب بس يغير البلف ويحط بلف درجه حرارته 82 ونص
علشان تنجح معه المراوح والا علي بلف 76 ونص ما ينفعن لانه بيستمر البلف فاتح والمراوح ما تقوم بمقام التماتيك
واذا بيتاد من كلامي
لا يخسر يفك التماتيك من اي احد من ربعه ويشوف اذا الحراره فرقت معه او لا
عذرا علي التطويل

[ghareeb]

للأسف بديت أكتشف في السيارة نقص في الموية

[ms662]

اخوي غير بلف المويه فك الي عندك وحط بلف باترول موديل 2004 لان بلف الانفنتي اذا مانيب واهم يفتح على 82 وبلف الباترول يفتح على 76.5 او دور لك اي بلف اصلي يطبق على بلف سيارتك لكن يفتح على اقل منه

[nayf01]

ياخوي الله يكون في عونك

ابي اعطيك حل واحد

1/ ثبت المروحة وجرب ثم ابلغنا بالنتيجة
ولاتسوي شي الا بعد التثبيت

[سديراوي 13]

ربي ييسر امرك لحل المشكله

[ابن عكاش]

اولاً الله ييسر امرك وتحل المشكه آمين
ثانياً إذا الحراره ماتوصل النص او بالكثير ماتتعداه فاتوقع انها معقوله مع هالأجواء الحاره جدأ وبصراحه والجو هذي السنه غير نسأل الله العافيه
ونصيحتي لك وهي بإذن الله الحل واجزم بذلك اكثر من الإستغفار ولو على الأقل تكرر قول استغفر الله العظيم 100مرة كل يوم وكل مازدت زاد الخير بإذن الله والتعلق بالله شي دائماً نغفل عنه
اتمنى اني افدتك ووفقك الله
اخوك ابوصقر

[سلطان 997]

السلام عليكم
اخوي اذا ثبت المروحه بتكون السياره بارده وهي واقفه بس اذا مشيت واجد بترتفع لتحميل الكثير علي المكينه
واذا انت لقيت نقص بالماء فيه ماده تياع بقطع الغيار ب 5 ريال تبي تسكر اي تهريب عندك وعلي فكره يمكن ما تشوف انت التهريب من وين لان الماء يجف من الحراره فبل يوصل الارض
فهذا اسهل حل واوفر حل ولا تخاف من هالمحلول انا مجربه ما يسوي اي مضاعفات

[nayf01]

السلام عليكم
اخوي اذا ثبت المروحه بتكون السياره بارده وهي واقفه بس اذا مشيت واجد بترتفع لتحميل الكثير علي المكينه
واذا انت لقيت نقص بالماء فيه ماده تياع بقطع الغيار ب 5 ريال تبي تسكر اي تهريب عندك وعلي فكره يمكن ما تشوف انت التهريب من وين لان الماء يجف من الحراره فبل يوصل الارض
فهذا اسهل حل واوفر حل ولا تخاف من هالمحلول انا مجربه ما يسوي اي مضاعفات


اخي الكريم

اخوك من الرعيل الاول ويعرف لسيارات الامريكيه

وكنا نشيل البلف ونثبت المروحة واحياناً نستخدم مروحة ذات ريش كثيرة

كل ذلك من اجل لاترتفع حرارة السيارة

اما اليوم السيارات الجديدة غير

فيها اشيا كثيرة جيدة ولكن يقابلها عواكيس مولمة
واحياناً تكون بسيطة

والمشكلة الفني الفاهم غير موجود

[ghareeb]

مشيت بالسيارة أمس الفجر وبعد 140 كلم تقريبا بدت ترتفع الحرارة ومشيت بعد كذا 50 كلم وصلت الحرارة للإتش وطبعا لما شيكت بعد ما بردت السيارة لقيت الماء ناقص أكثر من لترين علما بأني مشيك على الموية قبل ما أمشي وحصلتها مليانة
واليوم بعد العصر مشيت بالسيارة أكثر من 60 كلم ما نقصت ولا نقطة ولا احترت
بصراحة شكل السيارة فيها عين أو جني

[دانكن]

هاه عساك كلمت اللي عطيتك رقمه ؟

والله العالم ان مشكلتك راس المكينة ..

لكن دق على الرجال وهو عنده ورشة مختصه بالباثفندرات ..

بالتوفيق لك ..

[nayf01]

مشيت بالسيارة أمس الفجر وبعد 140 كلم تقريبا بدت ترتفع الحرارة ومشيت بعد كذا 50 كلم وصلت الحرارة للإتش وطبعا لما شيكت بعد ما بردت السيارة لقيت الماء ناقص أكثر من لترين علما بأني مشيك على الموية قبل ما أمشي وحصلتها مليانة
واليوم بعد العصر مشيت بالسيارة أكثر من 60 كلم ما نقصت ولا نقطة ولا احترت
بصراحة شكل السيارة فيها عين أو جني



لاحول ولاقوةً الا بالله

وين تروح المويه

شوف ياغالي

شيك على الماء والسيارة شغاله وغلقة حتى تتاكد انه فل ثم زيد القربه الاحتياطية الى العلامة الوسط

ثم شيك على زيت المحرك شوف لايكون فيه ماء

ولو دخله الما تجده ابيض

ثم اذا وقفت السيارة وهي (ساخنه) طفي المحرك ثم (تاكد ان مافيه ما يتسرب من تحت السيارة

والما ماله طريقة ينقص الا من تهريب

او تبريد (لراس المكينه)

يعني لو لم تكتشف (ما) في الزيت او تهريب يحتمل من رأس المحرك

[شبل حرب]

صارت لي نفس الحركه ذي من فتره

شيك وانا أخوك على فيوزات المروحه " كان عندي فيوز مو محترق كليا وكل ماسخن يفصل " وغيرته بجديد وضبط بعدها ولله الحمد

جرب وبشرنا خصوصاً أن قيمته ماتتعدى الـ 10 ريال

بالتوفيق

[ابونافع]

تحية طيبة للجميع
من واقع تجربة ومالك بالطويلات
الحرارة نفس مشكلتك وحصلت معي بباترول
وغيرت خراطيش الماء كلها حقات الاديتر والثلاجة
وكل ماله صله بالماء
والنتيجة::: صارت من خرطوش صغير كان يهرب الماء اذا سخن الموتر
استنتاج من جميع ماسبق ::::اغلق الخراطيش حقت الثلاجة الحار للفحص فقط
الداخل والخارج
ولك مني الف تحية

[المموه]

بعض السيارات يجيها عوكاس ما ينفع معها الا المعارض مع ملاحظة عدم الغش وتوضيح اي عله للمشتري .
اخوي سيارات هالوقت اشتغال مروحة التبريد شي ضروري لابقاء الحراره طبيعيه .هل تشاهد او تسمع مروحة التبريد تشتغل عند ارتفاع الحراره اذا لم يكن ذلك فالفيش يجب تغييره . نفس القضيه صارت معي في سياره فورد وصارت العله من مروحة التبريد ماتشتغل اذا ارتفعت الحراره او شغلت المكيف . ان كان هذا الحل لسيارتك الالف ريال مني هديه لأقرب مساكين تشوفهم

[سعودي raqi]

عندي سيارة أنفنتي qx4اللي تشبه الباث فايندر جننتني بالحرارة في المشاوير الطويلة يعني بعد ما تمشي فوق 100 كلم أو في الطلعات وسويت فيها الأشياء التالية :
1- غيرت رديتر أردني من عند أبو صالح
2- غيرت تماتيك المروحة
3- غيرت بلوف الحرارة
4- غيرت خراطيش الموية
5- غيرت غطاء الرديتر
لا يوجد في السيارة تهريب ماء أو تنسيم نهائيا وكل القطع غيرتها من الوكالة
عندي ملاحظة صغيرة يمكن تكون صح أعتقد أن الموية ما تبرد في الرديتر بشكل صحيح علما بأني ركبت مروحة إضافية صغيرة


اذا سويت كل هذا ومانفع رح ياطويل العمر جب مويه مقري عليها وعبها منها يمكن منفوووسه ولا شيء

:)

[طاير34]

ارجع للاديتر القديم وسوله تصييخ وخر عن اردني مااردني

[فيصل الزلفاوي]

اخوي فك البلف او ركب مراوح سوباروا تراها تفيد بالحيل...
وخل لها فاصل لو ما اشتغلت تشغلها انت من عندك..
وهو اصلا تشتغل على طول مع ارتفاع الحراره..
بس انت خل عندك فاصل للاحتياط...
.شف جرب واذا مانفع ماعليك اشتري منك المراوح....

[ماتت الفرحه]

^^

الله يعينك اخوي

اذا موتركـ ( قير تماتيكـ ) <<< تأكد من المبرد حق القير!!

وتأكد من راس المكينه !!

ومثل ما قال * شبل حرب *>شيك وانا أخوك على فيوزات المروحه " كان عندي فيوز مو محترق كليا وكل ماسخن يفصل

( افحص كمبيوتر ) وريح نفسكـ اخوي <<<

تحياتي

^^

[طاير34]

ارجو من الأخ انه يركز على الاديتر وبلف الحراره ويخلي الفه عنده لاننا في منتدى لايبخل على احد بالمعلومات القيمه

[عبادي 2009]

يمكن المشكلة من غطا الراديتر

أو من انسداد في الخرطوش

[adil33]

حاول تدوس للسياره وه يواقفه وشوف الشكمان اذا فيه ماء فالله يعينك على الراس
او وجه الراس
واذا ما فيه مويا اعتقد انه اللديتر الاول كان تعبان وكان مسبب لك حرارة ويوم ركبت الاردني النحاس يزيد عليك الحرارة فجرب وانا اخوك ركب المنيوم من الشركه مو من السوق لانه الي بالسوق يرفع الحرارة ما ينزلها لانه ما يبرد بسرعه زي حق الشركه
ولو كل هذا ما نفع فك البلف واخرم فيه خرمين من جهتين متقابله ورده وباذن الله ما عاد تشوف الحرارة

[الساري01]

الحراره مشكله بس الاسباب واجد وعليك البحث من المشكله الاساسيه لان الكمبيوتر ميطلع وش مشكلت الحراره منه

[الساري01]

الساعه حقت الطبلون مضبوطه ولا شيك عليها تر السياره الي تدخل التلميع ويجيك بنقلي وفرك في الطبلون يخرب الوزنيه حقت الساعات
ملاحظه لتذكير+ الحساس
شكرخاص

[ثنان]

اسعد الله مساكم

اللي يعاني من نقص الماء بالبايفندر والباترول +حراره

ومايدري من وين التهريب

يشييك على خرطوش ماء موجود جنب الديلكو طوله تقريبا شبر بين الترمستات والديلكو تحت
وتغييره بالنسبه للباثفندر يحتاج ينشال الديلكو حتى تقدر تبله الخرطوش

[مركز حراره]

حـــــــــياك الله بمركزنا حراره بالقصيم00عنيزه00
والفحص مجانا للمفاهمه الاتصال 0544550918

[راعي العشــه]

اذا اللديتر اللي مركبه نحاس
اجدعه طول يدك بهذلبي في باترول
ركبته جديد سعودي نحاس وماكملت شهر غيرته لراديتر ألمنيوم اردني:good2:
ونزلت الحراره علطول الحمدلله

لاكن اذا كل شي مشيك عليه وممتاز فانا اشوف انك تشيك على دبة الشكمان يمكن تكون متكسره من داخل وكاتمه الهواء ويسبب بارتفاع الحراره

[kmn]

اخوي تأكد من شغل بلف الماء ترى يوجد عندك بلفين واحد قدام وواحد ورى .

[بعيد الهقاوي9]

ههههههههه صدق من قال



اخوي سلطان حنا ماتجمعنا بالمنتدا على شان نغيب على بعض


حنا اجتمعنا على شان نستفيد من بعض مثل الاخوان الي ردو


واذا كانت على ؟ ؟ ؟ ؟


على العموم يارعي الحراره


انا اقول ماللك الا


بدوي جنوبي :good2:


أصيل حجآ زي:good2:


قمه افرست :good2:



هم الي ماشالله ولا هو اقصور بالاخوان

والله لــــــــو سكت احسن لك .

[metub1404]

سوى غسيل رديتر للمكينة وشيك على البلف

[أإبوشمر]

غير غطى الاديتر الاصلي ولا التجاري؟؟

[أبو أسولي]

الله يكون بعونك
والله أنا جربت مثلك وعانيت كثييييير
كان معي أكسنت والحراره ترتفع لأخر شي
وكل من رحتله قالي شي ويصلحون لاكن بدون فائده
وأخر شي رحت لم الوكاله وصارت المشكلة خطاء بكهرب السياره
والحمد لله أرتحت بعده
وللعلم ماكانت تترتفع إلا إذا أسرعت .

[مركز حراره]

الاخ ابو اسولي00
عندي جهازليزر لكشف مثل هذي الاخطا ء

[ابوصالح77]

مادام إنك شيكت عليه
باقي ماء الإديتر حط أصلي تايوتا الأحمر أو غيره
وغالباً إديتر الباث يقوس فترتفع الحرارة
بالتوفيق

[اابوسعد]

يا الأخ العزيز افحص فلتر الهواء يمكن فيه شي يضيق على خروج الهواء لان واحد من الشباب سيارته ضعف عزمها وصارت تحتر وفي النهاية صار العامل ناسي خرقة التمسيح في مكان الفلتر

[أبو أسولي]

جزاك الله خير يا مركز حراره
السياره بعته ولله الحمد

[شيخ الرعوجي]

الله ايوفقك

[سلطان 997]

الله يوفق الجميع
وترا للمعلوميه يمكن انت ناسي ان عندك بلفين حراره بسيارتك
يمكن البلف الداخلي هو الي فيه المشكله وتراه يوجد تحت الثلاجه

[هلال داورد]

غير سير المروحه وشد عليه يمكن يكون منه

[ابوطاقية]

ياصاحب الموضوع ارتفاع الحراره مع الطلعات شيء طبيعي لاكن ارتفاع الحراره مع السرعات العاليه على طريق مستوى غريبه

[ابوهلا1]

طببها الحراج بنية البيع فقط
وخل يسمونها وبعدها 100 %
ههههههههههههههه

اخوي شيك علي غطاء الرديتر

تراء مهم التشيك على الغطاء اذا ينسم
بس لايشترونها بالقوه انتبه؟؟؟؟؟؟
يقال والله اعلم انها تبعد العين
تراء اقول
يقال والله اعلم

[اللهب الجارح]

اخوي يمكن المشكله في امبير الحراره

[م.عمر]

الله يعيييينك أخوووي ولو عندي حل عطيتك بس طريقة ارتفاع الحرارة غريييب ..

ولا تنسى الدعاء : اللهم أجرني في مصيبتي وخلفني خيرا منها ..

[ابو اشهاب]

ادواة عندي طلعمرك هاذا البلف ايجيم مع الحرارة فك البلف ودق سلف وامش اذا ارتفعة الحرارة يبين ان الراس حق المكينة يبي مسح ويذا سلك ما يحتاج بلف اسئل مجرب ولاتسال طبيب

[المفكر1]

افحص الدسبنير الي دقام الرديتر يمكن مسدود وما يدش الهوه

[فارس7]

شوف ياخوي
قبل ماتسوي اي شي بالراس شوف الأشياء هذي واتأكد منها
1- شيك على طرمبة الماء.
2- شوف الخرطوش اللي يودي الماء الى الماكينة لايكون ضعيف ومع زيادة الظغط عالسيارة يمكن ينسفط ويلل سريان الماء من الرديتر الى الماكينة يعني ركب خرطوش من داخله سسته لولبية تمنع انسفاط الخرطوش.
3- شي يغفل عنه الجميع وهي الكنداسة وهي اثنتان وحدة يكون مكانها في مقدمة السيارة تحت اقدام الراكب ويسموها دبة الرصاص اغلب الأحيان تقفل الدبة وتمنع مرور العادم عبر الماسور للخارج ’والثانية الدبة الأساسية في مأخرة السيارة انتبه تكون مقفله (يعني يصعب خروج العادم من الشكمان للخارج
واعتقد الخلل يكون الخيار رقم 2 أو الخيار رقم 3 .

[طايربلي جنااح]

الموونر وااضح انه يخلط وشكرااا

[haaateeem]

ياخوي والله إن مشكلتك عويصه
لكن أقول شيك على الأستبنه يمكن ناقص هواها شوي
وإلا تدري حط لك حبتين فيفادول بموية المساحات
لا عاد إن جينا للصدق والله وأنا أخوك إني حاس بمعاناتك وما أقول إلا الله يعينك وينوم هاللحراره أو يرزقك البيعه الطيبه وياخوي
لايضيق صدرك والله ياكان معي شروكي من الهلوسه صرت أهوجس بالحرارة وأنا بالصلاة الله لايبلانا وعادي أحلم بالحراره مرتين بالغفوة
وما أرتحت إلا بعد بيعه مع العلم إني ماتركت شيء مازينته
والله لايوصلك ماوصلت له إن شاء الله
وتضبط حرارة موترك ويسوقه حفيدك إن شاء الله

[مودع الخلان]

صيخ وماجاك علي

[خيال الغلبا]

اذا كانت الحراراة ترتفع اثناء المشي فهذا في الغالب من المكينه

اما اذا كانت الحرارة ترتفع اثناء التوقف عند الاشارات فالأمر بسيط

[المماتوس]

يالربع الرجال يقوووولكم بعت الموتر !

[haaateeem]

يالربع الرجال يقوووولكم بعت الموتر !




يالمماتوس وراك معصب ياخووووك
اللي باع الموتر أبو أسولي وليس صاحب المشكله

[فارس7]

ليه معصب هذي معلومة للجميع اللي يبيها يأخذها

[aakolife]

أخي العزيز

تأكد من أمبير الحرارة لا يكون فيه خلل وانت ما تدري

طبعاً طريقة الكشف هي إذا إرتفعت الحرارة على كلامة أطفئ السيارة وافتح الكبوت وشاه هل هناك تفوير " يعني مفورة " أو ما فيه


أني عندي باذ فندر أمريكي ترتفع حرارته وتبين أن الانبير خفيف وجربت على سيارة ثانية عن طريق التوصيل من حساس الحرارة إلى إمبير الحرارة في سيارة ثانية واتضح أن الحرارة طبيعية بينما في سيارتي مرتفعة أكثر من النص .