اريد حلاً عاجلاً عاجلاً

[abureem]

اريد طريقه لفصل الدفع الرباعي المستمر في gxr موديل 98 قير اوتماتيك وتحويله الى دفع ثنائي فمن لديه الخبره اوتجربه لا يبخل علينا ولكم جزيل الشكر

[عميد سامودة]

وش قصدك ,, يعني الدبل عندك شابك على طول مايفصل ؟؟

[أبو عابد2000]

ياشباب أبو ريم قصده يبي يشيل الدبل كله براسه :)

[btb]

السلام عليكم
تقدر تفك عامود الدبل بس
وتخل الباقي في اي وقت ترجعه
وسهل طريقه فكه
هذا الى اعرفه اذا كان طريقه ثانيه يفيدونك الاخوان
تحياتي

[ابوعقل]

هذا الرابط

واقرا الموضوع كاااااامل

وان شاء الله تستفيد منه او انك تاصله بالكويت

http://www.mekshat.com/vb/showthread.php?t=184310

[abureem]

اشكر الجميع على المرور والردود القيمة يا اخوان ما كنت اريده في رد الاخ ابو عقل في موضوع الاخ DARK2 (http://www.mekshat.com/vb/member.php?u=91665)
هل فيه اهل اختصاص في هذا المجال بالرياض او القصيم وتقبلوا تحياتي جميعا

[هاوي موتري96]

اخوي الظاهر يركب عليه فرارات افضل لك من القروشه
كلها عند السليماني 550 وصلى الله وبارك وان شا الله يفيدونك الشباب

[faris2006]

ياخوي واحد من الشباب انكسر عنده الدفرنش الامامي غير الدفرنش وصاحب الورشة غير له ترس التفاضلي وخله يفصل انا ابكلمه وارد لك خبر قريبا

[abureem]

يا شباب نظام الدفع الرباعي المستمر او الدائم مشكلته مشكله اذا فكيت عمود الدبل ونزلته عن الموتر ما راح يمشي الموتر نهائيا وكذلك لو فكيت عكوس الدبل نفس المشكله
وكذلك تركيب الفرارات لانه لو فصلت الفرارات ماراح يمشي كانه بالفاضي . مافيه الا تبديل قير الدبل كامل بقير كامل دفع عادي يعني يكون الدبل انت اللي تتحكم فيه ( الدبل الخفيف -وكذلك الثقيل ) او مثل ما ذكر اخونا faris 2006 تغيير ترس التفاضلي
وان شاء الله يفيدنا الاخ faris2006 لان التجربه هي خير برهان ولكم الشكر جميعا .

[الشبل العجمي]

السلأم عليكم ورحمة الله أخوي

أنا عندي جي اكس ار 99
دفع رباعي يعني الدبل شغال على طوووول ويفصل فوق 60 الظاهر

المهم فكيت العمود حق الدبل وحطيت القير على D وكنه على الفاضي

مايمشي المهم فيه زر مرسوم علية شكل السيارة من تحت ظغطة ومشى الموتر بس دفع خلفي يعني(الشغلة سبطت) المهم كل شي تمام وبعد 3 شهور وانا راجع من الشرقية رايح للرياض سمعت صوت في السيارة مثل الطقطقة من تحت وخففت كنت امشي 170
خففت لـ 100

المهم زادت الطقطقة وفجة الموتر كنه يفضي ويعشق من كيفة

وقفت وشليت الموتر على سطحة

المهم رحت لأقرب ورشة وركبت العمود ح الدبل 60 ريال

المهم ظبط الدبل والحين لمشيت أسمع صوت قدام وخرب الدبل

والموتر ماهو مظبط أخف أسرع علية أكثر من 100

وحصلت الدبل كامل مع الرجيع 4ألف تشاليح الدمام

أنصحك لأتفك الدبل ..."


تقبل مروري

[هاوي كلاخ]

السلام عليكم ورحمة الله وبركاته
اخوي فك عمود الدبل اذا عادي يمشي الموتر ركب فرارات واذا مامشى رح للصمعاني بالقصيم يفصل الدفع المستمر اسئل مجرب ولاتسئل طبيب

وادعيلي

[abureem]

اخوي هاوي وين مكانه الصمعاني بالظبط وهل لديه خبره في هذا المجال جزاك الله خير

[سهيل تميم]

ركب فرارات ... ممتازه ومجربه ..

تلقاها عند السليماني بـ 550 مع التركيب

[abureem]

اخوي سهيل الفرارات لو ركبتها ما راح يمشي الموتر. يبقى. بالفاضي. لازم تشبك الفرارت واذا شبكتها ما تستفيد شي

[سايق الريم]

الجكسار بجميع موردينه من 98 الى2005 ماجاء دفع رباااعي

وشلاون عندك يسير دفع ربااعي لايكون طلبيه هع

من 2006 وفوق جاء رباعي مستمر

تأكد الله يحفظك موب تجي مدرعم شف الناس يفصلون قلت ابي افصل

[abureem]

اخوي سايق الريم ما اقدر اقول الا جزاك الله خير. وحاول تتأكد من كلامك وانا قابل للتحدي والرهن على كلامي قدام الشباب ونشوف من اللي جاي مدرعم.

[سوبر VTC]

اخوي ابو ريم
غربية ما يمشي الموتر
مع عمي جيسكار 2001 مركب فرارات و تمام لكنه قير عادي

اللي يفصل الدفع الرباعي
ورشة المبارك بالشفا
او ورشة العثمان سليمان بتشاليح بريدة
ورشته بمدخل طريق السكراب ادخل معه جنوب
تجي كبرة زرقاء
طبعا اخر ورشة من جنوب هي ورشة ابو عبدالله الصمعاني

هنا صور تروس نك فصلها حقات الدفع الرباعي م2008 ===> 37 (http://www.mekshat.com/vb/showpost.php?p=4265790&postcount=37)

رابط

طريقة فصل الدفع الرباعي المستمر .. ممكن أحد يفيدنا فيها ؟ ونستقبل ... (http://www.mekshat.com/vb/showthread.php?t=253041)




للفائدة

هذي تروس الدبل الصغيرة
اللي تخلي عمود الدبل دائما يدور
و ما يفصل ابد
مجموعة تروس صغيرة كما تشاهد
و تجي ايضا على الدينالي دفع مستمر
لكن بدون شبك حساس الدفرنس الامامي
اذا كان الدبل على وضع 2hi و ليس على وضع الاوتو

http://www.mekshat.com/vb/../pix/upload04/images164/mk53291_mfgmfdhbn.jpg


http://www.mekshat.com/vb/../pix/upload04/images164/mk53291_hteryhrjrjn.jpg



بخصوص ورشة المبارك

هذا راعي ورشة بالزلفي ===> 3 (http://www.mekshat.com/vb/showpost.php?p=3807173&postcount=3)

رد في موضوع سابق

المبارك يفصل الدبل
و له طريقتين
على حسب ماتبي

1
يركب فلنجة بنفس الدبل شغل يد ب750ريال
+ صوف ب150
تصير اذا ضغطت الزر اشتغل الخفيف
و اذا عشقت العصا اشتغل الثقيل

2
يركب لك جرم دبل او اغراض حقات جيسكار او جيب حوض او ربع
يصير الدبل يدوي :good:
اذا بغيت تعشق الخفيف تسحب العصا طقة وحدة
اذا بغيت الثقيل تنزل العصا لاخر شي
يكلف حول ال1800

طبعا احد اقاربي معه فكسار
و مسوي عنده الطريقة ال1
و الوضع الان تمام


مر على هذا الرابط قبل تجزم :)

طريقة فصل الدفع الرباعي المستمر .. ممكن أحد يفيدنا فيها ؟ ونستقبل ... (http://www.mekshat.com/vb/showthread.php?t=253041)




محله بالشفاء حول معارض السيارات حقات الشفاء

****************


السلام عليكم
أولا: نبدأ بالوقت .. يأخذ معه تقريبا إذا كان الرجال فاضي تحط الموتر الصبح تأخذه العصر .مع العلم إذا كان الدبل سليم من الصوف أو الحساسات أما إذا كان فيها مشاكل يأخذ وقت .
الشيء الثاني : يقوم الرجال وينزل الدبل ويفككه تفكيك كامل (تفليش ) ثم يطلع منه قطعه واحده تشبه الترس تكون صغيرة بحجم اليد تقريبا هذي القطعه هي اللي تخليه دفع رباعي مستمر ..طبعا يشيلها ويحط قطعه بدالها ويكون مسويها عند المخرطه ثم يرجع الدبل زي ماكان ...
ملاحظه :: الزر حق الدبل الخفيف والعصا حقت الدبل الثقيل مايلمس منها أي شيء ولا يغير منها شيء ويكون الدبل زي الجي إكس
طبعا الرجال اخذ علي 1200 ريال
800 ريال حقت شغل يده
400 ريال قيمه الصوف مع الحساسات حقت الدبل والريوس والدفلوك ..مع العلم خليته يفصل الدفلوك ويخليه يشتغل لحاله بدون ما أشبك الدبل الثقيل ...
أرجوا إني وضحت المعلومه

هذا الرد ===> 8 (http://www.mekshat.com/vb/showpost.php?p=3815306&postcount=8)

[abureem]

اشكرك أخي سوبر. أجابه كامله بالعكس تقرير وافي وشافي أكرر شكري. لك ولجميع الاخوان.