موضوعي اليوم غير (( للتنبيه ))(( والحذر))

[اصيل نجد]

صباح الخير لاخوانى اداره ومشرفين واعضاء وزوار اليوم موضوعي مختلف جدا (طبعا بعد اذا الاداره)عن الامور المكشاتيه اختلافا كليا والذي دعاني الى تنزيل هذا الموضوع هو محاوله بعض العماله اصحاب النفوس الضعيفه الى استغلال طيبتنا وعفويتنا بغض النظر عن مدى حلاله من حرامه ادخل بالموضوع بدون اطاله انا الله يسلمكم خرب عندي مكيف سبلت صار مايبرد طبعا رحت جبت فني (خبير) وبعد ماقام بفحصه واخذ الحراره والضغط افاد ان المكيف عنده القلب ( الكمبروسر) عطلاان:mad: قلت الشكوى على الله كم يكلف ياصديق قال غير كمبروسر مع تعبئه فريون مع نظافه كله 350 ريال بس قلت بعد بس انا لاحظت اول مافك المكيف حط عيار عنده له مؤشر مثل قياس الكهرباء يوم حطه على قطعه كبر كاستين شاي فوق بعض شفت المؤشر ماتحرك تكلم مع خويه بلغته ماني فاهم شي وراح وفحص الكمبروسر وقال عطلان لزم جديد:mad: قلت خلاص انا بعدين امر عليك الان انا مشغول يوم راح فكيت القطعه هاذي اللي ماشتغل الامبير عليها وديتها لواحد ثاني وقلت افحصها قال لزم تركب علي المكيف والله واروح لشارع الريل فيه محلات تبريد ورحت لورشه تبيع قطع غيار وعنده زحمه كثير قلت اكيد هاذا معروف وريتهم القطعه قالي قيمتها (20 ) ريال واسمها( بوبينه ) وانا موضح صورها قبل الفك وبعد مافكيتها المهم غيرتها وركبتها والمكيف ماشاء الله اخر تمام تبريد احسن من يوم كان جديد تبارك الله :good2: والصور تحت موضح فيها كل شي بس الحذر الحذر من الكهرب لزم تقفل الطبلون وبعد ماتخذ القطعه هاذى فرق الاسلاك عن بعض وافتح الطبلون ورح جب القطعه الله يحفظ الجميع من كل مكروه .:good: (( الحذر الحذر لاتكون يديك مبلوله عند العمل ))


هاذي البوبينه وقيمتها عشرون ريال مهمتها تقوم الكمبروسر زي وظيفه بوبينه اللمبه النيون بعد ماتولع اللمبه تنتهي وظيفتها


http://www14.0zz0.com/2010/06/13/06/322639374.jpg (http://www.0zz0.com)


وهاذا مقاسها بالنسبه للجوال


http://www4.0zz0.com/2010/06/13/06/839031349.jpg (http://www.0zz0.com)


وهذا مقاسها بالنسبه لاكاسه الشاهي


http://www4.0zz0.com/2010/06/13/06/156486790.jpg (http://www.0zz0.com)


هذا (العله) وهو راكب بالمكيف


http://www4.0zz0.com/2010/06/13/06/490426550.jpg (http://www.0zz0.com)


وهاذي صورته من قريب


http://www4.0zz0.com/2010/06/13/07/480430366.jpg (http://www.0zz0.com)


صوره اخرى





http://www4.0zz0.com/2010/06/13/07/203454051.jpg (http://www.0zz0.com)

[أبوعروب]

ماشاءالله عليك اخوي أصيل نجد ،ترى مشكلتنا طيبتنا الزايدة

[اصيل نجد]

هلا ابو عروب معليش مايضيع عند ربك شي على نياتكم ترزقون

[تاجور]

يعطيك العافية على النقل الجميل

طيبة وفتاشة بعض الأحيان

موفق

[NOYEB]

جزاك الله خير اخي اصيل نجد على هذا التنبيه والتحذير

[صاحب نوماس]

عز الله ان طيبتنا الزايدة هي المشكلة

[HUMAN]

الله يقويك أخوي اصيل نجد


انت تفوقت بذكائك ... الثقة بالعمال ذبحتنا !! وبعضهم استغلاليين حرامية 100 /100


موفق للخير

[خالدالعلي]

بارك الله فيك ورزقك من حيث لا تحتسب

[حزوبر]

أخي العزيز اصيل نجد
نفس مشكلتك حصلت معي في كبروسر السيارة باترول، ورحت ورشتين وقالولي تغيير كمبريسر
وربك وفقني في صناعية النسيم إلي خلف ماكس، بواحد باكستاني، بعد ما شريت الكمبريسر، وأبس اركبه، قالي عندك الرمان خربان قيمته عشرة ريال،وفيوز مكيف، والحمد لله شغال الأن على احسن حال

[راعي جيوب]

جزاك الله خير وماقصرت

[ابو الجمان]

بيض الله وجهك اخو اصيل نجد :good2:
جيت في وققتك انا عندي نفس المشكله
شكلي بسوي نفس الشي
الله يجزاك خير
ودي أسال هل كان المكيف تبريده خفيف او ما يبرد
تقبل مروري

[ابوفهيدان]

اصيل نجد انت ذيب :good2:
الله من واحد غيرك راحت عليه ودفع 350 ريال
وبعضهم يمكن دفع 100000 ريال حتي
الله لايوفق كل من غش
والمشكلة بنظرهم هالشغلة ماهي غش !!
يسمونها شطارة ولعبة سوق
ويتفاخرون بينهم العمال فيها حتي
ودك انك رجعت له وليخت عليه شوي

[الدوادمي11]

أخي اصيل نجد بارك الله فيك تدري انت جزاك الله خير وفرت على بذل الجهد عن البحث عن هذه القطعه وبكميات كبيره للجامع اللي قرب بيتي لأن هذه القطع تخرب باستمرار مع انطفاء الكهرباء واشتغالها وفقك الله والجميع لما يحبه ويرضاه

[رفيع المقام]

ما أقول إلا بيض الله وجهك وزين ما سويت

وخذها قاعده لا تثق في العماله الاجنبية.

يظهر لك أنه صادق بينما هو عكس ذلك.

[السامري1389]

ا
لله يعطيك العافيه دايما مواضيعك مميزه والله انك اصيل علي اسمك والله يعطيك 1000عافيه تستاهل 5نجوم

[عبدالرحمن305]

هلا وغلا بالعزيز اصيل نجد

وجزاك الله الف خير ورحم الله والديك

والمعلومات القيمه ومشكور على التنبيه

وكفيت ووفيت وعلومك كلها غانمه

لكم اجمل واعطر التحايا

[ابو شكاع]

الله لايهينك ياخوي على هالنصيحة وحبك للخير لإخوانك
وهالعمالة لو يحصل له يسلبك ثيابك مهوب بس فلوسك ...الله لايكثر من نفسه دنيئة
مشكور

[غرة سهيل]

بارك الله فيك على هالتنبيه ولا حرمك الله الأجر

[الربذي]

الله يجزاك خير فعلا الحين الكمبرسن مايشبك وتصليحه ب120 ريال لكن الحين ابي اصلحه بس شباك ماهو سبليت

[معهم]

بارك الله فيك وبيض الله وجهك وحنا منصوبين من هالعمالة لان احنا بصراحه مانتابعهم وهم يصلحون يشبك له واير ويقو غيرت وغيرت والله العالم,,,,,,,,,,,

[ابوصالح77]

يعطيك العافية

[هوايتي مكشات]

الله يعطيك العافية يالغالي

[bu hadi]

جزاك الله الف خير ورحم الله والديك

هذا ان دل فهو يدل على حرصك وفهمك وحبك للخير لأخوانك

هذة القطعة تسمى بو بينة في اللغة العامية لكن اسمها التجاري كابستر او كات اوت

وظيفتها يا طوال العمار هي تمرير الكهرباء الى الكمبرسر

يعني لو جا فولت عالي او كهرباء زيادة ماتخرب الكمبرسر تحترق هذي القطعة ولها جهد وفولت معين وتختلف بأختلاف انواع المكيفات

يعني اذا تبي تشتري لازم تشيل القديمة وتجيب مثلها

ووجب الحذر ثم الحذر ثم الحذر لاحد يتعبث ويحترق او يتشوط

الكهرباء جاية هذي القطعة دايركت بالجهد العالي لاحد يلمس القطعة الا وهو مقفل الطبلون او سويتش المكيف ترى مافيها لعب

وعند التغيير حدد بورقة وقلم اماكن الأسلاك لا تحوس الدنيا وتحرق المكيف

وعندك عليها سالب وموجب لازم تتكد من اللوان الاسلاك قبل ماتغير

تقبلو مروري

[أبو براك]

الله يعطيك العافية اخي اصيل

و أسال الله عز وجل أن يكتب لك الاجر ويجزيك خير الجزاء

وشاكر لك ما قدمته لنا في هذا الموضوع

من تنبيه وتحذير من بعض العمالة

التي همها فقط الربح التجاري ولا تخاف الله

[hehehe]

الله يوفقك

ليتك عاد رحت لة المحل وليختة بوحدتن مثل ذي

http://www.uaeec.com/vb/attachments/f35/1959d1161470547-a-a_3.jpg

[عنان نجد]

السلام عليكم ورحمة الله وبركاته
الله يعطيك العافية

[Raselny]

الله يعطيك العافية

[sultan911]

يأخي مافيه عقوبه رادعه لمثل هذا العماله والمصيبه لو تشتكي عند الشرطه قال الحمد لله على السلامه دامك عرفت مشكله مكيفك احمد ربك وخل غيرك يطيح في ايديهم انا مره اشتكيت واحد قريب من مشكلتك ويش الي صار رجع لي دراهمي وطلق سراحه يرجع لمحله وقلت ياخي بيغش غيري قال القانون لايحمي المغفلين
الف شكر اخي اصيل على التنبيه وياليت كل الشباب الي تصير معهم مثل هذي الحوادث يعرضونها

[أبو مها]

جزاك الله خير يا اصيل نجد
حصلت معي مشكلة قبل اسبوع
وجاني مندوب شركة دايكن وقالي
الخراب عندك من المروحة والمنظم
وقيمتها بالشركة 1500 ريال ولكن ممكن أوفرها
لك بسعر 950 ريال رفضت وجبت باكستاني من محل قريب
من بيتى وفحص وحدة السبلت الخارجية وقالي شغل المكيف
وبعدين ضرب المكيف من الجهة المعاكسة للمروحة بيدة
وطلع غباااااار كثير جدا وفتح الوحدة وقالي يحتاج بويبينه
ولا توجد الا بالوكالة قلت شكرا انا اروح اشتري البويبينه
وأكلمك، الشاهد بالامر بنفس الليلة تلحفت ببطانية من شدة البرد
والسبب كان الغبار المتراكم على المروحة

شكرا لك أخي أصيل نجد
وننتظر قادمك الجديد والمميز



أخوك أبو مها

[VXR.2007]

بارك الله فيك وماقصرت على التنبية

[grdan]

بيض الله وجهك ورحم والديك على هـ النصيحة والتجربة التي نورتنا بما خفي علينا

[اصيل نجد]

السلام عليكم ورحمه الله وبركاته اولا واخيرا اشكر كل من رد على موضوعي كذلك اشكر كل من قراء موضوعي والمهم ماهو الرد المهم العبره ولازم ننتبه لكل صادره ووارده ولا نسلم للعماله امورنا ونقول متوكلين على الله صحيح من توكل على الله ماخاب لكن( اعقلها وتوكل) لاانه ياجماعه الموضوع ماهو خساره فلوس وبس الشي اعظم من كذا فيه حاجات كثير ماتتعوض تحياتي لكم وادعو الله يحفظكم من كل مكروه .وصلى الله على سيدنا محمد

[abowafi]

بارك الله افيك اخي اخي العزيز

[درباس فرناس]

الله يبارك فيك ويجزاك كل خير على نصحك لأخوانك
والاعظم من هذه العمالة هم الوكالة الجشعين
ومثل ماقال ابومها عن وكالة دايكن
كان عندي انسداد بسيط في تصريف المياه داخل مكيفين سبلت دايكن وطلبت صيانة الوكيل فقال خروج الفني مائتين ريال للفحص فقط قلت أنا عند مكيفين يعني يأخذ مائتين على الزيارة قال :.........معصي
بل يأخذ مائتين ريال عن كل مكيف يعني اربعمائة ريال كل ريال ينطح ريال
قلت له : يامفتري أكبر طبيب استشاري جلس يدرس في تخصصه 15 سنة وله خبرة أكثر من ثلاثين سنة وكشفيته على المريض ماتزيد على 150 أو قل مائتين في اسوأ الحدود
وأنتم يا وكالة الغفلة تطلبون 400 ريال على زيارة فحص لعامل ماعنده حتى شهادة ابتدائية
وفي النهاية اقتنعت أن الشخص لا يضيع عمره في الدراسة تأخذ ستة عشر من عمره وفي النهاية موظف مايجي أجر يوم من عمله أجرة ساعة من عمل عامل فلبيني
وبين وبينك أفضل حل للتكييف هو
عطي الله
المكيف الصحرواي ما يحتاج فني ولايحزنون
وسلامتكم

[abo_hoor]

الله يجزاك خير على هالموضوع
المهم وماقصرت والله
موضوع يستحق تثبيت والله

[موراكوت99]

مشكور واسئل الله ان ينفع فيك اخواك اهل المنتدى عندنا يسمونها تماتيك

[صقرحايل]

الحمد لله رب العالمين
شكر لك على الموضوع والله يارجال ياكم مكنسة كهرب راحت على وعليكم واذا جيت العامل يقول دينمو خربان لازم غير با250 والى خربان ماهو الدينمو هن الفحمات وقيمتها 10 ريال
واى واحد تخرب عنده مكنسة الكهرب
قل للعامل شفلى الفحمات وانت تعرف اذا كانت ممسحه والله نه علمنى لها واحد من العيال ووديت مكنسه لم العامل وقال دينمو ووديتها لم ثانى وقلت شف الفحمات وقالى فحمات خربانه
وغيرها با15 ريال مع شغل يديه شوفو
الفرق ارجو الانتباه

[هويدي]

بيض الله وجهك

عندي سبلت خربان ابغير القطعه ولي رجعه اذا ضبط إن شاء الله

[اصيل نجد]

بيض الله وجهك

عندي سبلت خربان ابغير القطعه ولي رجعه اذا ضبط إن شاء الله

هلا اخوى هويدي مساك الله بالخير اذا تبى تغير القطعه خذ القديمه علشان تاخذ على نفس الرقم وبعدين رح لشارع عمر المختار (شارع الريل) سابقا فيه عند تقاطع طارق بن زياد ورشه تبيع قطع غيار اسمها الورشه الفنيه للتبريد ترها رخيصه وتشوف عندهم زحمه تشوف كل راعين محلات التبريد عندها يخذون قطع غيار واطلب خصم لو تاخذ بريال قله وين الخصم انا عميل وعلمني ويش صار بعد تركيب القطعه وانتبه افصل الكهرباء من الطبلون قبل التركيب الله يحفظك

[مـاجـد الحـمـيـد]

الغالي / أصيل نجد . .

بيض الله وجهك . . وجعل هذا العمل في ميزان حسناتك

بالفعل . . اصحاب المحلات يختلوا من ناحية الامانه والصدق . . لذا يجب على الواحد . . يقف على محلين او ثلاثه ليتأكد من السعر . . ~

الله يحفظ الجميع . . ويصخر لهم من يخدم لهم الخدمه المرضيه . . وبالسعر المناسب . . ~

تحياتي . . / /

[وطن6001]

الله يجزاك الجنة

[اتجاه السحاب]

بيض الله وجهك ماقصرت

[محمد.]

والله ياجماعة الخير العمالة مالهم حل ناصبين علينا رضينا ام ابينا لكن ماعلى الواحد الا يقول ياساتر ويتحسب منهم قبل فترة شريت مكيف يورك والمكيف هذا وكيلة عبدالمحسن المحسن الظاهر المهم بعد فترة صار يطلع صوت وكان جاري عنده فني مكيفات وخليته يمر علي قالي لا لا المكيف هذا لازم تفكه وتوديه للورشة اكيد كمبرسر في خربان القرقرة هذي منه خليته واتصلت على الوكيل جاني ولد سعودي سالني بس هذا الصوت قلت نعم وهو واقف سحب المكيف وشد مسامير اللي مثبته الكمبرسر بالجرم ورجعه وشغلة مره ثانية ولاصوت ولاهم يحزنون نسمه لاقالك نسمه لا وجيت ابغى اعطية اتعابه قالي اتعابي انك توقع انه تم العمل بنجاح لي في الورقة اللي معي وشكرا

[الرحال2222]

للاسف على طيبتنا وعلى كثر ما يفسدون الاجانب عندنا تلقاهم يكرهونا ويحسدونا لابعد حد ولنا بمصر عبرة

[ويكو]

عوافيييييييييييييييييييييييييييييييييييييييييي

[a7md07]

والله ياجماعة الخير العمالة مالهم حل ناصبين علينا رضينا ام ابينا لكن ماعلى الواحد الا يقول ياساتر ويتحسب منهم قبل فترة شريت مكيف يورك والمكيف هذا وكيلة عبدالمحسن المحسن الظاهر المهم بعد فترة صار يطلع صوت وكان جاري عنده فني مكيفات وخليته يمر علي قالي لا لا المكيف هذا لازم تفكه وتوديه للورشة اكيد كمبرسر في خربان القرقرة هذي منه خليته واتصلت على الوكيل جاني ولد سعودي سالني بس هذا الصوت قلت نعم وهو واقف سحب المكيف وشد مسامير اللي مثبته الكمبرسر بالجرم ورجعه وشغلة مره ثانية ولاصوت ولاهم يحزنون نسمه لاقالك نسمه لا وجيت ابغى اعطية اتعابه قالي اتعابي انك توقع انه تم العمل بنجاح لي في الورقة اللي معي وشكرا


تكفى عطني رقم وكيل مكيفات يورك عندي مكيف جديد ماكمل 3 شهور وخرب ابي اكلمهم تكفى الرقم لاهنت

[حلم البحر]

أخوي اصيل نجد الله يجزاك خير
على التنبية والتحذير فعلا ياكثرهم الي يستغلون بالطريقه
يعلم ان المشكلة بسيطة ويذكرشي اخرليحص على مال اكثر اشكرك أخوي على الطرح
تحياتي لك

[ابوفهد سليمان]

بارك الله فيك اخوي اصيل نجد في جهدك ومالك

[الظافر]

بارك الله فيك وكم واحد منا راحت عليه فلوسه نصب من زود طيبتنا وكذب العمال

[محلات الكشاتة]

الله يجزاك خير
على هالموضوع والتنبية
وتشكر من القلب

[مكتشف الهوات]

طيب وش سبب عدم تبريد المكيف السبليت اذا زودت البرودة اقل من 25 يفصل الكمبرسر

[ا ببوعبدالعزيز]

الله يجزاك كل خير

انا سووبي مثلك الاولة الظاهر لعب علي وقال تغيير كمبوسر ت الظاهر 500 ريال والثانية الله اللهمني وعيت عليه وقلتله ابروح اشوف محل ثاني قال لا يمكن هذي بويبينه وطلعت بويبينه
وراحت فلوسك ياصابر

[أبو كريم 91]

الله يجزاك خير يا اصيل نجد ويبارك لك في مالك وولدك

[عبدالله العقل]

شكرا الجميع

[انسان مو بسيط]

السلام عليكم ورحمة الله
انا بختصر لكم قصتي مع ورشة مكيفات
عندي مكيف من سنة جدي الله يرحمه قدددديم المهم وقف مره وحده ورحت لورشه وما قصرو جاء العامل ونطل دا المكيف على ضهره وراح
رجعت له العصر خير يا صديق ويش المشكله؟؟ قال بابا لازم مروحه جديد!!!!
قلت طيب بكم ؟؟ قال انا يجيب واحد اصلي بس 250 ريال !!!
انا شكيت بسالفة ورحت لمحل قطع غيار للمكيفات وسئلت عن قيمة المروحه وخدو العجب العجاب !!!
قال لي ما في مروحه اصليه مكيفك قديم بس في صيني وقيمتها 100 ريال فقط !!!
رجعت للورشه وقلت له لا تصلح ما تسوى السالفه
ورحت لورشه ثانيه فيها سعودي الله يجزاه خير
فحص المكيف وقال لي السالفه كلها كبستر<بوبينه> وقيمتها 20 ريال !!!
يعني العامل الباكستاني بينصب على في اقل شي 300 ريال !!!
السوال هل نعتبر دي طيبه لو قلة وعي ؟؟؟
تحياتي للجميع

[ابو سيـف]

هلا بالعزيز اصيل نجد
بيض الله وجهك
وجزاك الله الـ 1000 خير
وعموماً نحن مستغلين من العماله من جميع النواحي
اشكرك على التنبيه وماقصرت
تحياتي لك

[جهق//حايل]

نفس القصه حصلت مع ولد خالي مكيفه خرب سبلت وجاب نفس الشركة المصنعه للمكيف
وجاء فني الشركه وفحصه وغير البوبينه وراح وخذا حق طلعته 400 ريال
والبوبينه زي ماتكرمت بـ20:mad:

والحين نص البضاعه صينيه والي خويي يحلف لي يعرف له واحد مدير مصنع بالصين
يقول بضاعتنا الي تجيكم ممنوعه منعا باتا تدخل امريكا لانه تعتبر غش للمواطن
وحنا الله لايبلا لارقيب ولا حسيب
الله يعين بس وشكرآآآآآآآآآآآآآآ على التنبيه

[حب لاينتهي]

بارك الله بك

مشكوووووووور

[جزر العرب]

جزاك الله خير وكثر الله من امثالك

[وحيد الليل404]

يعطيك العافية

[FORD1969]

السلام عليكم ورحمة الله
انا بختصر لكم قصتي مع ورشة مكيفات
عندي مكيف من سنة جدي الله يرحمه قدددديم المهم وقف مره وحده ورحت لورشه وما قصرو جاء العامل ونطل دا المكيف على ضهره وراح
رجعت له العصر خير يا صديق ويش المشكله؟؟ قال بابا لازم مروحه جديد!!!!
قلت طيب بكم ؟؟ قال انا يجيب واحد اصلي بس 250 ريال !!!
انا شكيت بسالفة ورحت لمحل قطع غيار للمكيفات وسئلت عن قيمة المروحه وخدو العجب العجاب !!!
قال لي ما في مروحه اصليه مكيفك قديم بس في صيني وقيمتها 100 ريال فقط !!!
رجعت للورشه وقلت له لا تصلح ما تسوى السالفه
ورحت لورشه ثانيه فيها سعودي الله يجزاه خير
فحص المكيف وقال لي السالفه كلها كبستر<بوبينه> وقيمتها 20 ريال !!!
يعني العامل الباكستاني بينصب على في اقل شي 300 ريال !!!
السوال هل نعتبر دي طيبه لو قلة وعي ؟؟؟
تحياتي للجميع


قله وعي وعدم ثقتنا بأنفسنا وبقدراتنا :mad:

وهذا الشي ولد انطباع سيء عنا لدى العمالة

[عبدالله العامر3141]

مشكوررررررررررررررررر

[تميم2222]

جزاك الله الف خير يا اصيل ... وكثر الله من امثالك

[أطلال نجد]

عودتنا دائماً على كل ما هو مميز و جميل

قواك الله و جزاك الله عنا كل خير أخي أصيل نجد

[فهدابوبندر]

الله يرحم والديك والدينا والمسلمين اجمعين

[الدردعة]

جزاك الله خير اخوي وصدقت في ما قلت بس عندي اقتراح لو سمحت لي وهو .
ليش ما تكون اكياس الأغراض اللي مع الكشاتة ورقية وليس بلاستيكية لان البلاستيك ولا يخفى عليكم انة صعب التحلل ام الورق ممكن بسهولة حرقة .

ملاحظة :
وما يزيد ويثبت كلامي ان بعض الأخوان الكشاتة يقومون جزاهم الله خير يقومون بجمع المخلفات في كيس بلاستيكي في نهاية الرحلة ويترك في نفس المكان ومن ثم تأتي الحيوانات والقوارض فتقوم بتمزيقة وتنتشر كل المخلفات في الموقع من مواد بلاستيكية وغيرة .


ولك تحياتي

[ابو صالح 4]

السلام عليكم
ياخي احيي فيك عملك بيدك بس ودي اسال وين القاالنوع الكوري لاني رحت لحقين المكيفات قالو لي ما تلقاه الا عند الوكيل امل الرد والسلام

[الواهج]

الله يعطيك العافيه هالخراب شائع في وحدات هيتاشي

عدم تبريد او شورت كهرباء استبدل القطعه وجرب قبل لاتخسر