المساعد الشخصي الرقمي

مشاهدة النسخة كاملة : ** سرداليات **


SRDAL
22/05/2005, 09:36 AM
السلام عليكم ورحمة الله وبركاته ...

تحياتي لجميع الأخوان الأعضاء في المنتدى وبدون تحديد .

وهذه اول مشاركه لي بالمواضيع بعد عودة المنتدى سالم وبصراحه ماكان لي نيه بطرح اي موضوع والسبب ان

في اكثر من موضوع راح على بسبب الأنقطاع بس المشكله ماقدرت مكشات في دمنا .

واحب ان اهدي لك هذي الصور المتواضعه واتمنى انها تنال على اعجابكم .


http://www.mekshat.com/pix/upload/images8/mk12787_DSC01312.jpg

الله يكفينا شر اسنانه

http://www.mekshat.com/pix/upload/images8/mk12787_DSC01314.jpg


http://www.mekshat.com/pix/upload/images8/mk12787_DSC01315.jpg



http://www.mekshat.com/pix/upload/images8/mk12787_DSC01321.jpg



http://www.mekshat.com/pix/upload/images8/mk12787_DSC01323.jpg



http://www.mekshat.com/pix/upload/images8/mk12787_DSC01334.jpg



http://www.mekshat.com/pix/upload/images8/mk12787_DSC01343.jpg



http://www.mekshat.com/pix/upload/images8/mk12787_DSC01346.jpg

ها بشرو انشاء الله الصور اعجبتكم .

اخوكم / srdal
FaHoOoDy23
22/05/2005, 10:38 AM
مشا الله عليك اخوي سردال خوش صور و خوش صيد و يعطيك الف عافيه و ما قصرت اخوي سردال حبيت اسألك جم سؤال اذا ما عليك امر ؟؟
1- هل السنوركل ممنوع بالسعوديه ؟؟ و اذا انا جايب اغراضي من الكويت يعني المسدس و العده كلها هل يطوفونها الحدود ؟؟؟
2- وين افضل الامكان حق الغوص سنوركل و حداق الاسياف بالشرقيه ؟؟
طبعا حبيت اسألك لانه مشا الله من اصورك امبين انه لك باع طويل اب هالمجال :) و يعطيك الف عافيه
فهد . الكويت
SRDAL
22/05/2005, 10:58 AM
حياك الله اخوي FaHoOoDy23 وهذه الساعه المباركه الي نشوف مشاركات من اخوانا في الكويت .

اول شي احب اشكرك على مشاركتك وردك على الموضوع واهم شي ان الصور اعجبتك .

ثانياً بالنسبه للسؤالين السنوركل مش ممنوع في السعوديه بس المشكله اماكن الغوص الخاصه بالسنوركل والا

السكوبا غالباُ ماتكون ممنوعه .

اما بالنسبه للعدة الغوص او المسدس يدخلونها عادي الجمرك سبق وان شريت عده غوص ومسدسات من خارج

السعوديه ودخلتها من الجمرك عادي .

بالنسبه للأفضل الأماكن لغوص السنوركل زي ماقلتلك من قبل اغلب الأماكن ممنوعه ... وللعلم الصيد بالمسدسات

المائيه عندنا بالسعوديه ممنوعه ايضاً .

بالنسبه لحداق الأسياف عندك كورنيش الدمام .

وللعلم انا ماني راعي حداق اسياف .

انشاء الله اكون افدتك .

تحياتي لك

اخوك / srdal
gulfhunter
22/05/2005, 11:28 AM
السلام عليكم ورحمة الله وبركاته

حياك الله أخوي ابونواف ..... والله انك منور الخيمه البحريه ........ عدل ماشاء الله هذا الصيد الطيب تستهل يابونواف ......... (بالعافيه).......

وفي أنتظار المزيد

Gulfhunter
FaHoOoDy23
22/05/2005, 11:36 AM
يعطيك العافيه اخوي سردال و ما قصرت على ردك السريع . يعني ما تنصحني اروح السعوديه و اغوص سنوركل ؟؟ و اذا بغوص اي مكان يفضل حق السنوركل و هل في اجراءات لازمه يعني مثل رخصه غوص او شي من هذا لازم اطلعه و الصراحه انا ودي اروح السعوديه لانه مشا الله صوركم اتعور القلب و الصيد مشا الله و الصراحه ودي اجرب الغوص اهناك عرفت اخوي سردال بس المشكله اني ما ادل :( و اذا في اماكن مو ممنوعه وين هالاماكن اذا تقدر تفيدني علشان نسويلكم موضوع اكشن شوي :) و يعطيك العافيه و ادري اني تعبتك معاي بس ما عليه تحملني شوي :)
رسلان
22/05/2005, 11:41 AM
ماشاء الله تبارك الله ...
صيد جيد ... موهبة جميلة واستعدادات أجمل ...
الله يهنيكم ... ويبارك لكم صيدكم ....
ولاتخلينا من هالحركات ,,, وبنتظار المزيد منرحلات الصيد ...
ولو فيه كاميرا تحت الماء تصورون أثناء الصيد ياسلام ....
عافاكم الله ....
MARINE
22/05/2005, 11:47 AM
السلام عليكم ورحمة الله وبركاته

ما شاء الله عليك اخوي ابو نواف عيني عليك بارده

الزين ما يجيب الا الزين تستاهل الصيد يابونواف

وانتظروني على الجديد ان شاء الله

تحياتي واحترامي لك

MARINE
SRDAL
22/05/2005, 04:55 PM
حيك الله اخوي بوعبدالله .

ها بشر انشاء الله الصور اعجبتك ترا بس عشان خاطرك .

والخيمه منوره بوجودك وبشبابها الطيبين .

وابشر بالمزيد تراهو موجود بس خلني اعطي غيري فرصه الى باخل علينا بالصور هو عارف نفسه زين .

على فكره في انتظار مواضيعك الشيقه .

بالتوفيق انشاء الله .

اخوك بونواف
SRDAL
22/05/2005, 05:04 PM
حياك الله اخوي / FaHoOoDy23 .

اخوي زي مافلتلك من قبل انا ما انصحك انك ماتغوص بالسعوديه انا اقولك ان الأجارئات مشدده عندنا يعني لازم

تعرف احد يوديك مناطق الغوص سواء ممنوعه او مش ممنوعه ولازم يكون عندك بطاقه الغوص بادي وبطاقه من

الثروه السمكيه للغواصين وفوق هذا كله استخدام المسدسات ممنوعه .

يعني بالعربي لازم يكون عندك واسطه علشان تقدر تغوص .

اتمنى اني قدرت افيدك .

وعلى فكره ودي انك تقولنا شخبار الغوص عندكم بالكويت وكيف الصيد والبحر عندكم الرئيه فيه واظحه ولا لا

وايش اكثر صيدكم .

تحياتي لك اخوي

srdal
SRDAL
22/05/2005, 05:08 PM
السلام عليكم ورحمة الله وبركاته .

حياك الله اخوي رسلان ومشكور على مرورك والله يجزاك خير على هالكلمات الطيبه .

وبشر بسعدك راح يجيك المزيد من هالحركات على قولتك .

وبالنسبه للكيمرا تحت الماي عن قريب راح تشوف تصويرنا تحت الماء انشاء الله تعالى .

اخوك / srdal
SRDAL
22/05/2005, 05:13 PM
السلام عليكم ورحمة الله وبركاته .

حياك الله اخوي بوخالد .

قصدك الزين مايعرف الا الزين طال عمرك .

واحنا في انتضار جديدك والله يستر منك .

والله يعطيك الف عافيه على هالكلمات الطيبه .

تحياتي لك .

اخوك / بنواف
المسفهل
22/05/2005, 05:22 PM
الصور أعجبتنا كل الإعجاب ..
ما شاء الله تبارك الله ..
أنا من محبي السمك ، وخصوصا إذا كان
طازج .. فلا تنسونا من سمكة أو سمكتين
وسنعوضكم بضب أو ضبين :p
FaHoOoDy23
22/05/2005, 05:59 PM
يعطيك الف عافيه اخوي سردال على ردك الوافي و انشا الله نقدر اندبر واسطه حق الغوص اهناك عندكم :) و
و بالنسبه حق الغوص بالكويت والله الغوص بالكويت تقدر تقول اماكن محدوده يعني مثل عندك الزور و جزيره قاروه و جزيره ام المرادم و جزيره كبر و طبعا تقدر تغوص اب اماكن وايد مثل القطع الي نحدق فيها او الارياق و في طبعانات بالكويت همن تقدر تغوص فيها و بالنسبه للرؤيه والله شمال الكويت الرؤيه فيها كلش مو واضحه اما بالنسبه للجنوب فالرؤيه فيها 100% بس طبعا كله يعتمد على المايه نفسها اذا كانت حمل ولا فساد و اذا كان فيه موي و بالنسبه حق الصيد الحمد الله في هوامير و بواليل و دويلميه و جنعد و شعاري و فسكر و سبيطي و امزيزي....الخ يعني نفس سمج السعوديه تقدر تقول بس بالنسبه حق الكميات يمكن اقل لانه عندنا الحداقه وايد بالكويت :) يعني بالعربي اغلب الكويتيين زفرين ;p ف كميه الصيد بالنسبه حق الغوص يمكن اقل شوي بس الصراحه الغوص بالكويت وناسه . اما اذا بتروح حق الحداق :) ما اقدر اقولك لانه كميه الصيد نفسها :) و مشا الله عندنا بالكويت الكل يحدق :)
ويعطيك الف عافيه و اتمنى اني قدرت افيدك اخوي سردال

فهد . الكويت
MARINE
22/05/2005, 07:59 PM
السلام عليكم ورحمة الله وبركاته

معليه انا بخيل عليك بالصور بس انت مو راضي تفهمني الله يهديك

ومشكور وما قصرت مع تحياتي لك بخيل الصور

MARINE
gulfhunter
23/05/2005, 07:31 AM
السلام عليكم ورحمة الله وبركاته


حياك الله أخوي بونواف ..... عز الله ماقصرت الصور على كيفك تستاهل .... وان شاء الله في انتظار المزيد من مشاركات وصور صيد الطيب.....وإذا كان على المواضيع أبشر....... إذا كان الواحد بعيد عن البحر ماله ألأ المواضيع :no:

وأبشرك خوينا نزل موضوع وتكرم علينا ........ بس أنت عطه فرصه وأبشر بالخير.....

GULFHUNTER
SRDAL
23/05/2005, 09:26 AM
السلام عليكم ورحمة الله وبركاته .

حياك الله اخوي المسفهل .

الله يعطيك العافيه ومشكور وماقصرت واهم شي ان الصور اعحبتك .

واذا كان على السمك فبشر بسعدك اطلب وانا تحت امرك بس بدون ظبان ولى يرحم ولاديك :)

تحياتي لك اخوي

srdal
SRDAL
23/05/2005, 09:34 AM
اخوي FaHoOoDy23 تحياتي لك .

مشكور وماقصرت على ردك بصراحه كفيت ووفيت .

وانشاء الله تقدر تدبرلك واسطه علشان تنبسط عندنا فبي بحر السعوديه وتستمتع بالصيد .

اما بالنسبه لصيدكم في الكويت تقريبا نفس الصيد عندنا بالسعوديه وعلى العموم الله يزيدكم من خيره ومن نعيمه

بس عندي سؤال انت قلت الأرياق ايش تقصد بالارياق او وشي الأرياق . هل هي منصات بترول .

وبالتوةفيق انشاء الله .

تحياتي لك .

srdal
SRDAL
23/05/2005, 09:39 AM
اخوي العزيز بوخالد .

اول شي ماعاش الى يقول عنك بخيل وبعدين انا فاهمك زين لاتقول موفاهمك الله يهدينا وياك بس السالفه تشويق .

وبعدين ياخوي لا تزعل علينا ترانا مانقدر على زعلك يا بوخالد .

وعلى العموو احنا في انتظار صورك الحلوه .

تحياتي لك اخوي بوخالد

اخوك بونواف
SRDAL
23/05/2005, 09:50 AM
السلام عليكم ورحمة الله وبركاته .

حياك الله اخوي بوعبدالله .

بصراحه الواحد يكون مبسوط لما نواخذه زيك وزي بوخالد وغيركم من النواخذه يمدح او ينبسط على الصور وهذا

اهم شي عندي . وذا كان على المويد من الصور فبشر بسعدك قريب انشاء الله طلباتكم اوامر .

وزي ماقلتلك في انتظار مواضيعك الشيقه ...وياخوي لاتزعل انشاء الله بتروح البحر وبتنبسط كلش ولازعلك

شسالفه الشباب قاعد نراضيهم مراض .

وترا خوين يابوعبدالله موهب هبين وتراه كريم انتبه بعد لايزعل علينا الحين .

والله يوفق الجميع .

اخوك / بونواف
gulfhunter
23/05/2005, 11:09 AM
هلا والله اخوي ابونواف راعي الزين......... ابشر بالمواضيع(ماعندنا الأهي) :p وعز الله خوينا كريم مثلك وشرواك.......


GULFHUNTER
SRDAL
23/05/2005, 11:13 AM
حياك يابوعبدالله .

شرواك الطيب واحنا في انتضار مواضيعك الزينه .

تحياتي لك

اخوك / بونواف
MARINE
23/05/2005, 12:35 PM
السلام عليكم ورحمة الله وبركاته

الله الله الله الله

انا قايل النواخذه الكبيره ما تقدر في بعضها الله يسلمك

وطول لي بعمرك وان شاء الله ابشر بالجديد على طول تحياتي لك

MARINE
بنيللي
23/05/2005, 12:54 PM
صبحك الله بالخير أخوي / سردال

ما شاء الله عليك صايد وفايد ان شاء الله .
سؤالي طا عمرك : هل الغوص هذا في الشرقية اذا كان نعم هل جربت السفانية وراس مشعاب ؟
تراني واحد من الناس إلي دائما أغوص في المناطق عندي ترخيص من المملكة وأدخل هالمناطق وتيمكن شفت صوري في المنتدى بعنوان ملك السبيطي . اما عن غوص الكويت فدائما اروح للسبيطي بشكل مستمر يعني كل يومين ثلاثة لازم اروح وأجيب غداي . بس اذا للوناسه اروح للمنشآت البترولية او المنصات البترولية كما تسميها واصيد كنعد وديلمي .
وإذا بتشرفني بالكويت وتجرب الغوص حياك الله بأي وقت بس كلمني قبل لا تجي علشان نشوف الأحوال الجوية والتيارات المائية .
رقم هاتفي هو 00965-7622255 خالد
FaHoOoDy23
23/05/2005, 01:57 PM
يعطيك العافيه اخوي سردال و مثل ما قال اخوي بنيللي المنصات البتروليه نسميها بالكويت الارياق و فيها خير و اتمنى اني اكون وظحتلك و يعطيك الف عافيه:)
SRDAL
24/05/2005, 10:20 AM
السلام عليكم ورحمة الله وبركاته .

صبحك بالنور والسرور اخوي بنيللي .

تحياتي لك وكل اهل الكويت .

اول شي اشكرك على المشاركه في الموضوع واهم شي ان الصور اعجبتك .

نعم هذا الصيد عندنا في الدمام وبصراحه ماجربت لا السفانيه ولا راس مشعاب . وعلى فكره كيف الصيد في

هالمنطقتين .

ماشاء الله عليك عيني عليك بارده صيدك وصورك في كل مكان مو بس في المنتدى شايفها في كذا موقع .

وانشاء الله راح تشرفنا في السعوديه قبل بعدين راح انشرف في الكويت .

وبالنسبه لرقم جوالي راح ارسلك اياه على الخاص .

تحياتي لك

اخوك / srdal
SRDAL
24/05/2005, 10:26 AM
السلام عليكم ورحمة الله وبركاته .

صبحك بالنور والسرور اخوي بنيللي .

تحياتي لك وكل اهل الكويت .

اول شي اشكرك على المشاركه في الموضوع واهم شي ان الصور اعجبتك .

نعم هذا الصيد عندنا في الدمام وبصراحه ماجربت لا السفانيه ولا راس مشعاب . وعلى فكره كيف الصيد في

هالمنطقتين .

ماشاء الله عليك عيني عليك بارده صيدك وصورك في كل مكان مو بس في المنتدى شايفها في كذا موقع .

وانشاء الله راح تشرفنا في السعوديه قبل بعدين راح انشرف في الكويت .

وبالنسبه لرقم جوالي راح ارسلك اياه على الخاص .

تحياتي لك

اخوك / srdal
SRDAL
24/05/2005, 10:29 AM
السلام عليكم ورحمة الله وبركاته ..

حياك الله اخوي فهودي ومشكور وماقصرت على الأجابه والافاده .

وبالتوفيق انشاء الله .

اخوك / srdal