يا شاص جيتك ناوي اليوم أعزيك

[أبو سعـــد]

السلام عليكم ورحمة الله وبركاته


تحية عطره أخواني المكشاتيين :heart:

هذه قصيده لأحد الشعراء المتميزين صراحه . بعد ماقريت هالقصيده له كبر براسي وقصيده جايه بالصميم على ما يقولون .


http://www.mekshat.com/pix/upload/images8/mk12663_43.jpg http://www.mekshat.com/pix/upload/images8/mk12663_21.jpg
[[/img] http://www.mekshat.com/pix/upload/images8/mk12663_123231.jpg


يا شاص جيتك نأوي اليوم أعزيـك
........................قرب يجيك الموت حـان ارتحالـك
من يوم شفنا لابس ألكـاب راعيـك
.......................مدري وش اللي غير اليـوم حالـك
أبـو سبيـب كنهـا شكـة الديـك
.........................يمشـي وكنـه مـوردك للمهالـك
إن كـان ذا حالـك فحنـا نخليـك
.........................عقب الربـع قالـو ترانـا رجالـك
عقب الكوامري ولعبـن بالشرابيـك
.....................واليوم فوق الشاص عقب الكدالـك
مـا بـقـا الايقلبـونـك تماتـيـك
.......................ويبـدلـون ألمرتـبـه بالمـدالـك
مادام حطولـك جنـوط وسيراميـك
.......................اصبر وتحمـل كـل شـي ينالـك
يا للي ركبته وش تبـي بالمهاليـك
.....................غلطان أبوك اللي رضا وشترا لـك
الشاص ماهو لك ولا هـو باغيـك
...................الشاص للرجال اللي تعرف المسالك
لصار جـو البـر يمخـش اياديـك
.......................خله يجـي قرمـن يسوقـه بدالـك
مدام طوقك مرتفـع عـن علابيـك
.........................وأبـوك زود بالنعـومـة دلالــك
عز الله إن أبوك ما عـرف يربيـك
.....................ولامسك نصب المساحـي بشمالـك
لمـع وضلـل صافيـات الشبابيـك
....................ولا يفارق الفيري مع الوقـت بالـك
الشاص مالك به أقصار خطاويـك
........................حـدك الدائـري وهـذا مجـالـك



عزاي لطير شلوى



تقبلوا تحياتي

[المطلق]

يعطيك ألف ألف ألف ألف عافية على القصيدة اللتي بردة كبدي في هالشباب اللي بس يستخدمونه في الكشخة وبس

مشكور وما قصرت وهذا قليل في حق اللي يستخدمه لغير البر

بداية قوية وإلى الأمام

[صلاح الدين]

صح لسانك و"لا فض فوك" بالعربي الفصيح

الله يعطيك االعافية


صلاح الدين

[اسيزو 4x4]

سلمت يمينك وصح لسان الشاعر الي قال القصيدة

الصراحة برد قلبي

ويازين الشاص لهلة بس

وياشين الشاص إذا ركبة أهل الكاب

يعطيك ألف عافية يالغالي

[ريف النشاما]

مشكور يابو سعد على هذا النقل لهذه القصيده الرائعه

ووسع صدرك وأركب شاص


إلا أنت وين أنت طامر عقم الحره ...... وش عندك ....أرينبات هاه.....ولا..... :confused:

تراني ........ :director:


ومشكور مرة أخرى على المشاركة

تحيتي

[أبو سعـــد]

الله يعطيكم العافيه على المرور والرد


أخ ريف ... يعلم الله هالجيب ( المرحوم ) مادخل الحره إلا بتصريح


تحياتي

[ناصح]

الشاص ماهو لك ولا هـو باغيـك
...................الشاص للرجال اللي تعرف المسالك
لصار جـو البـر يمخـش اياديـك
.......................خله يجـي قرمـن يسوقـه بدالـك

صدقت و صح لسانك

[الحر المسومر]

مشكور على القصيده الزينه

[أبو سعـــد]

صح بدنكم . ومشكورين على المرور


تحياتي

[v..x..r]

يعطيك العافيه يا بو سعد

نشكرك على الموضوع الرائع

اخوك v..x..r

[الاباتشي]

الله يعطيك العافية يابو سعد
والله ياهي قصيدة تبرد الكبد

[الضاحي]

صدقت يا ابو سعد وصح لسان القايل وجزاك الله خير على النقل الرائع