يا أهل البر تفضلوا عندنا في الخيمه البحريه

[MARINE]

السلام عليكم ورحمة الله وبركاته

حياكم الله وبياكم اخواني اعضاء مكشات

حبيت آخذ استفساراتكم وآرائكم حول قضية البر والبحر

يعني اذا تقابل البحري والبري مع بعض يقول البحري البحر افضل من البر والبري يقول العكس

فحبيت اطرح تصويت على الشباب ايش يفضلون البر او البحر

مع احترامي للطرفين البحري والبري

وخلونا نشوف تصويتكم

تحياتي لكم

MARINE

[القصير]

انا افضل الاثنين لان في الصيف مالك الا البحر والغوص

والربيع والشتاء مالك الا البر والقنص

وتعرف الفرق بين الافصلين كبير فما تدري تروح فاجمع بين الاثنين احسن شي

[اسيزو 4x4]

انا أفضل البر في كل وقت

و البحر جميل بأهلة النشاما والطيبين


.

[gulfhunter]

السلام عليكم ورحمة الله وبركاته

حياك الله أخوي ابوخالد...... طبعاً الصيد في البحر والبر ... مشوق وممتع.... وأعتقد من رأي المتواضع ان صيد البحر يكون أفضل وأكثر امتاع خاصتاً إذا كان حداق وماتدري وش اللى بتصيد .......

لكن الموضع صعب يابوخالد .... .......

Gulfhunter

[مــاجــد]

السلام عليكم ورحمه الله وبركاته
الحقيقه اخوي MARINE كل شي له وقته يعني انا اشوف ان البر في الصيف

ماله طعم حر وموت :hot: الا بالقنص والبحر في الشتاء ماله طعم ولا تنبسط فيه زي الصيف

يعني انا بالنسبه لي جربت كنا مره معيدين عند احد الاقارب في جده المهم الرجل

رازقه الله وعنده يخت وكنا نطلع فيه كل يوم بعد صلاه الفجر ونحوم في ذالبحر الين الساعه 8الحقيقه

انها لحضات لا توصف وبرضو مره طلعنا من خور جده الين دره العروس بحر بالليل واذكر اننا اخذنا تقريبا

ساعه الاعشر او ساعه بس الحق يقال البحر بالليل شي ثاااااااااااااني

وشعور البحر يختلف عن البر

البحر تحس بالاسترخاء والفراغ مع النفس عكس البر هبه ريح

وشبه نار وعلوم سفره (رجال شرواكم) وهذا يسوق الدله وهذا يقطع البصل وهذا يطبخ

اما البحر انا من وجهت نضري احس انه استرخاء مع النفس

والـــــــســــــــــلام

تــحــيــاتــي

مــاجــد

[المربد]

يبدولي الخيار صعب لأهل الرياض والوسطى عموما.
حيث المقارنة بين شيئين غير متوافقين بالنسبة لنا .
اما اهل الساحل فلهم الحق في المقارنة والتصويت.
انا بالرياض واود لو انزل البحر ولكن ... اقرب بحر 400كلم.

[SRDAL]

السلام عليكم ورحمة الله وبركاته .

حياك الله اخوي بوخالد .

بصراحه موضوعك شيق وزي ماقلت الناس يختلفون فيه عن ارائهم الي يحب البحر اكثر والي يحب البر اكثر .

ولاكن انا من ناحيتي واقولها بالفم المليان .


صيف ولا شتاء انا بحري والله لا يغير على

تحياتي لك

اخوك / بونواف

[gulfhunter]

نعم اخوي سردال البحري

خلاص هذا أسمك الجديد

سردال البحري

[SRDAL]

حياك الله اخوي بوعبدالله

انا طال عمرك تحت امرك الى تبي تسميني سمني .

بس على فكره اسم سردال الحاله متعلق بالبحر يعني مايصير اتسميني سردال البحري .

ومعناه . منقول

السردال .. قائـد الأسـطول :

هو أكفأ النواخذة وأقدمهم وأكثرهم خبرة ودراية في الحسابات وأماكن الهيرات وأعماقها وعلى معرفة بالشمس والنجوم والعلامات الموجودة على الساحل ، وهو الذي يقوم بقيادة جميع سفن الغوص إلى المغاصات ، ويعطي الأوامر ببـدء موسم الغوص ونهايته ، وجميع السفن تلتزم بالمواعيد التي يحددها السردال في "الركبـة " أي ابتداء الغوص و"القفال" أي انتهاء رحلة الغوص .

تحياتي لك اخوي بوعبدالله

اخوك بونواف

[طحنون]

اثراء طيب من شخص اطيب
بالنسبه لي شخصيا
البحرفي فصل الصيف وبين البرادين
والمربعانيه يازينها في البرفي موسم الامطار والربيع والقنص وكل شي في وقته حلو
الشتاء في البحر لصيد الكنعد ;)

[سفير الجزيرة]

أخوي Marine

في الغالب ان الذي عند البحر وعايش عند البحر أكيد ما يحب إلا البحر ..
وكذلك اللي عايش في الصحراء وفي البر ولا حوله بحر أكيد ما يحب إلا البر ...

[الخضر]

وش الفرق بين الروضة والفيضة

[gulfhunter]

السلام عليكم ورحمة الله وبركاته

هلا بك ابونواف قائد الأصطول البحري ...... تكفى ابونواف ودي اروح للصيد الأسبواع هذا وابي منك تقولي شخبار النجوم تبشر بخير..... :j

صدقيني أنت أكفاً...............

GULFHUNTER

[SRDAL]

السلام عليكم ورحمة الله وبركاته ..

على فكره انا لما ارسلتلك معنا الأسم ارسلتلك اياها بس علشان تعرف ان اسم سردال متعلق في البحر .

وطبعاً انت ماشاء الله عليك ماكذبت خبر قمت توجه اسئله كانس انا السردال فيما ينطبق عليه بالضبط يعني استقليت

الموقف وقمت تسئلني عن النجوم وعن دخلات البحر ... وخليتني انا الأكفئ . :no:

انا راح اجاوبك بس مو الحين ولا تسئلني متى .

تحياتي لك .

اخوك بونواف

[gulfhunter]

هلا بك ابونواف ابداً خذ راحتك ومتى حسيت انك جاهز اطبع وبعدين أعتمد الرد

[MARINE]

السلام عليكم ورحمة الله وبركاته

تحياتي لكم جميعا واشكركم على اثراء الموضوع وكل شخص

قال اللى في خاطره او صوت باللي يفضل

ام انا سأقولها وبكل فخر انا بحري للأبد وعلى مدار السنه وفي اي وقت واي مكان

وانا قايلك يا ابوعبدالله ان خوينا ابونواف نوخذه وهو توه اعترف بلسانه

لا ونوخذه كبييييييييييييييييييييييررر بعد

تحياتي لكم جميعا واتمنى اني اسمع آراء الاعضاء الاخرين

MARINE

[القصير]

الا مختار الاثنين يطلق عليه

برمائي

[الطعس الذهبي]

بر بر بر بر بر بر بر بر بر بر

بر بر
ولا يمكن بحر

[هاوي الشمال]

متعة الصيد وحدة في البر والبحر فكل شيء له وقت فأنا أفضلهم جميعاً

[MARINE]

السلام عليكم ورحمة الله وبركاته

حياكم الله اخواني

هاوي الشمال ، الطعس الذهبي

ما شاء الله عليكم كل واحد وهوايته

وكل واحد فيكم ادلا بصوته ورأيه تحياتي لكم

وان شاء الله نشوف ردود بقية الاخوه اوه نسينا ناخذ راي المشرف صقر

ياليت يسمعنا صوته

MARINE

[MARINE]

السلام عليكم ورحمة الله وبركاته

ها ماشفنا ردود باقي الاخوان ياليت يسمعونا اصواتهم

ويدلون بأرائهم وكل واحد يقول اللى في خاطره

MARINE