غوص في غوص

[gulfhunter]

السلام عليكم ورحمة الله وبركاته

الله يصبحكم ويمسيكم بالخير أخواني أعضاء مكشات وبالأخص الأعضاء المنورين في الخيمه البحريه بقيادة الميسترو ابونواف وابوخالد ...........

ودي نستفيد من تجارب اخواني النواخذه الكبار بالصيد بالبنادق البحريه............ يعني موضوعنا اليوم غوص في غوص ............. ياريت نتبادل التجارب والطرق ........ ونتكلم عن أفضل أوقات الغوص (المايه فوق أو قراح) وانتم رايحين ...... ولا ننسى أفضل انواع البنادق ...... مع توضيح إذا كان صيد في مياه مفتوحه أو صيد في قطع ...... بواخر طبعانا وأنت رايح................ ولا ننسى نتكلم عن الصيد بحد ذاته......

وان شاء الله نشوف تفاعل الشباب...... وابداعاتهم.........

Gulfhunter

[SRDAL]

السلام عليكم ورحمة الله وبركاته ..

انا قايلك يابوعبدالله ماشاء الله عليك دايم مواضيعك تعجبني يعنس حلوه وشيقه .

طبعاً راح ارد عليك بواقع خبرتي البسيطه والمتواضعه .

اول شي بالنسبه لأفضل اوقات الصيد يعني المايه بالنسبه للغوص يختلف عن الحداق والأختلاف هو ان الحداص

في وقت رشة المايه السمكه تطلع ترعى او حتى في ردة المايه ولاكن الغوص خاصه اذا كان في مناطق زي

باخرات غرقانه او قصاصير يعني مناطق مغلقه ماتفرق والسبب ان الغواص راح يدورها في كل لحف او جحر او

فتحه اذا كان في الباخره .

اما اذا كان في المناطق المفتوحه وهي لصيد الكنعد او الحمام او الدويلميه ( البركودا ) يفضل انها تكون بدايه

الرشه لأن هذا النوع من الأسماك ما يدخل جحور او لحوف .

اما بانسبه لأفضل انواع البنادق يعتمد على الشخص المستخدم والنوع الي يرتاحله بالنسبه لي انا افضل الربل عن

الهواء والسبب ان خراباته قليله وسرعة انطلاقه في افضل وبالنسبه لأفضل انواعه هو ( Riffe ) .

اما بالنسبه ايش الأفضل المناطق الممنوعه او القطع كلهم حلوين المهم غوص وصيد غالباً المناطق المفتوحه يكون

الصيد فيها زي ماذكرتلك قبل اما المناطق القطع يكون فيها الصيد هو الهامور الفسكر الشعري الشقر السبيطي .

وانت لك الخيار في الأفضل .

اما الصيد بحد ذاته بالنسبه لي انا شي اعتبره بصراحه يصعب الوصف بس الي اقدر اقول انه في دمي يعني ادمان

واسئل النواخذه غيري .

واسمحلي على التقصير .

وارجع اقدملك الشكر على هالموضوع الشيق الجميل .

تحياتي لك .

اخوك / بونواف

[gulfhunter]

عليكم السلام ورحمة الله وبركاته

ماشاء الله عليك أخوي ابونواف جاهز لأثراء الخيمه البحريه بخبراتك الكبيره(سردال) اعتقد انه اكبر من مجرد لقب........

تسلم أخوي ابونواف وماقصرت...... لكن تخبر ودنا في المزيد...... ياريت تعطينى من واقع خبرتك المسافه للصيد الهامور أو السبيطي او الشعري بينك وبين السمكه اللي ودك تصيده...........

وياريت لو توضح كيفية أختيار مواقع المياه المفتوحه.........

شكلي غثيتك ..... انت عارف لزيادة المعلومات ........ ودي اشيل منك جزء من الخبرات

Gulfhunter

[SRDAL]

امتنع عن ادلاء اي اجابه حتى تاخذلك دوره غوص يابوعبدالله ...تعرف اسرار مهنيه .

تحياتي لك .

بونواف

[gulfhunter]

ابداً خذا راحتك وعطنى اجابتك وخبراتك........... أبشرك عندي بطاقة غواص..... بس مافي فرصه للغوص.....

[MARINE]

السلام عليكم ورحمة الله وبركاته

ههههههههههه والله انك جبتها يا ابوعبدالله حلوة انت :good2:

لا وفي الصميم ابو نواف انت الان في وضع محرج

جاوب الرجال وخلني اشوف واذا عندي شئ زياده راح اقوله ان شاء الله تعالى

تحياتي لكم

MARINE

[gulfhunter]

السلام عليكم ورحمة الله وبركاته

حياك الله أخوي ابوخالد .... شكراً على الرد..... لكن وين خبرتك وين علومك...........في أنتظار ردك وأثرائك للموضوع .....

Gulfhunter

[MARINE]

السلام عليكم ورحمة الله وبركاته

حياك الله اخوي ابوعبدالله ابشر طال عمرك بس يقول المثل عط الحر فرصه

وخلنا نشوف النوخذه ابونواف ايش يقول ، واذا نقص شئ ان شاء الله راح اقوله

بس الظاهر انه راح يقولك كل شئ بالتفصيل الممل بعد ايه خابرينه نوخذه كبير

تحياتي لك

MARINE

[gulfhunter]

عليكم السلام ورحمة الله وبركاته

حياك الله أخوي ابوخالد........ ابد خذ راحتك ...... لكن ودي تحط تجربتك انت..... وماعليك من ابونواف وانت خابر كل واحد وله طريقته الخاصه........

Gulfhunter

[SRDAL]

السلام عليكم ورحمة الله وبركاته .

اخوي بوعبدالله لا تفرح واجد انت وبوخال انا لنا اكولك دوره غوص ما أقصد ان لازم تكون عندك البطاقه انا اقصد

فن الصيد والخبره وهذا ماتلقاه الى عندي ياكبتن ...

كان غيرك اشطر . :good:

srdal

[gulfhunter]

عليكم السلام ورحمة الله وبركاته

حياك الله اخوي بونواف ........ ماشاء الله عليك من الصبح داخل جامد..... ماأقول الإ الله يزيدك من خبرتك ويوفقك.......ومانستغنى ياسردال....... :j

Gulfhunter

[MARINE]

السلام عليكم ورحمة الله وبركاته

مساكم الله بالخير جميعا كيف صحتكم ان شاء الله بخير.

بما انني غواص اسياف سنوركل راح اقولك دوري وخبرتي الصغيرة في هالشئ

بالنسبه للأماكن المفتوحه مثل ابو قميص عندك فيه مرجان قديم وميت وصخور متباعده عن بعضها

هنا يجي دور الاحتراف ونوعية الصيد اللى تبيه نجي على الاسماك اللى تمر مرور مثل الحمام

هذا يجيك من بعيد ويقرب لمسافة متر ونص تقريبا ياخذ فرة ويبتعد هنا يجي دور الرامي واحترافه

يمديه يصيبها او لا ومن الاسماك المرارة الدويلمي وهذا ابو نواف يعرف قصتي معه

ايضا الكنعد والسكن.

نجي حق الشعري هذا يا طويل العمر يمر مرور الكرام ولا يعطيك وجه

هنا نقول انك بتعطيه طيار يعني كنك قاعد له بشوزن بس ها تذكر ان الحربه مربوطة بخيط يعني حق مسافه معينه.

نجي حق المتخلف السبيطي هذا القف سمكه شفتها في حياتي تقول ليش لانه يجي ويقولك خشمك

تشوفه عندك ابد لكن انتبه تتحرك بسرعه لانك ماراح تشوفه مرة ثانيه عطه حقه بأسلوب.

نجي للهامور هذا اغبى سمكه عرفها التاريخ اقولك ليه اذا كان بره وكنت تسبح برواقه وما تخبط في الماء

راح يقرب لعندك ويشوف ايش تسوي لا ويعطيك احسن مكان حق الضرب يعطيك راسه.

اما اذا كان بين الصخور هنا شغلة احتراف اذا قربت من الصخور راح دخل داخل اذا بعدت شوي

جا الحبيب يعطيك راسه يقولك تعال اضرب .

نجي حق الفسكر الفسكر تلقاه دايم بين الصخور في الليل ولا يتحرك وفي النهار لا يكون بره الصخور

يرعى وانت وشطارتك يا تصيب ياتخيب...

ان شاء الله اني قدرت افيدك واني ما طولت عليك بهالكلام....

تحياتي لك اخوك الصغير( انا الصغير مو انت انت بتصير جد) :) :p :D :hot:

MARINE

[gulfhunter]

عليكم السلام ورحمة الله وبركاته

حياك الله اخوي ابوخالد.... الله يمسيك بالخير..... ويسعدك...... شغل عدل.....هذا اللي نبيه.....تسلم وماقصرت...... ماشاء الله عليك شرح وافي....... من اخوي الصغير ابوخالد....


Gulfhunter

[SRDAL]

كفيت ووفيت يابوخالد .

ماشاء الله عليك خبره كبيرة وليست متواضعه كما تفضلت ... وعيني عليك بارده .

والله يوفقك في كل مكان تروحه .

srdal

[MARINE]

السلام عليكم ورحمة الله وبركاته

حياك الله اخوي ابو عبدالله ان شاء الله انك استفدت

جزاك الله الف خير اخوي ابو نواف هذا من طيبك طال عمرك

تحياتي لاخواني الكبار

MARINE

[gulfhunter]

السلام عليكم ورحمة الله وبركاته

اخوي بونواف صبحك الله بالخير..... الظاهر للحين ماطاب خاطرك ...... او نسيت.......او يمكن تناسبت.....

ان شاء الله على الوعد

Gulfhunter

[SRDAL]

السلام عليكم ورحمة الله وبركاته ...

صبحك بالخير اخوي بوعبدالله .

يا بوعبدالله ابشرك انا الحمد الله دوم خاطري طيب ... اما حكاية اني تناسيت بهاذي انت غلطان قصدك نسيت انا

معاك وياليت اتذكرني ... اما اذا قصدك الى قي بالي انسى الموضوع .

تحياتي لك .

بونواف

[gulfhunter]

الله يصبحك بالنور والسرور ويجعل يومك كله طيب......

الله يعين والله ماندري وش اللي في بالك ....... لكن أن شاء الله يكون خير......

وبالتوفيق

Gulfhunter

[SRDAL]

حيك الله اخوي بوعبدالله .

والله مافي بالي شي طال عمرك ... وصدقني مافيه الى كل خير .

بس انت الى قلت اني تناسيت ... انا ابسئلك وش الي تناسيته انا ... انا الذكرى تنفع المؤمنين .

والله يوفقك الجميع .

اخوك / بونواف

[gulfhunter]

هلابك بونواف .... الحدلله ان اللى في بالك خير .......

والله مومودي في داهي اللى التفكير للبعيد......

تراني أقصد معلومات عن الغوص فقط............... :o

GULFHUNTER

[غواص الغربيه]

موضوع جميل

[gulfhunter]

تسلم لي اخوي غواص الغربيه على مرورك العطر

[عقام جدة]

هلا وغلا اخوي gulfhunter
وموضوع متعوب عليه لكن ايش اقول
الاخوان SRDAL & MARINE
ماشاء الله عليهم ماقصروا وكفوا ووفوا
لهم منى اطيب تحيه ولجميع الاخوان

[غواص الشمال]

ماشاء الله مشرف خيمتنا الغالي ,, موضوع جيدومفيد ،، بالنسبة لأنواع مسدسات الصيد أنا من وجهة نظري البوشات الفرنسية الجديدة ( الكاربون) أعتبرها جيدة لصيد جميع أحجام الأسماك الكبيرة والصغيرة ويتأكد إستخدامها قرب الشعب المرجانية ، أما المياة المفتوحة فيمكن إستخدام الرايف الأمريكية لاسيما أثناء النهار وصيد التوين والترباني وماشابهها من الأسماك الكبيرة ، لك مني كل الود ،،

[هوا بحري]

ماشاء الله تبارك الله ...موضوع غني بالمعلومات
استفدت منه الكثير وخصوصاً أنه كان على شكل نقاش
ويضع النقاط على الحروف وفيه المشاركات والخبرات المتعدده
ونحن نفتقد لمثل هذه المواضيع التي تنمي القدرات والمعلومات
ومعلوماتك يا بوعبدالله ومعلومات الشباب كافيه و وافيه
عز الله ما قصرتوا


تقبلوا تحياتي

[gulfhunter]

هلا وغلا اخوي gulfhunter

وموضوع متعوب عليه لكن ايش اقول
الاخوان SRDAL & MARINE
ماشاء الله عليهم ماقصروا وكفوا ووفوا

لهم منى اطيب تحيه ولجميع الاخوان



هلابك اخوي عقام جدة

تسلم لي اخوي على مرورك الجميل ومن جد الأخوان مارين وابو نواف ما قصرو

بارك الله فيك

[gulfhunter]

ماشاء الله مشرف خيمتنا الغالي ,, موضوع جيدومفيد ،، بالنسبة لأنواع مسدسات الصيد أنا من وجهة نظري البوشات الفرنسية الجديدة ( الكاربون) أعتبرها جيدة لصيد جميع أحجام الأسماك الكبيرة والصغيرة ويتأكد إستخدامها قرب الشعب المرجانية ، أما المياة المفتوحة فيمكن إستخدام الرايف الأمريكية لاسيما أثناء النهار وصيد التوين والترباني وماشابهها من الأسماك الكبيرة ، لك مني كل الود ،،


حياك الله أخوي غواص الشمال

تسلم لي على المشاركه المفيدة ,,,, وكلام جميل

طبعاً اخوي بالنسبه إلى بنادق الصيد البحريه .... تعتمد اعتماد كلي على الصياد نفسه وعلى راحته إلى البندق ... بالنسبه لي انا ما استخدم الاّ الرايف مع ان عندي انواع اخرى لكن مرتاح مع الرايف ومن المهم جداً على كل واحد يصيد انه يحسب حساب البندف اللي عنده .....

باراك الله فيك

[gulfhunter]

ماشاء الله تبارك الله ...موضوع غني بالمعلومات

استفدت منه الكثير وخصوصاً أنه كان على شكل نقاش
ويضع النقاط على الحروف وفيه المشاركات والخبرات المتعدده
ونحن نفتقد لمثل هذه المواضيع التي تنمي القدرات والمعلومات
ومعلوماتك يا بوعبدالله ومعلومات الشباب كافيه و وافيه
عز الله ما قصرتوا



تقبلوا تحياتي



مرحبتين اخوي ابو يوسف

تسلم لي على الأطراء الجميل .... وافضل المواضيع اللي يكون النقاش فيها مفتوح

وما عليك زود يابويوسف

بارك الله فيك

[الموج العالي]

مشاء الله عيني عليكم بارده يا أهل الغوص

وفي ناس نوروا المنتدى ومن زمان عنهم

لاكن من لقى أحبابه نسى اصحابه

سردال / مارين

حياكم الله

ونورتونا من جديد

أدري نص الشباب ما يدرون وش السالفه

لاكن معليه يتعلمون مع الوقت

أبو خالد أعجبتني شغلة ( خشمك ) للسبيطي
لأني مره دخلت غوص وجاني سبيطي عطاني الشفه
هههههههه :good:

تحياتي لكم كلكم دون استثنا


وموضوع جميل جدا جدا جدا أخوي صياد الخليج

[gulfhunter]

حياك الله أخوي الموج العالي

يالله ماعلينا ,,, ما نقدر نقول شي بما ان ابو خالد وابو نواف احبابك

مشكور على مشاركتك الجميله