الطريقة الصحيحة لصيد البركودا

[المقناص2010]

يا اخوان عذبتني البركودا حطيت لها سمك سلس وشكيته بسيم حديد طوله 15سم وميدار مقاسه حلو


ورميتها من الطراد وبعد 10 دقايق ضرب معي ولكن انقطع الحبل:mad: :mad: وش العمل هل اطول السيم الحديد


وهل يوجد مقاسات للسيم الحديد علما بأن الحبل المستخدم مقاس 60 وموصل بحبل الحديد15سم




ابي الطريقه

[amam977]

البراكودا شكله يبلع الطعم والسيم حتى يوصل للخيط ويقطعه.
مقاس 60 لا بأس به..بس طول السيم لأنه 15 سم يعتبر قصير.. خليه 30 سم ...سمعنا أخبارك مع البراكودا ..وإن شاء الله نشوف صور صيدك قريباً...تحياتي

[المقناص2010]

البراكودا شكله يبلع الطعم والسيم حتى يوصل للخيط ويقطعه.
مقاس 60 لا بأس به..بس طول السيم لأنه 15 سم يعتبر قصير.. خليه 30 سم ...سمعنا أخبارك مع البراكودا ..وإن شاء الله نشوف صور صيدك قريباً...تحياتي

الا خبار بتوصل عن قريب

[قناص السعوديه]

اخويا ارمي له ساردين على وش المويا هو يطلع لك وبعدين تكون مجهز له الخيط المجهز وارمي له ولما يبلع على طول تسحب

[كنعد]

15سم صغير جدا

خلية 120 سم , متر ونص تقريباً او حتة 2 متر لان البركودا معروف انه يسبق الخيط يعني لما تجي تسحبة هو يجيك بسرعتة ممكن انة يوصل للخيط الرئيسي الي هو خيط نيلون عادي وممكن يقطعة , زي ماصار معاك لما حطيت 15 سم


والسيم حاول تخلية صغير يعني 40 ولا 30 لان الـ 60 ممكن يقطعة لاكن الـ 40 وا 30 يدخل بين اسنانة

والخيط الرئيسي الي هو النيلون يا 70 او 80 او حتى 60 بس يمكن يظرب عليك شي كبير وماتقدر تطلعة

والله يوفقك

بس لاتنسى تطول السيم الحديد اقل شي متر

[X P]

اكثر شي اطلعه هالبركودا

واحلى شي سحبته واول مايضرب يسحب وبعدها يرجع عليك تشوف الخيط ارتخى تقول خلااص راح وهو جاي بإتجاهك وعلى طول اسحب بسرعة قبل لايروح في الصخور ويلف لك الخيط

الخيط الي استعمله دايم 45 بيق قيم الي هو 25lb

والسيم مايتعدى 15 سم والبلد رقم 3

والمسافة بين البلد والميدار تقريبا 1 متر و10 سم

وعلى فكره مااصيده غير لمن احط له ميدارين او ثلااثه

الطعم المستخدم سلس كامل ميدار اطلعه من الخياشيم وواحد في البطن وواحد في الذيل هذا بس في حالة انك جربت له ميدار ويفلت

الميدار الرئيسي الموجود بالسيم هو الي طالع من الخياشيم والثانيه مربوطه في خيط ورابطها في المدور وحجمها 50 طبعا المدور الي جاي مع السيم لان من بعد السيم الخيط 45 بي قيم 25 Lb المقاس

هذا من على السيف طبعا وابد ارمي مسافة 40 متر تقريبا او اقل بشوي

وبقلك معلومه دايم يطلع في هالاوقات على الغروب او قبل الفجر او مع الفجر

وفالك طيب ان شاء الله

[المقناص2010]

15سم صغير جدا

خلية 120 سم , متر ونص تقريباً او حتة 2 متر لان البركودا معروف انه يسبق الخيط يعني لما تجي تسحبة هو يجيك بسرعتة ممكن انة يوصل للخيط الرئيسي الي هو خيط نيلون عادي وممكن يقطعة , زي ماصار معاك لما حطيت 15 سم


والسيم حاول تخلية صغير يعني 40 ولا 30 لان الـ 60 ممكن يقطعة لاكن الـ 40 وا 30 يدخل بين اسنانة

والخيط الرئيسي الي هو النيلون يا 70 او 80 او حتى 60 بس يمكن يظرب عليك شي كبير وماتقدر تطلعة

والله يوفقك

بس لاتنسى تطول السيم الحديد اقل شي متر




سلمت اخوي كنعد على هالخبره فعلا هذا الكلام الي جاني من اكثر من واحد وبالنسبه للميدار هل اقدر اني استخدم الميدار ابو ثلاث رؤؤس واشكه بالسلس

[كنعد]

سلمت اخوي كنعد على هالخبره فعلا هذا الكلام الي جاني من اكثر من واحد وبالنسبه للميدار هل اقدر اني استخدم الميدار ابو ثلاث رؤؤس واشكه بالسلس


ابو ثلاثة حلو لاكن بعض الاوقات يخونك

يعني يا يضرب يا يطلع من فم البركودا

لاكن ميدار ابو واحد يا يضربة في فمة او في بطنة من الداخل

لانه يبلعة بلع

بس يبغلك تحط ثلاث ميادير واحد بعد راس السلس وواحد في بطنة وواحد عند الذيل

باي طريقة اهم شي يكونون ورا بعض الثلاثة
يعني لاتسالني اشلون راكبهم ورا بعض ركبهم باي طريقة من خيالك

عموما البركودا غبي بيعض السلس من النص ويطير فية بكل قوتة عاد هو وحظة يظربة الميدار الي بلوسط او الي عند الراس او احياناً يظربة الي عند الذيل


وان شالله تزهق وانت تصيدة

[نبض الحياه]

http://www7.0zz0.com/2010/06/01/07/642972972.gif

[مشاغب السقالة]

اقل شىء نصف متر
15 سم مره قصير
فالك ال 20 كيلو ان شاء الله

[DIVE STAR]

عني انا الخيط 100 والمصفر ( السيم ) لا يقل عن 80 سم وسناره كبيره

واحط له حبه باغه كامله او ساردينه كبيره او شدب

وانزل الخيط نصف المويه وما هي الا لحظات ويجيك هوا

طبعا غالبا احجامها كبيره واخر متعه في التسحيب

تحياتي لك

[صياد متهور]

زي ماقلو لك الشباب 15 سم قصير مرة ساعات يبلع المتر ويقصل مو فوق وساعات يلحق على الخيط ويقصة انا اقولك وما اخالف طرق غيري في الصيد انا اشف السيم (السلك) 60 مرة حلو للبركودا طلعنا منهم احجام كبيرة بدا السيم والطعم حمام باغة كبير تقصة بالانصاف واحلى نص الديل بس في حرة اسويها دايم اشيل زعنة الديل وانبه كل واحد يرتاح لطريقته ولا اجبر احد اقوله صيج بطريقتي طرييقتك خطا والله معاك وبشرنا شلون

[ميتو أبو نقطة]

طول المصفر ولا ترخيله الخيط خليك شاد معاه على طوول ,,,
وبشرنا بالنتايج .

[ناجل سمار]

وعليكم السلام اعطيك طريقتي بصيده-بس عند الصيد حاول تكون سريع بالسحب لانه يسبق ويقطع الخيط
اربط السناره عادي جدا وجيب سناره ذات الحلقه وادخلها بالسناره المربوطه وخليها متعلقه وحط الطعم بالسناره المتعلقه - وجرب ووافيني بهذه الطريقه المبتكره تحياتي

[عويس جدة]

اخي العزيز

البرفسوووور كنعد اعطاك الكلام الصحيح والشرح الوافي

ومعي الايام والممارسة صدقني بطلعة بدون مصفر ولا بروسي ثلاثي
حيطلع معاك بخيط عادي وسنارة عادي جدا وكل مافي الامر انك تداري الخط عشان مايقصة يعني اذا شد ارخي وعامل الخيط كانك توجة بس وهو بيجيك من حالة
وصدقني حتتفاجا من غبائة انة جايك وهو عاض اللعفة بالسنارة مو بالعهااا يعني لو فتح فة كان تحرر ههههههههههه

بس تري غبائة سلاح ذو حدين توقع اي شي منة مثلا اذا جا عندك وشافك ممكن ينط عليك

تحياااتي

[زعيم البحر]

السلام عليكم شباب


بحمد الله يا شباب أنا أصيد البراكودا بدون حتى سيم حديد

يا شباب السر بالسحب

لازم ترمي الطعم و على طول تخلي الخيط مشدود وعلى استعداد للسحب و أول ما يظرب الباراكودا
اسحب على طول

مرات تحس انه أكل من أول ظربة و مرات يعطيك عضة إستكشافية للطعم بعديها على طول ياكل الطعم
و مرات يبلع الطعم أول ما ترمي قبل ما يوصل الطعم الأرض

لازم تكون مستعد للسحب بأي لحظة

وهذا من خبرتي المتواضعة و كل صيدي للبراكودا بدون سيم حديد

و هيك ما بلحق الباراكودا ياكل الخيط والسنارة بتصيد في زاوية الفم

جربوا و خبروني و ان شاء الله اكون فدتكم اخواني

[accentkool]

متر المضفر جدا مناسب للبراكودا
وزي ماقالو الاخوان لاتاخذ سميك واجد
وهو بالدمام دايم يضرب على الحمام
وبالتوفيق وان شاء الله تجيب راسة

[فهد 20011]

يعطيك العافيه اخوي

[alqamr]

انصحك باستخدام معلقة لامعه للصيد تراها تجيبه على وجه
http://www.williamsfishingspoons.com/site/resources/images/fishing-spoons-01-large.jpg